Dagblaðið Vísir - DV - 22.09.1997, Blaðsíða 5

24
MÁNUDAGUR 22. SEPTEMBER 1997
MÁNUDAGUR 22. SEPTEMBER 1997
25
íþróttir
... —.. *
íþróttir
Skaginn í öðru sæti
- með því að leggja slappa KR-inga að velli
DV; Akranesi:
„Við byrjuðum af krafti og sett-
um tvö mörk fljótlega á þá. Við ætl-
uðum að vinna þennan leik til að
tryggja okkur Evrópusætið endan-
lega. Það er alltaf gaman af fá KR-
inga i heimsókn og þetta eru alltaf
hörkuleikir. En það voru kannski
vonbrigði hjá báðum liðum að vera
ekki að berjast um titilinn í þessari
umferð eins og í fyrra en þá voru 6
þúsund áhorfendur, núna nokkur
hundruð," sagði Skagamaðurinn
Haraldur Ingólfsson eftir sigur
sinna manna á KR-ingum, 4-2.
Fyrri hálfleikur var mjög fjörug-
ur, fjögur mörk litu dagsins ljós og
mikið um marktækifæri. Síöari
hálfleikurinn var hins vegar ekki
upp á marga fiska og lítið um mark-
tækifæri. Ríkharður Daðson átti þó
skot í þverslána og Ólafur Þórðar-
son átti skot rétt fram hjá. Sigur
Skagamanna var mjög sanngjam en
Ólafur Þórðarson lék best í liði
þeirra.
„Það er ekki mikið um leikinn að
segja. Við vorum bara hundlélegir
og fengrnn það sem við áttum skilið.
Mér fannst löngu kominn timi til að
ég væri í byrjunarliðinu, satt að
segja, og var ánægður með það þó
svo að ég hafi ekki verið ánægður
með úrslit leiksins," sagði KR-ing-
urinn Guðmundur Benediktsson við
DV eftir leikinn en hann bar af í
slöppu liði KR í leiknum.
-DVÓ
Stend varla í lappirnar
„Þaö er ekkert sem toppar þetta í fótbolta, að veröa íslandsmeistari.
Við eigum þetta fyllilega skilið eins og við höfúm verið að spila í sumar.
Reyndar er maður ekki farinn að átta sig almennilega á þessu því ég er
svo þreyttur að ég stend varla í lappimar," sagði ívar Bjarklind sem
hefur átt frábært sumar með liði ÍBV í sumar. -ÞoGu
Markamaskínan mikla, Tryggvi Guömundsson, heldur hér á bikarnum og
með honum eru Björn Pétursson og Leifur Geir Hafsteinsson.
Leifur Geir og ívar Bjarklind ráöa sér ekki fyrir fögnuöi þegar titillinn er
kominn í höfn hjá Eyjamönnum. y
Lánlausir Valsmenn
Valsmenn urðu að lúta í lægra haldi fyrir Fram á Laugardalsvelli í
úrvalsdeildinni gær, lokatölur urðu 2-0 fyrir Fram. Þrátt fyrir að Hliðar-
endastrákarnir fengju marktækifæri á færibandi tókst þeim ekki að
koma boltanum í netið. Að vísu átti Ólafur Pétursson stórleik í marki
Fram og hafði það að sjálfsögðu sitt að segja.
Fyrra mark Fram kom undir lok fyrri hálfleiks og var það svolítið á
skjön við gang leiksins en fallegt var það. Seinna markið var sjálfsmark.
„Við fórum í leikinn með það fyrir augum að vinna en þetta vafðist
fyrir okkur og við misnotuðum tiltölulega einföld marktækifæri. Viö
vorum meira með boltann en sóknarleikurinn var ekki nógu markviss,"
sagði Bjarki Stefánsson í Val.
„Þetta tókst en var þó svolítið strembið. Valsmenn mættu ákveðnir í
leikinn en það var þó aldrei erfitt að lesa sóknaraðgerðir þeirra," sagði
Sævar Guðjónsson, vamarmaður Fram.
-Hson
Akranes (3)4
KR (1)2
1- 0 Pálmi Haraldsson (4.) Ólafur
Þórðarson átti skot á mark KR, Krist-
ján varði en hélt ekki boltanum og
Pálmi fylgdi vel á eftir.
2- 0 Jóhannes Harðarson (12.)
meö föstu skoti sem hafði viðkomu i
Alexander.
2- 1 Guðmundur Benediktsson
(27.) fékk boltann utan teigs og skor-
aði meö glæsilegu skoti sem fór í
þverslána, stöngina og inn.
