Þjóðviljinn - 25.10.1989, Blaðsíða 12

"■SPURNINGIN-
Fylgdist þú meö umræö-
um um stefnuræðu for-
sætisráöherra á mánu-
dagskvöld?
Sigríður Haraldsdóttir,
hjúkrunarfræðingur
Ég heyrði ekki sjálfa ræðuna en
fylgdist með umræöunum á eftir.
Mér fannst gaman að fylgjast
með þessu og þá sérstaklega
ræðu Friðriks Sophussonar og
ræðu Jóns Sigurðssonar sem er
alltaf jafn málefnalegur og
traustvekjandi.
Ingveldur Bjarnadóttir,
póstafgreiðslumaður
Nei, ég fylgdist ekkert með þessu
og hef ekki áhuga á því.
Aldís Jónsdóttir,
hjúkrunarfræðingur
Nei, ég gerðkþað ekki að þessu
sinni. Eg fór í bfó.
Þórhallur Guðmundsson,
nemi
Nei, það gerði ég ekki. Ég fylgist
sjaldan með svona löguðu.
Alfreð Friðgeirsson,
gæslumaður
Ég fylgdist örlítið með þessu í
Sjónvarpinu og fannst frekar
slappt. Þetta eru endalausar
endurtekningar og er kominn tími
til að breyta til.
þJÓÐVIUINN
Miðvikudagur 25. október 1989 179. tölublað 54. órgangur
SÍMI 681333
Á KVÖLDIN
681348
SÍMFAX
681935
Sýningin er í anddyri Borgar-
spítalans, en þessi skúlptúr er
utan dyra.
Myndlist
Afmæli og eyðni
Myndlista- og handíðaskólinn heldur nemendasýningar vegna
fimmtíu ára afmœlis í vetur
Myndlista- og handíðaskóli ís-
lands á fimmtíu ára starfsaf-
maeli á þessum vetri. Af því tilefni
heldur skólinn sýningu á verkum
nemenda í anddyri Borgarspítal-
ans, en verkefnið er unnið í sam-
vinnu við landlæknisembættið og
hefur eyðnisjúkdóminn sem
þema.
„Átta vikna lotu lauk með
þessu verkefni og er önnur lota
nú að hefjast. Það voru fyrsta árs
nemar í málun og nemendur á
öðru ári í skúlptúr sem unnu
verkefnin eftir að hafa hlýtt á
fyrirlestra um sjúkdóminn. Þau
voru nokkuð upptekin af dauða
og eyðingu, en unnu líka út frá
voninni. Tilgangurinn með þessu
var fyrst og fremst að eyða for-
dómum og auka umburðarlyndi
fólks gagnvart þeim sem sýkjast
af eyðni,“ sagði Edda Óskars-
dóttir staðgengill skólastjóra um
sýninguna.
Edda sagði næsta verkefni
verða unnið í samvinnu við Þjóð-
kirkjuna og munu nemar í textfl-
keramik- og grafíkdeild vinna að
því. Þriðja verkefnið í tilefni
afmælisins verður svo unnið með
Náttúruverndarráði.
Sigurður Þorkelsson er einn
þeirra sem á málverk á sýning-
unni og er jafnframt aldursforseti
þeirra: „Þetta var auðvitað ákaf-
lega gott tækifæri sem við fengum
með þessari sýningu og vil ég
þakka skólanum fyrir það. Sjúk-
dómurinn var kynntur rækilega
fyrir okkur og þá sérstaklega
veiran sjálf. Hún er nauðaó-
merkileg og nánast allt vitað um
hana en hún fer í felur þegar
leitað er að henni. Við fengum
síðan alveg frjálsar hendur með
úrvinnslu úr þessari vitneskju og
urðu verkin því mjög ólík. Td.
finnst mér allt of rnikil áhersla
lögð á smokkinn sem bjargvætt
og lagði ég áherslu á að skyggnast
dýpra í vandamálið.'1
Einn þeirra sem eiga skúlptúr á
sýningunni er Finnur Árnar.
Hann sagði vinnutilhögun hafa
verið mjög góða þar sem nemar
hafa algjört tjáningarfrelsi um
verkefnaval og úrvinnslu. „Skúl-
ptúrinn fór jafnvel enn meira út
fyrir efnið og vann ég minn í
steinsteypu. Eg gerði útskorinn
kisti - lár - og setti timburmótið
inn í kistilinn. Þannig vildi ég ná
fram ákveðnu tímaferli þannig að
það sem áður var utan um fór inn.
Þetta verkefni var talsvert ólíkt
því sem ég hef áður unnið að. í
fyrra fékk ég mikinn áhuga á út-
skurði og stúderaði hann á bóka-
safni. Það nýttist mér nú og það
sem ég gerði tengist einnig fornri
menningu okkar,“ sagði Finnur
Arnar.
Kennarar fyrir þessa sýningu
voru Kristinn Hrafnsson í skúlp-
túr og Svanborg Matthíasdóttir í
málun. Um 220 nernar eru nú á
sjö mismunandi sviðum í dag-
skóla Myndlista- og handíða-
skólans. Allir nemendur fara í
eins árs fornám en síðan er hægt
að velja um málun, skúlptúr,
grafík, fjöltæknideild, textfl, ker-
amik og grafíska hönnun sem
áður var kallað auglýsingadeild.
„Skólinn er nú á framhalds-
skólastigi þótt flestir nemend-
anna hafi lokið framhaldsskóla.
Námið er miklu fremur á há-
skólastigi og verður skólinn í
væntanlegum Listaháskóla ís-
lands,“ sagði Edda Óskarsdóttir
ennfremur um námið. Meðalald-
ur nemenda er um 26 ár, en Sig-
urður Þorkelsson er talsvert eldri
en aðrir nemendur: „Ég hóf nám
í skólanum sem unglingur fyrir 48
árum. Ég hætti fljótlega og fór að
læra skipasmíði. Eftir að við
hjónin höfðum komið upp okkar
börnum fór hún í Kennarahá-
skólann og lauk þaðan prófi og
nú er ég að láta gamlan draum
rætast í myndlistinni. Ég held að
allir draumar manns geti ræst á
meðan enn er líf í manni,“ sagði
Sigurður.
Sýningin í Borgarspítalanum
stendur fram á sunnudag.
-þóm
Nemar í málun eiga verk á sýn-
ingunni, ásamt nemum í skúlptúr.
Myndir: Jim Smart.