Þjóðviljinn - 02.07.1988, Blaðsíða 14
ALÞÝÐUBANDALAGIÐ
Sumardvöl
á Laugarvatni
Orlofsdvöl Alþýðubandalagsins á Laugarvatni í ár er vikuna 18.-24.
júlí. Umsjónarmenn í sumar verða þær Margrét Frímannsdóttir og
Sigríður Karlsdóttir.
Kostnaður fyrir vikuna er sem hér segir:
Fyrir 12 ára og eldri kl. 12.000.-
Fyrir 6-11 ára kr. 8.000.-
Fyrir börn að 6 ára aldri kr. 2.000.-
Enn eru nokkur pláss laus í þessa vinsælu orlofsviku og eru allir
sem áhuga hafa hvattir til að skrá sig strax á skrifstofu Alþýðu-
bandalagsins að Hverfisgötu 105. Síminn er 91-17500.
Alþýðubandalagið
Norrænt kvennaþing í Osló
Konur í Alþýðubandalaginu sem ætla til Osló!
Hafið samband við Margréti á flokksskrifstofunni, sími 17500. Við þurfum
að hittast, t.d. næsta mánudagskvöld.
Styrktarmannakerfi
Alþýðubandalagsins
Eyðublöð vegna styrktarmannakerfis Alþýðubandalagsins hafa verið send
út til flokksmanna.
Eru allir hvattir til að taka þátt í styrktarmannakerfinu og koma útfylltum
eyðublöðum til aðalskrifstofu.
Góð þátttaka er grundvöllur öflugs starfs. Verum minnug hins fornkveðna
að margt smátt gerir eitt stórt.
Gjaldkeri
Grímseyjarför
Alþýðubandalagsins á Norðurlandi eystra
[ ár verður sumarhátíðin haldin í Grímsey dagana 8.-10. júlí. Gist verður í
tjöldum við Félagsheimili Grímseyinga.
Samið hefur verið við Flugfélag Norðurlands um fargjöld og fjölskylduaf-
slátt.
Stjórn kjördæmisráðs og formenn Alþýðubandalagsfélaga veita nanari
upplýsingar og taka á móti þátttökutilkynningum. Nauðsynlegt er að láta
skrá sig sem fyrst.
Stjórn kjördæmisráðs
Austurland
Sumarferð í Jökuldalsheiði 9. júlí
Laugardaginn 9. júlí gengst Alþýðubandalagið á Austurlandi fyrir
skemmtiferð um Jökuldal, Hrafnkelsdal og Jökuldalsheiði.
Farið verður í rútum frá Egilsstöðum (söluskála KHB) kl. 9.00 að morgni
og komið aftur um kvöldið. Fargjald er kr. 900.-. Ferðir verða frá fjörðunum
til Egilsstaða eftir þátttöku og aðstæðum.
Skoðuð verður náttúra og rakin byggðasaga í leiðinni. Meðal annars verður
litið við á fornbýlum í Hrafnkelsdal og á eyðibýlum í Jökuldalsheiði.
í hópi leiðsögumanna verður Páll Pálsson frá Aðalbóli. Fararstjóri verður
Hjörleifur Guttormsson.
Hér er einstakt tækifæri að kynnast þessum slóðum í fylgd með staðkunn-
ugum. Ferðin er auðveld fyrir fólk á öllum aldri og allir velkomnir.
Væntanleglr þátttakendur eru beðnir að skrá sig sem fyrst hjá Ferða-
miðstöð Austurlands á Egilsstöðum, sími 12000.
Alþýðubandalagið - kjördæmisráð
ÆSKULÝÐSFYLKINGIN
Sumarferð í Þórsmörk
Sumarferðir Æskulýðsfylkingarinnar hafa ætið notið mikilla vinsælda. Að
þessu sinni verður farið í Þórsmörk helgina 15.-17. júlí.
Nánar auglýst síðar. Verði stillt í hóf. Skráning að Hverfisgötu 105, s. 17500
frá kl. 13.00-16.00 alla virka daga.
Allir velkomnir.
