Þjóðviljinn - 01.06.1989, Blaðsíða 12
Elín V. Guðlaugsdóttir
í skóla lífsins
Ég vona þaö. Annars er íslensk
veðrátta óútreiknanleg. Ég spái
ekki snjóléttu sumri, þaö verður
annaðhvort mikill snjór eða eng-
inn.
Lára Ómarsdóttir
vinnur á barnaheimili
Já, það er örugglega komið. Ég
er bjartsýn og spái mjög góðu
sumri.
—■SPURNINGIN—
Heldur þú aö sumariö sé
komið?
Garðar Jónsson
skrifstofumaður
Já, það er komið. Ég spái sól í allt
sumar, það er nauðsynlegt eftir
þennan leiðinlega vetur.
Daníel Ingi Pétursson
ófaglærður fóstri
Ég efast um það. Það var kannski
sumar í gær, en í fyrradag var
rigning og það verður örugglega
rigning á morgun. Ég held að það
sé ekkert útlit fyrir sumar.
Sólborg Sigurðardóttir
húsmóðir
Ég efast nú um að það verði
nokkurt sumar. En við skulum
samt segja að það sé komið, og
ef svo er þá verður það kalt.
þJÓÐVILIINN
Fimmtudagur 1. júní 1989 97. tölublað 54. örgangur
SÍMI 681333
Á KVÖLDIN
coi 0/10
Á LAUGARDÖGUM
681663
Bókmenntir
Þórbergur
brotinn til mergjar
Félag áhugamanna um bókmenntirþingar um Þórberg Þórðarson.
Pétur Gunnarsson: Nýbirtefni gefur tilefni til að skoða öll verk hans í
nýju Ijósi. Leikfélag Hornafjarðar sýnir úr Sálminum um blómið
Alaugardaginn verður haldið
málþing um Þórberg Þórðar-
son í Súlnasal Hótel Sögu. Það
hefst kl. 10 um morguninn og
stendur til kl. 18. Félag áhuga-
manna um bókmenntir boðar til
þingsins en það er opið öllum sem
áhuga hafa.
Aðalerindi á þinginu eru þrjú:
Sigfús Daðason talar um
„Sveiflur og jafnvægisleit", Ást-
ráður Eysteinsson um „Atrúnað
og endurfæðingu" og Porsteinn
Gylfason nefnir erindi sitt
„Hundrað og eitt ár“. Auk þeirra
halda sex aðrir styttri erindi.
Pétur Gunnarsson rithöfundur
er einn af stjórnarmönnum í Fé-
lagi áhugamanna um bókmenntir
og var spurður um tildrög þings-
ins.
„Félag áhugamanna um bók-
menntir hefur haldið stórfundi á
hverju vori síðan það var stofn-
að,“ svaraði Pétur. „Fyrst var
haldið málþing um Halldór Lax-
ness, svo um Málfríði Einarsdótt-
ur og núna um Þórberg Þórðar-
son. Þó að aldarafmælið hafi lagt
tilefnið upp í hendurnar á okkur
vildum við ekki halda þingið á
afmælisdaginn heldur í lok starfs-
ársins eins og við höfum gert und-
anfarin ár.
Það er ekki lítið skemmtilegt
að fá að brjóta Þórberg til mergj-
ar og þarf ekkert afmæli til. Hann
hefur verið að framkallast á nýj-
an hátt fyrir augum okkar undan-
farið, ekki síst vegna efnis sem
hefur komið út eftir að hann lést.
Menn höfðu spurt sig: Hvernig
debúterar maður með snilldar-
verki eins og Bréfi til Láru? Núna
vitum við að hann var búinn að
skrifa mikið áður en Bréfið kom
út. Úrval úr því hefur verið að
koma út undanfarin ár.
Sigfús Daðason gaf út Ólíkar
persónur með þýðingum og palla-
dómum sem Þórbergur skrifaði
m. a. í handskrifuð blöð Ung-
mennafélagsins í Reykjavík. í
bókunum Ljóri sálar rninnar og
Mitt rómantíska œði eru kaflar úr
dagbókum hans og sendibréfum,
allt er þetta skrifað áður en Bréf
til Láru kom út og sýnir vel þróun
Þórbergs sem persónu og rithöf-
undar."
