Þjóðviljinn - 10.11.1988, Blaðsíða 7
Lesendakönnun Þjóðviljans
Skýr vinstri sérstaða
Lesendur vilja pólitískan Pjóðvilja en virðast leggja áhersluásjálfstœð vinnubrögð, vönduð og heiðarleg.
Peir eru þokkalega hressir með blaðið en krefjastþess að gert sé enn betur
Stundum er Þjóðviljinn helsti
neikvæður, of fræðilegur eða
með hálfgert nöldur, en oftar er
hann þó skemmtilegt blað í nokk-
uð skýrri sérstöðu meðal ís-
lenskra fjölmiðla. Þetta virðist
dómur lesenda um blaðið í les-
endakönnun sem fram fór í sumar
og byrjað var að segja frá í blað-
inu á þriðjudag, en þá var fyrst og
fremst skýrt frá svörum um ein-
staka efnisþætti.
f könnuninni var einnig spurt
um almenn viðhorf til blaðsins,
og þar kom vel í ljós að lesendur
telja blaðið hafa skýra vinstri sér-
stöðu. Sú sérstaða hlýtur að vera
lesendum að skapi, því ýmis svör
gefa í skyn kröfu um enn beittari
pólitík.
í fyrri frásögn af könnuninni í
þriðjudagsblaðinu var einkum
fjallað um einstaka efnisþætti, og
verður hér skýrt frá viðbrögðum
almennara eðlis. f þessum hluta
könnunarinnar var slegið fram
ýmsum fullyrðingum um blaðið,
jákvæðum og neikvæðum, og
svarendum gefinn kostur á að
merkja við hvort þeir voru „sam-
mála“ - „frekar sammála" -
„bæði og“ - „frekar ósammála"
eða „ósammála“. Niðurstöð-
urnar voru svo reiknaðar þannig
að ,jammála“ jafngilti 1, en „ó-
sammála“ 5, síðan lagt saman og
deilt í. Lág tala, nálægt 1, merkir
að margir lesendur samsinna full-
yrðingunni en ef flestir lesendur
eru ósammála er talan há, í áttina
að 5.
Sumum fullyrðingum átti svo
að svara með: alltaf - oft- stund-
um - sjaldan - aldrei, og var þá
reiknað á sama veg.
Ekki síðdegis
f þeim almennu fullyrðingum
sem lesendur voru beðnir að taka
afstöðu til kennir margra grasa.
Til dæmis eru lesendur eindregið
á því að Þjóðviljinn eigi að vera
morgunblað, - fullyrðing um að
Þjóðviljinn sé betur kotninn sem
síðdegisblað fékk einkunnina 4,6
— mitt á milli „frekar ósammála"
og „ósammála“. Þá var meiri-
hluti svarenda á móti hugsanlegri
sameiningu „Blaðaprentsblað-
anna“ þriggja. Þeirri fullyrðingu
var slegið fram að skynsamlegt
vœri að sameina Þjóðviljann, Tím-
ann og Alþýðublaðið og stofna nýtt
vinstri málgagn til mótvœgis við
DV og Morgunblaðið. Þessi full-
yrðing fékk töluna 3,4. Rúmur
helmingur segist vera frekar eða
alveg ósammála en um það bil 20
prósent er frekar eða alveg sam-
mála.
Útlit Þjóðviljans er í góðu lagi
samkvæmt könnuninni. Spurning
um það fær 2,2 - og samkvæmt
könnuninni er dreifing blaðsins í
þokkalegu lagi, fullyrðing um að
blaðburðurinn væri yfirleitt viðun-
andi fékk samþykki uppá 1,7.
Fræðilegur,
skemmtilegur,
nöldrandi?
Stundum finnast lesendum
greinaskrif í blaðinu of löng og
frœðileg. Fullyrðing um slíkt fær
töluna 3,2. Oftar er Þjóðviljinn
þó skemmtilegur aflestrar, - sú
staðhæfing fékk samþykki uppá
2,7 - sem er á milli „oft“ og
„stundum", þó mun nær „stund-
um“ en oft, og niðurstaðan verð-
ur þá sumsé - einsog Flosi mundi
sjálfsagt segja: stundum ekki
nógu oft.
