Dagblaðið Vísir - DV - 09.04.1996, Blaðsíða 4
22
ÞRIÐJUDAGUR 9. APRÍL 1996
ÞRIÐJUDAGUR 9. APRÍL 1996
27
Iþróttir dv r>v
Jón Kristjánsson, þjálfari og leikmaður íslandsmeistaranna, fær hér innilegt
faðmlag frá Ólafi Stefánssyni eftir að úrslitin voru Ijós og fjórði
íslandsmeistaratitill Vals var staðreynd. Ekki er hægt að segja annað en að
þjálfaraferill Jóns hafi byrjað með glæsibrag og búast má við því að hann
haldi áfram að þjálfa og leika með liðinu.
Veroskuldao hjá Val
- tryggði sér íslandsmeistaratitilinn fjórða árið í röð með öruggum sigri á KA
úrslitum á
næsta tímabili"
Valsmenn verðskulda það með réttu að bera nafn-
bótina besta handdboltalið landsins eftir að þeir unnu
öruggan sigur á KA, 25-17, í fjórða úrslitaleik liðanna
um íslandsmeistaratitilinn í handknattleik í Laugar-
dalshöllinni á föstudaginn. Þar með unnu Hlíðarenda-
piltarnir fjórða meistaratitil sinn í röð og um leið var
þetta 18. íslandsmeistaratitill Vals frá upphafi.
Valsmenn betri á ölium sviðum
Valsmenn voru betri á öllum sviðum íþróttarinnar
í leiknum á föstudaginn. Þeir tóku leikinn strax í sín-
ar hendur, léku sterka vörn, líflegan og um leið agað-
an sóknarleik og léku sem sterk liðsheild á meðan
KA-menn voru í stökustu vandræðum í sókn sem
vörn og stóluðu á einstaklingsframtakið. Að vísu
voru norðanmenn óheppnir með færi sín í fyrri hálf-
leik en hefði ekki komið til góð markvarsla Guð-
mundar A. Jónssonar, markvarðar KA, hefði munur-
inn verið meira en fjögur mörk í hálfleik.
Eftir að Valsmenn náðu sex marka forskoti í upp-
hafi síðari hálfleiks var ljóst í hvað stefndi. Valsmenn
léku við hvern sinn fingur á meðan KA-menn léku
illa og þurftu að játa sig sigraða löngu fyrir leikslok.
Valsmenn voru lengi í gang í úrslitakeppninni en
þegar vél þeirra fór að ganga á eðlilegum styrk kom
berlega í ljós að þeir voru með besta liðið. Til ham-
ingju, Valsmenn!
Frábær leikur hjá Degi og Guðmundi
í mjög sterkri liðsheild Vals skáru Dagur Sigurðs-
son og Guðmundur Hrafnkelsson sig úr. Dagur átti
frábæran leik, jafnt í vörn sem sókn. Hann stjórnaði
spili sinna manna eins og herforingi og skoraði gull-
falleg mörk. Sannarlega gott tímabil hjá Degi og í úr-
slitakeppninni blómstraði hann. Guðmundur Hrafn-
kelsson sýndi enn og aftur að hann er besti markvörð-
ur landsins. Hann varði á köflum stórskostlega, alls
18 skot, þar af mörg skot KA-manna úr dauðafærum.
Guðmundur hafði hægt um sig fram að úrslitaleikjun-
um gegn KA en eins og oft áður kom hann sterkur
upp á réttum tíma. Ólafur Stefánsson og Jón Krist-
jánsson voru einnig mjög drjúgir i vörn sem sókn og
ekki er hægt að segja annað en að þjálfaraferill Jóns
hafi byrjað með glæsibrag. Enn eitt dæmið um
breiddina í liði Vals var að landsliðsmaðurinn Davíð
Ólafsson sat á varamannabekknum í 56 mínútur og á
meðan lék Sveinn Sigfinnsson stórvel í vinstra horn-
inu. Valsmenn höfðu breiddina umfram KA-menn og
í svona úrslitaleikjum er það fljótt að telja.
