Þjóðviljinn - 09.07.1988, Blaðsíða 6

pQq I lÚMiæðiwlolnim ríkisins
VERÐKÖMMUIM
Húsnæöisstofnun ríkisins hefur ákveðiö að láta fara fram
verðkönnun á byggingarefni og byggingarhlutum vegna
fyrirhugaðra framkvæmda við innréttingu eigin skrifstofu-
húsnæðis að Suðurlandsbraut 24 í Reykjavík. Gólfflatarmál
húsnæðisins er ca. 1600 m2.
Verðkönnun nær til alls þess byggingarefnis og byggingarh-
luta, sem þarf til þess að fullgera húsnæðið, sem nú er
tilbúið undir tréverk.
Helstu liðir eru:
Gólfefni ca. 1600 m2.
Niðurhengd loft ca. 1600 m2 (ásamt lýsingu með viðeigandi
lömpum).
Innveggir ca. 1600 m2 (nota skal veggjakerfi sem hægt er að
breyta, ásamt viðeigandi hillum og skápum).
Flísar á gólf og veggi votrýma ca. 250 m2.
Hreinlætis- og blöndunartæki.
Væntanlegum bjóðendum er frjálst að benda á lausnir og
efni, sem þeir telja frambærilegt, ásamt upplýsingum um
efnisgæði, liti, verð, uppsetningu o.fl.
Allar nánari upplýsingar um fyrirkomulag verðkönnunarinn-
ar, helstu magntölur, teikningar o.fl. er hægt að fá hjá Sigur-
bergi Árnasyni arkitekt FAÍ átæknideild Húsnæðisstofnunar
ríkisins, Laugavegi 77, 4. hæð, frá og með þriðjudeginum
12. júlí 1988.
Skilafrestur er til fimmtudagsins 21. júlí nk. kl. 16.00.
Við val á efni til verksins verður stuðst við ofangreinda
verðkönnun.
1 Imnæðisstoínun ríkisins
TÆKNIDEILD
Simi 696900

fziá
Til sölu fasteignir á
ísafirði og í Borgarfirði
Tilboð óskast í eftirtaldar húseignir: Pólgata 2 og
Hafnarstræti 16 (lóð), ísafirði. Stærð hússins
er 843 m3. Húsið verður til sýnis í samráði við Óla
M. Lúðvíksson, skrifstofustjóra sýsluskrifstof-
unnar á ísafirði, sími: 94-3733. Skólagata 10,
ísafirði. Stærð hússins er 613 m3. Húsið er til
sýnis í samráði við Ólaf H. Kjartansson, skatt-
stjóra, sími: 94-3788. Hjallavegur 11, ísafirði.
Stærð hússins er 936 m3. Húsið verður til sýnis í
samráði við Kristin Jónsson, Vegagerð ríkisins,
ísafirði. Bær III, Andakílshreppi, Borgarfirði.
Stærð hússins er 789 m3. Húsið verður til sýnis í
samráði við Rúnar Guðjónsson, sýslumann,
sími: 93-71205.
Tilboðseyðublöð liggja frammi í húsunum og á
skrifstofu vorri. Tilboðum sé skilað á skrifstofu
vora, Borgartúni 7, Reykjavík, fyrir kl. 11.00 f.h.
þriðjudaginn 19. júlí n.k., en þá verða þau opnuð í
viðurvist viðstaddra bjóðenda.
INNKAUPASTOFNUN RIKISINS
BORGARTÚNI 7.'PÓSTHÓLF 1450, 125 REYKJAVÍK.
Laus staða
Umsóknarfrestur um stöðu sérkennara við Æfingaskóla Kennara-
háskóla íslands er framlengdur til 20. júlí n.k.
Umsóknir sendist menntamálaráðuneytinu, Hverfisgötu 6, 150
Reykjavík.
Menntamálaráðuneytið,
5. júli 1988
AFMÆLI
Áttrœður
Steinn Stefansson
fyrrverandi skólastjóri
Mánudaginn 11. júlí er átt-
ræður Steinn Stefánsson, fyrrver-
andi skólastjóri á Seyðisfirði.
