Dagblaðið - 11.09.1981, Side 24
diet pepsi
MINNA EN EIN
KALÓRÍA í FLÖSKU
Sanilas
Ibúar við Bræðraborgarstíg:
Taka höndum saman og
verjast ágangi löunnar
—sendibílar fyrirtækisins aka yf ir nýtyrfða lóð við næsta hús. „Löglegt en
siðlaust/’ segir eiginmaðurinn
Ibúar við Bræðraborgarstíg, í ná-
grenni við aðsetur Bókaforlagsins
Iðunnar, hafa nú tekið höndum saman
til að reyna að hindra að sendibílar
fyrirtækisins geti ekið yfir nýtyrfða lóð
ungra hjóna sem búa í næsta húsi við
Iðunni. Hafa nágrannarnir reynt að
leggja bílum sínum þannig að
sendibílarnir geti ekki ekið yfir lóðina.
„Mér blöskra þessar aðfarir hjá
Iðunni,” sagði fokvondur íbúi í
hverfinu við Dagblaðið í gær. „Fyrir-
tækið hefur greiðan aðgang að af-
greiðsluporti sínu frá Öldugötu en
hefur satt að segja sama og ekkert
notað þennan innkeyrslumöguleika.
Það er svo ekki fyrr en ungu hjónin
fara að tyrfa lóðina og gera fallegt hjá
sér að sendibílar fyrirtækisins taka upp
á þeim ósóma að aka yfir grassvörðinn
— algerlega að nauðsynjalausu.”
„Okkar réttur er í sjálfu sér lítill
lagalega séð,” sögðu hjónin
Hrafnhildur Sigurðardóttir og Baldur
Már Arngrimsson við DB í gær.
„Iðunn hefur lagalegan rétt sam-
kvæmt plaggi frá 1929, þegar borgar-
skipulagið var lítið annað en
reglustikuleikur, til að nota 2,5 metra
spildu út frá húsvegg sínum til
aðkeyrslu. Það er í sjálfu sér ekki hægt
að amast við því. Hins vegar getum við
ekki séð að Iðunn þurfi á þessari
innkeyslu að halda því það er löngu
liðin tíð að aðkeyrsla frá Öldugötunni
var erfiðleikum bundin vegna skúra-
þyrpingar.
Ökkur sárnar aftur á móti að
skyndilega, þegar við erum búin að
gera lóðina I stand skuli bílstjórarfyrir-
tækisins leggja sig i lima við að
eyðileggja hana. Nágrannarnir hafa
verið að leggja bílunum fyrir
innkeyrsluna frá Öldugötunni til að
hjálpa okkur en fyrir nokkrum dögum
bakkaði einn bíll fyrirtækisins inn á
lóðina hjá okkur úr portinu, spólaði
dágóða stund og ók síðan á brott.
Þarna lá ekkert nema skemmdarfýsn
að baki.”
Iðunn setti lögbann á frekari
framkvæmdir við lóð hjónanna og
fékk því framfylgt 2. september með
hliðsjón af rúmlega fimmtíu ára gömlu
þinglýstu skjali. Þann sama dag hófu
bílar fyrirtækisins að aka yfir gras-
svörðinn. Hjónin höfðu hugsað sér að
girða lóðina en þær framkvæmdir
verða aðbíða þar til þessi sérstæði lóða-
ágreiningur verður til lykta leiddur.
„Þetta eru aðfarir sem eru löglegar en
siðlausar eins og Vilmundur myndi
vafalítið orða það,” sagði Baldur Már.
-SSv.
Strokufanginn birtist
íviðtalivið
Helgarpóstinn:
„Blaðamann-
inum ber
skylda til
að segja frá
dvalar-
staðnum”
-segirfangelsis-
stjðrinn á
Litla-Hrauni
„Blaðamanninum ber skylda
til að tilkynna yfirvöldum um
dvalarstað fangans. Ef hann gerir
það ekki verður lögreglan að taka
blaðamanninn til yfirheyrslu,”
sagði Helgi Gunnarsson, forstjóri
Vinnuhæhsins á Litla-Hrauni, í
samtali við Dagblaðið í morgun.
í Helgarpóstinum í dag er
viðtal við Bárð Jónsson, fangann
sem strauk af Litla-Hrauni sl.
mánudag. Hvergi er þess getið
hvaða blaðamaður hafi tekið við-
talið né hvaða hljósmyndari hafi
tekið mynd þá af Bárði sem birt
er með.
Helgarpósturinn segir að
strokufanginn hyggist gefa sig
fram um helgina. Fanginn lýsir
því yfir að hann sé dæmdur fyrir
fíkniefnamisferli og að hann hafi
m.a. verið heróínneytandi um
tíma.
Helgi Gunnarsson sagði að
þrátt fyrir að blaðamenn virtust
hafa mikinn rétt til að þegja, og
vísaði í því sambandi til mikillar
umræðu um þau mál hérlendis
fyrir nokkru, væri það sín skoðun
að i tilfelli sem þessu væri réttur
blaðamannsins vafasamur. „Ég
álít að honum beri skylda til að
segja frá,” sagði fangelsisstjór-
inn.
