Þjóðviljinn - 09.01.1990, Blaðsíða 2

FRETTIR
Landgrœðsluskógar
Átak1990-stærsta
íslenska veikefnið
Landgræðsluskógar - Átak
1990 er viðamesta skógrækt-
arverkefni sem ráðist hefur verið
í á íslandi. Það hófst formlega sl.
sunnudag, 7. jan., undir vernd
forseta Islands, Vigdísar Finn-
bogadóttur. Átak 1990 byggist á
„landgræðsluskógum“, sáningu
1,5 miijónar trjáa í 73 gróð-
ursnauð en friðuð svæði á
landinu, með aðstoð sjálfboða-
liða. Um leið verður sáð fræi af
birki, lúpínu og grasi.
Nú er leitað til stofnana og fyr-
irtækja, skóla og almennings, um
stuðning við Átak 1990, um leið
og kynning á því hefst. Tilefni
Ataksins er 60 ára afmæli Skóg-
ræktarfélags íslands, en til liðs
við það hafa nú gengið Skógrækt
ríkisins, Landgræðsla ríkisins og
landbúnaðarráðuneytið. Þessir
aðilar hafa skipulag og stjórn fra-
mkvæmda á hendi.
Lögð er áhersla á að loka gróð-
ursnauðum svæðum, hefta upp-
blástur og hefja „gróðurbylt-
ingu“, helst með aðstoð allrar
þjóðarinnar. Einnig er tekið við
fé erlendis frá og því varið til
svonefnds „Vinarskógar“.
Söfnunarbaukum er komið fyrir
á helstu ferðamannastöðum.
Um 400 aðilar hafa þegar
heitið stuðningi sínum. Eim-
skipafélag íslands reið á vaðið
með 7,5 miljóna gjöf í tilefni 75
ára afmælis síns 1989. Fuji-
umboðið gefur 10 kr. af hverri
Fuji-filmu sem seld er hérlendis.
Magnús Þór Sigmundsson hefur
gefið Átakinu lag sitt við textann
„ísland er land þitt“ og verður
það einkennislag Átaks 1990.
ÓHT
„Ég vtl e,ska mitt land“ sungu allir viðstaddir fullum hálsi á Kjarvalsstöðum á sunnudaginn, við formlegt
upphaf Ataks 1990. Frá vinstri sjást Pálína Hermannsdóttir, Hulda Valtýsdóttir, Steingrímur J. Sigfússon,
Vigdis Finnbogadóttir, Steingrímur Hermannsson, Edda Guðmundsdóttir, Svavar Gestsson og Sigurður
Blondal. Mynd: OHT.
Verkamannabústaðir
Neyöarástand í Hafnarfiröi
Alver
Rætt við
Alumax
Viðræðunefnd frá bandaríska
álfyrirtækinu Alumax kom hing-
að til lands í gær til viðræðna við
ráðamenn um hugsanlega þátt-
töku í byggingu nýs álvers hér á
landi.
Bandaríkjamennirnir áttu
fund með iðnaðarráðherra síð-
degis í gær en fyrr um daginn
ræddu þeir við fulltrúa Lands-
virkjunar.
Viðræðurnar snúast um hugs-
anlega þátttöku Alumax í bygg-
ingu nýs álvers með Atlantal-
hópnum svokallaða þar sem fyrir
eru sænskt og hollenskt fyrirtæki.
Einnig verður rætt um hugsan-
lega byggingu þriðja álversins hér
á landi í samvinnu við Alumax.
Viðræðum þessara aðila verð-
ur haldið áfram í dag.
-gb
Alltað200 umsóknir óafgreiddar. Stjórnfulltrúaráðs verkalýðsfélaganna krefstþess að stjórn-
völd tryggi nægjanlegtfjármagn hjá Byggingasjóði verkamanna til að útrýma slíku ástandi
Stjórn fulltrúaráðs verkalýðs-
félaganna í Hafnarfirði telur
að neyðarástand hafi verið að
safnast upp í málefnum Verka-
mannabústaða í bænum. Ástæð-
an er að ekki hefur fengist fé til að
standa straum af byggingu 200
íbúða sem áætlað var að byggja
síðustu fjögur árin samkvæmt
könnun sem þá var gerð um þörf-
ina á byggingu þessara íbúða.
Á nýafstöðnum stjórnarfundi
fulltrúaráðsins var þess krafist að
stjórnvöld tryggðu nægjanlegt
fjármagn hjá Byggingasjóði
verkamanna til að útrýma slíku
ástandi og að stjórn hans tæki
meira tillit til aðstæðna í
sveitarfélögum og veitti fjár-
magni þangað sem þess væri
raunverulega þörf. Ennfremur
að bæjaryfirvöld í Hafnarfirði
gerðu í samráði við stjórn Verka-
mannabústaða raunhæfa áætlun
um útrýmingu þessa vanda á 2 til
3 árum. í fyrsta lagi með tilskildu
fjárframlagi og jafnvel með út-
vegun lánsfjármagns ef
stjórnvöld hefðu ekki manndóm í
sér til að standa við skyldu sína í
þessum mikilvæga málaflokki.
Fyrir fjórum árum þegar upp-
haflega áætlunin var gerð tóku
bæði stjórn Byggingasjóðs verka-
manna og bæjarstjórn Hafnar-
fjarðar málinu vel og á fyrsta ári
byggingaáætlunarinnar voru af-
hentar 73 íbúðir, nýbyggðar og
keyptar á almenna markaðnum.
