Dagblaðið - 27.04.1977, Side 24

Það er mér óskiljanlegt
hvernig hægt var að
leysa öll þessi vandamál
Srfálst, nháð dagblað
MIÐVIKUDAGUR 27. APRlL 1977.
— Spassky og f rú föru til Frakklands i morgun
Fréttamenn- urðu óvænt
aðnjótandi betri veitinga en
ætlað var á blaðamannafundi
með Boris Spassky á Loftleiða-
hótelinu í gær. Eini lausi
staðurinn var barinn og nutu
blaðamenn góðs af þeirri stað-
setningu.
Spassky lék á als oddi og
Marinakonahans túlkaði, þegar
stórmeistarinn skildi ekki yfir-
vegaðar spurningar blaða-
manna. Spassky sagði að
keppnin hefði verið mjög hörð
og jöfn. Hann hefði ekki fundið
sig í byrjun^ og í raun ekki
komizt í jafnvægi fyrr en eftir
tapið í 10. skákinni. Erfiðasta
skák einvígisins var 15. skákin
þ.e. sigurskák Spasskys, þar
sem Hort féll á tíma.
„Ég er mjög ánægður með
aðstöðuna hér á landi. íslehzka
skáksambandið þurfti að leysa
mikil vandamál seinni hluta
mótsins, enda var sá hluti mjög
flókinn. Það er mér algerlega
óskiljanlegt hvernig hægt var
að leysa öll þessi vandamál á
farsælan hátt“. „Verðlaun voru
einnig hærri hér en önnur lönd
buðu.
„Hort var ákaflega drengi-
legur andstæðingur og sýndi
e.t.v. betri taflmennsku en ég.
Það má því segja, að þótt ég sé
formlegur sigurvegari, þá hafi
Hort verið siðferðilegur sigur-
vegari einvígisins. Hvorugur
okkar Horts fékk útrás fyrir
styrk sinn í einvíginu. Þess
vegna varð Hort að gera eitt-
hvað stórkostlegt, sem hann og
gerði með fjölteflinu. Þetta skil
ég mjög vel. Skák er barátta
hugar og sálar. Andleg þreyta
er hættulegust. Hún er ólík
líkamlegri þreytu, sem líður
fljótt úr. Stórmeistari þarf 2-3
mánuði til þess að jafna sig
eftir slikt einvígi.“
Spassky mun á næstunni
hvíla sig í Frakklandi, áður en
undirbúningur hefst fyrir ein-
vígið við Portisch. Sú breyting
hefur orðið á afstöðu sovézka
skáksambandsins að það fæst
til þess að aðstoða Spassky við
undirbúninginn. „Ég get farið
til föðurlands míns og þar verð-
ur skipulagður æfingatími fyrir
mig. Eg stefni að því að fara til
Sovétríkjanna og er þakklátur
sovézka skáksambandinu fyrir
að hafa ekki gleymt mér.
Annars vil ég ekki vera flæktur
i pólitík. Ég vil tefla skák út um
allan heim. Skák sameinar en
sundrar ekki.“
„Það er ekki ákveðið hvar
einvígið við Portisch verður, en
ég er í mun betra jafnvægi nú
en fyrir einvígi okkar Horts. Ég
þarf þó að hefja rannsóknir á
byrjunum, þvl í þeim er
Portisch sérfræðingur.
Ég hugsa ekki lengra en til
næsta einvígis. Ég hef því ekki
tekið einvígi við Karpov inn í
reikninginn enn. Annars held
ég að Karpov vildi heldur tefla
utan Sovétríkjanna en innan.
Ég vil tefla skák eins lengi
og ég get, en ég býst ekki við að
keppa lengur en til 52-53 ára
aldurs. Eftir það gæti ég hugs-
að mér að kenna skák,“ sagði
Spassky að lokum. -JH.
Spassky, — Hort var ákaflega drengilegur andstæðingur og sýndi e.t.v. betri taflmennsku en ég.
Eiginkona stórmeistarans brosir blíðu brosi. (DB-mynd Hörður).
7W»W«"”fSmr
Æ reiknkmm
RÍKINU ÞETTA ARIÐ
1 augum Helga Hóseason þýðir
Rió ekki söng og skemmtan,
heldur Ríkisvald íslenzkra
óþokka.
Ríó syngja um
Kristján P. og
Helga Hóseasson
Félagarnir í Ríó gera það ekki
endasleppt við þekktar persónur
úr þjóðlífinu. Lagið um Óla Jó
hefur varla runnið sitt skeið á
enda þegar ný plata er væntanleg
frá Ríó — og þar er fjallað m.a.
um „Kidda Pé“ og Helga Hóseas-
son.
Lagið „Kiddi Pé“ er tileinkað
frjálsu framtaki og texti eftir
Jónas Friðrik skáld og aflrauna-
mann fr'á Raufarhöfn.
Annað lag heitir „Helgi Hóseas-
son“ og er tileinkað frelsi ein-
staklingsins.
Platan, sem ber heitið „Fólk“
er væntanleg á markað fyrir
mánaðamótin, en hún var
hljóðrituð í Hljóðrita í Hafnar-
firði.
Upp úr miðjum júni leggja svo
Ríó-bræður land undir fót og
hyggjast halda skemmtanir víðs
vegar um landið. -ÓV.
