Þjóðviljinn - 25.04.1989, Blaðsíða 12

‘SPURNINGIN'
Ertu búin(n) aöfásumar-
vinnu?
Sigurður Ólafsson
nemi í viöskiptafræði:
Nei, svo er nú ekki og ég reikna
meö því að þaö veröi erfitt aö fá
vinnu í sumar. Ég á þó möguleika
á vinnu þar sem ég var í fyrra.
Guðmundur Pálsson
heimspekinemi:
Já já, horfur eru góðar hjá mér.
Ég verð á sama stað og í fyrra-
sumar.
Hafrún Guðmundsdóttir
nemi í félagsvísindadeild:
Já að hálfu leyti. Hef vinnu aðra
hverja helgi, en er nú að sækja
um fulla vinnu. Horfurnar eru ekki
góðar þó ég sé bjartsýn.
Magnús Friðjónsson
viðskiptafræðinemi:
Nei, og horfurnar eru slæmar, ég
ætla þó að skrá mig hjá atvinnu-
miðlun stúdenta.
Ásta Ólafsdóttir
nemi í félagsvísindadeild:
Já, reyndar ekki hér í Reykjavík
heldur hjá Sparisjóði Vest-
mannaeyja, en annars er erfitt að
fá aðra vinnu en við fiskvinnslu
þar.
bJÓOVIUINN
Þriðjudagur 25. apríl 1989 7ó. tölublað 54. örgangur
SIMI 681333
Á KVÖLDIN
COJO^O
ÁLAUGARDÖGUM
681663
Sigurlaug Guðmundsdóttir tekur við skráningum stúdenta í atvinnuleit. Mynd - Jim Smart.
Sumarvinna
Atvinnuhorfur ekki góðar
Atvinnumiðlun námsmanna er nú að hefja sitt tólfta starfsár
Þann 17. aprfl hóf Atvinnu-
miðlun námsmanna störf sín
og eru fyrirtæki þegar farin að
skrá sig. I gær þegar starfsmenn
komu til vinnu stóðu stúdentar í
biðröð út eftir öllum gangi.
Undanfarin 11 ár hefur Stúd-
entaráð Háskóla íslands starf-
rækt atvinnumiðlun fyrir náms-
menn í samvinnu við hinar náms-
mannahreyfingarnar, þ.e.
Bandalag íslenskra sérskóla-
nema. Félag framhaldsskóla og
Samtök íslenskra námsmanna er-
lendis.
Stofnunin er atvinnumiðlun
námsmanna á sumrin, en kallar
sig starfsmiðlun stúdenta á vet-
urna og nær starfsemin þá aðeins
yfir háskólastúdenta. Yfir
sumartímann mega hvaða náms-
menn sem er leita til miðlunar-
innar. Stöðugt fjölgar náms-
mönnum á skrá hjá Atvinnumiðl-
un námsmanna og sýnir það eitt
þörf fyrir miðlun sem þessa. Bet-
ur gengur þó að fá fólk á skrá
heldur en að ná inn atvinnutæki-
færum. Að sögn Sigurlaugar
Guðmundsdóttur eru það undan-
tekningalítið sömu fyrirtækin
sem leita til þeirra ár eftir ár.
Póstur og Sími er t.d. eitt þeirra
fyrirtækja sem alltaf leita til at-
vinnumiðlunar námsmanna.
Vorið 1988 skráðu sig 778 ein-
staklingar samanborið við 684
árið áður og 587 árið 1986. Starf-
semin á síðasta vori gekk í alla
staði mjög vel, alls tókst að út-
vega 310 manns vinnu um lengri
eða skemmri tíma. Framboð á at-
vinnu dróst að vísu saman ef mið-
að er við árið áður en þá buðu 404
atvinnurekendur u.þ.b. 1200
störf en árið 1988 voru alls 692
störf í boði frá 380 atvinnurek-
endum.
Margvísleg störf
Samdráttur í atvinnulífinu
virðist vera staðreynd og bendir
margt til þess að illa líti út með
atvinnuhorfur námsmanna í
sumar. Sigurlaug Guðmunds-
dóttir framkvæmdastjóri miðlun-
arinnar starfar með bjartsýnina
að leiðarljósi og að hennar sögn
eru störfin mjög margbreytileg.
Atvinnumiðlun námsmanna hef-
ur fram að færa úrval af hæfum
starfskröftum með margvíslega
reynslu og menntun. Starfsval er
fjölbreytt bæði hvað varðar lengd
vinnutíma og tegund starfa.
í gær var t.d. verið að leita að
ungu fólki í heyskap, en al-
gengust eru þó skrifstofustörf,
verslunarstörf, mannvirkjagerð,
útkeyrsla og önnur þjónustu-
störf.
í sumum tilfellum er jafnvel
um tilboð að framtíðarstörfum að
ræða.
Atvinnuhorfur ungs fólks eru
ekki eins góðar eins og verið hef-
ur og sagði Sigurlaug, að sá væri
hátturinn hjá mörgum fyrirtækj-
um að ráða ekki sumarfólk, þó
svo að það hafi verið gert fyrr á
árum.
Starfsemi miðlunarinnar hefur
nú verið tölvuvædd og m.a. hefur
verið hannað sérstakt leitarforrit.
Pað býður upp á hraða og góða
þjónustu þar sem fljótlegt er að
hafa uppi á starfskröftum sem
falla að óskum vinnuveitenda.
Það gerist einnig að hægt að
miðla starfi beint þegar óskir og
reynsla falla saman.
Atvinnumiðlunin verður starf-
rækt fram í miðjan júlí, og er hún
til húsa í Félagsstofnun stúdenta
við Hringbraut og síminn á skrif-
stofu SHI er 62 10 80 og 62 10 81,
það er opið frá kl.9-18 alla virka
daga.
eb
BHMR
Baráttufundur
í Bíóborainni
Þau aðildarfélög BHMR sem
nú eru í verkfalli ætla að efna
til baráttufundar í Bíóborginni
(Austurbæjarbíói) og hefst hann
kl. 13 í dag, þriðjudag.
Á fundinum flytja þau ávörp
Wincie Jóhannsdóttir, formaður
HÍK, Laura Scheving Thor-
steinsson, formaður Félags há-
skólamenntaðra hjúkrunarfræð-
inga, Magnús Guðjónsson, for-
maður Dýralæknafélags Islands
og Margrét Heinreksdóttir, for-
maður Stéttarfélags lögfræðinga í
ríkisþjónustu.
Fundarstjóri verður Gunn-
laugur Ástgeirsson kennari og í
frétt frá BHMR kemur fram að
hinni skoplegu hlið kjarabarátt-
unnar verði einnig sinnt með
flutningi leikþáttar og fjöldasöng
með nýjum textum.
Þarf mikla kunnáttu á
svona apparat?
Fyrst er að læra á
apparatið og svo að
þekkja stafrófið og svo
helst eitthvað
Það tekur mig marga daga
að skrifa einn Skúm!