Dagblaðið Vísir - DV - 19.12.2003, Qupperneq 24

24 FÖSTUDAGUR 19. DESEMBER 2003
Sport DV
FIFA-verðlaun
bara grín
Gennaro Gattuso,
leikmaður AC Milan,
botnar ekkert í því af hverju
Zinedine Zidane var valinn
besti knattspyrnumaður
heims og segir að
verðlaunin séu orðin að
algjöru gríni. „Með fullri
virðingu fyrir Zidane, sem
er án nokkurs vafa einn
besti leikmaður heims, þá
skil ég ekki af hverju hann
var valinn því tímabilið var
ekkert sérstakt hjá honum.
Ef það á að gefa verðlaunin
eingöngu vegna hæfileika
þá hefði Maradona átt að
vinna öll árin sem hann
spilaði," sagði Gattuso og
bætti við að Pavel Nedved
og Paolo Maldini hefðu
verið betur að
verðlaununum komnir þar
sem þeir áttu stóran þátt í
góðu gengi sinna liða í
Meistaradeildinni. „Valið er
bara grín. Ég var meira áð
segja tekinn fram yfir suma
þessara leikmanna hjá
þjálfara. Það sjá allir að það
er glórulaust.'1
Fangzhuoá
leiðtil United
Kínverski knattspyrnu-
maðurinn Dong Fangzhou
mun að öllum líkindum
ganga frá samningi við
Man. Utd á næstu dögum
en hann hefur lengi verið
orðaður við ensku
meistarana. „Þetta er satt,"
sagði Lin Lefeng hjá
kínverska félaginu Dalian
sem Fangzhou leikur með
við Reuters. „Þetta verður
klárað á næstu dögum."
United er talið greiða
kínverska félaginu um 400
milljónir kr. fyrir þennan
18 ára strák sem heillaði
forráðamenn félagsins er
hann kom í heimsókn til
Englands í ágúst.
Mourningfær
nýtt nýra
Körfuknattleiksmaður-
inn Alonzo Mourning mun
gangast undir nýrna-
ígræðslu í New York í dag.
Mourning hefur lengi
þjáðst af nýrnasjúkdómi
sem varð þess valdandi að
hann varð endanlega að
leggja skóna á hilluna í
vetur eftir afar farsælan
feril í NBA-deildinni.
sekúndur sléttar og Róbert Frey
Michelsen sem er íslandsmeistari
unglinga 19-22 ára. Allir þessir
strákar eru landsliðsmenn í
spretthlaupum og því fékk Shirley
verðuga samkeppni.
Hann gerði sér lítið fyrir og
sigraði íslensku strákana í
stórskemmtilegu hlaupi.
Erfið ævi
Ævi Shirley, sem er 25 ára, er
þyrnum stráð en hann var aðeins
þriggja ára þegar móðir hans yfirgaf
hann. Fyrir vikið varð hann að fara á
munaðarleysingjahæli.
Þar varð hann fyrir öðru áfalli
þegar einn af gæslumönnum
munaðarleysingahælisins keyrði
óvart yfir fótinn á honum með
sláttuvél. Það slys leiddi af sér að
aflima varð af honum hægri fótinn.
Hann var síðan orðinn 10 ára þegar
Shirley-fjölskyldan ættleiddi hann.
Þrátt fyrir þessi 'áföll hefur Shirley
einstaka sýn á lífið. „Ef móðir mín
hefði ekki yfirgefið mig þá hefði ég
ekki lent á munaðarleysingjahæli.
Þá hefði ég ekki misst fótinn og þá
Undanfarna daga hefur verið
hér á landi einn besti íþróttamaður
heims í röðum fatlaðra. Hann heitir
Marlon Shirley og er heimsmethafi
í 100 metra hlaupi karla en hann
hefur hlaupið 100 metrana á 10,97
sekúndum sem er ótrúlegt afrek hjá
manni sem er aflimaður á hægri
fæti.