Þjóðviljinn má greinilega gæta
sín á því að gagnrýnin viðhorf og
pólitískt mat útvatnist ekki í
kvart og kvein. Að vísu er meðal-
svarið réttu megin við miðju við
fullyrðingu um neikvœðan nöld-
urtón í Dlaðinu (3,1), en þó mjög
nálægt því að teljast „stundum".
Heiðarleiki, vöndun
Mun jákvæðari eru svörin í
garð blaðsins þegar spurt er hvort
menn hafi orðið varir við óvandað-
anfréttaflutning. Orðalag fullyrð-
ingarinnar gefur því frekar undir
fótinn að menn séu sammála, en
niðurstaðan er þó 3,5 - mitt á
milli stundum og sjaldan.
Þegar sama fullyrðing er orðuð
á jákvæðari hátt fyrir blaðið er
niðurstaðan ótvíræðari: menn
samsinna uppá töluna 2,1 fullyrð-
ingu um að Þjóðviljinn sé yfirleitt
heiðarlegur í fréttaflutningi.
Þá virðast lesendur á því að
blaðamenn eigi að gæta heldur
meiri stillingar við fréttaskrifin.
Svartalan er 3,1 við fullyrðingu
um að persónulegar skoðanir
blaðamanna séu of áberandi í
fréttaflutningi blaðsins: sumsé
„bæði og“. En hér um eru lesend-
ur reyndar alls ekki á einu máli, -
tveir fimmtu svarendanna eru
(frekar eða alveg) sammála og
aðrir tveir fimmtu (frekar eða al-
veg) ósammála.
Hiklaust til vinstri
Lesendur í könnuninni líta á
Þjóðviljann sem málgagn vinstri-
manna. Mikið var tekið undir.
fullyrðingu um að Þjóðviljinn
hafi skýra sérstöðu meðal dagblað-
anna og sé ótvírœtt málgagn
vinstrihreyfingar, og var talan um
samþykki 1,9. Það var líka undir
það tekið að stíll og sérstaða Þjóð-
viljans í pólitískum skrifum væri
skýr (2,3) - um tæplega tveir
þriðju svöruðu með „oft“ eða
„alltaf".
Lesendur vilja líka hafa Þjóð-
viljann enn pólitískari: Staðhæf-
ingu um að Þjóðviljinn sé ekki
nógu hvass í pólitískri ádrepu var
samsinnt með tölunni 2,4. Menn
greinir hinsvegar mjög á um það
hvort blaðið á að birta fleiri frétt-
ir og viðtöl sem lýsa skoðunum
andstœðinga vinstrihreyfingar.
Meðal-svartalan er 3,0 („bæði
og“) sem lýsir því að um 40 pró-
sent eru (frekar eða alveg) sam-
mála og 40 prósent (alveg eða
frekar) ósammála. Menn vilja
hinsvegar mjög gjarna heyra
meira af vinstrimönnum erlendis,
einsog fram kom í fyrri grein um
lesendakönnunina (síðasta
þriðjudag).
Sjálfstætt mat
Þjóðviljinn á að vera pólitísk-
ur, og það er augljóst að lesendur
telja hann í sömu fjölskyldu og
Alþýðubandalagið. Sett var fram
fullyrðingin „Þjóðviljinn á að
koma skoðunum Alþýðubanda-
lagsins á framfœri“, og svartalan
var 2,0, þessu eru lesendur flestir
sammála. Þessi spurning var
hinsvegar ekki nógu vel orðuð
hjá okkur Þjóðviijamönnum.
Sögnin „að eiga“ er tvíræð í setn-
ingunni, og má annarsvegar
skilja sem svo að sá sem svarár sé
að lýsa skoðun sinni (hann vilji
eða vilji ekki að blaðið tali fyrir
flokkinn) en hinsvegar að svar-
andinn sé að dæma um sannleiks-
gildi staðhæfingar án þess að lýsa
eigin áliti (Þjóðviljinn hafi þetta
flokkshlutverk hvað sem hver
segir).
Hvað sem þessu líður er
augljóst að lesendur vilja að mál-
gagn sósíalisma, þjóðfrelsis og
verkalýðshreyfingar tali sjálf-
stæðri röddu. Ein fullyrðinganna
var þessi: Þjóðviljinn á ekki að
vera málsvari forystumanna sam-
taka launafólks, heldur leggja
sjálfstœtt mat á launabaráttuna.