Hvað er svona nýtt í þessu?
„Það sem opinberast fyrir okk-
ur í þessum bókum er sálarkrepp-
an sem hann komst í eftir að hann
kom unglingur úr Suðursveit til
Reykjavíkur. Paradísarmissir
hans. Engan hafði órað fyrir erf-
iðleikunum sem hann átti við að
etja, þeir voru svo miklu stækari
en hann dregur upp í Ofvitanum.
Sannkallaður hreinsunareldur.
Þess vegna gefa þessi nýbirtu
verk tilefni til að skoða Þórberg
alveg upp á nýtt, allt sem hann
skrifaði.
Annars langar mann auðvitað
alltaf til að hitta fólk og krúnka
um Þórberg. Hann er rithöfund-
ur af þeirri stærð að það er hve-
nær sem er hægt að setjast niður
og fjalla um verk hans.“
Það er stíf dagskrá allan daginn
hjá ykkur.
„Já, mörg fróðleg erindi. Svo
kemur Egga la, Helga Jóna Ás-
bjarnardóttir, söguhetja Sálmsins
um blómið, og talar um hjónin á
Hringbraut 45. Okkur er sérstök
ánægja að fá að hlusta á hana og
líka leikara Leikfélags Horna-
fjarðar sem sýnir atriði úr Sálm-
inum um blómið í leikgerð Jóns
Hjartarsonar. Þessi sýning var
rómuð fyrir austan og hér gefst
einstakt tækifæri til að sjá hluta af
henni í Reykjavík.
Enn eitt sem ég vil sérstaklega
nefna er kvikmynd Ósvaldar
Knudsen um Þórberg sem þarna
verður sýnd. Hún gefur heillega
mynd af hversdagslífi Þórbergs á
Hringbrautinni, en fólk á mínum
aldri sem sá hana í skóla man sér-
staklega eftir atriðinu þegar Þór-
bergur baðar sig nakinn í fjör-
unni.“
Sömu aðilar og standa að þing-
inu hafa látið gera veggskjöld
með nafni Þórbergs til að minna á
veru hans í húsinu við Hringbraut
45. Hann verður settur þar upp í
dag.
Þátttökugjald fyrir allan dag-
inn á málþinginu er kr. 1500
(1300 fyrir félagsmenn) og eru þá
innifaldar kaffiveitingar og há-
degisverður. Fyrir hálfan dag
greiða menn 600 kr. og fá þá bara
kaffi. Mál og menning, og Styrkt-
arsjóður Þórbergs Þórðarsonar
og Margrétar Jónsdóttur standa
að þinginu með Félagi áhuga-
manna um bókmenntir. Mennta-
málaráðuneytið styrkir för
leikhópsins frá Hornafirði.
Skráningarsími á þingið er 15199.
SA
Dagskrá málþings
um Þórberg Þórðarson
10.00 Soffía Auður Birgisdóttir setur þingið
10.15 Sigfús Daðason: Sveiflur og jafnvægisleit
11.00 Pétur Gunnarsson: Þórbergur og skáldsagan
11.20 Helgi Sigurðsson: Hann gekk þá ekki framhjá
11.40 Helga Jóna Ásbjarnardóttir: Á Hringbraut 45
12.00 Kvikmynd Ósvaldar Knudsen um Þórberg
12.15 Matarhlé
13.30 Leikfélag Hornafjarðar: Atriði úr Sálminum um blómið
14.00 Ástráður Eysteinsson: Átrúnaður og endurfæðing
14.45 Sigurður Þór Guðjónsson: Var Þórbergur ofviti í alvörunni?
15.00 Kaffihlé
15.30 Þorsteinn Gylfason: Hundrað og eitt ár
16.15 Þórir Óskarssorr. Þórbergur Þórðarson og ritið íslensk stílfræði
16.30 Guðmundur Andri Thorsson: Grunntónn tilverunnar
17.00 Pallborðsumræður undir stjórn Árna Sigurjónssonar
18.00 Þingslit
Fundarstjóri: Soffía Auður Birgisdóttir
■1
■■■■