Þjóðviljinn - 01.08.1989, Blaðsíða 2

FRETTIR
Gjöf til
Háskólans
Nýlega barst Háskóla íslands
gjöf að upphæð 260 þúsund krón-
ur til kaupa á vísindaritum. Gjöf-
in er gefin í minningu hjónanna
Einars Ásmundssonar og Jakob-.
ínu Þórðardóttur og tveggja lát-
inna sona þeirra hjóna, Magnús-
ar og Ásmundar. Gefendur eru
börn og barnabörn þeirra hjón-
anna. Ifréttatilkynningu frá Há-
skóla íslands segir að gjöf þessi sé
merkur vitnisburður um gagn-
kvæman skilning á mikilvægi æðri
menntunar fyrir atvinnulíf í
landinu.
Landsins forni
fjandi nálægur
Hafísinn, sá forni fjandi, er nú á
siglingaleiðum við Horn og á
austanverðum Húnaflóa. Veður-
stofunni hafa borist upplýsingar
um hafísspöng og staka jaka á
þessum slóðum. Hefur tveimur
skemmtiferðaskipum sem leið
eiga til Akureyrar verið bent á að»
fara fremur austur fyrir land en
norðurleiðina. Geri sterka
norðan átt er hætt við að ísinn
reki lengra til suðurs og gæti hann
þá teppt siglingaleiðina fyrir
Horn.
Hundadagarí
Listasafni Sigurjóns
Kanadíski píanóleikarinn David
Tutt heldur einleikstónleika í
Listasafni Sigurjóns í kvöld kl.
20.30. Leikin verða verk eftir
Franz Schubert, Claude Debussy
og Franz Liszt. Tónleikarnir eru
liður í menningarhátíðinni Hund-
adögum sem Tónlistarfélag
Kristskirkju, Alþýðuleikhúsið og
Listasafn Sigurjóns gangast fyrir.
Samningar um
nýja vatnsveitu
Utanríkisráðherra og bandaríski
herinn hafa gert með sér sam-
komulag hvernig staðið verði að
verki og kostnaðarskiptingu við
gerð nýrrar vatsnveitu fyrir Kefl-
avík og Njarðvíkur, en eins og
mönnum er í fersku minni hefur
orðið vart mengunar í núverandi
vatnsbólum frá olíubirgðastöð
hersins á Keflavíkurflugvelli.
Áætlað er að kostnaður við
vatnsveituna muni nema 465
miljónum króna og munu Banda-
rísk stjórnvöld greiða þann
kostnað. í staðinn mun herinn fá
vatn að endurgjaldslausu næstu
15 árin. Að þeim tíma loknum er
gert ráð fyrir að herinn muni
greiða fyrir vatnið til jafns við
aðra. Ráðgert er að framkvæmd-
ir hefjist í ár og að þeim verði að
fullu lokið um mitt næsta ár.
Flugslys í
Biskupstungum
Um helgina fórst lítil eins hreyfils
flugvél í ríánd við bæinn Torfa-
staði í Biskupstungum, með þeim
afleiðingum að flugmaðurinn,
sem var einn í vélinni, lést sam-
stundis að því að talið er. Ekkert
Gafir til Listasafns ASÍ
Listasafni Alþýðusambandsins hefur að undanförnu borist nokkur
vegleg listaverk að gjöf. Verkin eru styttan Móðurást eftir Tove Ólafs-
son, tvær myndir úr járni og kopar Flétta og Röðull í þoku eftir Grím
Marínó Steindórsson og fimm olíumálverk eftir Bjarna Guðjónsson.
Gefendur verkanna eftir Tove og Björn eru börn listamannanna, en
verk Gríms gaf listamaðurinn sjálfur.
liggur enn fyrir um orsök slyssins,
en starfsmenn Loftferðaeftirlits-
ins vinna að rannsókn málsins.
Námskeið ffyrir
hjálparstörf
Rauði kross íslands mun í sept-
ember efna til grunnnámskeiðs
fyrir sendifulltrúa til undirbún-
ings fyrir hjálparstörf erlendis.
Námskeiðið verður haldið í Mun-
aðarnesi og verður með líku sniði
og fyrri námskeið. Leiðbeinend-
ur verða frá Alþjóða Rauða
krossinum í Genf og fer öll
kennsla fram á ensku. Á undan-
förnum 10 árum hefur Rauði
kross íslands sent um 50 manns til
hjálparstarfa í Afríku og Asíu.
