Þjóðviljinn - 13.09.1989, Blaðsíða 12
■■SPURNINGIN™
Er SÍS aö fara á haus-
inn?
Óskar Jónsson
ellilífeyrisþegi:
Já, mér líst þannig á ástandið hjá
þeim, en það veldur mér ekki
neinum vonbrigðum. Ef Sam-
bandið rúllar yrðu afleiðingarnar
vafalaust afdrifaríkar fyrir marga.
Ágústa Jónsdóttir
husmóðir:
Já, ég hef heyrt að Sambandið
sé nálægt því að fara á hausinn
og ég er ekkert hissa á því. Þó
held ég að því verði bjargað fyrir
horn vegna þeirra afleiðinga sem
það mundi hafa fyrir hinar dreifðu
byggðir landsins þar sem at-
vinnuítök Sambandsins eru mikil.
Ása Ingólfsdóttir húsmóðir:
Nei, það ætla ég að vona ekki.
Sambandið hefur fyllilega rétt á
sér og má alls ekki fara á haus-
inn. En ef svo skyldi fara yrðu
afleiðingarnar hroðalegar fyrir
allt þjóðfélagið.
Sóiveig Þorsteinsdóttir
bókasafnsfræðingur:
Nei, það vona ég ekki. Ef Sam-
bandið fer á hausinn mundi það
hafa áhrif til hins verra á atvinnu-
lífið í dreifbýlinu sem má alls ekki
við frekari erfiðleikum en eru þar
nú.
ngibjörg Ingadóttir
afgreiðslukona:
Mér fyndist það ekkert skrítið þar
sem mér finnst alltof mikil verð-
mætasóun vera hjá Sambandinu
og því ekki vera rétt stjórnað.
bjóoviuiNN
Miðvikudaaur 13. seDtember 1989 155. tölublað 54. órgangur
SIMI 681333
Á KVÖLDIN
681348
SÍMFAX
681935
Guðmundur Jónsson er yfirverkstjóri endurbóta Bessastaðastofu.
Hann fór ma. með yfirverkstjórn endurbóta Viðeyjarstofu, dómkirkj-
unnar og gamla Iðnskólans eftir brunann. Hér sýnir hann skemmdir á
gólfbitum og hvernig bráðabirgðaviðgerð með steinsteypu hefur
hleypt meiri fúa í viðinn en ella.
Bessastaðir
Bústaður forseta fúinn
Efri hœð Bessastaðastofu illafarin. 50 milljónir í viðgerðir á þessu ári. Stœrri opinberar
móttökuráhrakhólum. Óvísthvort verki verðilokið fyrir komu Bretadrottningar
Nú eru hafnar viðgerðir á efri
hæð Bessastaðastofu sem er
mjög illa farin af fúaskemmdum.
Alþingi hefur ákveðið að setja 50
milljónir í þetta verkefni á þessu
ári en ljóst er að frekari framlög
þurfa að koma til á því næsta.
Verktakar reikna ekki með að
viðgerðuin og endurbótum verði
lokið fyrr en seint á næsta ári og
segir Kornelíus Sigmundsson,
forsetaritari, að forsetaembættið
verði að sníða sér stakk eftir vexti
hvað varðar opinberar móttökur
á viðgerðartímanum.
Elísabet II Bretlandsdrottning
er væntanleg í opinbera heim-
sókn til íslands á vormánuðum.
Kornelíus sagði að reynt yrði að
flýta verkinu þannig að hægt
verði að taka á móti drottningu
að Bessastöðum.
Helgi Bergs er formaður
nefndar á vegum forsætisráðu-
neytisins, sem sér um yfirstjórn
verksins fyrir hönd ráðuneytis-
ins. Hann sagði við blaðamenn á
Bessastöðum í gær, að Alþingi
hefði sýnt mikinn skilning á
nauðsyn þess að gera upp Bess-
astaði og mikilvægt væri að flytja
þann skilning út til þjóðarinnar.
Fyrirhugað er að rífa þakhæð og
kvisti Bessastaðastofu og loft yfir
fyrstu hæð, en burðarviðir eru illa
farnir af fúa og mikill leki kominn
að þaki óg kvistum. Áformað er
að að hlaða vesturkvist upp að
nýju lítið eitt breyttan og austur-
kvistur hússins á að hverfa. Þakið
verður að öðru leyti endurbyggt í
óbreyttri mynd og úr upphaflegu
timbri eftir því sem kostur er.
Þorsteinn Gunnarsson arkitekt
er arkitekt að verkinu ásamt
Húsameistara ríkisins. Hann
rakti sögu hússins stuttlega fyrir
blaðamönnum í gær. Það er með
elstu húsum landsins, 225 ára ga-
malt en það var byggt á árunum
1761-1766 fyrir Magnús Gíslason
amtmann. Húsið er því nátengt
dönsku konungdæmi á íslandi. Á
þessum tíma var konungur í Dan-
mörku Friðrik V. Fyrir hans tíð
sagði Þorsteinn að mikill drungi
hefði legið yfir dönsku þjóðinni.
Upplýsingastefnan var í al-
gleymingi í tíð Friðriks V sem
hafði ákaflega mikinn áhuga á
leikhúsi og konum og hafði gam-
an af því að byggja. Það var einn-
ig yfirlýst stefna danskra
stjórnvalda á þessum tíma að
bæta húsakost íslendinga.
Byggingarkostnaður hússins
fór langt fram úr áætlun, þannig
að slíkar uppákomur eru ekki
nýjar á íslandi. Fullreist kostaði
húsið 4.300 ríkisdali, sem þótti
mikið fé. Saga hússins er um
margt merkileg. Þar var ma.
Latínuskólinn á árunum 1805-
1846, Grímur Thomsen keypti
það árið 1867 og bjó þar til
dauðadags, en faðir hans hafði
verið skólaráðsmaður við Latínu-
skólann og seinna eignaðist Skúli
Thoroddsen, sýslumaður á ísa-
firði, Bessastaði. Það varð bú-
staður ríkisstjóra 1942 og seinna
forseta fslands árið 1944.
Eftir breytingarnar verður
miðbik efrihæðar Bessastaða-
stofu einn salur en kamesin í
norður- og suðurenda verða gerð
upp svo gott sem í upprunalegri
mynd. Forseti íslands kemur
ekki til með að búa á efri hæðinni
eins og verið hefur. Það þykir
ekki hentugt fyrir þann sem gegn-
ir forsetaembætti, að búa yfir
helsta móttökustað embættisins
og þá er íbúðin á efri hæðinni
heldur ekki mjög stór. Fyrirhug-
að er að byggja embættisbústað
forseta á lóð Bessastaða en engar
áætlanir eru til um hvenær af
þeirri byggingu verður. -hmp
Skýli verður byggt yfir Bessastaöastofu á meðan á viðgerðum stend-
ur, til að verja innréttingar hússins skemmdum. Myndir: Jim Smart.