Dagblaðið Vísir - DV - 22.08.1997, Qupperneq 9

FÖSTUDAGUR 22. ÁGÚST 1997
hlióhplítii
ÖtójJJiYj'JJ
Oasis - Be hete now: ★★★★
Þessi þungu högg
Þeir sem áttu von á léttum við-
lögum, sérhönnuðum til söngs í
öftustu sætum rútubíla í rigning-
arblautum óbyggðaferðum að
sumarlagi, verða sennilega fyrir
vonbrigðum. Á Be here now er
ekkert So Sally can wait se knows
it’s too late as we’re walking on by
eða annað álíka grípandi og var
að finna á Morning Glory. En sem
betur fer gleður eitt og annað eyr-
un í staðinn. í staðinn fyrir popp-
að rokkið á Moming Glory er nú
komin þyngri tónlist. Iðulega er
hún þó tiltölulega auðmelt enda sækir Noel Gallagher sem fyrr í smiðju
til fremstu handverksmanna bresku bylgjunnar í leit að áhrifum.
Manna eins og Lennons, Bowies, Rays Davies, Marriots og Laines og
svei mér ef ekki má merkja McCartney á fáeinum stöðum að þessu
sinni. Og gott ef þungu höggin hans Bonhams heyrast ekki nokkram
sinnum í þyngstu sköflunum.
Oasis er þó engin kópíeringarhljómsveit. Hún flytur sína eigin tón-
list á eigin forsendum. Liam syngur texta bróður síns einkar áheyri-
lega. Þótt þroskinn og hegðunarmynstrið sé álíka og hjá böldnum
drenghnokka er söngröddin og túlkunin í lagi. Og aðrir liðsmenn hljóm-
sveitarinnar eiga einnig góðan leik. Sérlega mikið mæðir á gíturunum
að þessu sinni og verður hljómveggur þeirra iðulega álíka þykkur og
hjá Phil Spector forðum daga. Útkoman er einkar áheyrileg og ætti að
falla þeim i geð sem hafa gaman af þungum slætti með bresku yfir-
bragði. Ásgeir Tómasson
The Very Best of Cleo Laine ★★★•*
í góðu lagi Breska söngkonan Cleo
Laine er dálítið sér á parti. Þótt oft-
ast sé hún bendluð við djass fer hún
tíðum út fyrir það svið tónlistar.
Hún syngur eiginlega hvað sem
henni dettur í hug að því er virðist
og ekki sakar það hana að hafa eig-
inmanninn, John Dankworth, sér
við hlið. Þann slynga hljómsveitar-
stjóra, útsetjara, lagahöfund og saxa-
fónleikara. Úrvali af bestu hljóðrit-
unum söngkonunnar hefur nú verið
komið á tvo geisladiska í einum
pakka. Sjálf valdi hún lögin með að-
stoð Dankworths og eins og þeirra er von og vísa kennir hér ýmissa grasa.
Fyrst og fremst er á diskunum fjöldi góðra djasslaga, gamalla og nýrra,
ballöður í dægurlagastíl eru ófáar og enn fremur nokkur lög í þjóðlagastíl.
Upptökurnar ná yfir tímabilið frá 1974-1995.
Fjöldi frægra gesta kemur við sögu auk hljómsveitar Johns Dankworths:
Söngvarinn Ray Charles, trompetleikarinn Clark Terry, munnhörpuleikar-
inn Toots Thielemans, flautuleikarinn James Galway og gítarleikarinn
John Williams og fleiri. Enn fremur leikur hinn kunni grínisti og leikari,
Dudley Moore, á píanó í tveimm lögum, en hann þótti vel liðtækur djass-
maðm fyrr á árum.
Cleo Laine hefur tvisvar heimsótt ísland og margir muna eflaust eftir
ágætum tónleikum hennar ásamt hljómsveit Dankworths. Rödd hennar er
kraftmikil en oftar en ekki dempar hún röddina mikið niður sem virkar
ágætlega sem effekt en getm stundum orðið leiðigjarnt. Raddsviðið er líka
mikið og í einu laginu sem tekið er upp á tónleikum syngur hún alllengi
Es-tón fyrir ofan háa C. Slíkar kúnstir og þvílíkar koma fyrir í stöku lög-
um en ekki mikið. Sumar plötm söngkonunnar hafa ekki verið ýkja
skemmtilegar, en á þessum diskum er meirihlutinn af 32 lögum í meira en
góðu lagi. Ingvi Þór Kormáksson
Blossi 810551:
Tónlist úr kvikmyndinni
Geisladiskur með lög-
um úr kvikmyndinni
Blossi er kominn út.
Diskurinn inniheldm 20
lög sem eru tekin héðan
og þaðan úr tónlistar-
heiminum. Meðal laga á
diskinum sem hafa notið
hvað mestra vinsælda
eru: Catch 22 með Qu-
arash og Botnleðju, Égí-
meilaðig með Maus, Cr-
azy með Subterranean,
Hún og þær með Vinyl og
Breathe með The Pro-
digy.