KA-menn geta borið höfuðið hátt
Strákarnir hans Alfreðs Gíslasonar geta borið höf-
uðið hátt þrátt fyrir tapið. Lengi framan af vetri
höfðu þeir á skipa besta liði landsins og tveir titlar í
safnið, bikarmeistaratitill og deildarmeistaratitill, er
árangur sem norðanmenn geta verið stoltir af. I leikj-
unum gegn Val hittu KA-menn einfaldlega ofjarla
sína. KA náði aldrei að spila sem ein liðsheild, nema
í þriðja leiknum, og einstaklingsframtakið réð rikj-
um. Guðmundur Arnar lék best KA-manna og af úti-
leikmönnunum var Julian Duranona atkvæðamestur.
Þessi frábæri Kúbumaður kryddaði heldur betur ís-
lenskan handknattleik í vetur og vonandi er að hann
leiki áfram hér á landi næsta vetur. KA-menn munu
hins vegar sjá á eftir frábærum leikmanni sem
Patrekur Jóhannesson er. Patti náði sér ekki á strik í
sínum síðasta leik með KA í bili og það var skarð fyr-
ir skildi fyrir KA. Þá náðu hornamennirnir knáu, Jó-
hann G. Jóhannsson og Björgvin Björgvinsson, sér
ekki á strik.
KA-menn töpuðu þar með annað árið fyrir Val í úr-
slitum um íslandsmeistaratitilinn og eflaust hljóta
þeir að gera harða atlögu að titlinum á næsta ári og
þá rætist kannski máltækið, allt er þegar þrennt er.
-GH
Jón Kristjánsson, þjálfari Vals:
Enginn skyldi afskrifa Val
„Menn voru mjög grimmir og
ætluðu að selja sig dýrt í þessum
leik. Við urðum fyrir sjokki í þriðja
leiknum, komum þá kærulausir til
leiks og það var hlutur sem við ætl-
uðum ekki að láta endurtaka sig,“
sagði Jón Kristjánsson, þjálfari og
leikmaður Vals, en Jón var að stíga
sín fyrstu skref í þjálfun meistara-
flokks og ekki er hægt að segja ann-
að en hanm hafi byrjað glæsilega.
„Miðað við þessaleiki sem höfum
verið að spila gegn KA get ég ekki
sagt annað en að þessi titill sé verð-
skuldaður. KA-menn börðust heið-
arlega en kannski gáfust þeir of
fljótt upp í þessum leik.“
Vendipunkturinn var tapið
gegn Aftureldingu
„Við vorum ekki að spila mjög
vel framan af úrslitakeppninni og f
síðustu leikjunum í deildinni en
vendipunkturinn held ég að hafi
verið tapið gegn Aftureldingu. Eftir
þann leik fórum við að kryfja hvað
væri að og ákváðum í framhaldinu
ýmsar áherslubreytingar."
Verður erfitt að halda titlin-
um
„Það hefur ekki verið ákveðið
hvort ég verð áfram að þjálfa en það
er fyrirséð að einhverjar breytingar
verða á liðinu. Það verður erfitt að
halda titlinum þar sem tveir af
bestu handboltamönnum landsins
eru á forum, þeir Dagur og Óli.
Maður veit ekki hvað gerist hjá öðr-
um liðum en kannski þurfum við að
hafa enn þá meira fyrir hlutunum á
næsta ári og enginn skyldi afskrifa
Val. Valur hefur áður misst leik-
menn en samt hefur liðinu tekist að
halda sínu striki," sagði Jón.
-GH
Guðmundur Hrafnkelsson átti stórleik í markinu og enn og aftur kom í Ijós að hann er besti markvörður landsins. Á myndinni tekur Guðmundur á móti hamingjuóskum frá formanni Knattspyrnuíélagsins
Vals, Ragnari Vigni, eftir leikinn. DV-myndir ÞÖK
Alfreð Gíslason, þjálfari KA:
„Verðum aftur í
Ólafur B. Schram, formaður HSÍ, tekur í hönd Patreks Jóhannessonar um
leið og hann afhendir KA-mönnum silfurverðlaunin á fslandsmótinu.
„Við erum að fá fullt af færum í
fyrri hálfleik, bæði línuskot, hraða-
upphlaup og vítasköst sem Guðmund-
ur er að verja og í bakið fáum við á
okkur mörk og þetta gerði útslagið að
mínu mati,“ sagði Alfreð Gíslason,
þjálfari og leikmaður bikarmeistara
KA, við DV eftir leikinn.
