Dagblaðið Vísir - DV - 17.07.1996, Síða 6

MIÐVIKUDAGUR 17. JÚLÍ 1996
20 mauðárkrókur
Atvinnulíf traust á Sauðárkrnki ng fnlksfjölgun stöðug:
Ég er frekar bjartsýnn á framtíðina
- segir Snorri Björn Sigurðsson sem fagnar 10 ára afmæli sem bæjarstjóri
Snorri Björn Sigurösson hefur verið bæjarstjóri á Sauöárkróki í 10 ár, þó
ekki jafn lengi og hesturinn Faxi í baksýn sem staðið hefur viö samnefnt torg
í bænum. Snorri er bjartsýnn á framtíöina fyrir hönd bæjarbúa.
DV-mynd PÖK
„Á síðustu misserum hefur at-
vinnuleysi verið býsna mikið. Við
höfum bjargað okkur á sumrin með
því að setja í gang átaksverkefni og
verið með mikinn fjölda í vinnu.
Krakkarnir hafa unnið got't verk í
gróðursetningu og stígagerð og öðr-
um umhverfismálum. Núna er það
að gerast að atvinnuástand er orðið
mjög gott, það eru ekki nema 10 á
atvinnuleysisskrá en voru yfir 60 á
svipuðum tíma í fyrra. Margt er já-
kvætt og helstu framleiðslufyrir-
tækjum bæjarins gengur vel um
þessar mundir. Framkvæmdir eru
töluverðar miðað við ástandið síð-
ustu misseri. Ég er því frekar bjart-
sýnn á framtíðina," segir Snorri
Björn Sigurðsson í samtali við DV
enn hann hefur verið bæjarstjóri á
Sauðárkróki í 10 ár eða frá 1986.
Hann er því að stýra bænum á sínu
þriðja kjörtímabili og verður örugg-
lega, ef ekkert óvænt kemur upp á,
bæjarstjóri til ársins 1998.
Snorri segir að þegar horft sé til
framtíðar í bæjarfélaginu sé ekki
annað hægt en að líta til fortíðar.
Utan höfuðborgarsvæðisins er
Sauðárkrókur einn af örfáum sveit-
arfélögum þar sem stöðug fólksfjölg-
un hefur verið umfram landsmeðal-
tal, nánast hvert einasta ár síðast-
liðin 30 ár. I dag eru íbúar Sauðár-
króks tæplega 2.800 en voru ná-
kvæmlega 983 þegar bærinn fékk
kaupstaðarréttindi árið 1947. Fólks-
fjölgun á Sauðárkróki má sjá nánar
á meðfylgjandi grafi.
Fjölbreytt atvinnulíf
„Ég sé enga ástæðu til að ætla
annað en að fólki fjölgi hér áfram.
Við erum við fjölbreytt atvinnulíf
miðað við bæ af þessari stærö. Iðn-
aður er hér margs konar, við erum
með öflugan framhaldsskóla sem að
vísu er með svartan punkt i birt-
unni þar sem ekki tekst að anna eft-
irspurn í heimavist. Vonandi finn-
um viö lausnir þar. En menn eru að
velta upp nýjungum í atvinnulífinu.
Ég nefni þar fyrirtæki eins og Sjáv-
arleður, Máka og RKS- skynjara-
tækni,“ segir Snorri Björn.
Bæjarstjórinn bendir á að ríkis-
sjóður hefur ekkert þurft að grípa
inn í atvinnulífið á Sauðárkróki,
líkt og gerst hefur mjög víða. Bær-
inn hefur veriö duglegur að fjár-
festa í atvinnulífinu og verið fyrir-
tækjunum stoð og stytta. Nægir þar
að nefna útgerðina, Steinullarverk-
smiðjuna og sútunarverksmiðjuna
Loðskinn. Snorri segir ekki hægt að
ímynda sér ástandið í dag ef bæjar-
sjóður hefði ekki haft hönd í bagga
með þessum og fleiri aðilum.
Hugað að sameiningu
„Ef okkur auðnast að ná víðtækri
sameiningu sveitarfélaga í Skaga-
firði fyrir árið 1998 þá stöndum við
mjög vel að vígi. Sameiningarmál
standa þannig að nefndir hafa verið
í málefnavinnu. Það er stefnt að því
að ljúka þeirri vinnu næsta vetur
og kjósa um sameiningu árið 1997.
Ef sameining yrði samþykkt þá
verður kosið í fyrsta sinn I samein-
uðu sveitarfélagi 1998,“ segir Snorri
Björn en ef sameining tekst með öll-
um hreppum yrði sameinað sveitar-
félag í Skagafirði með um 4.000
íbúa.