3- 1 Ólafur Þórðarson (40.) renndi
boltanum í netið eftir góða sendingu
Kára Steins.
3- 2 Einar Þór Danlelsson (73.)
eftir sendingu frá Sigþóri Júliussyni.
4- 2 Ólafur Þórðarson (78.) hamr-
aði boltanum í netið eftir að vamar-
manni KR hafði mistekist að hreinsa
frá markinu.
Lið ÍA: Þórður Þórðarson @ -
Gunnlaugur Jónsson @, Ólafur Ad-
olfsson @, Steinar Adolfsson @,
Sturlaugur Haraldsson - Pálmi Har-
aldsson, Alexander Högnason, Jó-
hannes Harðarson @, Haraldur Ing-
ólfsson @ (Ragnar Hauksson 72.) -
Ólafur Þóröarson @@, Kári S. Reyn-
isson @.
Lið KR: Kristján Finnbogason @
- Óskar Þorvaldsson, Þormóður Eg-
ilsson, Bjami Þorsteinsson, Edilon
Hreinsson @ - Hilmar Bjömsson
(Ríkharður Daðason 56.), Þorsteinn
Jónsson @, Heimir Guðjónsson (Sig-
þór Júlíusson 66.), Einar Þór Daniels-
son - Andri Sigþórsson, Guðmundur
Benediktsson @@.
Markskot: IA 14, KR 9.
Hom: ÍA 7, KR 4.
Gul spjöld: Alexander (I), Stur-
laugur (1), Edilon (K), Sigþór (K).
Dómari: Eyjólfur Ólafsson sem
dæmdi vel.
Áhorfendur: 750.
Skilyrði: Rigningarsuddi, völiur-
inn blautur og erfiður.
Maður leiksins: Ólafur Þórðar-
son, ÍA.
Sigur fyrir
knattspyrnuna
„Ég er varla farinn að átta
mig enn á þessu. Ég er búinn að
starfa í þessu i J0 ár meö góðum
og hörðum kjama sem eru 5-7
menn. Við höfum unnið vel sam-
an. Það er frábært að uppskera
sjálfan titilinn eftir öll þessi ár.
Þótt á móti hafi blásið á köflum
og liðið verið í fallbaráttu í 2.
deild höfum við aldrei gefist upp.
Þetta er stór dagur fyrir Eyja-
menn og ég óska þeim öllum til
hamingju,“ sagði Jóhannes
Ólafsson, formaður knattspymu-
deildar ÍBV.
Jóhannes hrósar Bjama þjálf-
ar í hástert fyrir fagleg vinnu-
brögð. „Lykillinn i sumar hefur
verið þolinmæði. Strákarnir
hafa spilað með Eyjahjcirtanu og
hafa lagt mikið á sig. Að ÍBV
skuli fagna titlinum í ár er sigur
fyrir knattspymuna á íslandi,"
segir Jóhannes. -ÞoGu
Fram (1)2
Valur (0)0
1- 0 Steinar Guðgeirsson (40.)
skaut viðstöðulaust eftir góða fyrir-
gjöf frá Kristófer Sigurgeirssyni.
2- 0 Sjálfsmark (48.) Jóns S.
Helgasonar sem skailaði boltann í
eigið mark eftir fyrirgjöf Kristófers.
Lið Fram: Ólafur Pétursson @@
- Ásgeir Halldórsson, Freyr Karlsson
@, Sævar Guðjónsson - Kristófer
Sigurgeirsson @, Þorvaidur Ásgeirs-
son, Ámi Ingi Pjetursson @, Steinar
Guðgeirsson @, Ásmundur Arnars-
son (Sigurður Haraldsson 75.) - Ant-
on Bjöm Markússon, Þorbjöm Atli
Sveinsson.
Lið Vals: Láms Sigurðsson -
Bjarki Stefánsson @, Jón S. Helga-
son, Guðmundur Brynjólfsson @ -
Sigurbjörn Hreiðarsson @, Jón Grét-
ar Jónsson (Jón Ingi Inghnarsson
72.), ívar Ingimarsson @, Salih
Heimir Porca @, Ólafur Brynjólfsson
(Stefán Ómarsson 62.) - Arnar Hrafn
Jóhannsson (Anthony Karl Gregory
72.), Hörður Magnússon.
Markskot: Fram 10, Valur 14.
Horn: Fram 3, Valur 7.
Gul spjöld: Kristófer (F), ívar (V).
Dómari: Egili Már Markússon,
ágætur.
Áhorfendur: Um 500.
