Dagblaðið Vísir - DV - 25.02.2000, Page 2

2
FÖSTUDAGUR 25. FEBRÚAR 2000
Fréttir
Tugir hrossa vanfóðraðir að Skíðsholtum á Mýrum:
Eigandinn krafinn
um úrbætur
- fær frest til 1. mars - annars gripið til aðgerða
Fóðrun á tugum hrossa í Skíðs-
holtum á Mýrum er verulega ábóta-
vant. Hrossin eru í aflögn, folöld
ganga undir hryssunum og heyforði
er ónógur. Jörðin er í eyði, leigjandi
hennar býr annars staðar, en hefur
sjálfur farið í vetur og gefið hross-
unum heyrúllur.
Héraðsdýralæknir og ráðunaut-
ur, sem fóru á vettvang, ásamt eig-
anda hrossanna fyrr í vikunni, hafa
skrifað skýrslu um ástand hross-
anna. Hún hefur verið send til eig-
andans, sveitarstjóra, yfirdýralækn-
is og sýslumannsembættisins í
Borgarnesi. Þar er farið fram á úr-
bætur og eiganda gefinn frestur til
1. mars.
„Það þarf að taka frá folöld og
trippi og koma þeim í sérstaka fóðr-
un annars staðar,“ sagði Stefán
Kalmansson sveitarstjóri við DV.
„Eigandinn þarf að útvega sér
meira hey og tilnefna tilsjónar-
mann. Honum er geflnn frestur til 1.
mars. Ef þetta verður ekki komið í
lag þá verður gripið til ráðstafana.
Þetta mál er komið í fulla vinnslu"
í skýrslunni segir að hrossunum
hafi hrakað frá því að þau voru síð-
ast skoðuð í byrjun febrúar. Greini-
lega þurfi að fá fá betra hey handa
þeim, - segir, að þau séu í aflögn.
„Þau hafa raunar fengið síld nú
síðustu dagana og hafa húsaskjól,"
sagði Stefán. „Það er ekki séð að
fella þurfl neina skepnu þarna, en
það er reyndar alltaf spurning með
hross þegar þau eru orðin svona af-
lögð hve skynsamlegt er, fiárhags-
lega séð, að halda upp á þau.“
Stefán sagði að forðagæslumenn
færu í skoðun á alla bæi og yrði
henni lokið um miðjan mars. Þá
lægi fyrir hvort fóðrun væri ábóta-
vant á fleiri bæjum. Fylgst yrði með
þeim bæjum eftir því sem ástæða
væri til. -JSS
Hreinsað út á Hverfisgötu 68a:
Baðherbergið kringlótt
af kóngulóarvef
- þrír 20 feta gámar fylltir af sorpi úr kjallaraíbúðinni
Hreinsunarmaður að störfum í kjallaranum á Hverfisgötu 68a. DV-mynd GVA
„Ég leit þarna inn og á bágt með
að lýsa því sem ég sá. Baðherbergið
var til dæmis orðið kringlótt af
kóngulóarvef og það sást ekki i sal-
ernið fyrir sorpi. Kóngulærnar
skiptu tugum, voru áberandi stórar
og þrýstnar og ein hafði lagt undir
sig sturtuhausinn og spunnið þar
listilega þykkan vef,“ sagði Guð-
mundur Hjartarson, íbúðareigandi
á Hverflsgötu 68a og nágranni kon-
unnar í kjallaranum sem flutt var
nauðug úr íbúð sinni á meðan
hreinsunarmenn mokuðu þar út
sorpi sem hún hafði sankað að sér.
Að sögn hreinsunarmanna þarf tvo
til þrjá 20 feta gáma til að koma öllu
sorpinu brott. Þegar því verki lýkur
verður kjalfaraíbúðin sótthreinsuð
og máluð.
„Þetta var bersýnilega sorp úr
nærliggjandi tunnum og pitsukass-
ar skiptu hundruðum. Eldvarnaeft-
irlitsmaður sem ég hitti þarna sagði
mikla eldhættu hafa stafað af sorp-
inu því þegar það myglar hitnar í
því og þá getur auðveldlega kviknað
í,“ sagði Guðmundur Hjartarson en
Hverflsgata 68a er timburhús á
steyptum kjallara.
Að sögn geðlækna er ekkert sjúk-
dómsheiti til innan geðlæknisfræð-
innar sem lýsir þeirri áráttu fólks
að safna sorpi og bera inn á heimili
sin. Þeir benda hins vegar á að
stuðningsþjónusta Geðhjálpar hafi í
mörgum tilvikum reynst geðfótluðu
fólki vel í heimahúsum þó óvíst sé
hvort sú þjónusta hefði komið að
nokkru gagni í tilviki konunnar í
kjallaranum við Hverfisgötu.