Flestir þeirra hafa starfað á
sjúkrahúsum Alþjóða . Rauða
krossins í Thaílandi, Pakistan og
Afganistan. Til hjálparstarfa er
nú einkum leitað að skurðlækn-
um, hjúkrunarfræðingum,
sjúkraþjálfum, bifvélavirkjum og
fólki með menntun í fjármálum
og stjórnunarstörfum. Umsókn-
um um þátttöku í námskeiðinu
þarf að skila á skrifstofu RKÍ að
Rauðarárstíg 18 í Reykjavík fyrir
15. ágúst nk.
Menningarsjóður
félagsheimila
í endurskoðun
Menntamálaráðherra hefur
skipað nefnd til að endurskoða
lagaákvæði um Menningarsjóð
félagsheimila samhliða breytingu
á verkaskiptingu ríkis og
sveitarfélaga með það að mark-
miði að sjóðurinn stuðli betur en
nú er að aukinni menningarstarf-
semi á landsbyggðinni. Menning-
arsjóður félagsheimila hefur
fengið 10% af fjárlagalið Félags-
heimilasjóðs. Fjárveiting til
sjóðsins í fyrra var kr. 1.500 þús-
und og voru veittir styrkir til 44
aðila. Sjóðurinn hefur sömu upp-
hæð til ráðstöfunar í ár. Skúli Al-
exandersson er formaður nefnd-
arinnar.
Lágmarksverð
á hörpudiski
Verðlagsráð sjávarútvegsins hef-
ur ákveðið lágmarksverð á hörp-
udiski. Frá 1. ágúst til 30. sept-
ember að telja er lágmarksverð
fyrir hörpudisk í vinnsluhæfu
ástandi að stærð 7 sentimetrar á
hæð og yfir kr. 20 á kílóið, hörpu-
disk 6 til 7 sentimetra 15 kr. Frá 1.
október til 31. desember er lág-
marksverð stærri fisksins kr. 21
og þeim smærri 15,70 krónur.
Þjóðleikhúsið
rétt við
Nefnd sem menntamálaráðherra
skipaði til að gera tillögur um
bættan rekstur Þjóðleikhúss hef-
ur skilað áliti. Tillögur nefndar-
innar gera ráð fyrir því að Alþingi
samþykki aukafjárveitingu að
fjárhæð 422 til 432 miljónir króna
til að greiða upp þann skuldahala
sem leikhúsið er komið með
gagnvart ríkissjóði og til fjár-
mögnunar á fjórum verkum sem
sýnd verða á stóra sviðinu á
hausti komanda. Þá leggur
nefndin til að ráðinn verði sér-
stakur framkvæmdastjóri til að
koma skikk á fjármál stofnunar-
innar, sem og að föstum starfs-
mönnum verði fækkað á næstu
árum.
Blómarósin Sigríður Jóhannsdóttir hjá Blómamiðstöðinni heldur hérna á búntum af afskornum rósum.
Blómamiðstöðin - sölusamtök blómaframleiðenda - býður núna afskorin blóm í tilbúnum blómvöndum á
hálfvirði. Tilgangurinn er sá að gefa mönnum kost á því að njóta blóma fyrir lágt verð þann tíma sem
framleiðslan er í hámarki. Reiknað er með að tilboðið standi út september. Nú hafa menn fáar afsakanir
haldbærar til að draga við sig að færa elskunni blóm. Mynd Jim Smart.
Hagvirki
Akvörðun innan skamms
Málið er enn í athugun. Við
höfum sent greinargerð til
dómsmálaráðuneytisins þar sem
sjónarmið embættisins kemur
fram og álitsgerð frá lögfræðingi
Hagvirkis.- Það verður tekin
ákvörðun um framhaldið mjög
fljótlega, sagði Friðjón Guðröðar-
son sýslumaður í Rangárvallar-
sýslu varðandi söluskattsmál
Hagvirkis h.f.
Friðjón sagði að þrátt fyrir að
embættið hefði endanlegt
ákvörðunarvald varðandi inn-
heimtu söluskatts þá hefði verið
haft náið samstarf við dómsmála-
ráðuneytið og fjármálaráðuneyt-
ið varðandi þetta einstaka mál.
