Dagblaðið - 29.11.1978, Side 24

Er sfldin að verða „ skítf iskur” aftur
Talsvert af henni brætt i
skepnufóður nú á vertíðinni
—fyrir slíkar af urðir fæst aðeins brot af verði
„1 þeim sýnum, sem okkur hafa
borizt hefur verið svo mikið af smásild
að það kemur mér ekki á óvart þótt
talsvertaf síld hafi farið i bræðslu nú á
vertíðinni,” sagði Jakob Jakobsson,
fiskifræðingur í viðtali við DB i
morgun.
Hringnótabátum er heimilt að
koma með hámark 25% aflans af
stærðarflokknum undir 27
sentimetrum, en í áðurnefndum
sýnum var algengt að 40 til 50 prósent
og jafnvel upp í 65 prósent væru undir
þeirri stærð. Mikið af þessari smásild
er ekki vinnsluhæft til manneldisaf-
urða og kemur þá bræðslan ein til
greina, eða vinnsla í dýrafóður, sem
mun minna verð fæst fyrir.
Þess má geta að Hafrannsókna-
stofnunin spáði fyrir rúmu ári að
mikið af smásíld kynni að verða á
miðunum í ár og lagði því til að kvóti
hringnótabáta yrði alls ekki aukinn, en
skv. ákvörðun sjávarútvegsráðumeytis
var hann samt aukinn.
Þess má að lokum geta að í fyrra á-
kvað Verðlagsráð sjávarútvegsins
ekkert verð fyrir sild innan við 27 cm
þannig að aðeins hefði fengizt
bræðsluverð fyrir þá síld nú, ef ráðið
hefði ekki nú ákveðið verð fyrir þann
flokk, talsvert hærra en bræðsluverð.
Þetta leiðir af sér að ekki er eins mikil
fjárhagsleg áhætta fyrir sjómenn að
koma með smásíld að landi nú og í
fyrra. -G.S.
Seldu 15 þúsund Dagblöð
DB-mynd Ragnar.
Unnu sér fyrir Spánarferð
„Við seldum á hverjum degi í sumar svona 180 til 190 blöð,” sögðu þessi duglegu
systkini á afgreiðslu DB í gær. Fyrir peninga sem þau unnu sér inn með sölu á Dag-
blaðinu i sumar fóru þau til Spánar ásamt pabba og mömmu, og borguðu meira að
segja gjaldeyrinn sjálf. Systkinin heita Konráð, 13 ára, Bryndls 12 ára, Svavar 10 ára
Til þess að vinna sér fyrir ferðinni hafa þau systkinin að öllum líkindum orðið að
selja ein 15 þúsund blöð í sumar. Konráð borgaði fullt fargjald og fullan gjaldeyris-
skammt en hin systkinin hálft af hvoru tveggja. Guðlaug Rúna hafði ekki selt alveg
nóg til að eiga fyrir sínum hluta svo systkinin lánuðu henni það sem á vantaði.
og Guðlaug Rúna, 9 ára, öll Guðmundarbörn.
„Við fórum til Benidorm 31. júli og vorum i hálfan mánuð, komum aftur 14. ágúst.
Það var ofsa gaman og hægt að kaupa mikið af ódýru dóti, miklu ódýrara en hér,”
segja þau.
„Ja-há. Við gerðum þetta sko örugglega aftur ef við gætum,” sögðu þau aðspurð.
Þau halda áfram að selja blöð I vetur með skólanum, þó ekki alla daga.
-DS
Alþýðubandalagsmenn deila á utanríkisráðherra
Sprenging” í stjóm-
ariiðmu
KJARTAN
ráðherra.
gerði harða hrfð að
Töluverð „sprenging” varð í stjórnar-
liðinu á Alþingi í gær, eins og einn þing-
maðurinn komst að orði. Deiluefnið var
„vallarvinnan” og aögerðir Benedikts
Gröndal utanríkisráðherra í þeim
efnum.
Kjartan Ólafsson (AB) kvaddi sér
hljóðs utan dagskrár og gerði harða hríð
að Benedikt. Utanríkisráðherra hafði
óskað eftir því við bandaríska sendiherr-
ann, að ekki kæmi til framkvæmda hér á
landi ákvörðun bandarískra stjórnvalda
um fækkun starfsfólks á vegum hersins i
hlutfallinu 5:1. Síðar í umræðunum
sagði Kjartan, að ráðherrann hefði
gengið við betlistaf á fund sendiherrans.
Alþýðubandalagsmenn mótmæltu því
athæfi harðlega. Hjörleifur Guttorms-
son iðnaðarráðherra tók undir mótmæli
Kjartans og greindi frá, að ráðherrar
Alþýðubandalagsins hefðu látið bóka
mótmæli á ríkisstjórnarfundi fyrir
hádegi í gær. Benedikt Gröndal utan-
ríkisráðherra sagði, að nærri 1000
manns ynnu á Keflavíkurflugvelli og
væri mikið í húfi, að fólkið héldi atvinn-
unni. Karl Steinar Guðnason (A) sagði,
að verkafólk á Suðurnesjum styddi
aðgerðir Benedikts í þessu.
-HH.
BENEDIKT — mikiö I húfi.
Irfálst, úháð dagblað
MIÐVIKUDAGUR 29. NÓV. 1978.
í gærdag. DB-mynd Sv. Þorm.
Féllaf
fjórðu
hæðog
beið bana
Tveggja ára drengur beið bana í gær
af afleiðingum slyss er varð í Selja-
hverfi í Breiðholti um miðjan dag. Litli
drengurinn féll út um glugga á efstu
hæð hússins en það er fjórar hæðir á
hálfniðurgröfnum kjallara.
Litli drengurinn var í skyndi fluttur
í sjúkrahús þar sem hann gekkst þegar
undir höfuðaðgerð, en ekki tókst að
bjarga lífi drengsins.
Rannsóknarlögreglan annast
rannsókn málsins. -ASt.
Rauðu hunda
faraldur
Rauðu hunda faraldur gengur nú
yfir hér á landi. Landlæknisembættið
hvetur því eindregið allar þungaðar
konur á fyrstu mánuðum meðgöngu
sem.enn hafa ekki komið til mæöra
skoðunar að koma sem fyrst til
skoðunar. Það er hægt að mæla mót-
efni gegn rauðum hundum á
heilsugæzlustöðvum og heilsuverndar-
stöövum.
Ólafur Ólafsson landlæknir sagði í
viðtali við DB í morgun að hætta væri
á fósturskemmdum af völdum þessar-
ar veiru á þremur fyrstu meögöngu-
mánuðunum. Skemmdir geta orðið á
taugavefjum og valdið t.d. heymar-
leysi og skemmdum á sjón. Eftir
þriggja mánaða meðgöngu eru þessir
vefir orðnir fullþroska og því ekki
hætta skemmdum.
Þungaðar konur koma venjulega
u.þ.b. sjö sinnum til skoðunar á
meðgöngutíma, en á fyrstu
mánuðunum er hætta á því að
heimsóknir verði stopular. Verði
sýking á þremur fyrstu mánuðum
meðgöngu er venjulegasta aðgerð
fóstureyðing. Undanfarin fjögur ár
hafa 12—13 ára stúlkur um allt land
verið sprautaðar með mótefni gegn
rauðum hundum og á þann hátt er
reynt að koma rauðum hundum úr
landinu. Landlæknir sagði þó að ekki
væri vitað hve lengi ónæmið varir.
-JH.
XðTaðN.
(y KaupioVj
,5 TÖLVUR' í
I* OGTÖI
BANKASTRÆTI8
127*^