Dagblaðið - 05.03.1980, Qupperneq 5

DAGBLAÐIÐ. MIÐVIKUDAGUR 5. MARZ 1980.
5
9. umferð Reykjavíkurskákmótsins:
STAÐA HAUKS HRUNDI
EINS 0G SPILABORG
Helmers hættur
í gærmorgun tók Helmers hinn
norski flugvélina til Ósló þar sem út-
séð var um að hann gæti haldið
áfram í mótinu sökum veikinda
sinna. Reglur alþjóða skáksambands-
ins kveða svo á um að þegar kepp-
andi hættir og hefur ekki lokið helm-
ing skákanna þá skuli öll úrslit hans í
mótinu strikast út. Þetta verður því
bagalegt fyrir þá skákmenn sem eru
búnir að fá vinning á móti honum en
þeir verða að sætta sig við að sá vinn-
ingur strikist út. Meðal þeirra sem
höfðu unnið kappann var Margeir
Pétursson og það var jafnframt eini
vinningurinn sem íslendingar hafa
fengið gegn útlendingum.
Helgi — Byrne 1/2:1/2
Það tekur þvi varla að skrifa um
þessa skák. Helgi beitti öllum þeim
brögðum sem i hans váldi stóðu til
þess að leiða skákina i jafnteflið.
,Hann beitti meira að segja fyrir sig
þrautleiðinlegasta afbrigði sem hugs-
azt getur gegn kóngsindverskri vörn,
þ.e. uppskiptaafbrigðinu, og þess
vegna var jafntefli samið í aðeins 14
leikjum.
Margeir —
Schússler 1/2:1/2
Margeir náði snemma örlitlum
færum eftir Katalan byrjun, þar sem
Svíinn fórnaði peði sem Margeir þáði
ekki. Schussler hélt þó jafnvæginu
eins og vant er og i kjölfar mikilla
uppskipta var jafnteflið samið. Hvor
um sig átti þá eftir fimm peð og einn
léttan mann.
Guðmundur —
Sosonko 0:1
Það ætlar ekki af honum Guð-
mundi okkar að ganga þessa dag-
anna. Hann lék sínum vanalega Rf3 í
fyrsta leik og tefldi full varfærnisléga
í byrjuninni þannig að Hollendingur-
inn átti ekki í erfiðleikunt með tafl-
jöfnunina. Guðmundur hélt siðan
áfram að tefla veikt þannig að
Sosonko seig hægt og bitandi á.
Hann náði drottningarkaupum í
endatafli og stóð þá uppi með unnið
peðsendatafl. Ekki er laust við að
þreytu hafi gætt í taflmennsku okkar
manns.
Haukur —
Kupreitshik 0:1
Enn á ný vann Rússinn Kúpreitshik
skák og stefnir nú hraðbyri á efsta
sætið. Haukur veitti honum lengi
framan af öflugt viðnám en staða
hans hrundi eins og spilaborg þegar
Kupreitshik byrjaði að athafna sig
með riddara. Sérfræðingar margir
töldu Hauk hafa misstigið sig þegar
hann færði fram peð drottningar-
megin en staða hans var þá þegar
orðin viðkvæm og ekki bætti það um
fyrir Hauki að Rússinn er mjög
útsjónarsamur i þröngum stöðum.
Vasjúkov
Torre
Þegar við komunt til leiks í skák
þeirra stórmeistaranna hafa verið
leiknir 22. leikir. Vasjúkov sem hefur
hvítt hefur nýlega fórnað peði til
þess að skapa sér aukin sóknarfæri.
Hann lék siðast 22. Rg6
Eins og sjá má getur svartur ekki
drepið riddarann aftur á g6 vegna
þess að f peðið er leppur. Torre tekur
því þann kostinn að loka skálínu
biskupsins á b3.
22. — dS 23. Rxf8
Vasjúkov telur biskupinn vera mikil-
vægan varnarmann og skiptir þvi upp
áhonum.
