Dagblaðið Vísir - DV - 09.08.1999, Blaðsíða 9
MÁNUDAGUR 9. ÁGÚST 1999
27
Fjórða umferð íslandsmótsins i rallakstri fór
fram á fóstudagskvöldið. Keppt var á hefð-
bundnum leiðum sem er góð æfing fyrir Alþjóð-
arallið sem verður haldið hér í byrjun næsta
mánaðar.
Keppnin hófst við Laugarvatn og ekið var um
Lyngdalsheiði, Tröllháls, Uxahryggi, Kaldadal
og Tröllháls til baka. Allt eru þetta margreynd-
ar rallleiðir sem bjóða upp á mikinn hraða.
Rúnar og Jón voru búnir að leggja nótt við
dag við að lagfæra Subaru Impresa-keppnisbíl-
inn sem valt út úr síðasta ralli við Hólmavík.
Þeir settu strax á fulla ferð og náðu forustu á
fyrstu leið um Lyngdalsheiði sem þeir juku eft-
ir því sem á keppnina leið.
Hjörtur og ísak á Toyota Corolla veittu þeim
harða keppni, voru t.d. aðeins 4. sekúndum á
eftir þeim á fyrstu leið, 12 á annari og jafnir á
lengstu leið keppninnar um Kaldadal, þrátt fyr-
ir að bíll þeirra festist í öðrum gír seinni hluta
leiðarinnar. Þeir urðu því að sætta sig við ann-
að sætið en það er nokkur sárabót eftir von-
brigði í síðustu keppni er þeir misstu af sigri á
síðustu sérleið.
íslandsmeistarar síðasta árs, Páll og Jóhann-
es á Lancer, óku hratt og örugglega og skiluðu
sér í mark í þriðja sæti, þrátt fyrir að hafa
sprengt dekk á Kaldadal. Páll hefur sýnt mikla
framfór. Sem dæmi um það bætti hann sérleið-
artíma sinn um heilar 60 sekúndur á TröOhálsi
frá fyrra ári en það dugði ekki til!
Kaldar kveðjur á Kaldadal
Fjórir af fimm toppbílunum lentu í töfum á
Kaldadal. Drifrás bilaði í Rover metro þeirra
Sigurðar Braga og Rögnvaldar og ákváðu þeir
að hætta keppni fremur en að taka áhættu á
frekari skemmdum. Þá færðist Baldur Jónsson
upp í íjórða sæti um sinn en sprengdi dekk á
sömu leið, taldi hann sig vera nær endamarki
en raun var á. Gerði hann því tilraun til að
ljúka leiðinni á dekkjalufsunni en varð að lok-
um að skipta um og tapaði miklum tíma og
endaði í sjötta sæti á eftir þeim Steina Palla og
Witek sem komust án tafa yfir Kaldadal og
hlutu að launum fimmta sætið.
Brasið á Baldri varð Þórði Bragasyni til
happs því nú færðist hann upp í fjórða sætið og
hélt því til loka á á afturdrifnum heimasmíð-
uðum Ford Escort, sem hann hafði ekið með
tilþrifum.
Þrátt fyrir gríðarlega harða baráttu í þessari
keppni er það í raun nokkuð umhugsunarefni
að þeir feðgar skuli ekki vera lengra á undan
keppinautum sínum en raun ber vitni. Þeir
aka yfirburðabil og ættu í raun að vera ósnert-
anlegir, slíkir eru yfirburðir Subaru Impresa-
bílsins og reynsla áhafnarinnar.
Sem dæmi um keppnishörkuna þá notuðu
þeir þrjá nýja ganga af keppnisdekkjum á að-
eins 105 kílómetrum af sérleiðum.
En þeir uppskáru eins og þeir stefndu að,
sigur og dýrmæt stig í harðri keppni um ís-
landsmeistaratitilinn eftirsótta.
Keppnisstjórn, brautarvarsla, tímataka og
öryggiseftirlit var í hinum mesta ólestri. Það
þarf verulegt átak til að bæta keppnishaldið og
öryggi keppenda ef ekki á illa að fara. -BG
slandsmeistararnir frá því í fyrra, Páll og Jóhannes, eru hér á fleygiferð á
Lancer-bíl sínum en þeir höfnuðu í þriðja sæti í rallinu.
íslandsmótiö í tennis:
Arnar og íris
meistarar
Amar Sigurðsson og íris Staub
urðu í gær íslandsmeistarar í
einliðaleik karla og kvenna í
tennis en Islandsmótinu lauk í
tennishöllinni í Kópavogi í gær.
Amar tryggði sér titilinn með
því aö sigra Raj Bonifacius í
úrslitaleik, 7-6 og 6-2 en í
undanúrslitunum hafði hann
betur gegn Davíð Halldórssyni í
spennandi leik, 6-3 og 7-5.
Bonifacius, sem fékk islenskan
ríkisborgararétt á dögunum og
var að keppa á sínu fyrsta
íslandsmóti, sigraði hins vegar
Einar Sigurgeirsson í
undanúrslitum, 6-2 og 6-1.
íris Staub vann Stellu Rún
Kristjánsdóttir í einliðaleik
kvenna, 6-1 og 6-0. í
undanúrslitunum lagði íris hina
14 ára gömlu Sigurlaugu
Sigurðardóttur, 6-0 og 6-0 og
Stella vann Rakel Pétursdóttur,
6-4 og 6-0.
-GH
Körfuknattleikur:
Birgir Örn til
Þýskalands
Birgir Örn Birgisson, körfuknattleiksmaðurinn sterki sem leikið hefur
með Keflvíkingum undanfarin ár, hélt af landi brott í gærkvöldi en hann
hefur gengið frá samningi við þýska B-deildarliðið Túbingen. Liðið er í
Stuttgart en eiginkona Birgis hyggur á nám þar.
Þar með hafa íslandsmeistarar Keflvikinga misst tvo sterka leikmenn úr
sínum röðum en Falur Harðarson gekk fyrir skömmu frá samningi við eitt
af sterkustu liðum Finnlands.
Feðgarnir Rúnar Jónsson og Jón Ragnarsson gefa hér hressilega í á Subrau Impreza-bfl sínum á Lyngdalsheiðinni.
Feðgarnlr náðu forystu í upphafi rallsins og héldu henni allt til loka. DV-myndir BG
IV/I I ■ U
• Rall í Reykjavík
• Go-Kart
• Formúla 1
• Enduro-Dubai
• Terra Firma-
áhættuökuþórar
Umsjón efnis hefur
Njáll Gunnlaugsson
í síma 550 5723,
netfang: njall@ff.is
Umsjón auglýsinga hefur
Gústaf Kristinsson
í síma 550 5731,
netfang: gk@ff.is
Auglýsendur, athugið að síðasti pöntunardagui
auglýsinga er fimmtudagurinn 12. ágúst.
Miðvikudaginn 18. ágúst mun veglegt sérblað um mótorsport tylgja DV.
-GH