Skilyrði: Gott veður, sólarlaust,
'yöllurinn rakur.
Maður leiksins: Ólafur Péturs-
son, markvörður Fram. Varði vel,
nokkrum sinnum úr dauðafærum.
ÍBV (3)5
Keflavík (1)1
1-0 Sigurvin Ólafsson (19.) beint
úr aukaspymu af 25 metra færi.
1- 1 Jóhann B. Guömundsson (21.)
af stuttu færi eftir að Gunnar hafði
varið skot Gests Gylfasonar en misst (
boltann frá sér.
2- 1 Steingrímur Jóhannesson (41.)
renndi boltanum í netið eftir fyrirgjöf
Tryggva frá vinstri.
3- 1 Tryggvi Guðmimdsson (44.),
vippaði boltanum snyrtiiega yfir
Bjarka úr miðjum teignum.
4- 1 Tryggvi Guðmundsson (48.)
skoraði beint úr aukaspymu en bolt-
inn hafði viðkomu í vamarmanni.
5- 1 Tryggvi Guömundsson (87.)
sneiddi boltann í netið af markteig
eftir fyrirgjöf Sverris.
Lið ÍBV: Gunnar Sigurðsson -
Guöni Rúnar Helgason (Ingi Sigurðs-
son 68., Hlynur Stefánsson @, Zoran
Miljkovic @, Hjalti Jóhannesson @
(Bjöm Jakobsson 80.) - ívar Bjark-
lind, Sverrir Sverrisson @, Kristinn
Hafliðason, Sigurvin Ólafsson @
(Bjamólfur Lárusson 75.) - Tryggvi
Guömundsson @@, Steingrimur Jó-
hannesson @.
Lið Keflavíkur: Bjarki Guð-
mundsson - Jakob Már Jónharðsson
(Snorri M. Jónsson 53.), Guðmundur
Oddsson, Kristinn Guðbrandsson ®,
Karl Finnbogason - Jóhann B. Guð-
mundsson @, Gunnar Oddsson, Gest-
ur Gylfason @, Guömundur Stein-
arsson, Eysteinn Hauksson - Haukur
Ingi Guðnason @ (Adolf Sveinsson
83.)
Markskot: ÍBV15, Keflavík 12.
Hom: ÍBV 6, Keflavík 4.
Gul spjöld: Jakob (K), Guðmund-
ur (K).
Dómari: Kristinn Jakobsson, góð-
ur.
Áhorfendur: Um 1500.
Skilyrði: Skýjað, logn og Hásteins-
völlur í góðu formi,
Maður leiksins: Tryggvi Guð-
mundsson, ÍBV, Skoraði glæsilega
þrennu, lagði eitt upp og skapaði
hvað eftir annað hættu upp við
mark Keflvlkinga.
Tryggvi Guómunsson setti tvö met í
leiknum í gær. Hann skoraði í 13.
heimaleik ÍBV í röð og hefur skorað
19 mörk i þeim leikjum. Þá hefur
Tryggvi skoraði 15 mörk á heimavelli
i deildinni sem er met en gamla met-
ið átti Hörður Magnússon sem skor-
aöi 12 mörk á heimavelli fyrir FH
1993.
Eyjamennirnir Rútur Snorrason, Hjaiti Jóhannesson, Tryggvi Guðmundsson, ívar Bjarklind, Steingrímur Jóhannesson og Bjarnóifur Lárusson stíga hér villtan stríösdans skömmu eftir að
íslandsmeistaratitillinn var í höfn. 18 ára bið Eyjamanna tók loks enda en liðið varö siðast íslandsmeistari áriö 1979.
DV-myndir Brynjar Gauti
Vinnur IBV
allt sem í
boöi er?
Eyjamenn eiga möguleika á að
hreppa alla titlana sem eru í
boði á þessu keppnistímabili.
Þeir hafa þegar tryggt sér tvo
titla á þessu tímabili, íslands-
meistaratitilinn og þeir unnu
sigur i deildabikarkeppninni.
Eyjamenn eiga svo eftir að mæta
Keflvíkingum í tveimur úrslita-
leikjum, fyrst í bikarkeppninni
og síðan í meistarakeppninni.
Tryggvi og Sigurvin
Þá er næsta vist að Tryggvi
Guðmundsson verður marka-
kóngur og ekki ætti að koma á
óvart ef hann yrði útnefndur
leikmaður íslandsmótsins og
Sigurvin Ólafsson sá efnOegasti.
