Dagblaðið - 13.11.1980, Side 28

Úrslit kosninganna í Verði:
MIKH) AFALL FYRIR
GEIRSARM FLOKKSINS
Kosningaúrslitin í stjórnarkjöri á
aðalfundi Varðar í gærkvöldi urðu
mikið áfall fyrir Geirsarminn í Sjálf-
stæðisflokknum. Þetta er stærsta
landsmálafélag sjálfstæðismanna.
Geirsmenn töpuðu formanns-
kosningunni og fá þar að auki aðeins
2 af 7 mönnum í stjórn félagsins.
Stuðningsmenn Alberts
Guðmundssonar og Gunnars
Thoroddsens í innanflokkserjum
Sjálfstæðismanna kættust hinsvegar í
gærkvöldi er þeir unnu meirihluta í
stjórn Varðar. í formannskjöri hlaut
Þórir Lárusson, frambjóðandi
þeirra, 243 atkvæði en Ragnhildur
Helgadóttir 236 atkvæði.
Aðrir í stjórn eru: Sigurjón Fjeld-
sted, 271 atkvæði, Júlíus Hafstein,
268, Gústaf Einarsson, 247, Gunnar
Hauksson, 242, Helena Alberts-
dóttir, 218 og Geir H. Haarde, 212
atkvæði. Sjálfkjörnir í varastjórn
voru Bjarni Ólafsson, Kristinn Jóns-
son og Sveinn Jónsson.
Þeir sem kepptu að kjöri í stjórn
en urðu að lúta í lægra haldi voru:
Gísli Jóhannsson, 205 atkvæði, Ester
Guðmundsdóttir, 191, Erna Ragnars-
dóttir, 179, Finnbjörn Hjartarson,
168, Inga Magnúsdóttir, 101 og
Guðjón Hannesson, 37 atkvæði.
Atkvæðasmalar fylkinga Sjálf-
stæðisflokksins höfðu lagt hart að sér
fyrir fundinn til að tryggja sínum
mönnum gott brautargengi og var
fundurinn fjölmennur. Ekki kom til
hvassra orðaskipta, en Geir Hall-
grímsson formaður flutti pistil um
stjórnmálaviðhorfið, hvatti til sam-
stöðu og gagnrýndi ríkisstjórnina.
Ragnhildur Helgadóttir, sem í
gærkvöldi tapaði formannskosningu
i Verði hefur undanfarið verið orðuð
við framboð til varaformanns í Sjálf-
stæðisflokknum á næsta landsfundi.
-ARH.
Kjaradeilan við Hrauneyjafoss:
VERKFÖLLUM
EKKIAFLÝST
fyrr en samningar hafa tekizt, segir
Sigurður Óskarsson
„Verkföllum við Hrauneyjafoss
verður ekki aflýst fyrr en samningar
hafa tekizt, en ég er vongóður um að
lausn deilunnar sé á næsta iciti,”
sagði Sigurður Óskarsson tram-
kvæmdastjóri Rangæings í morgun.
Sáttafundur vegna kjaradeilunnar
stóö lengi í gær og hófst að nýju kl. 9
I morgun. í gær sátu fulltrúar Rang-
æings líka á fundi með fulltrúum
ríkisstjórnarinnar, en ein aðalkrafa
þeirra er að kaup hækki meira en al-
mennt gerist vegna hins háa orku-
verðs er íbúar í Rangárvallasýslu
þurfaaðgreiða.
Verkfall er boðað við Hrauneyja-
fossvirkjun á vegum Rangæings 18.
nóvember, en á starfsmannafundi
þar 1 fyrradag var samþykkt áskorun
um að félagið aflýsti verkfalli. Var
ályktunin samþykkt með litlum at-
kvæðamun, en að henni stóðu
iðnaöarmenn á svæðinu sem fengu á
sig verkbannshótun Vinnuveitenda-
sambandsins vegna verkfallsboðunar
Rangæings.
-ARH.
Deila prentara og prentsmiðjueigenda:
TILBOÐ 0G
GAGNTILBOD
— lítið þokast í samkomulagsátt
Fundi rikissáttasemjara með full-
trúum bókagerðarmanna og eig-
enda prentsmiöja lauk klukkan hálf-
þrjú i nótt. Lítiö hefur miðað i sam-
komulagsátt en í nótt svöruðu bóka-
gerðarmenn tilboði frá vinnuveit-
endum sínum meðgagntilboði.
Að sögn Guðlaugs Þorvaldssonar
ríkissáttasemjara hefur ekki verið
boðaður annar fundur með þessum
aðilum og verður hann í fyrsta lagi á
morgun. Bókageröarmenn hafa
boðað verkfall frá og með miðnætti
aðfaranótt mánudags hafi ekki náðst
samkomulag fyrir þann tima.