Þá voru umsóknir alls 130 hjá
Verkamannabústöðunum. Strax
eftir fyrsta árið fór að draga úr
fjárveitingum til bæjarins og
framkvæmdir drógust saman að
sama skapi. Steininn tók þó úr á
síðasta ári þegar sótt var um lán
fyrir byggingu 130 íbúða hjá
stjórn Byggíngasjóðs verka-
manna en aðeins fékkst leyfi fyrir
byggingu 40 íbúða, sem byggðar
skyldu á 18 mánaða tímabili eða
ígildi 27 íbúða á ársgrundvelli.
Áður höfðu bæj aryfi rvöld í Hafn-
arfirði tekið umsókninni jákvætt
og lofað fé til þeirra fram-
kvæmda. grh
Sleipnir
Flutningar á landi lamast
Enginn sáttafundur hefur verið
boðaður í deilu Bifreiða-
stjórafélagsins Sieipnis og vinnu-
veitenda eftir að félagið boðaði
þriggja sólarhringa verkfall frá
15. janúar. Að sögn Magnúsar
Guðmundssonar formanns
Sleipnis hefði slíkt verkfall nokk-
uð víðtæk áhrif þótt félagsmenn
séu aðeins um 80 á þessum árs-
tíma.
„Það lamast nær allar sérleyfis-
bifreiðar, töluvert af flutningum
vegna skóla, keyrsla til Keflavík-
urflugvallar fellur niður og Land-
leiðir hætta keyrslu," sagði
Magnús um áhrif verkfallsins.
Hann sagði félagsmenn aðeins
vera að bíða eftir að ríkissátta-
semjari boðaði sáttafund, en
hann verður að boða áður en til
verkfalls kemur. Hjá sáttasemj-
ara fengust þær upplýsingar að
sáttafundur verði varla boðaður
fyrr en í lok vikunnar.
Þarsem krafa Sleipnis hljóðar
m.a. uppá nær 100% launahækk-
un, auk kauptryggingar, verður
að teljast ólíídegt að lausn
deilunnar sé í sjónmáli því vinnu-
veitendur hafa ekki verið til um-
ræðu um slíkar kröfur.
-þóm
Vinningstölur laugardaginn
6. jan. ’90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 1 2.351.342
2. 1 408.866
3. 4af5 85 8.297
4. 3af 5 3452 476
Heildarvinningsupphæð þessa viku:
5.108.605 kr.
UPPLÝSINGAR: SÍMSVARI 681511 -
LUKKULINA
991002
75 mínútna lag
Óvenjulegir tónleikar verða á
vegum Tónlistarfélagsins í Lang-
holtskirkju í kvöld kl. 20.30. Þar
munu þau Paul Zukofsky og
Anna Guðný Guðmundsdóttir
flytja verkið „For John Cage“
eftir Morton Feldman. Verkið er
mjög hljóðlátt og hægferðugt og
krefst mikillar einbeitni, bæði af
áheyrendum og flytjendum, það
er ein samfella án þáttaskila og
tekur 75 mínútur í flutningi. Að-
göngumiðasala við innganginn.
Málfræðifyrirlestur
í Odda
íslenska málfræðifélagið efnir til
almenns fundar á morgun, mið-
vikudaginn 10. janúar, kl. 16.15 í
stofu 101 í Odda. Fyrirlesari
verður Kerstin Norén, en hún
vinnur að doktorsritgerð við há-
skólann í Gautaborg. Fyrirlestur-
inn nefnist „Prepositioner,
adverb och verbpartiklar" og
verður fluttur á sænsku.
Rúmeníusöfnun
Rauða krossins
Rauði kross íslands hefur ákveð-
ið að hrinda af stað söfnun til
hjálpar bágstöddum í Rúmeníu,
en féð á að nota til þess að veita
munaðarlausum börnum í Rúm-
Sigurður Antonsson afhendir
Hannesi Haukssyni fram-
kvæmdastjóra Rauða krossins
120 þúsund króna framlag frá
Nýborg í Rúmeníusöfnunina.
eníu aðstoð. Rauði kross íslands
hefur þegar sent tvær miljónir
króna til Rúmeníu. Tekið er við
framlögum á gíróreikning 90000-
1 og er hægt að hringja til Rauða
krossins í síma 26722 og tilkynna
framlög. Einnig er hægt að nota
greiðslukort.
Ný
ættfræðinámskeið
Ný ættfræðinámskeið eru að fara
af stað hjá Ættfræðiþjónustunni
og eru þau bæði fyrir byrjendur
og lengra komna. Veitt er fræðsla
um leitaraðferðir sem eru í senn
fljótvirkar og öruggar, gefið yfir-
lit um helstu ættfræðiheimildir og
leiðbeiningar veittar um gerð ætt-
artölu og niðjatals. Þá fá þátttak-
endur tækifæri og aðstöðu til að
þjálfast í verki við að rekja eigin
ættir og frændgarð með afnotum
af víðtæku gagnasafni, m.a. kir-
kjubókum um land allt,
manntölum, ættartöluhandritum
og útgefnum bókum. Leiðbein-
andi er Jón Valur Jensson,
innritun hjá Ættfræðiþjónust-
unni í síma 27101.
Linda íþróttamaður
Hafnarfjarðar
Linda S. Pétursdóttir, fimleika-
kona hjá Fimleikafélaginu
Björk, var á sunnudag kjörin
íþróttamaður Hafnarfjarðar.
Dagur til
Dagsprents
Ákveðið var að hlutafé Dags-
prents yrði aukið nú um helgina
og að Dagsprent tæki yfir rekstur
dagblaðsins Dags, en greiðslust-
öðvun þess rann út um helgina.
KEA er stærsti hluthafinn í Dag-
sprenti og hefur stjórn þess
ákveðið að auka verulega hlutafé
sitt í fyrirtækinu. Afkoma Dags
og Dagsprents hefur batnað
verulega en eftir sem áður verður
reynt að selja fasteign þeirra við
Strandgötu.