Steinn fæddist að Reynivöllum í
Suðursveit 11. júlí 1908. Foreldr-
ar hans voru Stefán, hreppstjóri,
trésmiður og bóndi að Kálfafelli í
Suðursveit, Jónsson, Porsteins-
sonar, og kona hans Kristín
Eyjólfsdóttir, hreppstjóra og
bónda að Reynivöllum.
Steinn óx upp á Kálfafelli, en
18 ára gamall hleypti hann
heimdraganum, gekk á unglinga-
skóla hjá Sigurði Thorlacius á
Djúpavogi og síðan á Kennara-
skóla og lauk kennaraprófi 1931.
Frekara nám síðar á ævinni:
Söngkennaranámskeið á Laugar-
vatni 1932. Sundkennaranám-
skeið í Reykjavík 1934. Skóla-
heimsóknir í Sovétríkjunum og
Kaupmannahöfn 1953. Skóla-
heimsókn á vegum danska kenn-
arasambandsins 1956. Fram-
haldsnám (í orlofi) 1957-1958:
Hljómfræði, organleikur og
flautuleikur í Reykjavík; enska
og skólamál í Englandi; söng-
kennsla og tónmyndun í Kaup-
mannahöfn.
Steinn hóf kennslu ungur að
árum. Farkennari var hann í
Suðursveit 1927-1929. Kennari
við Barnaskóla Seyðisfjarðar
1931-1945. Stundakennari á
Seyðisfirði 1933-1937. Kennari
við unglingaskóla á Seyðisfirði
1933-1946. Skólastjóri Barna- og
gagnfræðaskóla Seyðisfjarðar-
kaupstaðar 1946-1975. Skóla-
stjóri Iðnskóla Seyðisfjarðar
1965-1971.
Afskipti Steins af félagsmálum
eru m.a. eftirfarandi: Bæjarfull-
trúi á Seyðisfirði 1942-1954 og
1962-1966, sat í bæjarráði síðara
tímabilið. Varafulltrúi í bæjar-
stjórn 1938-1942 og 1958-1962.
Landskjörinn varaþingmaður
Sósíalistaflokksins 1953-1956. í
stjórn Sósíalistafélágs Seyðis-
fjarðar frá stofnun þess, lengst af
formaður. Formaður Barna-
verndarnefndar Seyðisfjarðark-
aupstaðar 1938-1946. Stofnandi
Kennarasambands Austurlands
1944 og formaður þess við og við.
Söngstjóri ýmissa söngsamtaka
frá 1939. Stjórnandi Samkórsins
Bjarma á Seyðisfirði frá stofnun
hans 1946. Kirkjuorganisti
Seyðisfjarðarkirkju og stjórn-
andi kirkjukórs 1955-1975. í
stjórn togaraútgerðarfélagsins
Bjólfs h.f. 1953-1957. í stjórn
íþróttafélagsins Hugins á Seyðis-
firði um ára bil. Var veittur ridd-
arakross Fálkaorðunnar 17. júní
1980.
Rit: 12 sönglög, gefin út af
söfnuði Seyðisfjarðarkirkju
1976, Fjölskyldusöngvar,
Reykjavík 1987. Skólasaga
Seyðisfjarðar, en hún verður gef-
in út nú á næstunni að tilhlutan
Seyðisfjarðarkaupstaðar. Mikill
fjöldi ritgerða og greina í blöðum
og tímaritum um áratugi.
Kona Steins Stefánssonar var
Arnþrúður Ingólfsdóttir fyrrum
bónda á Vakursstöðum í Vopna-
firði síðar verkamanns á Seyðis-
firði og formanns Verkamannaf-
élagsins Fram, Hrólfssonar, og
konu hans Guðrúnar Eiríksdótt-
ur. Arnþrúður fæddist 14. ágúst
1916 og andaðist 25. júní 1964.
Hún var systir Hrólfs, bæjar-
stjóra á Seyðisfirði og síðar
sveítarstjóra í Mosfellssveit,
Brynjólfs, ráðuneytisstjóra sam-
gönguráðuneytis, og Kristjáns,
fræðslustjóra Austurlands. Guð-
rún móðir Arnþrúðar var systir
Brynjólfs Eiríkssonar símaverk-
stjóra.
