Dagblaðið Vísir - DV - 19.09.2000, Qupperneq 8
*
ÞRIÐJUDAGUR 19. SEPTEMBER 2000
Jamaíkumenn mótmæla
íþróttamenn frá Jamaíku mót-
mæltu í Ólympíuþorpinu í Sydney
þegar það fréttist að hinni fertugu
Merlene Ottey hefði verið geflð
sæti í 100 m hlaupinu fyrir þjóð
sína. Eins og flestir vita kannski
tókst henni ekki að tryggja sér sæti
þar á úrtökumóti fyrir leikana í
sumar og átti einungis að hlaupa í
boðhlaupssveit Jamaíku.
íþróttamennimir báru jafnvel
skilti þar sem þess var krafist að
Ottey ýrði send heim án þess að fá
að keppa í boðhlaupinu. Enginn af
talsmönnum jamaíska liðsins
fékkst til þess að tjá sig um málið.
Ottey hefur hlaupið á fimm
Ólympíuleikum og unnið fleiri
heimsmeistaratitla en nokkur ann-
ar frjálsíþróttamaður. Hún féll á
lyfjaprófi og fékk bann en því var
aflétt fyrr á þessu ári. -ÓK
Handboltakonurnar Mia Hundvin og Camille Andersen í sviðsljósinu í Sydney:
■>
Hvor þeirra fagnar í Sydney, Mia Hundvin meö fé-
lögum sínum í norska landsliðinu, líkt og á heims-
meistaramótinu 1998, til vinstri, eða eiginkona
hennar, Camilla Anderson, sem sést hér að ofan
fagna ásamt félögum sínum í danska landsliðinu
gullinu á Ólympíuleikunum 1996? Reuters
Þær gætu gert handboltann frægan í
Bandarikjunum, eru örugglega fyrstu mak-
amir til að mætast á Ólympíuleikunum og
stefna báðar á að koma með Ólympíugull inn
á heimilið frá Sydney. Gullið geta þær þó
ekki komið með báðar.
Handboltakonurnar Mia Hundvin frá Nor-
egi og Camilla Andersen frá Danmörku hafa
verið á milli tannanna á fólki í upphafi hand-
boltakeppninnar í kvennaflokki á Ólympíu-
leikunum í Sydney, ekki síst vegna þess að
þjóðir þeirra mættust í fyrsta leik. Þar höfðu
Mia Hundvin og félagar hennar i norska lið-
inu betur en hún reynir að jafna afrek „eig-
inkonunnar" Camillu sem vann Ólympíugull
með danska landsliðinu í Atlanta fyrir fjór-
um árum.
Eru umfjöllunarefni hjá stærsta
íþróttablaöi heims
Frægðin í Bandaríkjunum gæti fylgt í kjöl-
far þess að þær eru umfjöllunarefni næsta
tölublaðs hjá stærsta íþróttablaðs heims,
Sports Dlustrated. í flestum ríkjum Banda-
ríkjanna eru hjónabönd ekki leyfð milli fólks
af sama kyni og því gæti þessi sérstaka saga
borið hróður handboltans inn á bandarísk
heimili þar sem hann ■ >efur ekki verið áður.
Hundvin er ekkert að láta sambandið
trufla sig inni á vellinum og hún sást klappa
þegar Camilla var rekin út af i tvær mínútur
og einnig þegar markvörður Noregs varði
víti frá Camillu en þá lét hún þó minna fara
fyrir fagnaðarlátum sínum. Mia var þó fegin
í lokin. „Þetta hefur tekið á og ég er ánægð
að við gátum klárað þennan leik strax í byrj-
un. Nú geta leikamir fyrst farið að byrja fyr-
ir alvöru,“ sagði Hundvin ánægð í leikslok.
Verr gekk hjá Camillu
Mun verr gekk hjá Camillu Andersen i
þessum leik þrátt fyrir að hún skoraði þrjú
mörk. Camilla lét norska markvörðinn verja
frá sér ófá skotin og átti margar misheppnaðar
sendingar. Skotnýting Camillu var þannig aðeins
9% úr skomm utan af velli (1 af 11) en hún nýtti
tvö af þremur vítum.
