Dagblaðið Vísir - DV - 24.11.2000, Blaðsíða 4

Það getur verið góð leið til að greina menn að skoða hjá þeim geisladiskasafnið. Það á þó ekki við um
Ólaf Lárusson, Óla töff. Hjá honum ægir öllu saman, gömlu og nýju, íslensku og erlendu, Megasi og
Elvis. Allt á þetta sér eðlilega skýringu, því eins og margir vita er Óli töff útvarpsmaður, að vísu ekki
starfandi sem slíkur um þessar mundir en engu að síður vel inni í málunum.
Maður getur veríð skotinn
þó maður sé ekki
Óli töff er mikill áhugamaður um Svíþjóð og aðdáandi sænska knattspyrnulandsliðsins nr. 1.
„Það var gasalega mikið af fólki
sem hlustaði á okkur,“ segir Óli
um útvarpsþáttinn Tveir á upp-
leið sem hann stjórnaði af mikl-
um myndugleik ásamt félaga sín-
um Stjána stuð. Þátturinn gekk
samfleytt í þrjú ár, lengst af á Út-
rás og um skamma hríð á Sól-
inni. „Stundum var ég bara í
vandræðum með að svara öllum
símalínunum og hélt að þaö
mundi kvikna í simanum," segir
Óli og skellir upp úr.
Vinsælli en Jón og Gulli
Það er næstum áratugur liðinn
síðan þátturinn hóf göngu sína.
Óli man ekki árið nákvæmlega en
tímasetningin var fullkomin. Jón
og Gulli voru nýlega horfnir af
öldum ljósvakans með þáttinn
vinsæla Tveir með öllu og Óli
telur Tvo á uppleið hafa fyllt
skarðið sem þá myndaðist. „Það
vantaði svona þátt. Ég held að við
Kristján höfum náð meiri áheyrn
en Tveir með öllu,“ álykar Óli, en
leggur ofuráherslu á að hann hafi
náttúrlega ekki mælt þetta ná-
kvæmlega. I þáttunum brölluðu
þeir félagar Óli og Stjáni margt,
tóku viðtöl og gáfu reiðinnar
býsn af pitsum. Óli rifjar líka upp
nokkra símahrekki á milli hlátur-
roka. Tónlistin var þó í öndvegi
og spiluð voru alls kyns lög. „Allt
nema þungarokk, það fer nefni-
lega svo illa í Kristján," segir Óli
með stríðnisglampa í augunum.
Sænska söngkonan Christina
Lindberg er í mestum metum hjá
Óla um þessar mundir og hann
sprettur á fætur og kemur aftur
með hulstur af geisladisknum
„Andra tidar, andra vegar.“
í leit að nýrri stöð
í ljósi þessara miklu vinsælda
kann að koma mörgum spánskt
fyrir sjónir að Óli töff hefur ekki
starfað sem útvarpsmaður í um
það bil sjö ár. Um þessar mundir
vinnur hann á handverkstæðinu
Ásgarði og breytir spýtum í
barnaleikföng og pennastatíf af
hagleik. En hugur Óla hefur alltaf
staðið til útvarpsmennskunnar og
eftir að Sólin lagði upp laupana
hefur hann sótt um starf hjá flest-
um hinna útvarpsstöðvanna.
„Þeir segjast alltaf ætla að hugsa
málið en þetta er mjög grunsam-
legt mál. Svona mál eiga ekki að
taka mjög langan tíma,“ segir Óli
réttilega um atvinnuleitina. „Þeir
vita að við Kristján erum mjög
mikilvægir menn í útvarpi," bæt-
ir hann við. Og víst er það að
margir sakna þeirra kumpána og
furðulegt að enginn skuli geta
nýtt sér krafta þeirra og hlust-
endahóp. Óli er samt alls ekki á
því að gefast upp og elur þann
draum í brjósti að geta stofnað
sína eigin útvarpsstöð með gömlu
Útrás að fyrirmynd, annað hvort
á íslandi eða i Svíþjóð, en til þess
þarf mikið fjármagn. „Maður
byrjar smátt en endar stórt,“ seg-
ir Óli og svipurinn gefur til
kynna að honum er fúlasta al-
vara. „Ég mundi vilja hafa Krist-
ján með í því dæmi, bjóða honum
að vera meðeigandi."