-EIR
Ríkið sýknað af kröfum Kios
Ríkið var sýknað af öllum skaða-
bótakröfum stefnanda, Kios Alexand-
ers Briggs, í héraðsdómi í gærdag. Kio
sat í gæsluvarðhaldi í 263 daga eftir að
hafa reynt að smygla rúmlega 2000 e-
töflum til landsins árið 1998. í fram-
haldi af sýknun fór hann fram á rúm-
ar 27 milljónir, auk skaða- og miska-
bóta, í bætur. Kröfur hans byggðust á
því að hann hefði verið sviptur frelsi
að ósekju.
í ljósi þess hve mikiö af fikniefnum
fannst í fórum Kios féll strax grunur
á að hann ætti aðild að innflutningn-
um. Varð því ekki hjá því komist að
úrskurða hann í gæsluvarðhald. Kio
neitaði frá upphafl allri vitneskju um
fikniefnin sem fundust í fórum hans,
sagði að þeim hafi verið komið þar
fyrir án hans vitneskju. í framburöi
hans voru veigamikil atriði óljós. í
dómsuppkvaðningu skal ríkissjóður
greiða lögmanni Kios, Helga Jóhann-
essyni, 300.000 krónur í málflutnings-
þóknun en málflutningskostnaður
milli aðila fellur niður. Hjörtur O. Að-
alsteinsson héraðsdómari kvað upp
dóminn. -hól
Stuttar fréttir i>v
Þjarmað að ráðherra
Þingmenn Samfylkingar margít-
rekuðu í gær kröfu sína um að um-
hverfisráðherra
gæfi upp hvaða
stórframkvæmd-
ir væri verið að
tryggja með
bráðabirgðaá-
kvæði nýrra
laga um mat á
umhverfisáhrif-
um og gáfu í skyn að ákvæðið væri
inni vegna fyrirhugaðrar Fljótsdals-
virkjunar. Ráðherra svaraði
andsvörum nokkrum sinnum en
forðaðist að nefna ákveðna staði og
hamraði á því að ákvæðið væri til
að setja eldri framkvæmdum ákveð-
in tímamörk.
Dæmdar bætur
Hæstiréttur dæmdi í gær Flug-
afgreiðsluna ehf. og framkvæmda-
stjóra hennar til að greiða fyrrum
starfsmanni 400.000 krónur með
dráttarvöxtum í bætur vegna fjár-
hagslegs tjóns vegna uppsagnar og
ósannaðra sakargifta sem á hann
voru bomar.
Skilar ekki hlutverkinu
Kvótaþing hefur ekki skilað hlut-
verki sínu, að mati Birgis Þórs Run-
ólfssonar dósents sem skilað hefur
skýcslu til sjávarútvegsráðherra
um Kvótaþing, Verðlagsstofu
skiptaverðs og takmörkun á flutn-
ingi aflamarks. Birgir Þór telur að
afnema eigi takmörkun á flutningi
aflamarks. Bylgjan greindi frá.
Kasparov kemur
Heimsmót í
skák verður
haldið hér á
landi 1.-2. apríl
næstkomandi.
Meðal kepp-
enda verða,
Kasparov, An-
and, Kortsnoj,
Solokov og Timman.
Hilmir í London
Einn af efnilegustu leikurum
landsins, Hilmir Snær Guðnason,
reynir nú fyrir sér í heimsborg-
inni Lundúnum fyrir tilstuðlan
þekkts umboðsmanns þar í landi.
Bylgjan greindi frá.
Fyrir dómi
Eggert Haukdal, fyrrum oddviti
Vestur-Landeyjahrepps, mætti í
gær fyrir héraðsdóm vegna
ákæru ríkissaksóknara um fjár-
svik og umboðssvik. Eggert sakar
sveitunga sina úr röðum fram-
sóknarmanna um pólitískar of-
sóknir. Bylgjan greindi frá.
Vonbrigði
Sjávarútvegsráðherra segir að
niðurstöður gagnrýninnar skýrslu
um reynslu af Kvótaþingi og tak-
mörkun á flutningi aflamarks séu
vonbrigði. Stöð 2 greindi frá.
Jafnréttisáætlun
Hafnarfjarðarbær hefur kynnt
nýja jafnréttisáætlun sem felur í
sér aukinn rétt starfsmanna bæj-
arins i fæðingarorlofi og skýrar
reglur um hlutfall kynja í nefnd-
um og ráðum bæjarins.
Til sáttasemjara
Kjaradeilu vinnuveitenda og
starfsfólks sem vinnur í loðnu- og
síldarbræðslum hefur verið vísað
til ríkissáttasemjara. Mbl. greindi
frá.
Til friðargæslu
Halldór Ásgrímsson utanríkis-
ráðherra átti slðdegis í gær fund
með brezka
varnarmála-
ráðherranum,
Geoff Hoon.
Halldór sagði I
samtali við
Morgunblaðið
eftir fimdinn
að þeir ráð-
herrarnir hefðu rætt tvö mál;
undirbúning að öryggis- og varn-
arstefnu Evrópu og samstarf ís-
lands og Bretlands í friðargæslu.
Mbl. greindi frá.
-hdm