Þjóðviljinn - 06.04.1989, Blaðsíða 12

■■SPURNINGIN""
Hvert er álit þitt á fegurð-
arsamkeppni karla?
SÍMI 681333
Á KVÖLDIN
C04440
ÁLAUGARDÖGUM
681663
Manndómsvígsla
Borgaraleg ferming
í Norræna húsinu
16 ungmenni á aldrinum 12-17 árafermast borgaralega
Árni Thoroddsen
hugbúnaðarfræðingur:
Þetta verður engin samkeppni
því ég er ekki með.
Ævar Kolbeinsson
félagsfræðingur:
Ég get nú ekki sagt að mér finnist
það mjög spennandi.
Vera Ósk Steinsson
fatahönnuður:
Hún á rétt á sér sem slík, hafi þeir
möguleika á fyrirsætustörfum.
Unnur Arngrímsdóttir
danskennari:
Hún er í góðu lagi ef vel er að
henni staðið.
Mitch Koulhakji
flugmaður frá Hawai:
Ég hef ekkert á móti slíkri keppni í
sjálfu sér þó ég hafi nú engan
áhuga á því fylgjast með strákum
sem eru að sýna sig.
Sunnudaginn 9. aprfl fer fram í
Norræna húsinu fyrsta borg-
aralega fermingin á íslandi.
Borgaraleg ferming er athöfn þar
sem ungmenni eru tekin í tölu
fullorðinna, að undangengnu
fjölþættu námskeiði, sem ætlað
er að auka hæfni þeirra til að tak-
ast á við fullorðinshlutverkið.
Aðdragandinn að því, að ráðist
var í þessa fyrstu borgaralegu
fermingu á íslandi var áhugi hóps
ungmenna og aðstandenda á að
fá valkost við hina kirkjulegu
fermingu.
Fermingin er ekki einn þeirra
áfanga, sem ákveðin réttindi og
eða skyldur eru tengd, og kallar
því ekki á valkosti við trúarlegar
athafnir á sama hátt og ýmis
önnur tímamót. Um allan heim
eru þó hinar fjölbreyttustu hefðir
við manndómsvígslur, þ.e. þegar
skrefið er tekið frá bami í fullorð-
inn einstakling. Borgarleg ferm-
ing er valkostur við kirkjuferm-
ingu fyrir fólk sem ekki er trúað
en vill samt marka tímamót í lífi
unglings þegar hann tekur við
hlutverki fullorðinna.
Fræðandi námskeið
í vetur
Fermingin er Iokapunktur
námskeiðs sem unglingarnir 16
að tölu, hafa tekið þátt í í vetur.
Markmið fræðslunnar er að
gera ungmennin hæfari til að ráða
við hlutverk sitt sem fullorðnir
einstaklingar.
í samtali við Þjóðviljann sagði
Drífa Snædal Jónsdóttir, ein
fermingarstúlknanna að þau
hefðu öðlast betri skilning á for-
eldrum sínum. Einn mikilvægur
þáttur í námskeiðinu var einmitt
samskipti barna og foreldra.
Það sem vekur athygli m.a. er
hversu mikil þátttaka foreldr-
anna hefur verið. Eyvindur Er-
íksson rithöfundur er einn þeirra
foreldra sem tekið hefur þátt í
námskeiðinu öllu og les hann ljóð
við athöfnina á sunnudaginn.
„Námskeiðið var gagnlegt, og
gaf mikla og góða þjálfun í að
taka þátt í umræðum um málefni
sem varðar alla þá þætti sem
nauðsynlegir eru til þess að skapa
betri samskipti milli manna í okk-
ar þjóðfélagi,“ sagði Eyvindur og
tóku fermingarbörnin undir þau
orð.
Erik Stensrud einn fermingar-
drengjanna var þeirrar skoðunar
að undirbúningurinn væri ólíkt
betri en sá sem jafnaldrarnir
hljótaí kirkjunni. Bennti hann þá
fyrst og fremst á umræðurnar og
fyrirlestrana um siðfræði, kyn-
fræði og rétt unglinga í þjóðfé-
laginu.
Ekki á móti kirkjunni
Flope Knútsson bandarískur
iðjuþjálfi hefur verið búsett hér-
lendis um árabil og er hún aðal
hvatamaður borgaralegrar ferm-
ingar. í samtali við Þjóðviljann
fyrir stuttu sagði Hope Knútsson
m.a. að þeir aðilar sem aðþessari
fermingu standa hafa ekkert á
móti kirkjunni eða guði en eru
eindregið á móti hræsni og því að
játa á sig trú sem er ekki til stað-
ar.
Að sögn Hope hefur áhugi
fólks verið mjög mikill og að
öllum líkindum verður fermt aft-
ur að ári liðnu.
Hátíöleg athöfn
Fermingarathöfnin sem er lok-
apunktur námskeiðsins verður
mjög fjölþætt.
Á efnisskrá er m.a. ávarp
Sunnu Snædal Jónsdóttur sem er
ein fermingarbarnanna, ávarp
menntamálaráðherra Svavars
Gestssonar, flutningur ljóða og
tónlistar svo eitthvað sé nefnt.
Að athöfninni lokinni verður
fermingarbörnunum afhent skjal
Þessir sex unglingar eru hluti af
þeim hópi sem næstkomandi
sunnudag verða fermd upp á'
borgaralega vísu. Þau eru talin
frá vinstri: Erik Stensrud, Tryggvi
Lemácks, Katla Einarsdóttir,
Sunna Snædal, Drífa Snædal og
Eyjólfur Eyvindsson.
sem staðfestir þátttöku þeirra í
námskeiðinu. Börnin sverja eng-
an eið, eða fara með loforð af
nokkru tagi heldur er markmiðið
að auka víðsýni þeirra og gera
þau að siðferðislega sterkum ein-
staklingum.
Hópurinn sem að þessu stend-
ur er ekki bundinn neinum sam-
tökum heldur eingöngu fólk sem
óskar eftir valkosti við kirkjulega
fermingu.
Áhugi fólks hefur verið mikill
og verður að öllum líkindum
fermt aftur á borgaralega vísu
næsta ár. Verði áhuginn jafn mik-
ill þá má búast við því að aðstand-
endur leiti eftir stærra húsnæði
fyrir athöfnina þar sem núna
komast færri að en vilja.
Þegar fyrsta borgaralega ferm-
ingin á íslandi er afstaðin munu
aðstandendur hennar skoða
hvemig til hefur tekist og velta
fyrir sér áframhaldandi starfi.
Það er stór hópur manna sem hef-
ur áhuga á að stofna samtök er
byggja á manngildissjónarmið-
um, og ef slík samtök yrðu stofn-
uð myndu þau beita sér fyrir því
að koma á fót borgaralegum
valkostum við helstu tímamót
mannlífins.
eb