Þjóðviljinn - 24.05.1990, Blaðsíða 2
SKAÐI SKRIFAR
Ég hugsa
um fiskinn
í sjónum
Ef þið haldið að ég, Skaði, nenni að tala
um þessar svokölluðu borgarstjómarkosning-
ar, þá er það misskilningur. Enda sé ég af
skoðanakönnunum að Reykvíkingar eru loks-
ins komnir að þeirri einu niðurstöðu sem vit er
í, en hún er sú að Sjálfstæðisflokkurinn er
eðlilegur vettvangur mannfélagsins og þess
aðskiljanlegra náttúra og óþarft að vera að
trufla hans nauðsynlega starf með einhverju
útburðarvæli frá vinstri.
Og nóg um það.
Hinsvegar hefi ég dálitlar áhyggjur af því
hver á fiskinn í sjónum, mér stendur einhvem-
veginn ekki á sama um það.
Og þegar ég kom að Gísla frænda mínum
þar sem hann var að lesa bók eftir Hannes
Hólmstein um fiskinn, þá fannst mér að vel
bæri í veiði og ég spurði si sona:
A þjóðin fiskinn í sjónum?
Að sjálfsögðu, svaraði Gísli.
En af hverju er útgerðarmönnum þá af-
hentur fiskurinn fyrst þjóðin á hann? spurði
ég.
Það er liggur í augum uppi væniminn,
sagði Gísli. Það er vegna þess að þjóð sem slík
er eiginlega ekki til nema sem paragraff í laga-
grein. Það em einstakiingamir sem em til.
Nú, og hvað með það? spurði ég.
Sérðu það ekki Skaði, það geta ekki allir
íslenskir einstaklingar átt fiskinn í sjónum.
Hvað ættu þeir Iíka að gera við hann? Éta hann
hráan? Það er þvi eins og segir í þessari góðu
bók hér:„Best fer á því að dugmestu einstak-
lingamir í hópi þjóðarinnar nýti fiskistofn-
ana”.
Og em það útgerðarmennimir? spurði ég
og lyfli brúnum eins og ég geri þegar ég vil
vera háðskur. Gísli frændi hefur nefnilega ver-
ið í útgerð og farið þrisvar á hausinn en alltaf
komið standandi niður.
Að sjálfsögðu, sagði Gísli. Hver heldurðu
að nenni að standa í því að gera út á fisk nema
þeir dugmestu menn? Þetta vom afreksmenn,
skal ég segja þér. Þegar Eldeyjar-Hjalti var að
vaxa úr grasi var til einn og hálfur þorskhaus á
mann á heimilinu yfir heila páskahelgi. Annar
skapari íslenskra togara var Tryggvi Ófeigs-
son, sko héma segir bókin frá honum: Hann
var svo útsjónarsamur að hann kom auga á
leið til að nýta brauðmylsnu í rasp á togurum
sinum og sparaði með því útgjöld og svoleið-
is. Eða Alli ríki sem aldrei spandéraði pening-
um í brennivín og kvenfólk heldur notaði þá
til að kaupa upp atvinnutækin í heimabyggð
sinni. Ef þessir karlar eiga ekki skilið að fá að
I ROSA-
GARÐINUM
eiga fiskinn i friði þá hver?
Það er nú svo langt síðan, sagði ég. Taktu
það ekki til þín, Gísli minn, en það vom líka
allskonar óráðsíufólar og eymingjar að gera út
þama um 1980 þegar kvótinn kom eins og
hver annar happdrættisvinningur...
Og þó svo væri? spurði Gísli. Er ekki son-
ur þinn ágætis námsmaður og dóttir þín svo
lagleg að allir vilja hana eiga? Er það þeim að
þakka? Nei, þau hafa akkúrat ekkert til unnið.
Mega þau ekki hirða afraksturinn af námsgáf-
um sínum og laglegheitum? Viðurkennir þú
ekki eignarhald manna á þeirra hæfileikum?