Ástæða komu hans hingað til
lands er sú að hann var að prófa
nýjan fót sem Össur hf. framleiðir en
þeir eru leiðandi í framleiðslu
gervilima. Teymi stoðtækjafræðinga
og hönnuða hjá Össuri hefur unnið
sleitulaust að endurbótum á fæti
Shirley. Æfingarnar hafa gengið vel
og Shirley tekur stöðugum
framförum.
Keppti við íslendinga
A miðvikudagskvöldið atti hann
kappi við íslenska hlaupara á
Boðsmóti ÍR sem fram fór í
Egilshöllinni. Þar keppti hann við þá
Andra Karlsson sem á best 10,91
sekúndu í 100 metra hlaupi,
Sigurkarl Gústavsson sem á best 11

Vel tekið á því Shirley tók vel á þvíI Egilshöllinni á miðvikudagskvöldið. Á efri myndinni
tekur hann i hendina á Andra Karlssyni sem veitti honum harða keppni.
væri ég ekki heimsmethafi í 100
metra hlaupi hjá föduðum," sagði
Shirley.
Hann hefur sett markið hátt og
stefnir að því að keppa á alþjóðlegum
viðburðum með óföduðum. Til að sá
draumur hans get ræst þarf hann að
geta hlaupið 100 metrana á 10,33
sekúndum og er hann alveg líklegur
til að ná því takmarki. henry@dv.is
Óli á leið frá Grindavík?
Á förum? Ólafur er hér Ieldlinunni með Grindvíkingum ísumar gegn Fylki en það er Haukur Ingi Guðnason sem leggur boltann þarna fram hjá
honum. Ólafur er hugsanlega á förum frá Grindavik og þrjú lið i Landsbankadeildinni hafa þegar sýnt honum áhuga.
Einn besti markvörður landsins,
Ólafur Gottskálksson, er
hugsanlega á förum frá Grindavrk
eftir aðeins eitt ár með félaginu.
Ólafur gekk í raðir Grindvíkinga
fyrir síðasta tímabil frá enska
félaginu Brentford en hann lauk
með þeim sex ára atvinnu-
mannsferli sem hófst í Skotlandi
þar sem hann lék með Hibernian.
„Vegna persónulegra aðstæðna
er ég að hugsa mér til hreyfings,"
sagði Ólafur í samtali við DV Sport í
gær.
Nú þegar eru félög farin að setja
sig í samband við Ölaf þannig að
hann ætti ekki að vera í vandræðum
með að finna sér félag ákveði hann
að hætta hjá Grindavík.
Þrjú félög í myndinni
„Það eru þrjú félög í
Landsbankadeildinni búin að setja
sig í samband við mig en ég kýs að
gefa ekki upp að svo stöddu hvaða
félög eru þar á ferðinni," sagði Ólafur
en líklegt má telja að tvö þessara
félaga séu KA og Keflavík enda eru
þau bæði á höttunum eftir nýjum
markvörðum. Ómar Jóhannsson er
farinn ffá Keflavík og fluttur til
Svíþjóðar og KA-menn hafa að sögn
ekki mikinn áhuga á að endurnýja
samninginn við Sören Byskov.
Aðgerðin gekk vel
Olafur varð sem kunnugt er að
taka sér frí frá knattspyrnuiðkun um
mitt síðasta sumar vegna alvarlegra
hálsmeiðsla. Hann fór síðan í
uppskurð í september og er á
góðúm batavegi.
„Það er talað um að það taki fjóra
til sex mánuði að jafna sig eftir slíka
aðgerð en ég er á virkilega góðum
batavegi og læknirinn treystir mér til
þess að fara að æfa á ný fljódega eftir
áramót. Það er alveg í styttra lagi
þannig að ég gat ekki annað en verið
ánægður með batann," sagði Ólafur
og bætti við að hann ætlaði sér að
koma sterkur til leiks á ný.
Það verður athyglisvert að
fylgjast með framvindu þessa máls
og ekki er ólíklegt að fleiri lið muni
bera víurnar í Ólaf enda er þar á ferð
öflugur markvörður með mikla
reynslu. henry@dv.is