Dagblaðið hafði einnig sam-
band við annan af ritstjórum
Helgarpóstsins, Björn Vigni
Sigurpálsson. Hann sagðist ekki
hafa séð ástæðu til að tilkynna
lögreglunni um dvalarstað fang-
ans enda teldi hann nokkurn veg-
inn víst að fanginn gæfi sig fram
annaðhvort í kvöld eða í fyrra-
málið. Þá sagðist Björn hafa upp-
lýsingar um að lögreglan hefði
leitað á þeim stað sem viðtalið var
tekið. -KMU.
fijálsi, nháð dagblað
FÖSTUDAGUR 11. SEPT. 1981
Blaðamannafélagið:
Mótmælirsví-
virðingum og
atvinnurógi
Vilmundar
„Stjórn Blaðamannafélags íslands
leggur áherzlu á að hun hefur megn-
ustu andúð á þeim órökstuddu per-
sónulegu svivirðingum og atvinnu-
rógi sem Vilmundur Gylfason hefur
að undanförnu ausið yfir félagsmenn
i Blaðamannafélagi íslands. Þótt Vil-
mundur Gylfason sé ekki félagi í
Blaðamannafélagi íslands hlýtur að
verða að gera þær kröfur til hans að
hann haldi umræðu um fjölmiðla og
blaðamenn innan þeírra marka, sem
almennar siðareglur blaðamanna
kveðaáum.”
Svo segir m.a. í ályktun stjórnar
Blaðamannafélags Islands sem
samþykkt var I gær. Tilefni hennar
er, sem fram kemur hér að ofan,
dylgjur þær og árásir sem Vilmundur
Gylfason, alþingismaður og ritstjóri,
hefur haft í frammi á nafngreinda
fréttamenn ríkisútvarpsins. Síöast
réðst Vilmundur harkalega á frétta-
mann ríkisútvarps í þættinum Á vett-
vangi hinn 8. september sl. og sakaði
hann um fréttafölsun og að nota
óheiðarlegar aðferðir í fréttaúr-
vinnslu. -SA.
Gunnar Thor
afturí
þingframboð
Víst má telja að dr. Gunnar Thor-
oddsen forsætisráðherra verði í fram-
boði fyrir Sjálfstæðisflokkinn við
næstu alþingiskosningar.
Stjómarskrárnefnd skilar störTum
innan tíðar. Koma tillögur hennar til
umræðu og meðferðar á næsta
alþingi eða í síðasta lagi eftir næstu
alþingiskosningar. Breyting á kjör-
dæmaskipun og fjölda þingmanna í
einstökum kjördæmum eru stórmál
sem dr. Gunnar hyggst taka virkan
þáttíaö ieiða til lykta.
Til stjórnarskrárbreytinga þarf
samþykki tveggja þinga með almenn-
um alþingiskosningum á milli. Þegar
séð verður hver úrslit þessara stór-
mála verða hjá þingi og þjóð kynni
svo að fara að dr. Gunnar teldi eðli-
legt að hvílast frá erli stjórnmálanna.
-BS.
f7T 'XT' [T7|
2" VIN V.——> Q NIN Q :ur
IVIKU HVERRI
Áskrifendur
DB athugið
Vinningur í þessari viku er ÍJt-
sýnarferð til Marbella með ferða-
skrifstofunni Útsýn, Austurstrœti
17, Reykjavlk og hefur hann verið
dreginn út. Nœsti vinningur verður
kynntur í blaðinu ú múnudaginn.
Nýir vinninga verða dregnir út
vikulega nœstu múnuði.
Baldur Múr Arngrimsson úsamt litlu dóttur sinni við húsvegg Iðunnar. Glöggt mú sjú hvemig sendibllar fyrirtœkisins hafa
fariö með grassvörðinn. Á litlu innfelldu myndinni er einn blll núgrannanna, sem lagt hefur veriðfyrir innkeyrsluna til að
varna sendibílum fyrirtœkisins aðkomu. DB-myndir: Sig. Þorri.
„ÁTTUM EKKIANN-
ARRA KOSTA VÖL”
—segir Jóhann Páll Valdimarsson hjá Iðunni
„Ég get vel skilið þeirra afstöðu..
Þetta lítur illa út frá almenningi séð,”
sagði Jóhann Páll Valdimarsson hjá Ið-
unni við DB í morgun. „Það eru hins
vegar tvær hliðar á öllum málum og
það er engum blöðum um það að fletta
að lag'alegi rétturinn er okkar megin.
Við áttum ekki annarra kosta völ en
fara svona að því það var sama hverju
íbúarnir í næsta húsi lofuðu — allt var
svikið. Við vildum hafa gott samstarf
við þá um lausn á þessu en það var
hreinlega ekki hægt að komast hjá
þessum aðgerðum. Aðstaða okkar í
portinu er ákaflega þröng og þessi inn-
keyrsla okkur bráðnauðsynleg.”
-SSv.