Börn Steins Stefánssonar og
Arnþrúðar Ingólfsdóttur eru:
Heimir, sóknarprestur og þjóð-
garðsvörður á Þingvöllum,
kvæntur Dóru Þórhallsdóttur;
Iðunn, rithöfundur í Reykjavík,
gift Birni Friðfinnssyni, aðstoð-
arráðherra; Kristín, fjöl-
brautaskólakennari og rithöf-
undur á Akranesi, gift Jóni Hálf-
dánarsyni eðlifræðingi; Ingólfur,
fjölbrautaskólakennari á Sel-
fossi; og Stefán, héraðslæknir á
Þingeyri.
Steinn Stefánsson er nú búsett-
ur að Laugarnesvegi 37 í Reykja-
vík. Hann tekur á móti gestum á
afmœlisdaginn í Safnaðarheimili
Laugarneskirkju milli kl. 16 og
19.
Æviganga manna er misjöfn og
af mörgum þáttum spunnin.
Sumir ganga um gáttir án þess
nokkur taki eftir, en skilja þó
eftir andblæ hins góða, hvar sem
gengið er.
Aðrir ganga fram í fremstu
röð, fara um með gusti og glaumi,
en skilja máske ekki eftir sig
merkjanleg spor, miðað við at-
ganginn.
Enn aðrir fara í fylkingar-
brjósti, fremstir í gleði og félags-
skap öllum, leggja hvarvetna lið,
þar sem liðsemdar er þörf. Hvar
sem þeir eiga ævispor er eftir
þeim tekið og af þakklæti þegið
framlag þeirra, óeigingjarnt f
annarra þágu, en um leið auðga
þeir eigið líf. Einn slíkur er átt-
ræður í dag og ætla ég mér ekki þá
dul að rekja átta tuga æviþráð nú,
en aðeins minna þar á, sem merl-
ar skírast í muna.
Hver skyldi svo sem trúa því,
að þessi kviki og íturhressi öð-
lingur, beinn í baki með bros á
vör, sé áttræður orðinn? En
kirkjubækur kveða svo að Steinn
Stefánsson hafi í heiminn fæðst
þennan dag - 11. júlí — fyrir átta-
tíu árum - og er þá ekki annað en
lúta því, enda lífshlaupið gott og
gjöfult. Ég hlýt auðvitað fyrst að
óska honum áframhaldandi góðs
gengis í glímunni við Elli kerl-
ingu, hún á greinilega langt í að
koma honum á annað kné, hvað
þá meir.
En mér er Steinn hugstæður og
kær fyrir marga hluti og alla
ágæta. Hann sameinar marga
ólíka eðlisþætti, allt frá alvöru-
þrunginni aðgát yfir í gleðinnar
geislaleik. Hæfileikar hans
spanna svo vítt svið, að ég efa
ekki að oft hafi verið erfitt að
velja, en hvarvetna hefur hann
nýtt þá góðum málum til fram-
gangs. Lífstrú hans er einlæg og
sönn, hann ann lífinu með lit-
brigðum þess og ljóma, skúrum
þess og skuggum, og sjálfur hefur
hann reynsluna og er ríkari af,
ríkari af víðsýni, umburðarlyndi
og næmum, skörpum skilningi á
mannanna misjöfnu högum.
Steini kynntist ég fyrst á vett-
vangi okkar aðalstarfs - kennsl-
unnar - þar sem hann var hinn
vaski og framsýni fullhugi með
frjóar hugmyndir, fullur áhuga á
öllum nýjungum og átti gnótt
ríkrar reynslu að baki, þar sem
nemandinn, þroski hans og heill
sátu ávallt í fyrirrúmi.
Það voru raunar engir aukvisar
í skólamálum sem fóru fyrir í
austfirzkum kennarasamtökum,
þegar mig bar þar að garði, ungan
og óreyndan. Þar voru, ásamt
Steini: Gunnar Ólafsson, Sigfús
Jóelsson og Skúli Þorsteinsson.
