Dagblaðið - 06.04.1978, Blaðsíða 23

DAGBLAÐIÐ. I IM.MTUDAGI R 6. AI’RÍL 1978.
Utvarp
Málfríður F.inarsdóttir eða Málmfríður eins og hún fiét að róttu.
Útvarp í kvöld kl. 22,05: Samastaður í tilverunni
„Ætíð hef ég
átt samastað”
Samastaður i tilverunni nefnist ný
bók eftir Málfríði Einarsdóttur og mun
Margrét Helga Jóhannsdóttir lesa úr
henni í útvarpinu í kvöld kl. 22.05.
Málfríður hefur látið ýmislegt gott frá
sér fara svo sem kvæði, bæði frumort og
þýdd og einnig hafa birzt eftir hana
frásagnir og ritgerðir i tímaritum og
blöðum. Hún vakti þó fyrst umtals-
verða athygli fyrir kveðskap sem birtist í
Helgafelli I kringum 1940.
Á kápu bókarinnar stendur: „Þessi
bók er ekki ævisaga, og varla heldur
endurminningar í venjulegum skilningi,
én höfundurinn framkallar fyrir hugar-
sjónum lesandans þennan „samastað”
sem hún átti sér i tilverunni, hvort sem
sá samastaður var i Bæjarsveit í Borgar-
firði, Reykjavík, Kaupmannahöfn eða
annars staðar.”
Og um samastað sinn segir Málfriður
sjálf: „Ætíð hef ég átt samastað, að
minnsta kosti hefur aldrei farið svo, að
ég hafi þurft að vera hvergi....”
Bók Málfriðar er alveg sérstaklega
skemmtilegt lestrarefni og hefur
einhvern „undarlegan" og skemmtilegan
stil. sem bókaunnendur verða varla
viðar varir við. Strax i upphafi formála
bókarinnar verða fyrir lesanda þessi orð:
„Það hefur farið meó versta móti
um hjartað I mér undanfarið. Það hefur
lamist lengi, og upp á síðkastið hefur
verið þröngt um það í brjóstinu eins og
brjóstið og hjartað eigi ekki lengur
saman. Eitthvað er sem þrengir að
rifjunum og í sambandi við þetta gina
við mér kolsvört leiðindi og hræðsla í
allar áttir, stundum svo að mér verður
flökurt. Nú er tími til að byrja á bókinni
um pislirnar.”
Siðar í formála bókarinnar stendur:
„Að loknu þessu hástemmda, ýlustráýl-
andi sorgarstefi, og að loknu þessu Ijóta
umtali um mig, sem ég á ekki skilið, þarf
ég nú fyrst að finna tónskáld til að gera
tónverk við þetta ýl. Um það hef ég litla
,sem enga von því nú eru dánir þrir sem
hefði máit biðja: Björn á Varmalæk,
Elvis Presley og Þorsteinn Valdimars-
son, og standa allir uppi. Eru ekki
framar til viðtals. Liklega verður ekki
neitt úr þessu."
Um tímasetningu og staðsetningu at-
burða segir Málfríður: „Tímasetningar
eru á reiki, það sem skrifað var fyrst er
miðað við annan tima en seinna varð og
getur skeikað allt að tuttugu og fimm
árum. Og bið ég menn góðfúslega að
taka eftir þessu. Sumt er skrifað í Kaup-
mannahöfn, sumt i Reykjavík og orðið
„hér" þýðir því ekki ávallt hið sama.
Aðrir staðir koma ekki til greina.
Samastaður í tilverunni er einstök
bók. sem enginn ætti að láta fara
fram hjá sér. RK.
BÍLAPARTASALAN
Höfum úrval notaðra varahluta íýmsar
tegundir bifreiöa, tildæmis:
Peugeot 204 árgerð '69. Fiat 850 sport
árgerð '72. Fiat 128 árgerð '72.
Merzedes Benz árgerð '65.
Benz 319 dísil. Volvo Amason.
Einnig höfum við úrval af kerruefni,
til dæmis undir vélsleða.
Sendum um alltland.
BÍLAPARTASALAN
Höfðatúni 10 — Sími 11397
23
Sjónvarp

Útvarpið íkvöld kl. 20,10: Gasljós
Sakamálaleikrit frá
Viktoríutímabilinu
Leikarar i Leikfélagi Kópatogs flytja útvarpsleikrit kvöldsins. Frá vinstri: Guðríóur Guóbjörnsdóttir, Björn Magnússon,
Arnhildur Jónsdóttir, Siguróur Grétar Guðmundsson og Helga Haröardóttir.
í kvöld kl. 20.10 munu leikarar i
Leikfélagi Kópavogs flytja leikritið
Gasljós i útvarpinu og er það eftir
Patrick Hamilton. Þýðr guna gerði
Inga Laxness en leikstjóri er Klemenz
Jónsson.
Með hlutverkin i leiknum fara Helga
Harðardóttir, Sigurður Grétar
Guðmundsson, Björn Magnússon,
Arnhildur Jónsdóttir og Guðriður
Guðbjörnsdóttir.
Leikurinn á að gerast á siðasta fjórð-
ungi 19. aldar og er sakamálaleikrit frá
Viktoriutimabilinu. Á þessum timum
voru gaslýsingar og dregur leikritið nafn
sittafþessum lýsingum.
Manninghamhjónin búa i gömlu húsi
í skuggalegu hverfi Lundúnaborgar.
Eiginmaðurinn er viðsjárverður og
nokkuð kænn og ætlar hann sér að
myrða konu sina til þess að ná til sin öll-
um eignum hennar.
Gasljós var áður flutt i útvarpinu árið
1949, og hefur kvikmynd, gerð eflir leik-
ritinu, veriðsýnd hér.
- RK
Höfundur útvarpsleikritsins,
Patrick Hamilton
Rithöfundurinn Patrick Hamilton
er enskur og fæddur í Hassocks í
Sussex árið 1904. Hann byrjaði sem
leikari og kom fyrst fram á sviði árið
1921, þá aðeins 17 ára gamall. Síðar
sneri hann sér að leikritun.
Kunnustu verk Hamilton eru
Snaran, sem hann skrifaði árið 1929,
og Gasljós skrifað árið 1938. Einnig
hefur hann samið allmargar skáld-
sögur.
í desember árið 1939 var Gasljós
frumsýnt i Lundúnum og hér hefur
það m.a. verið sett á svið í Hafnarfirði
og Kópavogi. Einnig var Gasljós flutt í
útvarpiðárið 1949.
Snöruna flulti útvarpið í júli 1977
og hafa kvikmyndir verið gerðar eftir
báðum þessum leikritum og báðar
veriðsýndarhér.
RK.
Simrad EL.
Simrad EL dýptarmælir er
mjög hagkvæmur fyrir báta
10—20 tonn, 8 dýpissvið
niður á 720 metra, 6" þurr-
pappír sem má tvínota, botn-
lína, kontourlína, og venjuleg
aflestning, skalar fyrir fet,
metra og faðma, 12,24 eða 32
volta spenna.
Skrifið, hringið eða komið,
sendum allar upplýsingar um
hæl.
Viðgerðar-
og varahlutaþjónusta.
Friðrik A. Jónsson h.f.
Bræðraborgarstíg 1,
símar 14135 — 14340.
mms
NÝ SENDING
0OUHÚSIO
Laugavegi 178 - Sími 86780
/