Sjálfstæðismenn kjósa
landsfundarfulltrúa:
82 f rambjóð-
endur
í 25 sæti
Fulltrúaráð Sjálfstæðisfélag-
anna í Reykjavik kaus i gær 25
fulltrúa á Landsfund Sjálfstæðis-
flokksins, sem haldinn verður
6.—9. maí nk. Sjálfstæðisfélögin
eiga alls 240 fulltrúa á landsfund-
inum, og tilnefna félögin sextán
215 fulltrúa beint.
Alls voru 82 frambjóðendur í
þessi tuttugu og fimm sæti. Til
samanburðar má geta þess, að í
þessum sömu kosningum fyrir
síðasta landsfund voru 65 fram-
bjóðendur.
Fulltrúakosningarnar eru ekki
taldar verulega marktækar fyrir
þær línur, sem lagðar verða fyrir
kosningarnar, að sögn Vilhjálms
Þ. Vilhjálmssonar framkvæmda-
stjóra fulltrúaráðs félaganna.
Hann sagði að kjör í miðstjórn
flokksins á landsfundinum gæfi
betri hugmynd um línurnar, sem
lagðar yrðu. -ÓV
Leikskýrsl-
ur vantar
Nokkrir þátttakendur i
maraþonfjölteflinu gegn
Valstimil Hort skiluðu ekki af-
riti af leikskýrslunni (viður-
kenningarskjalinu). Þeir sem
fóru af vettvangi með bláa af-
ritið eru vinsamlega beðnir að
senda það til Dagblaðsins hið
fyrsta.
Stórmál sem sofnaði f dómskerfinu:
LÆKNAR LANGEYGIR
EFTIR RANNSÓKN
—Hefurlegið
niðri allt
frá 1973
-
Rannsókn Sakadóms Reykja-
víkur á meintu vítaverðu gá-
leysi ákveðinna lækna við ávís-
anir á lyf sem hafa ávanahættu
í för með sér hefur legið niðri í
hartnær fjögur ár.
í forystugreinum í nýút-
komnu Læknablaði segir að
læknar séu orðnir langeygir
eftir lokum dómsrannsóknar-
innar, sem hófst samkvæmt
kröfu ríkissaksóknara í maí
1972.
Forsaga málsins er sú, að um
áramótin 1971/72 fullyrti
Kristján Pétursson, deildar-
stjóri í Tollgæzlunni á Kefla-
víkurflugvelli í viðtölum í fjöl-
miðlum, að „ákveðnir læknar
hafi sýnt vítavert gáleysi við
ávísun á lyf, sem hafa ávana-
hættu í för með sér,“ eins og
haft er eftir honum í Lækna-
blaðinu. I janúarlok 1972
óskuðu formenn Læknafélags
Reykjavíkur og Læknafélags
íslands eftir því við ríkissak-
sóknara að fram færi opinber
rannsókn á þessum fullyrðing-
um.
Bragi Steinarsson, settur
vararíkissaksóknari, sagði i
samtali við fréttamann DB að í
tilefni af forystugreinunum í
Læknablaðinu hefði embætti
ríkissaksóknara spurzt fyrir um
það í Sakadómi Reykjavíkur
hvað dómsrannsókninni liði.
Svar hefði ekki borizt.
Það var Jón Abraham
Ólafsson sakadómari sem ann-
aðist rannsóknina á fullyrðing-
um Kristjáns Péturssonar.
Fréttamaður DB sneri sér í gær
til Jóns og spurði hvað rann-
sókn þessari liði.
Sakadómarinn sagði að málið
hefði verið sett í biðstöðu á
árinu 1973, þegar ný viðhorf
hafi skapazt með tilkomu saka-
dóms í ávana- og fíkniefnamál-
um og hertu eftirliti með eftir-
ritunarskyldum lyfjum, sem
heilbrigðis- og tryggingaráðu-
neytið hefði haft með höndum í
stað landlæknisembættisins
áður. „Það var talið að málin
væru komin í gott horf,“ sagði
Jón Abraham, „og ef ekki
kæmu nýjar forsendur fyrir
rannsókninni, þá væri rétt að
láta málið bíða. Það skipti
einnig máli í þessu sambandi,
að engar beinar kærur höfðu
verið lagðar fram á ákveðna
lækna, og auk þess fengust ekki
gögn frá landlæknisembættinu,
sem þá var með eftirlit með
eftirritunarskyldum lyfjum."
Jón Abraham sagði að upp-
hafsmaður málsins, Kristján
Pétursson, hefði komið fyrir
réttinn, en ekki lagt fram nein
sérstök, skrifleg gögn sem
renndu stoðum undir framburð
hans. -ÓV
166 LÆKNABLAÐIÐ
FRÁ RITSTJÓRN:
LANGDREGIN DÖMSRANNSOKN
í leiðara formanns L.Í. er vísað til þess, að læknasamtökin hafi óskað opinberrar rannsóknar vegna ávana- og fíknilyfja- Læknum brá því mjög í brún, þegar dagblaðið Tíminn birti frétt 20. nóvember 1976 þar sem fulltrúa rikissaksóknara eru

Leiðarinn úr Læknablaðinu þar sem kvartað er undan langdreg-
inni rannsókn.
Pilluglösin á myndinni fundust i fyrra i Mosfellssveit. Flestöll
voru þau komin frá einum og sama lækninum.
(DB-mynd Björgvin)