Vegna stöðugrar fólksfjölgunar í
bænum eru komin upp vandræði
með húsnæði, bæði undir íbúðir og
atvinnurekstur. Snorri segir að
lausn verði að finnast á húsnæðis-
málum innan skamms tíma. Fleiri
brýn verkefni bíða bæjaryfirvalda,
sér í lagi í umhverfismálum og
skólamálum.
Sterkur fjárhagur
Fjárhagslega staða bæjarins er
sterk, að sögn Snorra, ef allt dæmið
er tekið. Ef horft sé á bæjarsjóð ein-
an og sér þá séu skuldir miklar en
ef stofnanir bæjarins eins og Hita-
veitan séu teknar með í reikning-
inn þá líti dæmið allt öðruvísi og
betur út. -bjb
Fólksfjölgun á Sauðárkróki
fj5ldj - frá upphafi byggðar 1871 til júlí 1996
3000 . -..-i—
2500
1871 '80 '90 1900 '30 '47 '50 '70 '80 '90 '94 '96
júlí
^=!
Kvenfálag Sauðárkróks sár um minjagripasölu á afmælinu:
Kvenfélagið hefur staðist tímans tönn
„Við ætlum að sjá um minjagripa-
sölu á afmælisárinu og setjum
merki félagsins, sem gert var fyrir
100 ára afmælið í fyrra, á postulíns-
gripi ásamt afmælismerki Sauðár-
króksbæjar," segir Helga Sigur-
björnsdóttir leikskólastjóri en hún
er formaður Kvenfélags Sauðár-
króks. Afmælisnefnd bæjarins fól
félaginu að láta gera minjagripi í
ætt við þá sem gerðir voru á síðasta
ári þegar kvenfélagiö fagnaði 100
ára afmæli sínu.
Það fer vel að félagið fái þetta
verkefni því segja má að vagga
kvenfélaga á íslandi sé í Skagafirði.
Fyrsta íslenska kvenfélagið var Hið
skagfirska kvenfélag, stofnað að Ási
í Hegranesi. Um svipað leyti var fé-
lag stofnað í Húnavatnssýslu.
Þrátt fyrir háan aldur hefur
Kvenfélag Sauðárkróks sennilega
aldrei verið athafnasamara. Það
minnti rækilega á sig með því að
endurvekja dægurlagakeppni árið
1994 í tengslum við Sæluviku Skag-
firðinga en nokkrir áratugir voru
liðnir frá því félagið stóð fyrir
keppni af því tagi. Dægurlagakeppn-
in er orðin árviss viðburður og hef-
ur aukist stöðugt aö umfangi.
- segir Helga Sigurbjörnsdóttir formaður
Fyrstu tvö árin voru snældur gefn-
ar út með keppnislögunum og í vor
var í fyrsta sinn gefinn út geisla-
diskur. Snældan frá ’94 er uppseld,
lítið er eftir frá því í fyrra og að
sögn Helgu hefur salan á geisla-
disknum gengið vel. Hann verður
seldur yfir afmælishátíð bæjarins
auk þess sem eftir er af snældunum
og minjagripum kvenfélagsins frá
100 ára afmælinu.
Um 60 konur eru í Kvenfélagi
Sauðárkróks. Helga segir að félagið
hafl staðist vel tímans tönn og vel
gangi að halda úti starfsemi. Hug-
sjónin frá stofnun kvennahreyfing-
arinnar sé enn sú sama þrátt fyrir
breyttan tíðaranda. Viöfangsefnin
hafi einna mest breyst en Kvenfélag
Sauðárkróks var áður fyrr nokkurs
konar sjúkra- og atvinnutrygginga-
sjóður sem bæjarbúar gátu leitað
til.
„Við erum með fundi einu sinni í
mánuði yfir vetrartímann og reyn-
um að fá spennandi fyrirlesara á
hvern fund. Að sjálfsögðu höldum
við veglegt þorrablót og höfum síð-
ustu ár staðið fyrir dansleik að
kvöldi nýársdags," segir Helga.
-bjb
Helga Sigurbjörnsdóttir, formaöur Kvenfélags Sauöárkróks, stýrir leikskólanum Glaðheimum og hér er hún, ásamt
Þóru Karen Agústsdóttur, aö fá „afgreiöslu" hjá félögunum Jónatani Björnssyni og Jósef Gunnari Magnússyni.
DV-mynd bjb