Dagblaðið - 18.01.1977, Blaðsíða 24

HEILSURÆKTIN FEKK 8
MILUÓNIR í STYRKI
MILUONIRILAN
Tékkasjóður Seðlabankans ver 5 milljónum til að
styrkja starf fyrirtækisins
„Ég veit ekki um þessar 5
milljónir kr. sem ég heyrói um í
Kastljósi aö Heilsuræktin hefði
fengið frá Seðlabankanum. 3
milljón kr. styrkur og 3 milljón
kr. lán er veitt samkvæmt
lögum um endurhæfingu, enda
er samkvæmt þeim lögum skylt
að veita endurhæfingarstöð lán
og styrk ef stöðin hefur fengið
meðmæli endurhæfingarráðs
og staðfestingu ráðherra."
Þetta sagði Gunnar Möller
forstjóri Sjúkrasamlags
Reykjavíkur í viðtali við Dag-
blaðið í gær, en umræður fóru
fram í- Kastljósi á föstudags-
kvöldið um að Heilsuræktin,
ein allra endurhæfingarstöðva,
hefði fengið 11 milljónir kr. í
formi styrkja og lána. Vöktu
umræðurnar mikla athygli.
Gunnar var spurður að því af
hverju Heilsuræktin hefði helzt
komið til greina. Hann sagðist
ekki vita til þess að neinni
endurhæfingarstöð sem hefði
sótt um styrk hefði verið synjað
um hann. Hann sagði að sér
skildist að Heilsuræktin hefði
helzt valið sér það starf að
þjálfa aldraða af endur-
hæfingarstöðvunum. Heilsu-
ræktin rekur þessa starfsemi
nteð fullgildum sjúkraþjálfara.
Gunnar kvaðst ekki hafa
borið Heilsuræktina saman við
aðrar tilteknar stöðvar.
Við spurðum hvort starfsemi
sem þessi gæti til dæmis ekki
farið fram á Grensásdeildinni.
Eftir upplýsingum í Kastljósi
ætti að vera hægt að komast að
þar eftir kl. 3 á daginn. Gunnar
svaraði því til að Grensásdeild-
in væri sjúkrahús og hann vissi
ekki til þess að annað en
sjúkraþjálfun fyrir sjúklinga
væri starfrækt þar.
Viss hópur aldraðra
því hvort ekki væri óréttlátt að
komið væri til móts við vissan
hóp aldraðra á þennan hátt á
meðan þeir sem þurfa að fara í
endurhæfingu, vegna meiðsla
t.d., verða að borga 40% af
endurhæfingarkostnaðinum og
jafnvel leigubíl þar að auki.
Þeir sem færu í Heilsuræktina
fengju þar allt ókeypis.
Gunnar sagði að hann gæti
ekki séð neitt því til fyrirstöðu
að þeir sem hefðu orðið fyrir
meiðslum gætu fengið meðferð
þar líka. Hins vegar væri þetta
ekki hans að svara þessu. Það
væri borgarinnar.
DB hafði samband við Skúla
Johnsen borgarlækni, en hann
kvað þessa þjónustu fyrir fólk
sem væri vel sjálfbjarga, enda
væri hér um hópþjálfun að
ræða. Tólf væru í hverjum hóp.
Einn sjúkraþjálfari starfar við
Heilsuræktina.
Skúli sagði einnig að þeir
sem t.d. þyrftu sérstaka með-
ferð vegna slysa, gætu fengið
uppbót á ellilífeyri sem næmi
nokkurn veginn þeirri upphæð
sem viðkomandi þyrfti að
leggja út vegna þjálfunar.
Þá höfðum við samband við
Guðmund Hjartarson banka-
stjóra. Hann sagði að Heilsu-
ræktin hefði ekkert lán fengið
hjá Seðlabankanum. Aftur á
móti hefói stofnunin fengið 5
milljóna króna styrk úr tékka-
sjóði, en verkefni sjóðsins er að
veita styrki til menningar- og
mannúðarmála.
Hefur félagslegt
gildi að sögn
borgarstjóra.
Við ræddum við borgar-
stjóra, Birgi ísleif Gunnarsson,
og sagði hann að þegar þessi
styrkur hefði fyrst komið til
tals hefði Heilsuræktin verið að
koma sér upp aðstöðu fyrir
sjúkraþjálfun aldraðra. Aðeins
örfáir aðilar hafi slíka aðstöðu.
