Þjóðviljinn - 04.08.1988, Blaðsíða 3

FRÉTTIR
Verslun
Mikligarður í KRON
Þröstur Ólafsson ráðinn til samhœfingarverksins og ífrífrá Dagsbrún: Verðum að
bregðast skjóttvið. Ætlum okkur ekki að standa yfir eigin gröfum
Þröstur Ólafsson stjórnarfor-
maður í KRON og Mikiagarði
hefur verið ráðinn í óákveðinn
tíma til þess að hafa yfirumsjón
með samhæfingu eða sameiningu
helstu samvinnuverslana á höfuð-
borgarsvæðinu, og er kominn í
ótímasett leyfi frá störfum við
framkvæmdastjórn Dagsbrúnar.
Verið er að hrinda af stað hag-
ræðingu á öllum sviðum verslun-
arrekstrarins með það markmið í
huga að draga úr tilkostnaði og
lækka vöruverð.
Að sögn Þrastar Ólafssonar er
rekstarvandi íslensks atvinnuiífs
ekki bundinn við fiskvinnsluna
eina, verslun sem og önnur at-
vinnustarfsemi á við mikinn rek-
strarvanda að glíma. „Það er
mikilvægt að bregðast nógu fijótt
við svo menn standi ekki yfir sín-
um eigin gröfum.
Við ætlum hér að hagræða og
sameina rekstrarlega stjórn þess-
arara fyrirtækja. Ákvarðanir
verða teknar hér eftir sameigin-
lega um rekstur Miklagarðs og
KRON. Ef vel tekst til þá ætti að
vera hægt að lækka kostnaðinn
og halda vöruverði eitthvað
niðri. - Ég veit ekki fyrir víst hve
lengi ég verð með yfirumsjón í
Þröstur Ólafsson: Frí frá Dagsbrún til að gera samvinnuverslunina á höfuðborgarsvæðinu beittari. Úr
Kaupstað.
þessu verkefni en þetta tekur ein-
hvem tíma. Ég tók að mér að
hafa umsjón með þessu og þegar
því er lokið sný ég mér að öðru,“
sagði Þröstur.
KRON á allan Kaupstað og
52% í Miklagarði, en aðrir
eigendur eru SIS og Kaupfélag
Kjalnesinga. -gís.
Forstjóranefndin
Tillögur
eftir hálfan
mánuð
Einar Oddur Kristjáns-
sonformaður nefndar-
innar: Tökum til starfa
fyrir vikulok
„Við vonumst til að geta hafið
störf í ráðgjafarnefndinni fyrir
vikulok og skilað tillögum okkar
eftir hálfan mánuð um úrbætur í
efnahagsmálunum. Ég hef trú á
því að nefndarmenn komi til
starfans með opnum hug og reyni
að gera sitt besta. Þangað til
skulum við bara bíða og sjá til
hver afraksturinn verður," sagði
Einar Oddur Kristjánsson fram-
kvæmdastjóri Hjálms hf. á Flat-
eyri og formaður ráðgjafarnefnd-
arinnar í efnahagsmálum sem
forsætisráðherra skipaði í fyrra-
dag til að vera ríkisstjórninni til
halds og trausts um komandi
cfnahagsráðstafanir.
í nefndinni situr fyrir
Framsóknarflokkinn Jón Sig-
urðsson forstjóri Álafoss, en ekki
hafði Alþýðuflokkurinn skipað
sinn fulltrúa þegar síðast fréttist.
Aðrir nefndarmenn eru Ágúst
Einarsson varaformaður Sam-
bands fiskvinnslustöðva, Guðjón
B. Ólafsson forstjóri SÍS og Víg-
lundur Þorsteinsson formaður
Félags íslenskra iðnrekenda.
-grh
Eyðni
Smitiö
eykst
Upplýsingaherferð virð-
ist ekki bera árangur
43 einstaklingar hafa greinst
með eyðnismit frá því að mæling-
ar hófust hér á landi, þar af teljast
5 með alnæmi. Miðað við önnur
Evrópulönd er ísland 10. til 12. í
röðinni en var 1985-6 5. Þetta
kemur fram í nýlegri skýrslu frá
landlækni.
Skýrslan sýnir að útbreiðsla
smits meðal homma hefur haldið
áfram þrátt fyrir upplýsingaher-
ferð um smitvarnir. 71,4% smit-
aðra eru hommar eða tvíkyn-
hneigðir, 16,7% eru fíkniefna-
neytendur, 7,1% eru gagnkyn-
hneigðir og einn einstaklingur
hefur smitast við blóðgjöf.
Um 20% íslendinga á aldrin-
um 15-64 ára höfðu verið mót-
efnamældir vegna alnæmis í lok
júní á þessu ári og er það hærra
hlutfall en þekkist annarsstaðar.
1986-7 fölgaði verulega þeim
sem komu til mælinga, en engin
sambærileg aukning var meðal
þeirra sem teljast „lifa áhættu-
sömu lífi.“
Heilsugæslustöðvar um land
allt sjá nú um að taka blóðsýni og
senda til mótefnamælingar. iþ
Landakot
Stjómin
stöð
Á stjórnarfundi Landakots-
spítala í gær var ekki fallist á til-
lögur heilbrigðis- og fjármálaráð-
herra um stjórn og rekstur spítal-
ans, en farið fram á frekari við-
ræður. \
Tillögur ráðherranna, sem
settar eru fram sem forsenda fyrir
því að ríkisvaldið komi til aðstoð-
ar gera meðal annars ráð fyrir að
þriggja manna nefnd fari með
reksturinn til bráðabirgða, og séu
tveir af þremur skipaðir af ráð-
herrum.