Allt voru þetta miklir skóla-
menn, sem margt var unnt að
læra af, allir samtaka um það að
auka veg og virðingu starfsins,
stuðla að alhliða menntun og
menningu, þar sem manngildið
ríkti efst og æðst. Og allir voru
þeir einlægir sósíalistar og sýndu
það m.a. í framsækinni skóla-
stefnu sinni svo og í umhyggju
sinni og alúð gagnvart þeim, sem
erfiðara áttu og aðstoð þurftu.
Ég hefi hitt mikinn fjölda nem-
enda Steins frá áratuga kennslu
hans og skólastjórn og þar hafa
ævinlega í öndvegi verið þökk í
þeli og vörm væntumþykja. Gott
er að eiga slíka sögu í jafn við-
kvæmu og vandasömu starfi og
vissulega er raunin um starf
kennarar. Þar reynir á svo ótal
marga þætti: ákveðni og stjórn-
semi, lipurð og lagni, hæfni og
miðlunarhæfileika, einlægan og
opinn hug og síðast en ekki síst
samkennd með nemendum sín-
um, þeim helzt, er örðugasta eiga
námsgönguna. Allt þetta átti
Steinn í öllu sínu farsæla leið-
sagnarstarfi og þar komu gáfur
góðar og gjöfull hugur að traustu
haldi.
Síðar átti ég kynni við sósíal-
istann Stein Stefánsson, hinn
óþreytandi boðbera samhjálpar
og félagshyggju, merkisbera
þeirra Seyðfirðinga um fjölda
ára, bæði í bæjarmálum og á
landsmálasviði. Hann hafði þar
ekki einungis boðun fram að
færa, heldur flutti hann kenning-
ar sínar og boðskap í verk og var í
fylkingarbrjósti um félagslega
uppbyggingu atvinnulífs á
Seyðisfirði, en á þeim grunni er í
raun ennþá byggt austur þar.
Honum hefur aldrei látið sú list
að látast og þó fylgi sósíalista væri
ekki sem skyldi miðað við
mannval þar í þessu vígi íhalds og
krata, og síðar maddömunnar, þá
kunnu Seyðfirðingar að meta og
nýta sér hæfileika Steins og hug-
myndaauðgi. Þar var vart svo
ráðið ráðum, að Steinn væri þar
ekki virkur sem jafnan í vörn og
sókn, - sér í lagi í sókn. Þar komu
bjartsýni hans og raunsæi í bland
sér mætavel.
Ég vænti að þessa þáttar Steins
verði getið í atvinnusögu
Seyðfirðinga að sömu verð-
leikum og í mennta- og menning-
arsögu bæjarins.
Og talandi um menningu þá
má eitt ekki gleymast: Söngsins
mál er Steini sérlega kært og
Seyðfirðingar nutu þessa ríku-
lega í kórstarfi, í kirkjunni, á
glitrandi gleðistundum og þegar
hátíð skyldi haldin. Steinn var allt
í senn: stjórnandinn, hljóðfæra-
leikarinn og lagasmiðurinn, en
lög hans mörg eru undraljúf og
falleg, eins og sprottin af innsta
eðli þessa ágæta drengs.
Ég rek ekki ætt og uppruna,
farsælt fjölskyldulíf né nefni þar
til nöfn að sinni. Það bíður níræð-
isafmælisins.
Ég gæti vissulega haldið áfram
lengi enn. Þökk á ég honum góða
að gjalda fyrir marga, mæta lið-
semd á þjóðmálasviðinu, fyrir
það hve sannur og einlægur hann
er, opinskár en sanngjarn í
gagnrýni sinni, innilegur í gleði
sinni, þegar gengið hefur vel.
Þessi síungi söngsins maður er
enn allra drengja glaðastur á góð-
um stundum og gleðifundum.
Enn vill hann láta sönginn hljóma
hátt og hefja okkur yfir argaþras
dægranna og andlaust stagl - upp
í gleðinnar volduga veldi.
Enn heldur hann hugarsýnum
heiðríkjunnar á loft og brýnir til
baráttu fyrir betra og réttlátara
þjóðfélagi.
Um leið og ég árna honum allra
heilla á hamingjudegi bið ég
hollvætti alla að gefa honum
áfram góða daga og gleðiríka tíð.
Helgi Seljan
6 SÍÐA - ÞJÓÐVILJINN Laugardagur 9. júlí 1988