Dagblaðið Vísir - DV - 14.06.1999, Blaðsíða 10

30
MÁNUDAGUR 14. JÚNÍ 1999
Sport
i>v
Bland í
Meöan á Pœjumótinu
stóð var starfrækt útvarp
í Eyjum, FM 104,7, þar
sem stiklað var á því
helsta sem gerðist á mót-
inu.
í lok hvers keppnisdags
var gefið út blað þar sem
helstu úrslit komu fram
og skemmtilegar sögur
voru skrifaðar.
Á setningarathöfn móts-
ins áttu fjórir fallhlífar-
stökkvarar að lenda á
Týsvell-
inum
en að-
eins
einn hitti. Tveir lentu á
umferðargötu og sá síð-
asti rétt slapp við að
lenda niðri i sjó en sem
betur fer slasaðist enginn
þeirra.
Óhöppin virtust elta
mótið því á kvöldvöku
sem haldin var á fóstudag
áttu eldgleypar að sýna
listir sínar. Þeir voru að-
eins of bráðir að kveikja
á kyndlum sinum eða
hálftíma of snemma.
Þegar eldgleyparnir
uppgötvuðu það, reyndu
þeir að slökkva eldinn en
ekki tókst betur en svo að
þeir kveiktu í gólfinu í
íþróttahúsinu þannig að
allt fylltist af reyk. Þaö
tókst að slökkva eldinn
áður en illa fór.
Pœjumótiö fékk nýja
styrktaraðila til liðs við
sig i ár og nefndist mótið
því KÁ-mótið i fyrsta
sinn í stað Pepsí-móts
undanfarinna ára.
Rigningin á mótinu jók
starfsábyrgð fararstjóra
til muna og unnu þeir
margir baki brotnu á
kvöldin við að þurrka
rennblaut fot stúlknanna
og handþvo skituga bún-
inga sem þekktust vart
fyrir drullu.
Setningarathöfn móts-
ins í ár var sú glæsileg-
asta frá upphafi. Hjalti
Úrsus Árnason og Auð-
unn Jónsson sýndu
krafta sína og stúlkumar
tóku þátt í skemmtilegri
risaskrúðgöngu.
Ný regla um markatölu
heppnaðist mjög vel á
mótinu en hún segir að
ekki sé hægt að sigra í
leik með fleiri en þremur
mörkum þannig að þrátt
fyrir að lið ynni 10-0 fékk
það sigurinn skráðan sem
3-0. Þessi nýja regla varð
til þess að betri varnar-
leikur var spilaður og því
voru vamarmennirnir á
mótinu eftirtektarveröir
en ekki bara þeir sem
skoraðu mörkin.
Mótsstjórn boðaði kepp-
endur á Hásteinsvöll í lok
keppni í gær og verðlaun-
aði óvænt aila keppendur
með medalíu fyrir þátt-
tökuna.
Sólveig Þórarinsdóttir úr KR:
Loksins í úrslit
Sólveig Þórarinsdóttir er fyrirliði 3. flokks KR en KR-
stúlkur urmu Breiðablik í undanúrslitum. Þessar stúlkur
komust því í úrslit í fyrsta skipti á Pæjumóti.
„Við stefnum á að vinna Val í úrslitunum. Það er rosa
góður mórall I liðinu og við erum allar mjög góðar vinkon-
ur. Það eru bæði mjög góðir einstaklingar í liðinu og góð
liðsheild. Við reynum að spila vel á milli okkar og svo fer
maður sjálfur lika og sólar,“ sagði Sólveig.
KR-stúlkur gera líka margt annað á Pæjumóti en að
spila fótbolta. „Við förum í sund og tölvuspil og svo erum
við voða mikið inni í herbergi að spjalla saman og dúlla
okkur,“ sagði Sólveig að lokum.
VOLV
Stúlkurnar frá Siglufirði voru lengst að komnar en þær skemmtu sér konunglega eins og aðrar pæjur í Eyjum um helgina.
Siglfirðingar:
Lukkudýrið
Afi Robbi
KS-stúlkur voru með það lið sem
komnar voru lengst að tO að keppa á
Pæjumótinu. Þær óku í rútu frá
Siglufirði til Þorlákshafnar og síðan
tóku þær Herjólf til Eyja.
„Flestir .voru með gubbupestina á
leiðinni. Ég ældi ekki neitt þvi ég verð
aldrei sjóveik," sagði Ragnheiður
Steina Róbertsdóttir sem lét ferðalagið
ekkert á sig fá.
„Þetta mót er mjög skemmtilegt þótt
við töpum. Við erum að vísu búnar að
vinna tvo leiki. Það er skemmtOegast að
vinna leikina og líka að spranga," sagði
Ragnheiður í kapp við vinkonu sína
Ölmu Birgisdóttur.