-GH
Gaman aö afhenda
bikarinn í Eyjum
„Það er stórkostlegt að verða
vitni að þessu hér í Eyjum,
þessari frábæru stemningu og
myndarlegu umgjörð. Það var
virkilega gaman að fá að afhenda
ÍBV bikarinn hér á heimavelli. v
Hér er mikil uppsveifla í fótbolt-
anum og atvinnulífinu og ég held
að þetta sé bara byrjunin að ein-
hverju meiru. Þetta er gaman fyr-
ir stjórnina og ég tala nú ekki um
Jóhannes Ólafsson sem hefur
starfað í þessu í 10 ár og lagt
ómælda vinnu á sig. Ég óska öll-
um Eyjamönnum til hamingju
með titilinn. Hann á ÍBV virki-
lega skilið,“ sagði Eggert Magn-
ússon, formaður KSf.
Fyrir leikinn hafði það verið gef-
ið út að bikarinn yrði ekki af- -
hentur fyrr en eftir síðasta leik
en Eggert segir að ætlunin hafi
verið að afhenda hann í Eyjum ef
mótið kláraðist en það mátti ekki 1
segja opinberlega. -ÞG
- 18 ára bið Eyjamanna á enda eftir 5-1 sigur á Keflavík
DV, Eyjum:
Átján ára bið Eyjamanna eftir ís-
landsmeistaratitlinum í knattspyrnu
er á enda. Eyjamenn tryggðu sér titil-
inn, þrátt fyrir að einni umferð sé
ólokið, með því að bursta Keflavík,
5-1. Tryggvi Guðmundsson skoraði
þrennu og er kominn með 18 mörk í
deildinni og vantar aðeins eitt til að
jafha markametið. Gífurleg fagnaðar-
læti brutust út í Eyjum í gær þegar
titillinn var í höfn. Gleðitár runnu í
stríðum straumum á ótrúlegasta fólki,
fólk sem leikmenn féllust í faðma og
jafnvel hörðustu Týrarar og Þórarar
grétu á öxl hver annars. Þegar Hlyn-
ur Stefánsson, fyrirliði fBV, hampaði
glænýjum fslandsbikarnum í leikslok
var skotið úr aldagamalli fallbyssu
sem bærinn fékk að gjöf á laugardag-
inn til minningar um Tyrkjaránið. En
hér var ekki um neitt rán að ræða því
Eyjamenn eru svo sannarlega vel að
titilinum komnir í ár eftir 5 ára sigur-
göngu Skagamanna.
Leikur ÍBV og Keflvíkinga fór ró-
lega af stað og töluverður taugatitr-
ingur var í loftinu. Það var eins og
Eyjamenn væru á línu til að byrja
með þvi veiðin var engin og Keflvík-
ingar fastir fyrir. Vöm ÍBV var í hin-
um mestu vandræðum með Hauk
Inga og Jóhann og miðja ÍBV var
lengi í gang. Sigurvin braut svo ísinn
um miðjan fyrri hálfleik en Keflvík-
ingar svöruðu strax fyrir sig. Undir
lok hálfleiksins skiptu Eyjamenn um
veiðarfæri, settu trollið út og þá fóru
hlutimir að gerast. Þeir bættu við
tveimur mörkum undir lok hálfleiks-
ins.
Aflakóngurinn Tryggvi var kominn
á bragðið og var greinilega langt frá
því að vera búinn með kvótann. í
seinni hálfleik setti hann flottrollið út
og uppskar því tvö falleg mörk. En
stóra halið kom svo í leikslok þegar
sjálfur íslandsmeistaratitiUinn var í
höfh. Þá brosti kafteinninn í brúnni,
Bjami Jóhannsson, út að eyrum.
„Ég er ekki enn þá búinn að melta
þetta að fullu og átta mig á þvi að ís-
landsmeistaratitillinn sé okkar. Ég
hef þann vana að einbeita mér að
hverju verkefhi fyrir sig og er nú að
ná áttum. En tilfinningin er ljúfari
Skil ekki vælið í Ólafi
„Við erum besta liðið, með besta
þjálfarann og bestu áhorfendurna. Við erum
einfaldlega bestir á öllum sviðum. Ég skil
satt að segja ekki þetta væl í Ólafi
Þórðarsyni. Við höfum aðeins tapað einum
leik í sumar og aðeins misst eitt stig gegn
bonliði Stjömunnar. Ummæli hans dæma sig
sjálf. Tilfmningin að verða meistari er meiri
háttar. Ég viðurkenni að ég var orðinn ansi
markagráðugur undir lokin. Ég lofaði
konunni minni í vor að ég myndi hirða
gullskóinn og ætla að standa við það,“ sagði
Tryggvi Guðmundsson. -ÞoGu
með hverri mínútunni sem líður,“
sagði Bjarni Jóhannsson, þjálfari
ÍBV, við DV eftir leikinn.