Framkvæmdaráð
ÆFAB
Stjórnarfundur
Fundur í stjórn ÆFAB verður haldinn í Skálanum, Strandgötu 41, Hafnar-
firði 8.-10. júlí n.k.
Dagskrá auglýst nánar síðar.
Framkvæmdaráð
Útgerðarmenn
Hrifnir af kvótakem
Sveinn H. Hjartarson hagfrœðingur LÍÚ: Nýsjálenska kvótakerfið
myndi hagrœða útgerð ennfrekar
Okkar fiskveiðistjórnun svipar
í stórum dráttum til þeirrar ný-
sjálensku, nema hvað hér eiga út-
gerðarmenn ekki kvótann. Eg er
mjög hrifínn af framkvæmd ný-
sjálenska kvótakerfisins og er viss
um að ef það yrði tekið upp hér
yrði öll hagræðing í útgerðinni
mun betri en nú er, segir Sveinn
H. Hjartarson hagfræðingur LIÚ
sem fylgst hefur með alþjóðafís-
kveiðiráðstefnunni sem lýkur á
Hótel Sögu í dag.
Sveinn sagöi að þróunin hjá
Nýsjálendingum eftir að kvóta-
kerfi þeirra kom í framkvæmd,
hefði orðið sú að floti þeirra hefði
þróast í þá átt að vera með stór
skip eða lítil. Hefðbundnir ver-
tíðarbátar hefðu alveg dottið
uppfyrir. Skýringin á því væri sú
að annaðhvort keyptu menn stór-
an eða lítinn kvóta.
Aðspurður hvort nýsjálenska
kerfið byði þá ekki þeirri hættu
heim að meirihluti kvótans safn-
aðist á hendur fárra og auðugra
útgerðarmanna, sagði Sveinn að
sú hætta væri að vísu alltaf fyrir
hendi ef engar hömlur yrðu settar
á kvótakaup. „En þó margt gott
sé að finna í kvótakerfi Nýsjál-
endinga munum við að sjálfsögðu
vinsa það úr sem hentar okkur
best ef svo skyldi fara að eitthvað
af þeirra kerfi yrði tekið upp
hér,“ sagði Sveinn.
Sveinn sagði ennfremur að
eftir að hafa hlustað á og kynnt
sér það sem aðrar þjóðir væru að
gera í fiskveiðistjórnun, hefði
hann sannfærst enn betur um að
okkar kvótakerfi væri byggt í að-
alatriðum á stefnu sem væri ár-
angursnk fyrir stjórnun fisk-
veiða. Hann sagði að það væru
engin skynsemisrök fyrir því í dag
að afnema kvótakerfið og ekki
væri lengur deilt um það.
Það er viðskiptadeild Háskóla
Íslands sem hefur veg og vanda af
ráðstefnuhaldinu og allt efni
hennar verður gefið út á næst-
unni. -grh
Krísuvíkursamtökin
Gangan
langa hafin
Leifur Leópoldsson lagði í gær
upp í sérkennilega gönguför.
Hann hóf gönguna í ijöruborðinu
á Reyðarfírði og ætlar að ganga á
36 dögum þvert yfir landið, enda
á utanverðu Snæfellsnesi. Heild-
arvegalengdin sem hann ætlar að
ganga er um 560 km.
Það er ekki beinlínis svo að
þetta sé úr lausu lofti gripin hug-
detta heldur ætlar Leifur með
þessu að vekja athygli á málstað
Krísuvíkursamtakanna og safna
áheitum fyrir þau. Hugmyndin er
sú að fyrirtæki gefi einn eða fleiri
kílómetra, en hver kílómetri er
verðlagður á 10 þúsund krónur,
og miðast þá við að áheit fáist
fyrir 5,6 miljónum króna, en það
er sú fjárupphæð sem á vantar til
að fyrsta áfanga endurreisnarinn-
ar á Krísuvíkurskólanum verði
lokið. Áheitunum er komið á
framfæri í símum 621005 og
623550.
Fyllsta aðgát verður höfð í
ferðinni og er búið að koma fyrir
birgðastöðvum víðsvegar á
leiðinni en björgunarsveitir fylgj-
ast með hverju fótmáli Leifs og
aðstoða hann, lendi hann í
minnsta vanda.