Umsjón með útgáfunni höfðu Júlíus Kemp, sem jafnframt er leikstjóri
myndarinnar, Lars Emil Árnason handritshöfundur, Arnar Sævarsson og
Isar Logi Arnarsson. Umbrot og grafiska hönnun önnuðust Lars Emil
Árnason og ísleifur B. Þórhailsson.
Japis sér um dreifingu.
ínlist
23
Sniglabandið situr ekki auðum höndum:
Lög úr Prinsessunni
á|p|l|Ö^UL
Heldur hljótt 'hefur verið um
Sniglabandið að undanfórnu. Til að
grennslast fyrir um hvað væri á döf-
inni hjá hljómsveitinni sneri DV sér
til Þorgils Björgvinssonar Snigla-
manns.
Við erum að leggja lokahönd á
geisladisk fyrir söngleikinn Prinsess-
una sem á að frumsýna þann 4. sept-
ember á Hótel íslandi. Þar eru nokkur
þekkt lög ásamt nýjum lögum í bland,
alls 13 lög. Þessi diskur er væntanleg-
ur um mánaðamótin ágúst-september.
Bassaleikari hljómsveitarinnar er
Tómas M. Tómasson (Stuðmaður) og
sér hann einnig um upptökur og
hljóðblöndun á fyrrnefndum geisla-
diskum," sagði Þorgils.
Þá hefur Sniglabandið verið að
vinna að annarri nýrri plötu í sumar,
þ.e. plötunni „Ágúst kemur klukkan
tvö“. Þetta er 10 laga plata með 9
frumsömdum lögum eftir Pálma Sig.
og textum eftir Kára Waage. Á plöt-
unni er einnig eitt þekkt lag í útsetn-
ingu Tómasar M. Tómassonar bassa-
leikara og kemur það væntanlega
nokkuð á óvart. Platan kemur út í
september klukkan tvö! -DVÓ
Svekkjandi en fallegt
Hljómsveitin The Verve mun ekki
fá borgað fyrir höfundarréttinn þeg-
ar lag hennar, Bitter Sweet
Symphony, er spilað í íjölmiðlum.
Ástæðan er sú að hugmyndin að lag-
inu er að hluta til fengin úr lagi The
Rolling Stones, The Last Time, sem
er í eigu fyrrverandi umboðsmanns
hljómsveitarinnar, Allens Kleins.
The Verve hafði staðið í þeim trú að
Klein fengi einungis greiddan helm-
inginn af höfundarréttinum en ann-
að kom aldeilis á daginn. Richard
Aschroft segir að auðvitað sé þetta
svekkjandi en það þýði ekkert annað
en að líta á jákvæðu hliðamar og í
rauninni sé þetta einnig mjög „fall-
egt“. í laginu fræga, Bitter Sweet
Symphony, segir nefnilega: You’re a
slave to the money then you die.
Bitter Sweet Symphony er af
mörgum talið besta lag ársins og eru
það því engir smápeningar sem
hljómsveitin er að fara á mis við.
Selja ekki djöflinum
sál sína
Prodigy hefur vinsamlegast af-
þakkað að vinna með Madonnu við
nýju plötuna hennar. „Madonna bað
okkur að vinna með sér og ég velti
því einu sinni fyrir mér,“ segir
Liam Howlett í Prodigy. „Að gefa
Madonnu hluta af tónlistinni okkar
er eins og að selja djöflinum sál sína.
Þessa stundina afþökkum við allt
samstarf við aðrar hljómsveitir
nema hvað hugsanlegt er að við for-
um út í einhverja samvinnu við
hljómsveitina Kom. Prodigy gengur
fyrir þessa dagana og ekkert gæti
fengið mig til þess að snúa mér að
öðrum verkefnum."
Prodigy gaf nýlega út plötuna The
Fat of the Land og hefur hún fengið
betri viðtökur en jafnvel bjartsýn-
ustu menn þorðu að vona.
Spice Girls á Indlandi
The Spice Girls munu í fyrsta skipti
skemmta á Indlandi 18. október næst-
komandi. Tilefnið er afhending tónlist-
arverðlauna og er þetta stærsti við-
burðurinn af þessu tagi á Indlandi.
Bæði innlendir og erlendir tónlistar-
menn og hljómsveitir hljóta verðlaun
en ekki fylgir sögunni hvort Spice
Girls búast sjálfar við að hljóta verð-
laun.
Nýja plata The Rolling Sto-
nes „Bridges To Babylon”
verður gefin út 22. september
næstkomandi. í kjölfar útgáf-
unnar ætlar hljómsveitin að
leggja í enn eina tónleikaferð-
ina um heiminn.
„Bridges To Babylon” var
tekin upp í Los Angeles í apríl
og maí á þessu ári. Ýmsir
kunnir tónlistarmenn komu
við sögu plötunnar og sem
dæmi má nefna trommuleikar-
ann Jim Keltner, gítarleikar-
ann Waddy Wachtel, hljóm-
borðsleikarann Benmont
Tench og píanóleikarann Billy
Preston en hairn hefur löngum
veriö hljómsveitinni innan
handar.
Til gamans: Mick Jagger og
Bono úr U2 spiluðu saman i
Dylan í Evrópureisu sem The
Rolling Stones fór í 1984.