„Ég þakka mínum mönnum fyrir
frábæran vetur og um leið óska ég Val
til hamingju með titilinn sem þeir
verðskulda og gaman var að sjá
hvernig þeir hafa lært af okkur með
umgjörð heimaleikja. Við áttum á
brattann að sækja í þessum leikjum
gegn Val og kannski tapið í fyrsta
leiknum á heimavelli hafi gert okkur
órólega. Ég geri ráð fyrir að vera
áfram með liðið og ég ætla að lýsa því
yfir að við verðum í úrslitum á nýjan
leik á næsta ári. Við missum að vísu
Patrek en ég er bjartsýnn á að halda
Duranona og við komum örugglega til
með að bæta við okkur mannskap,"
sagði Alfreð Gíslason, þjálfari KA, eft-
ir leikinn.
-GH
Guðmundur Hrafnkelsson, Ólafur Stefánsson og Sigfús Sigurðsson fallast í
faðma skömmu eftir að flautað hafði verið til leiksloka í Laugardalshöllinni á
föstudaginn.
Dagur Sigurðsson, fyrirliði Vais, Guðmundur Hrafnkelsson og Sigfús Sig-
urðsson með íslandsbikarinn og eignabikarinn sem Valsmenn fengu einnig.
Sagt eftir leikinn:
Sýndum að við
erum bestir
- sagði Dagur Sigurðsson fyrirliði
„Við erum bara að spila allt
annan bolta á útilvelli heldur en á
heimavelli. Heima erum við að
spila miklu hraðar en í þessum
leik vorum við í stökustu vand-
ræðum með sóknina og einnig
vörnina. Valur spilaði glimrandi
góðan handbolta og átti skilið að
vinna titilinn og ég vil óska þeim
til hamingju. Ég get ekki skilið
annað en sáttur við dvölina hjá
KA þó svo að endirinn hafi verið
leiðinlegur. Ég er ánægður með
þrjá titla á tveimur árum. Ég vona
að ég verði lengi úti og þegar ég
kem svo heim fer ég vonandi aftur
til KA,“ sagði Patrekur Jóhannes-
son, leikmaður KA, sem var að
leika sinn síðasta leik með félag-
inu í bili en hann er búinn að
semja við þýska liðið Essen.
Stemningin kveikti í okkur
„Við komum mjög einbeittir í
þennan leik. Stemningin í húsinu
var frábær og það kveikti í okkur.
Við töldum okkur vera með betra
lið og ef okkur tækist að spila okk-
ar bolta þá myndum við sigra. Við
höfðum meiri reynslu í svona
leikjum og breiddin var meiri okk-
ar megin. Maður verður að koma
upp í svona leikjum og það hefur
yfirleitt gerst hjá mér,“ sagði Guð-
mundur Hrafnkelsson, frábær
markvörður Vals.
Sýndum aö við erum bestir
„Við vorum að spila mjög vel og
held að við höfum sýnt öllum að
við erum bestir. Það var óneitan-
lega spark í rassinn að tapa fyrir.
Aftureldingu á heimavelli í und-
anúrslitunum og eftir þann leik
ræddum við málin og þjöppuðum
okkur saman. Það er ljóst að við
Óli hverfum á braut en ég er samt
ekki svartsýnn fyrir hönd Vals.
Það hafa alltaf orðið breytingar.
Fyrir þetta tímabil misstum við
Geira Sveins, Frosta, Finn, Axel
og Tobba þjálfara en samt stönd-
um við uppi sem meistarar. Mönn-
um finnst þetta örugglega stór biti
svona í fyrstu aö missa okkur en
ég held að Valsliðið verði jafn-
sterkt að ári liðnu,“ sagði Dagur
Sigurðsson, fyrirliði Vals, sem var
að leika sinn síðasta leik með Val
í bili en eins og komið hefur fram
í DV eru hann og Ólafur Stefáns-
son búnir að semja við þýska liðið
Wuppertal.