23. — Kxf8 24. Df3 He6 25. Be3 Ra5
26. Dg3 Re8
Torre er nú kominn i gifurlegt tima-
hrak. Næstu leiki leikur hann nánast
viðstöðulaust.
27. Be5 + Kg8 28. Hxe5
Hvitur vinnur nú peðið til baka og
hefur vænlega stöðu.
28. — Rxb3
Einfaldara er 28. — Hxe5 en Torre
hefur vitaskuld engan tíma til þess að
reikna afbrigði þvi samfara.
29. Hxe6
Hvítur hyggsl nolfæra sér síðasla
leik svarts en eftir 29. axb3 hefur
hann einnig vænlega stöðu.
29. — fxe6 30. Rxh6 +
Flækir taflið. 30. Re7 + er einfalt og
gott.
30. — Kh7 3I.Rf7 Dc8
Ekki gekk 31. — Dc7 vegna 32. Dxc7
Rxc7 33. axb3 og hvitur hefur sælu
peði meira.
32. Be7!
Gefur svörtum kost á að vera hrók og
manni yfir með þvi að leika nú 32. —
Rxal. Torre hefur þó séð að hvitur
mátar með 33. Dd3+ í nokkrum
leikjum og hafnaði þvi þessum mögu-
leika.
32. — Dd7 33. Dh4+ Kg8 34. Re5
I)c7 35. Hel Rd2 36. Rg4
Sumir sérfræðingar vildu leika
riddaranum niður til g6 en ekki er
Ijóst i hvaða tilgangi.
36. — Re4 37. f3 R4f6 38. Rxf6
Nú slofnar Vasjúkov til mikilla upp-
skipta þrátt fyrir að hann hefur
manni rninna.
38. — Rxf6 39. Bxf6 gxf6 40. Dxf6
Hf8 41. Dxe6+ Df7 42. Dg4+ I)g7
43. Dxg7 Kxg7 44. He7+ Hf7 45.
Hxf7 + Kxf7
Hvitur hefur vitaskuld öll færi í því
endatafli sem nú er komið upp.
þegar
Kupreitshik
fóraf stað
með riddarann
Helmers hættur
ogfarinn heim
46. Kf2 b4 47. Ke3 bxc3 48. bxc3 Ke6
49. h4 Bc6 50. g4 Ba4 51. Kf4 Kf6 52.
Kg3 Bdl 53. h5 KgS
Hér fór skákin í bið.
Miles — Jón L.
1/2:1/2
Jón svaraði fyrsta leik
Englendingsins g3 með Grúnfelds-
vörn og náði að jafna taflið en staðan
sem upp kom var þó þrungin mögu-
leikum. Uppskipti urðu á hrókum
eftir einu opnu línunni og siðan
reyndi Miles að þvinga fram
drottningakaup, sern hefðu gefið
honum betra endatafl. Jón bakkaði
með sina drottningu og þófið hélt
áfrani. Að lokum urðu þeir þó ásáttir
um jafnteflið þegar sýnt þótti að
hvorugunt tækist að bæta stöðu
manna sinna án þess að raska jafn-
væginu.
HELMERS HÆTTUR 0G SKAK-
IR VID HANN NÚLLAST ÚT
„Jú blessaður vertu, það er komin
þreyta i þetta,” sagði Ingvar Ásmunds-
son fjármálastjóri, er hann sat með
segulskákborð og skoðaði skák Jóns L.
og Miles. lngvar er mættur alla daga
sem teflt er. Hann er oft í miðri þröng
með borðið sitt. Það eru talsverðar lík-
ur fyrir því, ef maður sér dálitla þyrp-
ingu nokkurra áhorfenda á skákinni,
að þar sé Ingvar í miðju.
Ýmsir góðir skákmenn hafa gripið
prikið og skýrt skákir keppenda fyrir
áhorfendum í aðalskákskýringasal.
Fáir valda þvi eins og Ingvar og eru þó
allir góðir. Það er ómetanlegt fyrir
áhorfendur að eiga þess kost að fylgjast
með meiri háttar skákmóti við
aðstæður eins og þær sem Loftleiða-
hótelið býður. Það er erfitt að hugsa
sér mót eins og þetta annars staðar en á
Loftieiðum.
