Þjóðviljinn - 12.09.1989, Blaðsíða 12
"SPURNINGIN""
Hvernig líst þér á nýju
ríkisstjómina?
Snorri Snorrason
verkamaður:
Mér líst illa á hana. Mér finnst hún
vera stefnulaus að öllu leyti gg
einn allsherjar skrípaleikur. Ég
gæti trúað að hún sæti út kjör-
tímabilið en þó vona ég að svo
verði ekki.
Óttar Ingimarsson
sjómaður:
Mér líst ágætlega á hana. Ég
held að hún verði starfhæfari en
fyrirrennari hennar og vonandi
verður núna hægt að taka sterkar
á efnahagsvanda þjóðarinnar en
áður. Þá tel ég að hún nái að sitja
út kjörtímabilið.
Sigríður Jónsdóttir nemi MH
Mér líst ekki alveg nógu vel á
hana og þá sérstaklega út af þátt-
töku Borgaraflokksins sem gerir
ríkisstjórnina alltof borgaralega
af félagshyggjustjórn að vera.
Ásdís Haraldsdóttir
læknaritari:
Mér finnst hún alveg vonlaus.
Samspil fimm flokka getur aldrei
gengið. Samsteypustjórn
tveggja flokka getur blessast en
óskastaðan er að fá hér eins-
flokksstjórn sem stæði og félli
með gerðum sínum.
Guðmundur R. Kristinsson
nemi í Versló:
llla. Of margir flokkar og vitlaus
stefna. Ég hefði frekar viljað fá
kosningar þar sem spilin hefðu
verið stokkgð uppá nýtt.
PIÓÐVILIINN
Þriðjudagur 12. september 1989 154. tölublað 54. órgangur
SÍMI 681333
Á KVÖLDIN
681348
SÍMFAX
681935
Kanadísku nemarnir ásamt Svavari Gestssyni og Vigdísi Finnbogadóttur fyrir framan skútuna. Mynd: Jim Smart.
y Skólaskip
A siglingu í 5 mánuði
Kanadískir menntaskólanemar ferðast um heiminn á skútu
Svavar Gestsson og Vigdís Finnbogadóttir skoða aðbúnað nemanna
um borð í Pogoria. Mynd: Jim Smart.
Pólsk skúta með 30 kanadíska
menntaskólanema lét úr höfn
í gær eftir tæplega vikudvöl hér-
lendis og var ferðinni heitið til
Grænlands. Nemarnir hafa verið
á siglingu í einn og hálfan mánuð
og eiga eftir að vera í þrjá og hálf-
an í viðbót. Siglingin er liður í
námi krakkanna, en er þó ekki
skylda heldur sækja þau um þetta
sérstaklega.
Krakkarnir eru á aldrinum 16-
19 ára, og þau voru hin hressustu
þegar forseti fslands, Vigdís
Finnbogadóttir og Svavar Gests-
son menntamálaráðhera, heim-'
sóttu þau í skútuna. Þeim Vigdísi
og Svavari var sýnd skútan og að-
búnaður nemanna um borð og þá
gafst krökkunum tækifæri á að
spyrja um ísland og íslenska
menntakerfið.
Svavar Gestsson sagði nemun-
um örlítið af sögu landsins og
menningu, og sagði íslendinga
vera stolta af hvorutveggja. Svav-
ar var spurður að því hvort rétt
væri að aðeins einn háskóli væri á
landinu og að íslenskir nemar
færu utan til náms. Svavar svar-
aði því til að það væri rétt að einn
háskóli væri, en þó væri annar
lítill á Akureyri. Það væri líka rétt
að íslendingar færu til mútlanda í
nám, en það væri af hinu góða,
því það nám og sú reynsla sem
þeir öðluðust þar kæmt sér vel
hér heima.
Krakkarnir flugu frá Kanada
til Póllands og hófu ferðina þar.
Skútunni, sem heitir Pogoria var
siglt þaðan til' Svíþjóðar, þá til
Sovétríkjanna, Finnlands, aftur
til Svíþjóðar, Noregs, Skotlands,
Hjaltlandseyja og svo hingað. Að
sögn nemanna var siglingin hing-
að mjög slæm. Þau fengu leiðin-
legt veður og flest urðu sjóveik.
Héðan var ferðinni svo heitið til
Grænlands, þaðan til Kanada og
endað á Jamaica.
Um borð í skútunni sem er 47
metra löng, 22 metrar á breidd og
með 17 segl, stunda krakkamir
ýmis störf auk námsins. Þau
vinna á fjögurra tíma vöktum og
sögðust ekki fá mjög mikinn
svefn. Vinnan væri erfið og mikil.
Alls eru um borð 47 manns, nem-
arnir 30 og svo áhöfn, kennarar
og kokkar. Auk vinnunnar eru
krakkarnir í námi. Þau læra sjáv-
arlíffræði, félagsfræði, mann-
fræði og fleiri fög, og kynna sér
sögu landa og þjóða sem þau
heimsækja. Kennslustofan um
borð er afar lítil og það þarf að
skipta hópnum í tvennt, þannig
að kennslan fer fram fyrir og eftir
hádegi.
Kanadíska ræðisskrifstofan
hafði samband við Fjölbrauta-
skólann við Ármúla og bað um að
nemarnir fengju að koma í
skólann. Þar fengu kanadísku
nemarnir að kynnast íslensku
skólakerfi, þeim var sagt frá landi
og þjóð og haldin var íþróttahátíð
þar sem keppt var í handbolta,
fótbolta og blaki. Þá fóru nem-
endur og kennarar Ármúlaskóla
með krakkana til Þingvalla,
Gullfoss og Geysis og þau dvöldu
í þrjá daga í Þórsmörk.
Nemunum leist vel á ísland,
þrátt fyrir leiðinlegt veður og
sögðu að það væri margt sem
hefði komið þeim á óvart. Þau
hefðu búist við mun frumstæðara
þjóðfélagi en hér er. Að lokum
bað Vigdís Finnbogadóttir fyrir
kveðju til Kanada þar sem hún
var í opinberri heimsókn fyrir
stuttu.
ns.