Fiskurinn í sjónum er ekki hæfileiki, sagði
ég-
Fiskurinn í sjónum er náðargáfa eins og
fegurðin, sagði Gísli. Réttlætið er víkjandi
staðreynd í þeim málum.
Og hvað nú ef þessir handhafar náðarinnar
og aðalsmenn dugnaðarins hlaupa með
fiskikvótann sinn til Spánar eða eitthvað og
leggjast þar i sukk og plássið heima fer á með-
an til andskotans? spurði ég.
Vertu ekki með svona andskotans svarta-
gallsraus, Skaði. Svoleiðis gerir enginn ís-
lenskur útgerðarmaður vegna þess blátt áfram
að annað eins kemur ekki til mála og getur
ekki átt sér stað.
mmamamm
Mosfellingar vllja ' •-og Grafarvogsbúar
ekki hafa ruslið í vilja ekki böggunar I .^mqaKORNIÐ!!! Hvað
Álfsnesi... , stöð í Gufunesi 'J '
l -
S Ærl
||
l<
SEINT FYRNAST
FORNAR SYNDIR
Hef ekki átt kind í 15 ár en
verð samt að borga.
Fyrirsögn í DV
LOKSINS EITT-
HVAÐ AF VITI!
Helsta baráttumál vinstri
flokkanna í Reykjavík er að
borgarstjóri þeirra ferðist um á
reiðhjóli.
DV
ALLT Á HREINU
í komandi kosningum...
verður kosið um innsæi kvenna
og útsæi karla, eldmóð unga
fólksins og þor-móð öldung-
anna. Um uppbyggingu og nið-
urrif, jafnvel endurbyggingu á
áður niðurrifinni uppbyggingu.
Víkurblaðið
ÞAU ERU MÖRG
FEIMNISMÁLIN
Þannig tókst Ólafi Ragnari
Grimssyni að tala í tæpa tvo tíma
á fundi hér (á Húsavík) s.l.
sunnudag án þess að taka sér
orðið „vinstri” í munn.
Víkurblaðið
RANNSÓKNAR-
BLAÐAMENNSKAN
ER EKKI DAUÐ
Þar voru nemendur spurðir
fimm spuminga. Sú fyrsta var
hvort þeir hefðu sofið hjá kenn-
ara. 93,5% stelpnanna svöruðu
neitandi, 6,5 % svömðu játandi
en bættu því við að þær hefðu
verið svo fullar að þær myndu
ekkert eftir því.
DV
GEGN UPPLÝS-
INGASKORTI!
Grímuklæddir nemendur...
höfðu brotist inn í skólann til að
stela prófverkefnum í ensku og
þýsku.
DV
EINHVERSSTAÐAR
VERÐUR VONT
AÐ VERA
Eins flokks kerfi í stjóm
Reykjavíkur?
Fyrírsögn í Tímanum
ENDALOK MANN-
KYNSSÖGUNNAR
Hvað er að gerast í Reykja-
vík? Er búið að framkvæma allt
sem gera þarf svo að ekki er um
neitt að tala?
Morgunblaðió
NEI, ÞETTA HEITIR
EINKAVÆÐING
Kona, hvar ertu, sem þjóð-
nýttir skyline-gluggatjöldin frá
sameiginlegri biðstofu fegrunar-
aðgerða okkar... Þau em grá,
100% bómull og var rennt út af
Z-brautinni og hurfu fyrir páska-
hátíðina.
Lesendabréf
í Morgunblaðinu
KRAFTAJÖTNAR
TAKASTÁ
Steingrímur gerði þó ekki
annað en tala við Arafat, en
Morgunblaðið telur sig þess um-
komið að leiðbeina sjálfum Bush
inn á réttari brautir.
Morgunblaðið
2 SÍÐA — NÝTT HELGARBLAÐ Fimmtudagur 24. maí 1990