- Þetta er að mörgu leyti mjög
sérstakt mál sem hefur ekki kom-
ið inn á borð embættisins áður.
Hér er um að ræða söluskatt sem
fyrirtækið sjálft hefur aldrei inn-
heimt og málið er enn í fyrir dóm-
stólum. Það eru mörg lagaleg og
siðferðileg álitaefni varðandi
þetta mál og þarfnast því ná-
kvæmrar skoðunar áður en
ákvarðanir eru teknar, sagði
Friðjón.
Jóhann Bergþórsson, forstjóri
Hagvirkis, sagði í samtali við
blaðið í gær að hann hefði ekki
fengið neinar frekari fregnir af
því hvernig málinu reiddi af hjá
ráðuneytinu. - Boltinn er hjá
ráðuneytinu. Ég reikna þó með
því að þessi mál skýrist fljótlega,
sagði Jóhann. -iþ
Stjórn hraðfrystihússins hefur óskað eftir að
fyrirtœkið verði tekið tilgjaldþrotaskipta eftir að
Hlutafjársjóður neitaðiþvíum aðstoð til
fjárhagslegrar endurskipulagningar uppá 200
miljónir króna. Sveitarstjórinn: Án aðstoðar er stutt í
draugabæinn
Við munum reyna að leita allra
leiða til að snúa vörn í sókn og
ein af þeim er að stuðla að stofnun
hlutafélags til kaupa á skipum og
eignum héðan sem farið hafa
undir hamarinn. Ef það tekst
ekki og við fáum ekki opinbera
aðstoð er fátt eitt til bjargar þessu
1000 manna samfélagi sem hér,“
sagði Sigurður Viggósson stjórn-
arformaður í Hraðfrystihúsi Pat-
reksfjarðar.
Stjórn Hraðfrystihúss Patreks-
fjarðar ákvað um helgina að fara
fram á að fyrirtækið verði tekið til
gjaldþrotaskipta eftir að stjórn
Fllutafjársjóðs neitaði því um að-
stoð, en Fiskveiðasjóður hafnaði
kaupum á hlutdeildarskírteinum
í hraðfrystihúsinu. Áður hafði
Atvinnutryggingarsjóður út-
flutningsgreina neitað fyrirtæk-
inu um aðstoð fyrr á árinu. Ekki
er nákvæmlega vitað hvað
gjaldþrotið er stórt en talið er að
skuldir þess nemi núna um 700 -
800 miljónum króna. Hraðfrysti-
húsið hefur verið lokað síðustu 10
mánuðina en fyrir þann tíma var
það stærsta atvinnufyrirtæki
þorpsins og störfuðu þá vel yfir
100 manns hjá því að jafnaði.
- Núna fyrst mun reyna á
reglugerð Hlutafjársjóðs þar sem
segir að sjóðnum sé heimilt að
veita fé inní útflutningsfyrirtæki
sem stofnuð eru á grunni gjald-
þrotafyrirtækis, þó svo að sá hinn
sami sjóður hafi neitað að taka
þátt f fjárhagslegri endurskipu-
lagningu hraðfrystihússins uppá
200 miljónir króna, sagði Sigurð-
ur Viggósson.
Sveitarstjórn Patreksfjarðar-
hrepps kom saman til skyndi-
fundar strax á sunnudag eftir að
stjórn hraðfrystihússins hafði
ákveðið að fyrirtækið yrði tekið
til gjaldþrotaskipa. Að sögn
Úlfars B. Thoroddsens sveitar-
stjóra er ljóst að heimamenn hafa
ekki einir sér bolmagn til að
koma fyrirtækinu til hjálpar og
eina von íbúnna sé því opinber
aðstoð til stofnunar nýs félags um
rekstur hraðfrystihússins.
- Eftir allt það sem á undan
hefur gengið getur maður ekki
verið bjartsýnn á að stjórnvöld
hlaupi hér undir bagga og ef svo
fer er stutt í að Patreksfjörður
verði draugabær. Fari svo verður
hann sá fyrsti en ekki sá síðasti,
sagði Úlfar B. Thoroddsen.
-grh
Patreksfjörður
Allra leiða
verður leitað
2 SlÐA - ÞJÓÐVILJINN Þriðjudagur 1. ágúst 1989