Hann sagði að borgin hefði
samþykkt að greiða fyrir
ákveðnum fjölda einstaklinga
og var hið félagslega gildi þessa
starfs ekki síður haft í huga.
Birgir ísleifur sagði að vissu
lega vantaði bæði heimili fyrir
aldraða og langlegupláss. Hins
vegar hefði borgin tekið það
ráð að reyna að vega og meta
hvers konar þjónustu borgin
ætti að veita og.hefði hún reynt
að þjóna að einhverju leyti öllu.
EVI/KP
fœr ókeypis
Þá spurðum við Gunnar að
Þegar Ijóst varð að Reykjavíkurborg mundi greiða fyrir þjálfun aldraða í Heilsurœktinni var blaðamönnum sýndur staðurínn og viðstaddir voru
m.a. heilbrigðisráðherra, borgarstjórinn í Reykjavík og borgarfulltrúar ásamt borgarlækni. Jóhanna Tryggvadóttir er hór lengst til hægrí á
myndinni.
„Er verið að borga skuldir sjálfs-
eignarstofnunar af almannafé?”
—spyr Sigríður Gísladóttir, formaður sjúkraþjálfara
„Mér finnst að það væri mikið
nær að efla þjónustu lamaðra
og fatlaðra. Þeir hafa góða að-
stöðu inni á Háaleitisbraut og
ég veit ekki betur en þar sé
hægt að vera eftir kl. 4 á dag-
inn. Ég get náttúrlega ekkert
fullyrt um hvernig aðstaðan er
hjá Heilsuræktinni, þar sem
maður fær ekki að skoða hana,
sem er alveg furðulegt. Flestir
sem hafa upp á eitthvað gott að
bjóða eru stoltir af að sýna
það."
Þetta sagði Sigríður Gísla-
dóttir, formaður sjúkraþjálf-
arafélagsins, er við ræddum 11
milljón kr. styrkinn til Heilsu-
ræktarinnar.
,,A Háaleitisbrautinni er líka
sundlaug þar sem hægt er að
synda og fá meiri hreyfingu en
í kerjum Heilsuræktarinnar,“
sagði Sigríður. „Þá hafa þeir
einnig aðstöðu til einstaklings-
meðferðar sent við álítum
nauðsynlega i nokkur skipti
áður en fólk byrjar í hópleik-
fimi. Ég get einnig bent á að
Sjálfsbjörg hefur gríðarlega
stórt æfingahúsnæði sem mér
er ekki kunnugt um að sé full-
nýtt.
Þetta er frekar hæft inn í
væntanlegt heildarskipulag
heilsugæzlunnar. Ég skil ekki
hvers vegna Heilsuræktin er
tekin út úr. Það vakti einnig
furðu okkar að utanríkis-
ráðuneytið skyldi sinna ósk Jó-
hönnu Tryggvadóttur, for-
manns Heilsuræktarinnar, um
að ráða danskan sjúkraþjálfara,
en hún fékk engan íslenzkan.
Það væri t.d. nær að útvega
sjúkraþjálfara á öldrunardeild
Landspítalans, þar sem hann
bráðvantar. Eins er neyðará-
stand ríkjandi úti á landi.
Þá er það eitt enn. Hvað
veldur því að opinber aðili, ríki
og borg, vilja nú taka þátt í
sjúkraþjálfun, þar sem þjálfun
er fyrir bæði sjúka og
heilbrigða. Slíkt hefur ekki
geta gengið ef sjúkraþjálfari
hefur viljað standa fyrir slíkri
starfsemi. Sú spurning hlýtur
að vakna hvort verið sé að
borga skuldir sjálfeignarstofn-
unar af almannafé.“
-EVI
frfálst, úháð dagblað
ÞRIÐJUDAGUR 18. JAN. 1977.
Krafla:
Skjálftaf jöldi
og landris
standa nú að
mestu í stað
Landrisið nií það
mesta sem mælzt hefur
við Kröflu
70 skjálftakipptir höfðu mælzt
við Kröflu í morgun kl. 9 frá því
klukkan 3 í gærdag. Stærri
skjálftar voru nú færri en áður,
aðeins 5 sent mældust yfir 2 stig á
Richter-kvarða. Stærsti kippurinn
frá kl. 3 í gær mældist 2,6 stig.
Þann skjálfta fundu menn ekki,
en urðu varir við annan sem
mældist 2,4 stig.
Á sólarhringsvaktinni sem lauk
kl. 3 á mánudag varð vart 93
skjálfta og skjálftafjöldinn var
nákvæmlega sami sólarhringinn
þar á undan.