„Ég sagði við kunningja minn í apr-
íl að ég væri með mikið í spilunum.
Mannskapurinn væri sterkur og til
alls líklegur. Það er enginn heppnis-
stimpill á þessu hjá okkur. Með
mikúli fórnfýsi leikmanna og knatt-
spymudeildar hefur þetta gengið al-
veg frábærlega. Því má ekki gleyma
að við seldum okkar besta mann, Her-
mann Hreiðarsson, og Rútur var
snemma úr leik. Við fengum góðan
mann í stað Hermanns og strákamir
þjöppuðu sér betur saman. Þetta er
fyrsti Islandsmeistaratitillinn hjá
mér, knattspymuráði og öllum leik-
mönnum liðsins ef frá er talinn Milj-
Kann ekki að tapa
„Ég held að ég kunni bara
ekki að tapa. Ég hef leikið fjögur
sumar á íslandi og alltaf orðið
meistari. Við ætlum líka að
vinna bikarinn því við erum
ekki saddir ennþá. Ég er hepp-
inn að spila með góðum strák-
um. ÍBV spilar alvörufótbolta og
liðið getur orðið enn betra,“
sagði Zoran Miljkovic, varnar-
maðurinn sterki hjá ÍBV.
-ÞoGu
„Eru að uppskera eins og til var sáð“
„Ég er nú bara grátklökkur yfir þessu öllu. Ég sagði fyrir þremur
árum þegar ég kom að það tæki þrjú ár að byggja upp topplið. Það stóðst.
Stákarnir í liðinu og allir Eyjamenn eiga þetta svo sannarlega skilið, ÍBV
er langbesta liðið í sumar. Það er kalt á toppnum og margar öfundaradd-
ir heyrast. En ég segi við ykkur, Eyjamenn: njótið þess í botn að vera ís-
landsmeistarar," sagði Atli Eðvaldsson, fyrrum þjálfari ÍBV.
„Þetta var virkilega skemmtilegur leikur. Eyjamenn eru vel að titlin-
um komnir og verðskulda haim. Hér hafa menn skipulagt sig vel og hald-
ið vel utan um liðið og nú eru þeir að uppskera eins og til var sáð. Ég
óska Eyjamönnum til hamingju. Ég stóð reyndar á hólnum þegar titlin-
um var fagnað í leikslok og það var lífsreynsla út af fyrir sig,“ sagöi Guð-
jón Þórðarson landsliðsþjálfari við DV. -ÞoGu
kovic. Enu sinni er allt fyrst og þetta
er dásamlegt," sagði Bjami.
Tryggvi Guðmundsson fór á
kostum og hann sýndi að hann er
heitasti knattspymumaður landsins
um þessar mundir. Á miöjunni sá
vélstjórinn Sverrir um smurninguna
og Sigurvin var stýrimaðurinn í
spilinu. Aftast voru Hlynur og Zoran
eins og grjóthörðustu botnhlerar.
Áhöfnin á ÍBV er án efa sú
harðsnúnasta og aflasælasta í sumar
og er vel að titlinum komin. Útgerðin
vann sína heimavinnu og nú er
spumingin hvort eitthvað sé eftir af
kvótanum eða Eyjamenn þurfi að
landa tonn á móti tonni (bikar á móti
bikar) Keflvíkinga þegar liðin mætast
i bikarúrslitunum 5. október. -ÞoGu
Meistari síöast 1976
Loksins, loksins, loksins. Ég
var fyrst með ÍBV 1981 og loks-
ins er titillinn í höfn. Við emm
bestir í ár vegna þess að í liðinu
eru góðir fótboltamenn, þjálfar-
inn frábær og stjómin öflug.
Einnig erum við með bestu aðdá-
endur á landinu. í liðinu ríkir
leikgleði og sigurvilji. Ég varð
síðast meistari með ÍBV í 5.
flokki áriö 1976,“ sagði Hlynur
Stefánsson, fyrirliði ÍBV. -ÞoGu
Hlynur Stefánsson og Guöni Rúnar Helgason fara hér fyrir Eyjamönnum í
sigurhring liösins með bikarinn.
Guöni Rúnar Helgason, Sigurvin Ólafsson og Leifur Geir Hafsteinsson
klappa stuöningsmönnum sínum lof í lófa fyrir stuðninginn.
Eyjamenn, allir sem einn, fagna hér vel og innilega hetjunum sínum.