Þjóðviljinn - 19.09.1990, Blaðsíða 1

Miðvikudagur 19. september 1990 —175. tölublað 55. árgangur
Olíufélögin búa sig nú undir að fara ffam á veruiega hækkun á verði oliu og bensíns vegna verðhækkana á heimsmarkaði. Mynd: Kristinn.
Olíufélögin
Fara fram á stórhækkun
Persaflóadeilan kemur við pyngjur landsmanna innan skamms. Olíufélögin undirbúa kröfu um verulegar hœkkanir.
Dýrir farmar á leið til landsins
Búast má við að Persaflóa-
deilan muni gera vart við
sig i pyngjum landsmanna inn-
an skamms.
Olíufélögin búa sig nú undir
að gera kröfur um verulegar
hækkanir á gasolíu, bensíni og
svartolíu. Búist er við að gerð
verði krafa um 20-30 prósent
hækkun á gasolíu á næstu dögum,
en gert er ráð fyrir að krafist verði
minni hækkunar á öðrum vörum.
Verð á eldsneyti hefúr hækkað
verulega á heimsmarkaði og ís-
lensku olíufélögin eiga nú von á
formum sem keyptir eru dýrara
verði en það sem selt hefur verið
hingað til.
Kristinn Bjömsson, forstjóri
Skeljungs, segir í samtali við
Þjóðviljann að hvergi í Evrópu sé
að fá bensín og gasolíu fyrir lægra
verð en á Islandi.
- En þetta getur ekki gengið
endalaust, segir Kristinn.
Hann segist búast við að olíu-
félögin sendi verðlagsráði bréf á
allra næstu dögum, jafnvel í dag.
Þar verður farið fram á verulega
hækkun á gasolíu og svartolíu og
má jafnvel búast við að krafist
verði tafarlausrar hækkunar.
Enn er óljóst hve mikillar
hækkunar olíufélögin munu
krefjast á bensíni, en ljóst er að
þau telja sig þurfa á nokkurri
hækkun að halda. Oskir olíufé-
laganna um hækkun á bensíni
munu skýrast á næstunni.
Hækkun á blýlausu bensíni er
háð ákvörðun verðlagsráðs, en ol-
íufélögin geta hækkað verð á súp-
erbensíni að vild. Þó má vænta
þess að hækkun verði sú sama á
báðum tegundum.
Sem fyrr segir hefur Persa-
flóadeilan enn ekki komið niður á
pyngjum landsmanna, en að sögn
Kristins Bjömssonar hafa erlend
skip sem koma í íslenskar hafnir
þurft að greiða mun hærra verð en
íslensk fyrir gasolíu.
-gg
Revkjavík
Félagsmála-
stofnun fær
aukafjár-
veitingu
Borgarráð samþykkti
80 miljóna króna
aukafjárveitingu
vegna fjárhagsaðstoð-
ar við skjólstœðinga
Félagsmálastofnunar
Borgarráð ákvað í gær að verja
80 miljónum króna umfram
fjárhagsáætlun vegna beinnar
fjárhagsaöstoðar við skjólstæð-
inga félagsmálastofnunar borg-
arinnar. Sífellt fleiri hafa á und-
anförnum mánuðum og misser-
um leitað ásjár hjá stofnuninni
vegna þess að endar ná ekki
saman í heimilishaldinu.
Þetta er í annað sinn í ár sem
samþykkt er aukafjárveiting vegna
fjárhagsaðstoðar við skjólstæðinga
Félagsmálastofiiunar. Fyrr á árinu
var samþykkt 40 miljóna króna
aukafjárveiting, svo samtals nema
aukafjárveitingar á árinu 120 mi-
ljónum króna. Það em verulegt
hlutfall af því sem upphaflega var
áætlað til aðstoðar við skjólstæð-
inga. -gg
Hafnarfjörður
Fjárhagsáætlun félagsmála-
stofnunar sprungin
Útlit fyrir að tvöfalda þurfi fjárveitingu vegna aðstoðar við skjólstœðinga félagsmálastofnun-
ar í Hafnarfirði. Dœmi um að fólk biðji um aðstoð vegna náms
Okkur sýnist að það þurfi að
tvöfalda fjárveitinguna sem
okkur var ætluð til þess að að-
stoða fólk sem ekki getur fram-
fleytt sér af launum sínum.
Skjólstæðingum okkar hefur
fjölgað mjög á síðustu árum og
jafnframt er nú að koma til
okkar fólk sem ekki þurfti á að-
stoð að halda áður. Það eru
dæmi um að fólk biðji okkur
um aðstoð svo það þurfi ekki að
taka börn sín úr framhalds-
námi.
Þetta segir Marta Bergman,
félagsmálastjóri í Hafnarfirði, í
samtali við Þjóðviljann. En
ástandið sem hún lýsir er ekki
bundið við Hafnarfjörð. Marta
segist heyra sömu sögu frá koll-
egum sínum víða um land, ekki
síst í nágrannasveitarfélögunum.
Þar hefúr þurft að auka fjárveit-
ingar til félagsmálastofhana veru-
lega.
Marta Bergman og annað
starfsfólk félagsmálastoínana
verður óþyrmilega vart við þá
rýmun kaupmáttar og þann sam-
drátt í atvinnulífi sem orðið hefur
á síðustu ámm. Skjólstæðingum
hefúr íjölgað og íjárhagsáætlanir
springa ár eftir ár.
- Fjárveitingin vegna fram-
færsluaðstoðar var vanáætluð í
fjárhagsáætlun fyrir þetta ár. En
það em fleiri ástæður fyrir auk-
inni fjárveitingu. Atvinnuleysi
hefur aukist til muna auk þess
sem fólk á ekki kost á jafn mikilli
yfirvinnu og áður. Við finnum
mikið fyrir sveiflum í atvinnulíf-
inu, segir Marta.
Fólk í fullri vinnu kemur til
félagsmálastofnunar og biður um
aðstoð. Sem fyrr segir em jafnvel
dæmi um að fólk biðji um aðstoð
vegna skólagöngu fólks á aldrin-
um 16-19 ára, það er fólki sem
hefur lokið skyldunámi en hefur
enn ekki hafið lánshæft nám.
Þetta er alveg nýtt hjá stofnun-
inni.
- Aður gerði stór hluti fólks út
á yfirvinnuna. Þegar hún minnkar
og fólk situr eftir með strípaða
taxtana, uppgötvar það að endar
ná ekki saman. Fólk ræður ekki
við húsaleigu upp á 30-40 þúsund
krónur. Fóllc sem á tvö böm og
nýtur ekki niðurgreiðslna þarf að
borga yfir 40 þúsund krónur á
mánuði fyrir bamapössun.
Hvemig á það að ganga upp? Það
er algengt að fólk ráði ekki við að
reka ódýra bíla. Tryggingar og
rekstrarkostnaður em því ofviða,
segir Marta. -gg