Dagblaðið Vísir - DV - 01.09.1999, Blaðsíða 6
24 RSteSÍ ferðir
MIÐVIKUDAGUR 1. SEPTEMBER 1999 JLJ ■
1
Samstarf við
Deutsche
Bahn
Flugleiðir og þýska lestafýrir-
tækið Deutsche Bahn hafa
tekið upp samstarf sem
tengir alþjóðlegt leiðakerfi
Flugleiða í flugi og lestakerfi
Deutsche Bahn innanlands.
Flugleiðir geta nú boðið við-
skiptavinum sínum lestarmiða
til hvaða borgar og bæjar
sem er í Þýskalandi á sér-
stökum kjörum. Tilboðið felst í
því að boðið er eitt verð fyrir
alla áfangastaði. Ef flogið er
til áfangastaða félagsins í
Þýskalandi, Frankfurt, Ham-
borgar eða Munchen, er
þess vegna unnt að kaupa
lestarmiða hvert sem er inn-
an Þýskalands á sama verði.
Þúsund ára
hátíð í
London
Fáar borgir státa af jafn-
gróskumiklu menningarltfi,
jafnmörgum leikhúsum, söfn-
um og merkisbyggingum,
kvikmyndahúsum og tónleika-
sölum og London. Við allt
þetta bætist í vetur að Bretar
hyggjast heilsa nýrri öld með
miklum glæsibrag, allt fram til
; ársloka 2000. Miðpunktur há-
tíðarhaldanna verður í Þús-
: und ára höllinni, The Millenni-
' um Dome, í Greenwich á
suðurbakka Thames. Þúsund
ára höllin er gríðarlega stórt
og glæsilegt mannvirki. Allt
árið 2000 verður umfangs-
míkil sýning í höllinni þar sem
athyglinni er beint að mann-
heimi í víðtækasta skilningi.
Fjöldi annarra viðburða verð-
ur í London í tilefni af árþús-
undamótunum.
Kvennaferð
j til London
og Parísar
Kvennaferð til London og Par-
ísar er meðal þess sem ferða-
skrifstofan Samvinnuferðir-
Landsýn efnir til þann 16. sept-
ember næstkomandi. Farar-
stjórar verða þær Margrét
Blöndal og Inger Anna Aikman
og verður flórum dögum varið
í London og einum í París. Far-
ið verður í skoðunarferð um
London, kvöldsiglingu á
Thames og hinn frægi antik-
og flóamarkaður við Porto-
beilo Road verður heimsóttur.
Þá verður haldið morgunverð-
arpartí og að sjálfsögðu farið í
miðdagste að enskum sið.
Hápunktur ferðarinnar er svo
dagsferð til Parísar og verður
farið með hinni hraðskreiðu
lest Eurostar. Lestarferðin tek-
ur þrjár stundir en í París verð-
ur farið í skoðunarferð, rölt á
milli kaffihúsa og snæddur
ekta franskur kvöldverður.
íslenskir ferðamenn njóta lífsins á ströndinni.
Samvinnuferðir-Landsýn fjölga ferðum til Taílands:
Miklu fleira
sem heillar
en golfið
Dagsferð til Bangkok er meðal margra skoðunarferða á vegum SL á Taílandi
í vetur. Hin fræga Búddastytta, sem er úr skíragulli og vegur fimm tonn, er
meðal þeirra staða sem heimsóttir eru í ferðinni.
- segir Kjartan L.
Strendurnar eru eins og best
verður á kosið, ótrúlegt úrval
veitingahúsa og gæðastaðall-
inn á öllu er góður. Verðlag er
lágt og miklu lægra en til
dæmis á Spáni, þar sem það
hefur farið hækkandi.
íslenskir ferðamenn hafa undanfar-
in ár sótt í auknum mæli tO Taflands.
Samvinnuferð-
ir Landsýn
hafa að jafnaði
eöit til einnar
Taílandsferðar
áárienívetur
verður þeim
fiölgað í flmm.
íslenskur far-
arstjóri, Kjart-
an L. Pálsson,
mun dvelja á
Taílandi og
verða ferða-
mönnum til
halds og
trausts auk þess að annast leiðsögn i
fjölda skoðunarferða.
