Þjóðviljinn - 08.03.1989, Blaðsíða 2

FRETTIR
Pýskalandsmarkaður
Verðfall vegna offramboðs
LÍÚ: Karfakílóið úr80 krónum Í51,78. Ástœðan helmingi meiri
gámaútflutningur og útflutningur á karfaflökum meðflugi. Ögurvík
hf: Verðfallið með ráðnum hug. Utanríkisráðuneytið: Þegirþunnu
hljóði
Verðfall varð á ferskfiskmark-
aðnum í Þýskalandi í gær
vegna offramboðs af fiski héðan.
Að meðaltali seldist karfakflóið á
80 krónur í síðasta mánuði en fór
niður í 51,78 krónur í gær.
Að sögn Vilhjálms Vilhjálms-
sonar hjá Landssambandi ís-
lenskra útvegsmanna eru ástæður
verðfallsins einkum þær að um
600 tonn af gámafiski eru væntan-
leg á markaðinn í þessari viku,
sem er helmingi meira magn en
hefur verið. Jafnframt er pirring-
ur í þýskum fiskkaupmönnum
vegna mikils útflutnings íslenskra
aðila á karfaflökum með flugi á
markaðinn.
í gær seldi Vigri RE 248 tonn af
karfa í Þýskalandi fyrir 12,8 milj-
ónir króna og var meðalverðið
51,78 krónur. I fyrradag seldi þar
í landi Sturlaugur H. Böðvarsson
AK 207 tonn fyrir 13,6 miljónir
króna og var meðalverðið 65,86.
Að sögn Gísla Jóns Hermanns-
sonar hjá Ögurvík hf., sem gerir
út Vigra RE, er þetta offramboð
á markaðnum alveg óskiljanlegt
og næsta víst að þetta sé gert með
ráðnum hug af hérlendum
stjórnvöldum sem hafa í hendi
sér alla stjórnun á fiskútflutningi
héðan.
Vegna verðfallsins eru þeir út-
gerðarmenn sem eiga pantaða
söludaga fyrir skip sín í næstu
viku ytra, dauðhræddir um fram-
vindu mála. Þá seljaóíslensk skip
í Þýskalandi alls um 1400-1500
tonn af karfa. Sú vika hefur í
gegnum árin verið sú besta vegna
þess að páskahátíðin er á næsta
leiti og hápunktur föstunnar, en
sem kunnugt er neyta kaþólskir
sem eru fjölmennir í S-
Þýskalandi einungis fiskmetis á
þeim tíma.
Samkvæmt upplýsingum frá
LÍÚ hefur samráðsnefndin um
fiskútflutning með gámum ekki
komið saman til fundar það sem
af er þessu ári. Hún var sett á
stofn um mitt síðasta sumar til að
koma í veg fyrir óheftan útflutn-
ing sem hafði leitt til verðfalls
eins og nú. Stefán Gunnlaugsson
hjá viðskiptaskrifstofu utanríkis-
ráðuneytisins vildi hins vegar
ekki tjá sig neitt um málið að svo
stöddu.
-grh
Sjúkraliðar
Ósáttir við
lagafrumvarp
Stjórn Sjúkraliðafélags Islands
er ekki allskostar ánægð með
frumvarp það til laga um sjúkra-
liða sem nú er til umfjöllunar á
alþingi.
Hugmyndin með því að breyta
lögum um sjúkraliða er sú að
auka sveigjanleika við ráðningu
þeirra og gera kleift að láta þá
starfa sjálfstæðar en verið hefur,
þ.e.a.s. án þess að hjúkrunar-
fræðingur segi þeim fyrir verkum
í stóru og smáu.
Stjórn sjúkraliðafélagsins telur
nokkuð skorta á að frumvarpið
rími við þetta markmið. Formað-
ur félagsins, Kristín Guðmunds-
dóttir, sagði í samtali við Þjóð-
viljann í gær að tvennt ylli óá-
nægju. Annars vegar að sjúkra-
liðum yrði gert að sækja um
heimiid til heilbrigðisráðuneytis-
ins í mýmörgum tilfellum; td.
hygðust þeir starfa með sjúkra-
þjálfurum.
