Þjóðviljinn - 31.01.1990, Side 12

iSPURNINGINi
Hefur þú farið á skíði í
vetur?
Sverrir Ögmundsson
sölumaður
Nei, ég hef ekki farið vegna þess
hve illa hefur viðrað. Veðrið var
að vísu ágætt um helgina en ég
hafði ekki tíma til að fara þá.
Þröstur Guðmundsson
sölumaður
Nei, en ég fer alveg örugglega í
vetur. Ég reyni að komast 10-20
sinnum á hverjum vetri og þá að-
allega í Bláfjöllin eða Skálafell og
svo hef ég líka farið í Kerlingafjöll.
En ég er líka í hestamennskunni
og það fer mikill tími í það.
Daði
Nei, ég hef aldrei farið á skíði og
renn frekar á rassinum en á
skíðum. í gamla daga notaðist
maður þó við tunnustafina.
Eima Helgadóttir
verslunarmaður
Nei, ég fer aldrei á skíði. En ég fór
einu sinni á skíði fyrir mörgum
árum.
Valgeir Helgason
nemi
Já, ég hef farið einu sinni á skíði í
vetur. Ég reyni að fara á skíði
nokkrum sinnum á vetri og finnst
gaman.
ÞlÓÐVILIINN
Miðvikudagur 31. janúar 1990. 21. tölublað 55. örgangur
SÍMI 681333
Á KVÖLDIN
681348
SÍMFAX
681935
Frá kynningarfundinum í Tæknigarði. Rögnvaldur ölafsson framkvæmdastjóri Tæknigarðs er í pontu en fremst til vinstri sést Sigmundur
Guðbjarnason rektor Háskólans. Mynd: Jim Smart.
Háskóli íslands
Niður úr fflabeinstuminum
Áherslan eykst stöðugt á hagnýtar rannsóknir og tengsl Háskóla
íslands við atvinnulíflandsmanna. Fiskeldi, EB-mál, stóriðja og
Fossvogsdalur meðal verkefna háskólamanna
Lönguin hefur sú ímynd af Há-
skóla íslands verið ríkjandi,
og jafnvel alið á henni í vissum
herbúðum, að þar séu rykfallnir
prófessorar í filabcinsturni sem
fáist við að kryfja hinstu rök til-
verunnar og annað ámóta fánýtt
og fjarri veruleika alþýðu manna.
Umhverfis þá leiki sér svo hjörð
óábyrgra námsmanna, sólundi
tjármununi þjóðarinnar og hæð-
ist að vinnandi fólki, þá sjaldan
þeir komist í kallfæri við það.
Þessari ímynd hefur núverandi
forystusveit Háskóla íslands lagt
sig fram um að breyta og liður í
þeirri viðleitni var kynningar-
fundur sem boðað var til í gær
með fréttamönnum í Tæknigarði.
Sú bygging er raunar tákn þeirrar
stefnu sem nefnd var því þar
blómstrar samvinna háskóla-
manna og sjálfstæðra tækni- og
vísindamanna, jafnt einstaklinga
sem fyrirtækja. Auk starfsemi
Háskólans eru þar 13 fyrirtæki í
leiguhúsnæði, einkum fyrirtæki
sem starfa að tölvu- og raf-
eindaframleiðsiu eða þjónustu.
Fiskeldi og
Fossvogur
Á fundinum voru kynnt nokk-
ur þeirra mörg hundruð verkefna
sem hverju sinni er unnið að við
Háskóla Islands. Þetta voru ólík
verkefni en áttu það sammerkt að
tengjast öll þjóðfélagsfyrirbær-
um sem mjög hafa verið í fréttum
á undanförnum mánuðum og
árum.
Fossvogsdalurinn og deila
stjórnvalda í Reykjavík og Kópa-
vogi um vegarlagningu í honum
hefur til að mynda verið mikið í
fréttum. Á fundinum greindi
Jónas Elíasson verkfræðiprófess-
or frá verkefni sem hann stjórnar
og er unnið að beiðni skipulags-
stjóra ríkisins og í samvinnu við
fjölmargar stofnanir. Þar vinna
þrjár stofnanir Háskólans,
Verkfræðistofnun, Raunvísinda-
stofnun og Líffræðistofnun, að
athugun á skipulagi daisins, en
einkum og sérílagi mengunar-
áhrifum bflaumferðar. Sagði Jón-
as að það hefði komið mest á
óvart í þessari vinnu að það skuii
engar rannsóknir hafa verið gerð-
ar áður á þessu sviði, fyrir vikið sé
mjög erfítt að hagnýta sér saman-
burð við erlendar rannsóknir.
Logi Jónsson dósent í lífeðlis-
fræði skýrði frá ýmsum rann-
sóknum sem eru í gangi og hafa
þann tilgang að bæta árangur í
fiskeldi hér á landi. Þar má nefna
athuganir á „sjóþroska“ göngu-
seiða en hann getur skipt sköpum
um það hvort þau dafni í sjónum
og skili sér aftur í stöðvarnar í
góðum holdum. Framleiðsla
geldfisks er annað verkefni, eldi
stórseiða sem gæti stytt verulega
vaxtartíma fisksins, sjúkdóma-
rannsóknir, kynbætur og gæða-
eftirlit. Síðast en ekki síst nefndi
Logi markaðsverkefni sem felst í
því að kynna íslenskan fisk sem
heilsufæði vegna þess hve mikið
hann inniheldur af fjölómettuð-
um fitusýrum. Þær framleiðir
fiskurinn til að mæta kuldanum
sem hann elst upp í.
Hvaða leið
á að fara?
Gunnar Helgi Kristinsson lekt-
or í stjórnmálafræði kynnti rann-
sókn sem hann vinnur að í Félags-
vísindastofnun og lýtur að stefnu-
mótun íslendinga gagnvart Evr-
ópubandaiaginu. Felst verkefnið
í að athuga þá möguleika sem
fyrir hendi eru í Evrópumálun-
um, meta kosti og galla þeirra
þriggja leiða sem um er rætt, þe.
að sitja hjá, fara EFTA-leiðina
eða sækja um fulla aðild að EB. f
þessu skyni hefur verið gerð
könnun á viðhorfum almennings
til EB og hefur hennar að nokkru
verið getið í fjölmiðlum.
Loks greindi Þorsteinn I. Sig-
fússon sem titlaður er prófessor
íslenska járnblendifélagsins við
HÍ frá starfsemi samstarfshóps
um orkufrekan iðnað. Hefur
hann unnið að athugunum á þeim
möguleikum sem eru hér á landi
fyrir orkufrek iðnfyrirtæki. Það
er ma. tilgangur starfsins að efla
innlenda þekkingu á sviðum sem
snerta framleiðslu málma og
melma. í því skyni hafa ýmsar
athuganir verið gerðar uppi á
Grundartanga, ma. á nýju efni
sem hefur hlotið heitið Steindalít
eftir Leifi Steindal starfsmanni að
Grundartanga. Það hefur þann
eiginleika að halda hörku sinni
þótt það sé hitað upp í 1700 gráðu
hita.
Af þessum fundi fór undirrit-
aður með þá tilfinningu að hafi
einhvem tíma verið reistur ffla-
beinsturn suður á Melum þá sé
hann ekki lengur tii. Þvert á móti
hafi Háskólinn tekið frumkvæði í
þjóðfélagsþróuninni, að því leyti
að minnsta kosti að hann vill
skaffa okkur þá þekkingu sem er
nauðsynleg svo hægt sé að spá í
framtíðina af einhverju viti.
-ÞH