„Taíland hefur mikið sótt á síðustu
árin og áhuginn fer vaxandi. Við fór-
um í fyrstu ferðina fyrir þremur árum
og síðan hefur þetta verið að vinda
upp á sig. Meðal þeirra sem eru að
heimsækja Tafland er fólk sem oft-
sinnis farið tfl Kanaríeyja og Spánar
en vill breyta til. Það hafa verið famar
golfferðir enda írábært að spila golf á
Taflandi. í og við Pattaya er að finna
sextán frábæra golfvelli. En það er
miklu fleira en golflð sem heillar í
Pattaya; menningin er einstök eins og
menn vita og ótrúlega margt skemmti-
Pálsson fararstjóri
legt að skoða. Fyrir þá sem vilja vera í
sól er Pattaya rétti staðurinn. Veður-
far er mjög stöðugt, 30 stiga hiti og lít-
ill raki í loftinu. Strendumar eru eins
og best verður á kosið, ótrúlegt úrval
veitingahúsa og gæðastaðallinn á öllu
er góður. Verðlag er lágt og miklu
lægra en til dæmis á Spáni, þar sem
það hefúr farið hækkandi. Það er hægt
er gera ótrúleg kaup í þessu Iandi,“
segir Kjartan L. Pálsson, sem innan
Við Kwai-fljótið gista ferðalangar
eina nótt í húsum þar sem olíulýs-
ingin ræður ríkjum.
tiðar heldur til Taílands þar sem hann
mun taka á móti farþegum SL í Patta-
ya í Taílandi í vetur.
Skemmtileg upplifun
Taílandsferðimar em þriggja vikna
langar og verður fyrsta ferðin farin í
nóvember. Síðan verða þijár ferðir í
janúar og fram í mars. Dvalið er í
borginni Pattaya, sem er í um 147 km
fjarlægð frá Bangkok. Á fyrri hluta
aldarinnar var Pattaya stærsta staka
hrísgrjónasvæði heims en er nú
stærsti ferðamannastaður landsins.
Þrátt fyrir það er Pattaya venjuleg
borg og þar sem venjulegt fólk býr og
starfar.
Kjartan segir en engan skort á afþr-
eyingu enda sé gríðarlega margt að
skoða á þessum slóðum. Fyrir utan
það sé strandlífið flölbreytt og hægt að
stunda ýmsar íþróttir. Meðal skoðun-
arferða sem SL bjóða er ferð tfl Kwai-
fljótsins. „Þetta er tveggja daga ferð og
við gistum í húsum með olíulýsingu.
Það er ekkert rafmagn á svæðinu.
Þetta er stórskemmtileg upplifun," seg-
ir Kjartan. Þá er dagsferð til Bangkok
enda vart hægt að heimsækja Taíland
án þess að skoða borgina. Konungs-
höllin er heimsótt og hinn frægi
Búdda, sem vegur flmm tonn og er úr
skíragulli. Farið er í siglingu og gefst
fólki kostur á að fylgjast með lífi og
starfl þeirra sem búa við Chao-Phraya-
fljótið. Margt fleira er í boði, svo sem
útreiðartúr á fílum, gönguferðir í
frumskóginum og uxakerruakstur svo
eitthvað sé nefht.
Uppáhaldsborgin mín/Bjarni Haukur Pórsson leikari
Kammó þrátt fyrir
að vera stórborg
„Ég er algjör Lundúna-
maður enda borgin hreint og
beint æðisleg. Leikhúslífið
er náttúrlega eitt það besta í
heimi og það er alltaf hægt
að sjá eitthvað gott i leik-
húsi. Matsölustaðir og veit-
ingahús í London eru líka
ótrúlega mörg góð. Eitt veit-
ingahús er í miklu uppá-
haldi hjá mér um þessar
mundir. Það heitir Gordon
Ramsey og er í Chelsea. Þar
starfar einn frægasti kokkur
í Evrópu og hann er að
minnsta kosti þriggja
stjama virði. Og það besta
er að hann spilaði með
Rangers í gamla daga. Það
er fastur liður hjá mér að
borða einu sinni á Gordon
Ramsey í hverri heimsókn
til London.
London hefur líka þann
kost að vera tiltölulega
afslöppuð þrátt fyrir að vera
stórborg. í New York verður
maður fyrir stöðugu áreiti
sem ég finn ekki fyrir í
London. Það er eitthvað svo
kammó við London; löggurn-
ar eru ekki einu sinni með
byssur. Lundúnabúar eru
líka með húmorinn í lagi og
maður er sífellt að hitta og
spjalla við skemmtilegt fólk.
London er einfaldlega
skemmtileg borg sem alltaf
er gaman að heimsækja og
ég fer eins oft og ég get,“ seg-
ir Bjarni Haukur Þórsson
leikari.