Síðari athugasemdin snerti
muninn á því að sjúkraliðar störf-
uðu sumir á svonefndu hjúkrun-
arsviði eða allir, þ.e.a.s. muninn
á orðalaginu „sjúkraliði starfar á
hjúkrunarsviði" einsog stendur í
frumvarpinu eða „sjúkraliði sem
starfar á hjúkrunarsviði“ einsog
sjúkraliðar vilja sjálfir. ks
“irmtií*. ... _

*

Húsvíkingar vilja bæta hag undirstöðuatvinnugreinanna í landinu.
Húsavík
Kvóta skipt á milli verstöðva
Atvinnumálanefnd og bæjarstjórn: Snúum vörn ísókn til bœttra
lífskjara með því að skjóta nýjum stoðum undir atvinnulífið
#1 stjórn Húsavíkur telja að geri
stjórnvöld ekki viðeigandi ráð-
stafanir strax til að fiskvinnsla og
útgerð verði arðbær að nýju, sé
dýrkeypt og sársaukafullt hrun
atvinnulífsins í landinu fyrirsjá-
anlegt.
Grunnskólar
Námsskrá hjá ráðherra
Ný aðalnámsskrá grunnskóla í gagnið fyrir mánaðarlok
Drög að aðalnámsskrá grunn-
skóla liggja nú á borði
menntamálaráðherra sem hyggst
gefa þau út fyrir mánaðarlok svo
þau verði lögð til grundvallar í
skólastarfi á ári komanda.
Þetta kom fram í máli Svavars
Gestssonar menntamálaráðherra
á alþingi í fyrradag. í samtali við
Þjóðviljann sagði hann nýja aðal-
námsskrá lengi hafa verið í
deiglunni og eitt helsta bitbein
manna í skólamálaumræðu und-
anfarinna ára. Forverar hans í
embætti menntamálaráðherra
hefðu farið offari í því máli.
Hópur manna er vann að nýrri
aðalnámsskrá hefði verið rekinn
Bœkur
Er ráð að gefa út á bókamarkaði?
Mál og menning gaf nýlega út
tvær bækur í stóru kiljubroti sem
áður höfðu komið út innbundnar
hjá útgáfunni, Hús andanna eftir
Isabel Allende og Óbærilegur
léttleiki tilverunnar eftir Milan
Kundera. Seldi útgáfan bækurn-
ar á tilboðsverði til kynningar og
dreifði þeim meðal annars á
bókamarkaði í Kringlunni og
bókaverslunum Máls og menn-
ingar. Bækurnar voru á svipuðu
verði og tveggja ára gamlar inn-
bundnar bækur og seldust mjög
vel að sögn Árna Kr. Einars-
sonar framkvæmdastjóra.
frá störfum haustið 1984 og síðan
hefði málið verið í einskonar bið-
stöðu. Menntamálaráðherra fyrri
stjórnar, Birgir ísleifur Gunnars-
son, hefði síðan ætlað að „þræla
út aðalnámsskrá án nægilegs
samráðs við samtök kennara og
foreldra og nauðsynlegar skóla-
stofnanir“.
Sjálfur hefði Svavar haft annan
hátt á. Það hefði verið hans fyrsta
verk í menntamálaráðuneytinu
að fela fulltrúum kennara, for-
eldra, Háskólans og Kennarahá-
skólans auk skólaþróunardeildar
ráðuneytisins að leggja drög að
nýrri aðalnámsskrá grunnskóla.
Þessi drög væru sem sé til reiðu
nú og yrðu óbreytt að aðalnáms-
skrá grunnskóla.
ks
í nýlegri samþykkt um at-
vinnumál segir að aðgerða- og úr-
ræðaleysi stjórnvalda og vaxta-
stefna lánastofnana, sem jaðri
við okur, sé á góðri leið með að
koma undirstöðuatvinnugrein-
unum á kné. Með þessu hafi tek-
ist að éta upp mest allt eigið fé
fyrirtækja á Húsavík og annars
staðar á landinu, þannig að þau
eigi ekki fyrir skuldum. Laun
verði ekki greidd og rekstur muni
því sjálfkrafa stöðvast.