Forstjóranefndin
Gengisfelling og kjaraskerðing
Ólafur Ragnar: Ráðherrarnirskjóta sér undan ábyrgð meðþvíað
panta gengisfellingu og kjaraskerðingu hjá forstjóranefndinni. Myrkir
miðvikudagar framundan?
etta er einstæð nefndar-
skipun, sagði Olafur Ragnar
Grímsson við Þjóðviljann í gær
um efnahagsráðgjafarnefndina, -
og verður ekki betur séð en að
með henni séu Þorsteinn Pálsson
og samráðherrar hans að skjóta
sér undan ábyrgð á væntanlegum
ráðstöfunum.
- Samsetning nefndarinnar
bendir eindregið til að henni sé
ætlað að gera tillögu um harka-
lega gengisfellingu og grimmilega
kjaraskerðingu. Þeir sem ráða
ferðinni í nefndinni hafa tönnlast
á þessu í fjölmiðlum síðustu vikur
og mánuði.
Þegar tillögurnar liggja fyrir
ætla ráðherrarnir sér að fram-
kvæma þær í skjóli þess að
ábyrgðin sé forstjóranna.
- Þessi nefndarskipun er þart-
að auki mjög varhugaverð stjórn-
arathöfn hjá forsætisráðherra
vegna þess að hún bendir ein-
dregið til gengisfellingar og
hlýtur því að ýta undir spákaup-
mennsku með gjaldeyri næstu
daga og vikur, sagði Ólafur.
-m
Fiskvinnslan
Úthaldið er að bresta
Formaður Sambandsfrystihúsanna: Astandið alvegferlegt. Uppsagnirnar hjá Meitlinum í
Þorlákshöfn aðeins báran á undan öldunni. Fjölmörg hús loka í haust effer sem horfir
Að öllu óbreyttu má búast við
því að fjölmörg frystihús loki með
haustinu þar sem tekjur þeirra
minnka sífellt samfara auknum
kostnaði við reksturinn. Verst er
staðan hjá frystingunni en hún er
rekin í dag með minnst 10% tapi.
Þessa dagana liggja margir flsk-
vinnslumenn undir feldi með
reksturinn í naflaskoðun og spá í
það hvort einhver glóra sé í því að
halda rekstrinum áfram. Sérstak-
lega kvíða menn haustinu sem
venjulega er mjög erfiður rekstr-
artími fyrir flskvinnsluna.
Að sögn Tryggva Finnssonar
forstjóra Fiskiðjusamlags Húsa-
víkur og formanns Sambands-
frystihúsanna eru nýlegar fjölda-
uppsagnir hjá Meitlinum hf. í
Þorlákshöfn þar sem sagt var upp
190 manns aðeins báran á undan
öldunni sem mun sópa atvinnuör-
yggi fiskvinnslufólks fyrir róða
með ófyrirsjáanlegum afleiðing-
um fyrir alla landsmenn ef fer
sem horfir. Tryggvi sagði að tekj-
ur fiskvinnslunnar stæðu engan
veginn undir rekstrarkostnaðin-
um þrátt fyrir að reynt hefði verið
að liðka fyrir honum með tveim
gengisfellingum á árinu því ekk-
ert lát virðist vera á kostnaðar-
hækkunum innanlands samfara
minnkandi tekjum með lækkandi
afurðaverði á erlendum mörku-
ðum.
„Rekstrarstaðan er hreint út
sagt alveg ferleg. Lausafjárstað-
an versnar sífellt og háir vextir
hleypa fjármagnskostnaðinum
upp úr öllu valdi. Til þess að rétta
ástandið við og efla samkeppnis-
aðstöðu okkar gagnvart keppi-
nautum okkar á erlendum
mörkuðum verðum við að lifa í
efnahagslegu umhverfi sem gerir
það kleift. Minnka verðbólguna
niður í það sem gengur og gerist
meðal nágrannaþjóða okkar og
lækka fjármagnskostnaðinn
ásamt auknum tekjum fyrir fisk-
vinnsluna. Ef þetta gerist ekki
von bráðar stefnir allt í fjölda-
uppsagnir og lokanir fiskvinnslu-
fyrirtækja út um allt land með
haustinu," sagði Tryggvi Finns-
son á Húsavík. -grh
Fimmtudagur 4. ágúst 1988 pJÓÐVILJINN - SÍÐA 3
Forstjóranefndin
Kratinn ókominn
Alþýðuflokkurinn hafði ekki
skipað fulltrúa sinn í forstjóra-
nefnd forsætisráðherra þegar
Þjóðviljinn hafði samband við
Guðmund Einarsson fram-
kvæmdastjóra flokksins um
kvöldmatarleytið í gær.
Það er óvenjulegt að tilkynnt
sé um nefndarskipun af þessu
mikilvægi án þess að fullskipað
hafi verið í hana, og vekur athygli
að það skuli ekki hafa verið gert í
gær. Gera má ráð fýrir að Alþýð-
uflokksforystan sé með drættin-
um að gefa um það merki að
nefndarskipunin sé henni lítt að
skapi, enda telur Alþýðuflokkur-
inn sig vera með tvo fremstu
efnahagssérfræðinga sína í ráðu-
neytum í ríkisstjóminni, einmitt
þá ráðherra sem nefndin á að
gefa ráð. -m
1