Þjóðviljinn - 09.01.1990, Blaðsíða 7

IÞROTTIR
Handbolti
Landslið á brokki
Islendingar höfðu vinninginn íþremur leikjum gegn Tékkum en áttu
mjög misjafna leikkafla. Mikil breidd í liðinu
íslendingar höfðu betur í
landsleikjunum gegn Tékkum um
helgina. Tveir sigrar gegn einum
sigri Tékka og níu marka munur í
heildina verða að teljast viðun-
andi úrslit, en leikur liðsins er þó
of köflóttur. Á föstudag vannst
átta marka sigur, sem er sá
stærsti gegn Tékkóslóvakíu frá
upphafi, síðan tapaðist annar
ieikurinn með tveimur mörkum
og síðasta ieiknum lauk með þrig-
gja marka sigri eftir brokkgengan
síðari hálfleik. Margt gott kom
fram í leik íslenska liðsins og
ánægjulcgt var að sjá styrk og ör-
yggi Júlíusar Jónassonar og Guð-
mundur Hrafnkelsson er greini-
lega orðinn mun jafnari mark-
vörður en áður.
Fyrsti leikurinn á föstudags-
kvöld var ótrúlega auðveldur
fyrir íslenska liðið, sérstaklega í
síðari hálfleik. GuðmundurGuð-
mundsson var greinilega ánægð-
ur með að koma inní hópinn á ný
því hann átti mjög góðan leik og
skoraði fimm mörk. Nafni hans
Hrafnkelsson varði markið af
snilld í síðari hálfleik og aðrir
leikmenn stóðu sig alla jafna
mjög vel. Staðan var 16-12 í hálf-
leik en Tékkarnir skoruðu aðeins
sjö mörk í síðari hálfleik gegn ell-
efu mörkum íslands.
Á laugardag gekk hinsvegar
allt á afturfótunum. Tékkarnir
léku mun betri vörn og sóknar-
leikur íslendinga náði ekki að
svara því. Margar sóknir runnu út
í sandinn þannig að Tékkar
skoruðu jafnharðan og var það
aðeins Júlíus Jónasson sem ógn-
aði vörn Tékkanna að einhverju
marki. Hann skoraði tólf mörk,
að vísu átta þeirra úr vítum úr
jafn mörgum tilraunum.
Leikurinn á sunnudagskvöld
var síðan blanda af hinum
tveimur en þó var sigur íslands
aldrei í teljandi hættu. Leikurinn
var tvísýnn framan af en eftir að
Guðmundur Hrafnkelsson hafði
varið þrjú vítaköst áttu Tékkar
ekkert svar og ísland náði góðri
forystu fyrir leikhlé, 12-6. Mun-
urinn jókst í síðari hálfleik, en
þegar staðan var 17-10 fór land-
anum að ganga mjög illa í sókn-
inni og Tékkar fengu hvert
hraðaupphlaupið af öðru. Áður
en varði var munurinn orðinn að-
eins tvö mörk, 18-16, en nær
komust Tékkar ekki og sigur ís-
lendinga var öruggur, 21-18.
Af þessum þremur leikjum að
dæma er greinilegt að stöðug-
leika vantar í íslenska liðið. Sér-
staklega á sóknin það til að vera
of einhæf og enduðu alltof marg-
ar þeirra ýmist með leiktöf eða
þannig að andstæðingarnir kom-
ust inní sendingar. Slæmt er að
nýta ekki sóknina, en hálfu verra
ef andstæðingurinn skorar strax
án fyrirhafnar.
Talsverð breidd er hinsvegar
komin í landsliðshópinn þótt
Bogdan þjálfari noti suma leik-
menn full lítið. Mjög mikilvægt er
að á sama tíma og Einar Þorvarð-
arson er óðum að ná sér eftir
meiðsli, er Guðmundur
Hrafnkelsson ekki síðri. Má
segja að Guðmundi hafi farið
stöðugt fram eftir að hann lék
úrslitaleikinn í París sl. vor.
Ljóst er að Bogdan ætlar Júlí-
usi sæti í hópnum sem fer til
Tékkóslóvakíu en Alfreð Gísla-
son og Héðinn Gilsson verða ef-
laust einnig í hópnum. Sigurður
Gunnarsson er sjálfkjörinn
leikstjórnandi, en vonandi nær
Óskar Ármannsson sér aftur á
strik og Kristján Arason og Sig-
urður Sveinsson eru öruggir sem
vinstrihandar skyttur. Einnig eru
línumennirnir Þorgils Öttar
Mathiesen og Geir Sveinsson ör-
uggir með sæti og sömuleiðis
hornamennirnir Guðmundur
Guðmundsson, Jakob Sigurðs-
son, Bjarki Sigurðsson og Vald-
imar Grímsson.
Hér hafa verið taldir upp 15
leikmenn, með fyrirvara um Ósk-
ar Ármannsson, en óvíst er hver
16. maðurinn verður. Bogdan
hefur nær ekkert notað aðra mar-
kverði en Einar og Guðmund, en
venjulega fara þrír markverðir í
Júlíus Jónasson var aðal vítaskytta landsliðsins gegn Tékkum og skoraði úr
öllum sínum 12 vitum. Alls skoraði Júlíus 22 mörk í leikjunum þremur.
svona keppni. Leifur Dagfinns-
son er einna líklegastur til að
hreppa það sæti. Að auki virðist
Bogdan ætla að hafa Gunnar
Beinteinsson í hópnum frekar en
td. Birgi Sigurðsson eða Konráð
Olavson. Annars er hægt að velta
fyrir sér mörgum möguleikum í
stöðunni og getur þetta ráðist
meira af heilsufari leikmanna.
Landsliðið verður umfram allt að
nota tímann fram að keppninni
sem best og ekki myndi saka að
brydda uppá fleiri nýjungum en
venja er.
-þóm
Mestu vinningslíkur í happdrœtti hérlendis
© Þriðji hver miði vinnur 1990 218 milljónir dregnar út
© Óbreytt miðaverð: 400 kr. ©