Til að snúa vörn í sókn leggur
atvinnumálanefnd Húsavíkur
áherslu á eftirfarandi: „Stjórn-
völd skapi nú þegar útgerð og
fiskvinnslu bætt skilyrði til rek-
strar, með lækkun fjármagns-
kostnaðar, styrkri markaðssókn,
stjórnun fjárfestingar og skipt-
ingu kvóta á milli verstöðva. Út-
gerð verði gert skylt og kleift að
koma með allan afla að landi,
ásamt lifur, gotu og innyflum, til
að tryggja hámarksnýtingu þeirra
verðmæta sem kvótinn er.
Strangar reglur verði settar á út-
flutning á óunnum ferskum fiski
með það að markmiði að há-
marksarðsemi verði af veiðum og
vinnslu til samans. Unnið verði
að nýtingu nýrra fiskistofna svo
og að fullvinnslu afla í ríkari mæli
en gert hefur verið, í þeim til-
gangi að skjóta nýjum stoðum
undir atvinnulífið og tryggja nýja
sókn til bættra lífskjara. -grh
2 SÍÐA - ÞJÓÐVILJINN Miðvlkudagur 8. mars 1989
Páskastopp
Leggst illa
í sjómenn
Sjávarútvegsráðuneytið:
10 daga krókaveiðibann
og 6 daga þorskaneta-
veiðibann
Ótíðin sem verið hefur og er
sums staðar enn hefur bitnað illa
á afkomu margra smábátasjó-
manna, þannig að boðað páska-
veiðibann leggst afar illa í sjó-
mennina. En það er því miður
búið að setja þetta í lög og engin
heimild til að afnema þetta, segir
Örn Pálsson framkvæmdastjóri
Landssambands smábátaeigenda.
Sjávarútvegsráðuneytið gaf
nýlega út reglugerð um bann við
veiðum smábáta og bann við
veiðum með þorskanetum um
páskahelgina. Samkvæmt henni
er bátum sem eru minni en 10
brúttólestir og stunda eingöngu
línu- og færaveiðar, óheimilt að
stunda fiskveiðar frá og með 18.
mars og til og með 27. mars. Þá
eru allar veiðar í þorskanet bann-
aðar frá klukkan 20 þriðjudaginn
21. mars til klukkan 10 árdegis
þriðjudaginn 28. mars.
-grh
A Imannatryggingar
Bætur hækka
um 1,25%
Ákveðið hefur verið að allar
bætur Almannatrygginga skuli
hækka um 1,25% frá 1. mars sl.
að telja. Er þetta gert til samræm-
is við almennar launahækkanir
frá sama tíma.
Myndbandssýning
Orrustan
við Cuito
Cuanavale
Myndin Andsvar við auknum
árásum Suður-Afríku verður sýnd
í sal INSÍ annaðkvöld kl.20.00.
Þetta er heimildamynd í þrem
þáttum frá Cubavision með ensku
tali, og verður túlkað á íslensku ef
óskað er. Myndin fjallar um átök
S-Afríkuhers og hersveita Ang-
ólu, Kúbu og frelsishreyfingar
Namibíu við Cuito Cuanavale í
Suður-Angólu á fyrri hluta árs
1988. Þar beið Suður-Afríkuher
ósigur sem lagði grunn að ný-
gerðum samningum um sjálf-
stæði Namibíu.
Um 50 fréttamenn eiga aðild
að myndinni og helstu leiðtogar
þeirra sem í hlut áttu koma þar
fram, m.a. Sam Nujoma og Fidel
Castro. Það eru Pathfinderbók-
salan, Suður-Afríkusamtökin
gegn apartheid og Vináttufélag
Islands og Kúbu sem standa að
sýningunni í sal INSÍ, Skóla-
vörðustíg 19, gengið inn frá
Klapparstíg.
Bókmenntir
Söngvar
Satans
á íslandi
Lítil sending af hinni frægu
verðlaunabók Salmans Rushdie,
Söngvar Satans, kom í Bóka-
verslun Sigfúsar Eymundssonar í
Reykjavík í gærmorgun og seldist
upp um leið. Önnur sending er
væntanleg á föstudag. Mikil eftir-
spurn hefur verið eftir bókinni en
það hefur kostað talsvert erfiði
að ná í eintök. Bókin er ekki enn
komin út í kilju og ekki er venja
að flytja inn bundin eintök af
skáldsögum. Enda kosta þau á
þriðja þúsund krónur.