Sá stærsti með Val
„Þetta er örugglega minn
stærsti dagur með Val. Með sigur-
inn í huga og allt það var frábært
að sjá alla þessa Valsmenn sem
mættu til að styðja við bakið á
okkur. Þessi umgjörð á leiknum
hefur örugglega kallað á marga og
það sem við getum lært af þessu er
að handbolti er ekkert annað en
skemmtun. Það var mikill léttir
fyrir mig að klára þetta því ég var
ekki með alla á bak við mig að
fara með leikinn í Höllina. Við
vorum að undirbúa lið okkar í all-
an vetur fyrir þessa úrslitaleiki,
vorum að bæta sóknar- og varnar-
leik okkar á meðan KA-menn fóru
svona í sigurvímu í gegnum allt
mótið. Hefðin að vinna er sterk
hjá Val og gífurlegur metnaður
var hjá strákunum að sigra,“
sagði Brynjar Harðarson, formað-
ur handknattleiksdeildar Vals og
liðsstjóri, við DV eftir sigurinn.
-GH
íþróttir
Fimm í röð
hjá Gumma
Guðmundur Hrafnkelsson,
markvörður Vals, var að vinna
fimmta íslandsmeistaratitil sinn
í röð á fostudaginn. Síðustu fjög-
ur árin með Val og árið 1992 með
FHþegar liðið lagði Selfoss að
velli í úrslitum.
Söngvari Blur
fylgdist með
Söngvari bresku hljómsveitar-
innar Blur, Damon Albarn, $em
nýtur geysilegra vinsælda hér á
landi sem víðar, var á meðal
áhorfenda á leiknum. Ekki var
annað að sjá en að honum líkaði
handboltaleikurinn vel þó svo
handbolti sé ekki hátt skrifaður
í heimalandi hans.
Valur jafnaði
met Víkings
Sigur Valsmanna á íslands-
mótinu í ár var fjórði íslands-
meistaratitill félagsins í röð og
þar er afrek sem aðeins einu liði
hefur tekist að gera áður. Þetta
gerðu Víkingar á árunum
1980-1983.
Uppselt var
í Höllina
Það var geysileg stemning í
Laugardalshöllinni á föstudag-
inn og minnti um margt á gömlu
góðu dagana. Uppselt var á leik-
inn 10 mínútum áður en hann
hófst og voru áhorfendur nálægt
4.000. Menn höfðu á orði að
föstudagurinn langi væri góður
leikdagur. Fólk héngi flest heima
í leiðindum og því kjörið að
bjóða upp á góðan handboltaleik.
Brynjar Harðarson, formaður
handknattleiksdeildar Vals, var
í skýjunum með aðsóknina enda
kom góður peningur í kassa
Valsmanna.
Fram meistari
í 2. deildinni
Framarar tryggðu sér íslands-
meistaratitilinn í 2. deild karla á
laugardaginn en þá var leikin
síðasta umferðin í úrslita-
keppni 2. deildar. Úrslitin í loka-
umferðinni urðu þau að Fram
lagði ÍH, 33-17, og HK lagði
Fylki, 33-27. Fram og HKhlutu
bæði 20 stig en markatala Fram-
ara var aðeins betri. Þessi tvö lið
taka sæti KR og Víkings. Fylkir
hlaut 10 stig, Þór 7, ÍH 6 og
Breiðablik 4 stig.
Valur-KA
(12-8) 25-17
1-0, 1-2, 3-3, 6-4, 8-5, 9-7
(12-8), 13-8, 15-9, 15-11, 18-12,
21-15, 25-16, 25-17.
Mörk Vals: Dagur Sigurðsson
9/1, Sveinn Sigfinnsson 4, Ólafur
Stefánsson 4/1, Jón Kristjánsson
3, Sigfús Sigurðsson 2, Skúli
Gunnsteinsson 2, Valgarö
Thoroddsen 1.
Varin skot: Guðmundur
Hrafnkelsson 18/2.
Mörk KA: Julian Duranona
9/1, Leó Örn Þorleifsson 3,
Patrekur Jóhannesson 3, Björg-
vin Björgvinsson 1, Jóhann G.
Jóhannsson 1.
Varin skot: Guðmundur A.
Jónsson 15/1.
Brottvísanir: Valur 4 mín.,
KA 6 mín.
Dómarar: Stefán Arnaldsson
og Rögnvald Erlingsson, frábær-
ir.
Áhorfendur: Um 4000 (upp-
selt).
Menn leiksins: Dagur Sig-
urðsson og Guðmundur
Hrafnkelsson, Val.