„Kupreitshik er einn af þessum
Rússum sem ekki hafa fengið tæki-
færi,” sagði einn áhorfandinn, þegar
rætt var um frammistöðu og árangur
Kupreitshiks. „Þeir eiga fullt af svona
mönnum,” sagði annar.
Því verður ekki neitað. Kupreitshik
hefur teflt fyllilega samkvæmt því sem
staða hans í styrkleikamælingu lofar.
Það er hald manna að hann muni
hljóta titil alþjóðlegs stórmeistara á 9.
Reykjavíkurskákmótinu. Hann á þess
vissulega kost, en hann á líka nokkra
erfiða menn eftir.
Sosonko er einn Rússinn enn. Hann
fluttist rneð foreldrum sínum til ísraels
og þaðan fór hann til Hollands og er
hollenzkur ríkisborgari. Það fer vel á
með honum og Vasjúkov og Kupreits-
hik, sem og raunar öðrum keppendum.
„Það er alltaf ákaflega slænit að
missa menn úr skákmóti eins og
þessu,” sagði Einar S. Einarsson,
forseti Skáksambands íslands, er
fréttamaður DB innti hann eftir brott-
för Norðmannsins K. J. Helmers frá
Íslandi í gær. Hann fór illa haldinn af
virussótt rneð bólgur og angur i
öndunarfærum, munni og háls.
„Það hefði verið gaman að fá hann
hressan og stæltan, eins og hann á að
séraðvera,” sagði Einar. „Hann hefur
liklega ekki gengið heill til leiks frá
upphafi mótsins.”
Knut Jöran Helmers er einn efni-
legasti skákmaður af yngri kynslóðinni
unt þessar mundir. Hann varð Noregs-
meistari 1976, tæplega tvítugur. Hann
er sagður vaxandi skákmaður.
Miles, Margeir og Sosonko höfðu
sigrað Helmers og falla nú vinningar
þeirra yfir honum niður, sem og jafn-
teflin, sem Helgi, Haukur og Torre
höfðu gert við hann.
Áhorfendur i gær voru fremur fáir.
Þessa þekkti ég: Sigurður Njálsson,
frkvstj., Sigmundur Böðvarsson,
lögni., dr. Ingimar Jónsson, Jakob
Hafstein frkvstj. Kristján Bjarnason,
Búnb., fsl., Þórhallur Þorsteinsson,
verzlm. Árni Jakobsson rafvm.,
Jóhannés Jóhannesson, hrl., Eiríkur
Ketilsson, stórkaupm., Haraldur
Sveinbjörnsson, verkam., Hallur
Símonarson, blaðam., Þórir Oddsson,
vararannslögrstj., Sæmundur Pálsson,
lögrm., Gunnar Vilhjálmsson, Þor-
steinn Sveinsson, lögfr., Oddur
Thorarensen, vörður, Gísli Halldórs-
son, leikari, Hálfdán Hermannsson,
flugvstj., Guðmundur G. Þórarinsson,
alþni. Egill Valgeirsson hárskerant.,
ívar Jónsson, skrifstofustj. Úlfar
Kristmundsson, kennari, Jakob
Jakobsson, vcrzlm., Guðmundur
Magnússon, kennari, svo einhverjir séu
nefndir.
TRÖLL
M
BING0
Glæsilegt stórbingó verður haldið í Sigtúni fimmtudaginn 6. marz kl. 20.30.
Fjöldi stórglæsilegra vinninga, þar á meðal litsjónvarp, utanlandsferð fyrir
tvo með Samvinnuferðum-Landsýn, listaverk eftir Jónas Guðmundsson,
útifatnaður frá Sportvali, matarkarfa frá Kjötiðnaðardeild Sambandsins,
snyrtivörur frá Cradtree of Evelye og fjöldi annarra glæsilegra vinninga.
Enginn aðgangseyrir. Húsið opnað kl. 19.30.
Stjórn FUF Reykjavík.