Vilja eignast barn
Hvemig sem fer og hvort gullverðlaunin koma
inn á heimilið eftir leikana eru þær stöllur að
huga að því að ættleiða barn. Það er nokkuð ljóst
að mætist þær í úrslitaleiknum mun þessi
skemmtilega saga verða umfjöllunarefni hjá
flestum fjölmiðlum heims. Báðar leika þær sem
atvinnumenn hjá Frederiksberg í Danmörku og
hafa þær komið sér vel fyrir þar, en nú er að sjá
hvor tekur gullið.
-ÓÓJ
Bandarikjamadurinn Brad
Friedel, markvörður enska úrvals-
deildarliðsins Liverpool, hefur ekki
spilað fyrir liöið i 11 mánuöi. Hann
hefur þó litlar áhyggjur af því þessa
dagana þar sem hann er nú í keppni
með bandaríska landsliðinu á OL.
Liðið eygir von um sæti í átta liða úr-
slitum.
Fulltrúar Toronto-borgar í Kanada,
sem sótt hefur um aö halda ÓL 2008,
hafa komiö fram með nýja kynningu
sem ætlað er að höfða til íþrótta-
mannanna frekar en til stjómmála-
mannanna. Þeir kynna þar útópiu
íþróttamanna, fjölmiöla og áhorf-
enda, þar sem allt sé á litlum bletti og
engin samgönguvandræði eða þess
háttar.
Peking i Kina er ein þeirra borga
sem vilja fá til sín ÓL 2008. Þykir hún
liklegasti kosturinn en þó em meng-
unarmál þar í nokkrum ólestri og
umferðin í talsverðum hnút. Til að
mæta þessum vanda hafa stjórnvöld í
borginni ákveðið að setja 17,8 millj-
arða Bandaríkjadala í úrbætur á
þessum þáttum áður en kemur aö
ákvarðanatökunni á næsta ári.
Franski spretthlauparinn
Christine Arron, Evrópumeistari og
methafi í 100 m hlaupi frá 1998, gæti
hugsanlega misst af greininni nú
vegna sýkingar í hálsi. Læknir
franska Olympíuliðsins segir að allt
að viku taki að ná úr sér slikri sýk-
ingu en riðlakeppnin fer fram á föstu-
dag. -ÓK
k
Ástralía vann Bandaríkin
Pað er keppt í hinum ýmsu íþróttum á Ólympíuleikunum og ein þeirra er sundbolti. Pegar þessi mynd var tekin áttust
við lið Ástralíu og Bandaríkjanna og vann heimaliðið 7-6 í ieiknum. Bridgette Gusterson skoraði tvö mörk fyrir
Ástrala og þar á meðal sigurmarkið í leiknum, rétt rúmum tveimur mínútum fyrir leikslok.
Eftir allt sem á undan er gengið hef-
ur þýski hlauparinn Dieter
Baumann loks verið dæmdur í
keppnisbann vegna lyfjamisnotkunar
örfáum dögrnn áður en hann átti að
keppa á ÓL. Dómur Alþjóða frjáls-
íþróttasambandsins segir ekki nægar
sannanir fyrir þvi að efninu hafi ver-
ið laumað í tannkrem kappans og því
skuli bannið standa þrátt fyrir að
þýska sambandið hafi aflétt því. Lög-
maður Baumanns segir þá gera allt
sem hægt sé til þess að hlauparinn
geti tekið þátt í undanrásum í 5000 m
hlaupinu sem fram fara 27. september
nk.
Sterkar likur eru á því aö
Aleksandr Bagach, silfurverðlauna-
hafi í kúluvarpi á ÓL I Atlanta, muni
missa af keppni í sinni grein af sömu
orsökum. Mál hans er talið munu
fara fyrir dóm innan fárra daga.
Frankie Fredericks spretthlaupari
tilkynnti um helgina með tárin i aug-
unum að hann þyrfti að draga sig út
úr keppni á ÓL. Hann hefur átt i
hásinarmeiöslum allt tímabilið og gat
aðeins keppa fyrst snemma i þessum
mánuði. Fredericks segir ákvörðun-
ina um að draga sig f hlé hafa verið
sína erfiöustu. Margir töldu hann lik-
legastan til að vinna í 200 m hlaupinu
á leikunum i fjarveru Maurice
Green og heimsmethafans Michaels
Johnson. Fredericks, sem er 33 ára,
segist þó ekki vera hættur og að hann
ætli að einbeita sér að því að ná sér
góðum fyrir heimsmeistaramótið á
næsta ári. -ÓK
Símamynd Reuters