Landrisið við stöðvarhúsið'
virðist nú hafa stöðvast í bili eða
hægt að mun á sér. Á laugardag-
inn mældist risið 6,314 millimetr-
ar og klukkan 4 á mánudag mæld-
ist það 6,409 millimetrar. I gær-
kvöldi kl. 11 mældist það svo
6,371 millimetrar.
Þetta er samtmesta landris sem
mælzt hefur við Kröflu.
Jarðvísindanienn telja að land-
risið hafi verið meira fyrir gosið í
Leirhnjúk en þá voru mælingar
ekki hafnar. Eftir gosið seig land-
ið aftur og í októberlok mældist
landsig vera mínus 5,4 millimetr-
ar. Það var í lok október.. Land
við stöðvarhúsið hefur því síðan í
október risið um tæplega 1,2
sentimetra. Allar þessar mæling
ar á landrisi og sigi miðast við
hallann á stöðvarhúsinu.
-ASt.
Það var st jórn
og trúnaðar-
mannaráð
— sem samþykkti
ályktunina
Ranglega var skýrt frá þvi í DB
í gær að Lögreglumannafélag
Suðurnesja hefði samþykkt
stuðningsyfirlýsingu við Hauk
Guðmundsson á almennum fundi
í félaginu eins og e.t.v mátti skilja
af frásögninni. Hið rétta er að
samþykktin var gerð á fundi
stjórnar og trúnaðarmannaráðs
félagsins. Ef marka má af við-
brögðum við frétt DB í gær um
þetta mál.er ekki ríkjandi einhug-
ur um stuðninginn við Hauk í
félaginu, þó stjórn og trúnaðar-
mannaráð hafi fundið hvöt hjá
sér til slíkrar yfirlýsingar og vísað
til laga félagsins um eðli þeirrar
ályktunar.
-ASt.
Seldi sjaldgæfa mynt á hálfvirði til að kaupa sælgæti
Fyrir stuttu var búðarfólki
og viðskiptavinum búðanna að
Laugarásvegi 1 boðinn næsta
óven'ulegur varningur til sölu.
Þarn;; var á ferð 12 ára stúlka
og bauð til sölu gamla mynt,
bæði innlenda og erlenda.
. Gleyptu flestir sem aðvífandi
komu við varningi hennar en
búðarfólkið sjálft vildi ekki
kaupa.
Stúlkan bauð til sölu hátiða-
útgáfuna af 50 kr. mvntpening-
unum, sem nú eru orðnir-dýr-
mætir. Þá bauð hún líka til sölu
500 og 1000 krónu myntpening-
ana.
Meðal annarra peninga er
hún bauð og seldi voru græn-
lenzkar krónur svo og danskir
krónupeningar, gylltir. bæði 1
kr. og 2 kr. peninga. Einnig
hafði hún tíeyringa og 25 eyr-
inga og í báðum tilfellum út-
gáfur sem nú eru orðnar verð-
mætar, mörg þúsundfaldar ,í
verði.
Þrátt fyrir það að stúlkan
bauð 1000 kr. pening á 500
krónur og 500 krónu pening á
200 krónur, var enginn sem lét
athuga þessa undarlegu pen-
ingasölu, heldur keyptu menn
peninga — og gerðu sannarlega
góð kaup. 50 kr. peningana
mun hún hafa selt á 200
krónur.
En upp komast svik uin síðir.
Nú hefur þessara sjaldgæfu
peninga verið saknað úr mynt-
albúmum sem til voru á heimili
hennar. Stúlkan hefur
viðurkennt að hafa tekið blað-
síður úr myntalbúmi og selt
peningana sjaldgæfu til að afla
sér fjár til sælgætiskaupa.
Forráðamenn stúlkunnar
hafa haft samband við Dag-
blaðið og skýrt frá þessu við-
kvæma máli. Er það ósk þeirra
að einhverjir sem keyptu mynt-
ina af stúlkunni vilji skilja eðli
málsins, og skila hinni sjald-
gæfu mynt aftur. Litla stúlkan
iðrast gerða sinna og ekki er
víst að allir vilji geyma slíka
myntpeninga, er þeir nú vita
hvernig í málinu liggur. DB
mun hafa milligöngu um að
koma fólki í samband við for-
ráðamenn stúlkunnar svo að
ekki þurfi að gefa upp síma-
númer eða heimilisfang.
-ASt.