KS-stúlkurnar voru með lukkudýr
sem heitir Afi Robbi. „Hann heitir í
höfuðið á afa mfnum. Afi Robbi gaf
okkur eiginlega bara lukku í tvö
skipti," sögðu stúlkurnar sem voru
byrjaðar að undirbúa sig fyrir
ferðalagið tO baka en þær lögðu af stað
í gærkvöldi með Herjólfi og óku svo í
aOa nótt með rútu tO Siglufjarðar.
Stigsmunur milli ára
Hólmar Sigþórsson og sonur hans, Ómar Karl,
voru kampakátir að fylgjast með 5. flokks liði
Fjölnis en þar var dóttir Hólmars í eldlínunni.
„Ég er þjálfari sjálfur og mér finnst þróunin
vera mjög góð hér á landi. Það er stigsmunur
frá ári til árs og stelpunum hefur farið mikið
fram, það er engin spurning," sagði Hólmar.
œi_______________
Við erum bestar
Katrín Björgvinsdóttir úr Fjölni, 12 ára, var á
sínu fyrsta Pæjumóti og hefur aðeins æft
knattspyrnu í einn mánuð. Hún sagði að
dvölin f Eyjum væri fín, nema veðrið. „Við
erum búnar að vinna tvo leiki af þremur og ég
er búin að skora eitt mark. Mér finnst við vera
bestar," sagði Katrín.
Fótbolti og píanó
Oddný A. Kjartansdóttir var mjög sókndjörf og
skoraði grimmt fyrir 3. flokk B hjá Val. Hún
hefur keppt á Pæjumóti síðan 1994 og sagði
að það væri alltaf jafngaman og nóg við að
vera. Oddný sagði að píanóleikur og fótbolti
væru aðaláhugamáiin, þau færu vel saman og
stönguðust ekkert á.
Brosmildar úr Mosó
Þessar brosmildu stúlkur úr Mosfellsbæ
kepptu að sjálfsögðu fyrir Aftureldingu. Þær
létu rigninguna ekkert á sig fá og skemmtu sér
stórkostlega, innan vallar sem utan. Höfuðföt
og úlpur komu sér vel í vætunni sem réð
ríkjum framan af móti en þeirra var ekki þörf á
iokasprettinum þegar veðrið batnaði.
r

Þreyttar en ánægðar
- stúlkur á Pæjumótinu sem tókst frábærlega í ár þrátt fyrir mikla rigningu
Tæplega 1.000 knattspyrnustúlk-
ur mættu á tíunda Pæjumótið sem
lauk í Vestmannaeyjum í gær. Mót-
ið hófst á miðvikudag í blíðskapar-
veðri með setningarathöfn og
skrúðgöngu.
Á fimmtudaginn breyttist veðrið
heldur betur en þrátt fyrir hávaða-
rok og grenjandi rigningu hófu
stúlkumar að leika snilldarknatt-
spyrnu. Leikgleðin skein úr hverju
andliti og stúlkurnar létu ekki
veðrið trufla sig.
„Mér finnst þetta hafa farið mjög
vel fram þrátt fyrir
rigninguna. Þetta
hefur bara allt tekist
mjög vel, sagði Einar
Friðþjófsson, fram-
kvæmdastjóri móts-
ins, raddlaus eftir
allt umstangið.
Góð stemning
„Það er mjög góð
stemning hjá stúlk-
unum. Mér finnst
þær hafa staðið sig
alveg frábærlega.
Það skín úr þeim
gleðin við að fá að
spila fótbolta,“
bætti Einar við.
Kvennadeildin
frábær
„Við mótið
vann fjöldi sjálf-
boðaliða, enda
mikið verk að
halda svona stórt
mót. Kvennadeild
iBV er frábær. Hún gerir það að
verkum að við getum haldið þetta
mót. Án þeirra gætum við þetta
ekki. Strákarnir í 2. flokki ÍBV
hafa séð um dómgæsluna og hafa
líka staðið sig frábærlega. Ég vil
bara þakka öllum sem komu á mót-
ið fyrir frábært mót og góða sam-
vinnu því þannig verða til alvöru
mót eins og þetta," sagði Einar
Friðþjófsson að lokum við DV.
Veðrið gekk niður
Á laugardagskvöld gekk veðrið
loks niður og nutu stúlkumar þess
að spila fótbolta langt fram á kvöld.
Einnig var hægt að gera margt
annað en spila fótbolta á Pæjumót-
inu,- Stúlkunum var boðið í grill-
veislu, kvöldvaka var haldin og
ball þar sem hljómsveitin D-7 lék
fyrir dansi. Bæjarlífið í Eyjum fékk
nýjan lit þar sem stúlkurnar
skreyttu götur bæjarins með söng
og leik. Mótinu lauk síðan í gær
með verðlaunaafhendingu og voru
það þreyttar en ánægðar stúlkur
sem héldu heim á leið. -ÍBE