Ríkissáttasemjari hefur boðað
blaðamenn og eigendur blaða á sinn
fund klukkan tvö i dag. Verkbann
hefur verið boðað á blaðamenn á
Morgunblaðinu, Dagblaðinu, Vísi og
Vikunni frá og með 19. þessa
mánaðar. Blaðamenn hafa síðan
boðaö verkfall á þessum blöðum frá
og með 20. nóvember næstkomandi.
- —:
Það eru llklega ekki allir sem gera sér grein fyrir því hvers konar risaskepnur skips-
skrúfur eru — jafnvel þótt hægt sé að segja sér að talsvert þurft til að knýja áfram
mörg hundruð eða þúsund tonna skip. Skektan, sem hvilir þarna í Slippnum I Reykja-
vík I nágrenni við stóru skipin tekur þessu þó sýnilega með ró, enda hafa vafalítið
stœrri skrúfur komizt inn á hennar athafnasvæði.
DB-mynd: Gunnar Örn.
Emmessréttur
ísaldar hefur
verið valinn
Lokið hefur verið við að dæma á
milli ísréttauppskriftanna sem
komust í undanúrslit í samkeppni
Emmessíss og DB. Til verðlauna
voru valdir tíu isréttir. Verðlaunin
eru sérlega glæsileg, hálfrar milljón
króna ferð til Júgóslavíu með leigu-
flugi Samvinnuferða/Landsýnar,
ITveir af dómnefndarmönnum, Anna
Bjarnason og Sigrún Daviðsdóttir,
eru þarna að fá sér á smökkunardiska
af gómsætum isréttum. Þriðji
dómnefndarmaðurinn er Ingvar
Jakobsson matreiðslumaður á Hótel
Holti. — Allt bárust rúmlega 140
uppskriftir i samkeppninni.
-DB-mynd Einar Ólason.
tveir aðrir ferðavinningar, til Rimini
og London. Auk þess eru 7 úttektir
á ís í Klakahöllinni, ísbúð Mjólkur-
samsölunnar. — Ekki verður tilkynnt
um endanleg úrslit fyrr en á ferða-
kynningu Samvinnuferða/Landsýnar
23. nóvember. Þeir tiu réttir, sem
valdir voru til verðlauna eru:
(réttirnir eru taldir upp í starfrófs-
röð): Bláberjayndi frá Pollý; Brjálaði
bananinn, ísafold; Ferska
appelsínan, Guttalingur; Glæsir,
ísæta; Rúgbrauðs Emmessis fyrir
fjóra, H.A.P.J.; Skjól í skaf-
renningi, Hrímþoka; U—229, íshver;
Úrbrædda eplið, Kappaksturshetja;
Önnuís Optima og 3864 ísbomba.
A.Bj.
írjúlst.áháð ioghlað
FIMMTUDAGUR 13. NÓV. 1980.
Fæðingar-
heimilismálið
bíðurenn '
— verður rætt í borgar-
ráði nk. þriðjudag
Borgarráð hefur enn frestað um
viku að fjalla um sölu á Fæðingarheim-
ili Reykjavíkur. Að sögn Björgvins
Guðmundssonar á að fjalla um söluna
nk. þriðjudag og verður málið síðan
tekið fyrir í borgarstjórn á fimmtudag.
Endanleg ákvörðun í þessu umdeilda
máli verður því ekki fyrr en eftir viku.
-ELA.
Tvíbrotnaði á
fæti og
skrámaðist
á höfði
Fjórtán ára piltur slasaðist illa i um-
ferðarslysi á Eyrarbakkavegi um kl.
18.40 i gær. Pilturinn fór um veginn á
reiðhjóli, sem var heldur illa búið til
notkunar 1 myrkri, því það var m.a.
ljóslaust.
Ökumaður bifreiðar sem átti leið
um veginn tók ekki eftir piltinum fyrr
en rétt í þann mund að bifreiðin skall á
hjólinu.
Pilturinn tvíbrotnaði á fæti,
skrámaðist á höfði og víðar og marðist.
Var hann fluttur í slysadeild í Reykja-
vík. -A.St.
kauphækkun
Almenn kauphækkun upp á 9,52
prósent verður 1. desember.
Þetta eru niðurstöður útreiknings á
verðbótum. Vísitala fram-
færslukostnaðar hækkaði síðustu 3
mánuði um 10,86 prósent. Kaup-
hækkunin verður nokkru minni vegna
skeröingar sem felst í „Ólafslögum”.
Ríkisstjórnin sendi frá sér til-
kynningu í gær, þar sem sagt er að
verðbólguhraðinn hafi síðustu þrjá
mánuði verið 51%, ef svo héldi fram í
heilt ár. Hraðinn hafi verið um 60%
þegar ríkisstjórnin tók við.
-HH.
LUKKUDAGAR:
13. NÓVEMBER 25239
Hljómplata að eigin vali
frá Fálkanum.