Þjóðviljinn - 01.08.1990, Blaðsíða 5

FERÐABLAD
/ faðmi fjalla
Sunnan Hofsjökulsstanda
Kerlingarfjöll bísperrt upp úr hásl-
éttunni. Þessi tignarlegi fjallak-
lasi er ein af djásnum íslenskra
öræfa, tindótturog litum prýddur,
skorinn hrikalegum giljum og
gljúfrum, sundursoðinn ólgandi
hverum. Hvort sem farið er um
Kjalveg eða Sprengisandsleið
blasir þessi bergrisi við augum
ferðalanga, hvertindurinn öðrum
fegurri og tignarlegri. í dulitlu vin-
arlegu dalverpi í hlíðum Kerling-
arfjalla kúra nokkur strýtumynd-
uð hús og mynda „Kerlingar-
fjallaþorpið" í (Ásgarði).
Þetta litla samfélag hýsir starf-
semi Skíðaskólans í Kerlingar-
fjöllum, en í sumar er 30. starfsár
hans. Flestir skíðamenn á íslandi
þekkja til Skíðaskólans í Kerling-
arfjöllum, annaðhvort af afspurn
eða eigin reynslu. Þeir sem einu
sinni gista Kerlingarfjöll hvort
sem það er til skíðamennsku,
fjallgöngu eða bara til dvalar í
stórbrotinni náttúru, þeir koma
aftur. Sumir hvert sumar, jafnvel
oft á sumri.
Ferðafélag íslands reisti fyrsta
skálann í Ásgarði 1937 og þangað
hafði F.f. reglulegar ferðir á
sumrum. Það var svo 1961 sem
fyrst var skipulögð skíðakennsla
á vegum Skíðaskólans sem frá
upphafi hefur starfað undir stjórn
íþróttakennaranna Eiríks Har-
aldssonar, Sigurðar Guðmunds-
sonar og Valdimars Örnólfs-
sonar. í fyrstu var notast við
gamla Ferðafélagsskálann sem
fenginn var á leigu en 1963 byrj-
aði Skíðaskólinn að byggja sín
eigin hús en þau hafa stækkað og
batnað með árunum.
Starfsemin hefst í lok júní og
síðasta námskeiði lýkur í byrjun
september. Boðið er uppá viku-
og helgarnámskeið bæði fyrir
byrjendur og lengra komna í
þessari eðlu íþrótt og er nú hægt
að hýsa rúmlega 90 manns í hús-
um skólans. Oft tjalda svo ferða-
langar og skíðamenn á tjaldstæð-
inu í Ásgarði eða annarsstaðar í
nágrenni og er þá margt um
manninn í skíðabrekkum fjal-
lanna og þröng á þingi á hinum
rómuðu kvöldvökum. Eitt af að-
alsmerkjum Skíðaskólans er ein-
mitt hið vingjarnlega og glaðlega
viðmót sem gestir og gangandi
þekkja vel, enginn kemst upp
með sorg eða sút og ekki um ann-
að að ræða en vera „fjallhress“.
(Kannske það orðatiltæki hafi
Húsakostur Skíðaskólans í Kerlingarfjöllum. Mynd: Steinar.
myndast í Kerlingarfjöllum?) Öll
aðstaða á staðnum er nú með
ágætum, heitt vatn frá eigin hita-
veitu og rafmagn frá eigin virkjun
í Ásgarðsá. f Jökulkinn og Fann-
borgarjökli, nokkru ofar f fjöl-
lunum en skíðaskálinn, er farið á
skíðum. Farið er „uppí snjó“ um
10 leytið árdegis og skíðað með
hléum til kl. 17. Þar er ætíð nægur
snjór og fjórar skíðalyftur ásamt
troðara sem sjá um að koma
skíðamönnum upp brekkurnar. í
góðu skyggni er hið besta útsýni
úr skíðabrekkunum, - Hof-
sjökull, Eyjafjarðarfjallgarður,
Reykjarhyrna á Ströndum, Skag-
afjarðarfjöll, Hrútfell, Lang-
jökull, Jarlhettur, Bláfell, Tind-
fjöll, Hekla, Eyjafjallajökull,
Vatnajökull, - í einu orði stór-
kostlegt. Ef menn vilja klífa fjöll
eru Snækollur hæstur, 1470 m, en
Höttur, Loðmundur, Mænir,
Keis, Kerlingartindur og margir
fleiri fjallatoppar í þægilegri fjar-
lægð en misauðveldir uppgöngu.
Fjöldi hrikalegra gljúfra og gilja
sem skera sundur undirhlíðar
Fjallanna, stór og litskrúðug
hverasvæði og óteljandi göngu-
leiðir bíða náttúruunnenda af
öllu tagi.
Kerlingarfjöll eru svo sannar-
lega athyglisverð og spennandi
fyrir þá sem vilja njóta íslenskrar
náttúru, ganga á fjöll, fara á
skíðum eða gera allt af þessu.
Oftast er fært öllum bflum í „Fjöl-
lin“ og akstur frá Reykjavík
tekur um 4-6 klukkutíma. Fara
skal þó með gát um fjallvegi og
ár.
- Steinar
Kaupfélag Héraðsbúa
býður ferðafólk velkomið á félags-
svæði sitt og veitir því þjónustu á:
EGILSSTÖÐUM:
Almenn sölubúð, þar fást flestar ferðavörur ásamt nauðsynja- og gjafavörum.
Söluskáli - Opinn til kl. 23.30 býður upp á brauð, mjólk, pylsur, ís, öl, sælgæti, tóbak
og ýmsar smávörur sem ferðalanga gæti vanhagað um.
ESSO-þjónustumiðstöð er selur bensín, olíur og ýmsar smávörur til bílsins.
Þvottaplan, tjaldstæði og snyrting.
BORGARFIRÐI EYSTRA:
Almenn sölubúð með allar nauðsynjavörur. ESSO-þjónustustöð.
SEYÐISFIRÐI:
Almenn sölubúð að Hafnargötu 28 (Þórshamar). Þar fást allar nauðsynja- og
ferðavörur.
REYÐARFIRÐI:
Almenn sölubúð er selur allar nauðsynjar og ferðavörur.
ESSO-þjónustumiðstöð með bensín, olíur og ýmsar smávörur fyrir bifreiðina.
VELKOMIN TIL AUSTURLANDS
KAUPFELAG HERAÐSBUA
Egilsstödum — Borgarfirdi eystra
Reyðarfirði.
Seyðisfirð* —