Leifur verður í talsambandi við
útvarpsstöðina Stjörnuna meðan
á göngunni stendur og lætur vita
um sína hagi reglulega.
-tt
Leifur Leópoldsson vígreifur og
hress við upphaf göngunnar í
gær. Hann hefur fjáröflunarher-
ferð Krísuvíkursamtakanna undir
kjörorðinu: Átak til hjálpar ung-
lingum í vímuefnavanda!
Skóladagheimili
Fóstrur bjóða samstarf
Ragnar Ragnarsson: Dagvist barnafengi 22pláss en við ráðstöfuðum
10. Getum boðið hœrri laun en borgin
í Dagvist barna er búið að sam-
þykkja tilboð tveggja fóstra um
að borgin kaupa á móti þeim hús
til reksturs skóladagheimilis í
Vesturbænum. - Talað hefur ver-
ið um að borgin fengi til ráðstöf-
unar 22 pláss fyrir börn ein-
stæðra foreldra og yrði gjaldið
það sama og á öðrum skóladag-
heimilium. Sjálf bjóðum við 10
pláss á kostnaðarverði, sem áætl-
að er að verði 24.000 kr. á mán-
uði fyrir allan daginn, sagði
Ragnar Ragnarsson sem nú er
forstöðumaður á Foldaborg. Til
samanburðar má geta þess að
gjöld á skóladagheimilum borg-
arinnar eru nú um 5.500 kr.
- Ég sá ekki að ég gæti fram-
fleytt mér og mínum í þessu starfi
sem ég hef áhuga á, nema reyna
nýjar leiðir, sagði Ragnar er hann
var spurður hvers vegna hann
ætlaði að gera tilraun með að
reka skóladagheimili.
- Við teljum okkur geta boðið
mun hærri en laun en borgin og
við fáum frjálsari hendur til að
kaupa það sem við viljum á
heimilið. Ragnar sagði að al-
mennt virtist gæta þreytu hjá
fóstrum með ástandið í dag.
Mannabreytingar væru örar,
Iaunin lág og litlir peningar til að
endurnýja á heimilinum.
Ef borgarstjórn samþykkir
kaupin er áætlað að heimilið
verði opnað í haust. Á fjárhagsá-
ætlun fýrir þetta ár var gert ráð
fyrir byggingu heimilis á Selja-
vegi, en dráttur hefur orðið á
framkvæmdum vegna samninga
um lóðarkaup.
Ragnar sagði að í þessu hverfi
væru 30-40 börn einstæðra for-
eldra á biðlista og foreldrar um 20
barna hefðu sent ákveðin svör
um að þeir vildu nýta sér þau 10
pláss, sem byðust á kostnaðar-
verði. Hann væri því bjartsýnn á
að dæmið gengi upp. -ipj
Tilkynningaskylda
Úlfur, úlfur
Valur Jónsson RE 80 fannst um
hádegisbilið í gær norðurundir
Malarrifí í Faxaflóa en hann hafði
ekki tilkynnt sig til Tilkynning-
askyldunnar kvöldið áður. Tveir
menn voru um borð og þegar
þyrla Landhelgisgæslunnar fann
bátinn voru þeir á skaki í mestu
makindum og höfðu verið undir
rifínu um nóttina.
Þjóðviljinn innti Eystein Guð-
laugsson starfsmann Tilkynning-
askyldunnar eftir viðbrögðum
við bátshvörfum sem þessu og
sagði hann mikil brögð vera að
því að menn gleymdu að tilkynna
sig.
- Það eru fleiri en bara þeir
sem eru útá sjónum sem þetta
skiptir einhverju. Aðstandendur
í landi verða að vonum hræddir.
Erindrekar Tilkynningaskyld-
unnar og Slysavarnafélagsins
hafa farið í ýmsar verstöðvar og
ítrekað fyrir sjómönnunum að til-
kynna sig til strandstöðvanna.
Fyrstu dagana eða vikurnar batn-
ar ástandið, en síðan fer allt í
sama farið.
-tt
14 SfÐA - ÞJÓÐVILJINN Laugardagur 2. júli 1988