Svörin eru ótvíræð, meðaltalan
1,6. Innanvið típrósent svarenda
lýstu sig (alveg eða frekar) ósam-
mála.
Lesendur og
Alþýðubandalagið
Vegna fyrrgreindra fjölskyld-
utengsla Þjóðviljans og Alþýðu-
bandalagsins þótti við hæfi að
kanna hug lesenda Þjóðviljans til
flokksins, og voru lesendur í
könnuninni beðnir að taka af-
stöðu til þessarar fullyrðingar:
Pólitísk stefna og starf Alþýðu-
bandalagsins fellur oftast að við-
horfum mínum í stjórnmálum.
Niðurstöðutalan var 2,4 og
sýnir að í heildina eru lesendur
hlynntir flokknum en þó engan-
veginn allir ákveðnir flokks-
menn. Um 60 prósent svarenda
svöruðu með „alltaf" eða „oft“,
aðeins um sjö prósent með
„sjaldan" eða „aldrei". Tæpur
þriðjungur svarar með „stund-
um“.
í framhaldi af þessu var svo
spurt hvert viðhorf svarenda
hefði verið til sömu fullyrðingar-
innar fyrir um það bil áratug. Tal-
an úr því dæmi var 1,9- lesendur
telja sig hafa staðið nær Alþýðu-
bandalaginu þá en nú, og má lesa
úr nánari tölum að 15—20 prósent
þeirra sem svara telja sig hafa
stutt flokkinn nánast gegnum
þykkt og þunnt fyrir áratug en
séu nú mun gagnrýnni á flokkinn.
Einsog áður hefur verið frá
skýrt voru það félagsfræðingarnir
Þorbjörn Broddason og Kristinn
Karlsson sem önnuðust þessa les-
endakönnun í samráði við fram-
kvæmdastjóra og ritstjórn. Þjóð-
viljinn kann þeim fyrir hinar
bestu þakkir og hótar hérmeð að
taka annan þeirra eða báða á
beinið bráðlega til að heyra
þeirra álit á niðurstöðunum.
A
KÓPAVOGSKAU PSTAÐUR
Hugmyndasamkeppni
um
í Fífuhvammslándi.
Kópavogskaupstaður efnir til hugmyndasamkeppni um skipulag í Fífuhvamms-
landi. Um er að ræða almenna keppni samkvæmt samkeppnisreglum Arkitektafé-
lags (slands.
Keppnissvæðið.
Keppnissvæðið erdalur, Fífuhvammsland, sem afmarkastaf Reykjanesbraut, fyrir-
huguðum Amarnesvegi og bæjarmörkum Reykjavíkurog Kópavogs.
Keppnislýsin
Keppnislýsing er ókeypis, en önnur gögn fást afhent hjá trúnaðarmanni dómnefndar
gegn 5.000 króna skilatryggingu. Skila skal tillögum til trúnaðarmanns í síðasta lagi
þriðjudaginn 28. febrúar 1989 kl. 18:00 að íslenskum tíma.
Verðlaun.
Heildarupphæð verðlauna er 6 milljónir króna. Veitt verða þrenn verðlaun þar sem 1.
verðlaun eru að minnsta kosti 3 milljónir króna. Auk þess hefur dómnefnd heimild til
að kaupa tillögur til viðbótar fyrir samtals 1 milljón króna.
Þátttaka.
Heimild til þátttöku hafa allir íslenskir ríkisborgarar.
Trúnaðarmaður.
Trúnaðarmaður dómnefndar er Ólafur Jensson, framkvæmdastjóri Byggingaþjón-
ustunnar, Hallveigarstíg 1, pósthólf 1191,121 Reykjavík, sími 29266. Heimasími
39036.
Dómnefnd.
Dómnefnd skipa: Tilnefnd af Kópavogsbæ: Kristinn Ó. Magnússon, verkfræðingur,
Ólöf Þorvaldsdóttir, skipulagsnefndarmaður og Richard Björgvinsson, bæjarfulltrúi.
Tilnefnd af Arkitektafélagi Islands: Guðrún Jónsdóttir, arkitekt og Hróbjartur Hró-
bjartsson, arkitekt. Ritari dómnefndarer Birgir H. Sigurðsson, skipulagsfræðingur.
Bæjarstjóri.
Fimmudagur 10. nóvember 1988 ÞJÓÐVILJINN - SÍÐA 7