Gæslumaður í Djúpu
lauginni
Á árunum sínum i Iðnskólanum
var Óli títt við gæslustörf á bölltim
hjá ýmsum framhaldsskólum og
þótti ágætt. Stundum þurfti hann
að taka á honum stóra sínum en
helsta tilhlökkunarefnið var að
sjálfsögðu að fá að gæða sér á pitsu
og kók að balli loknu. Nú orðið
segist hann fara lítið út að
skemmta sér en hefur þó gert und-
antekningar og verið viðstaddur
upptökur á stefnumótaþættinum
Djúpu lauginni og hefur jafnvel
gælt við þá hugmynd að taka sjálf-
ur þátt. „í fyrri syrpunni sleppti ég
bara tveimur þáttum. Mér fannst
Laufey Brá og Kristbjörg stjórna
best. Ég varð eiginlega svolítið
skotinn í Laufeyju en ekkert alvar-
lega. Það var kona að vinna hér á
sambýlinu sem sagðist halda að
Laufey ætti kærasta og ég tók því
ekkert illa. Maður getur nú verið
skotinn i einhverjum þó maður sé
ekki hriflnn," segir Óli töff og því
er varla hægt að mótmæla.
tvífarar
Eva Sólan þula Anna Nicole Smith glyðra
Hversu likar geta tvær manneskjur orðið? í það fæst enginn botn, a.m.k.
ekki fyrr en bréfin í DeCODE hækka. Og hvað sem því líður dylst engum
að Eva Sólan sjónvarpsþula og Anna Nicole Smith fyrirsæta eru barasta
líkari en tvíeggja tvíburar. Anna Nicole hefur helst unnið sér það til
frægðar að kasta ítrekað af sér klæðum fyrir ljósmyndara Playboy-
timaritsins og giftast fjörgömlum auðkýflngi, sem skrikaði fótur, datt af
grafarbakkanum og lést samstundis. Eva er dýrkuð og dáð af landsmönnum
sem sperra bæði augu og eyru til að meðtaka boðskapinn og gullkornin sem
hrjóta af vörum þessarar ljóðmæltu þokkadísar. Flestir ættu þó bágt með að
sjá hana fyrir sér fáklædda í Playboy eða í faðmi gamals manns, t.d. Alla
ríka, öðrum þætti það ábyggilega hin besta skemmtun.
heimasíöa vikunnar
http://www. nerve.com
Heimasíða vikunnar sem er að
líða er www.nerve.com sem til-
heyrir samnefndu veftímariti og
gefur sig út fyrir að vera vettvang-
ur hugsandi manna og kvenna til
að ræða um hvaðeina er viðkemur
kynlifi. Ef verið er að leita að
myndum er þetta ekki rétti staður-
inn, þær eru „listrænar" og það
eru engar slóðir hér sem fjalla um
sloppy bj*s eða barely legal eitt-
hvað. Sömuleiðis má auðveldlega
láta þessar sífelldu poppöpp Fin-
landia-auglýsingar fara vel í taug-
arnar á sér. Kostirnir eru hins veg-
ar fjölmargir. Fyrst og fremst er
þama heill mökkur af dágóðum
pistlahöfundum sem skrifa á per-
sónulegum nótum um reynslu
sína, fantasiur, heimilistækjaeign
og fleira. Oft eru pennamir t.d. á
eldhúsnótunum og hræra ljúffeng-
um mataruppskriftum saman við
ástarlífið, nú, eða hórdóminn, því
mörg eru jú tilbrigðin við að gera
ríð. Fantasíurnar sem lesa má
teygja sig stundum út fyrir ramma
laganna, mörk lífs og dauða eða
jafnvel vísindalega skilgreiningu
dýrategunda, en eins og einhver
sagði: kynlíf er bara subbulegt ef
það er gert vel.
Þó svo að ást-
in sé alþjóð-
legt tungumál
er hægt að
nota tunguna
á fleiri vegu
en einn og því
hafa nerve-lið-
ar verið svo
forsjálir að
gefa lesendum
kost á
s p æ n s k u ,
þýsku, portú-
gölsku og
frönsku, auk
enskunnar yl-
hýru. En það
er líka hægt að vera með í leikn-
um, spjalla við aðra einmana
perverta, senda inn smáauglýsing-
ar eða sögur, eða taka þátt í bráð-
skemmtilegri teiknimyndasam-
keppni. Drífa sig!
f Ó k U S 24. nóvember 2000