Árbók Kaupfjelags Þingeyinga - 01.01.1925, Page 83

85
ámóta mikið og 2 kíló af góðu tóbaki t. d. sígarettum. — Það
hljóta því allir að sjá, ef þeir hugsa nokkuð um það, að það
er orðinn dýrkeyptur munaður að »brúka tóbak«.
Eg hefi rannsakað fyrir hversu mikið verð K. Þ. hefir út-
vegað tóbak, það sem af er þessu ári, eða til septembermán.
loka og nemur sú upphæð kr. 23466.55. Af því eru pantanir
deildanna kr. 14925.75, en Söludeild hefir selt tóbak fyrir kr.
8540.80. Og þó hefir hún oft verið tóbakslaus tímum saman
af því hún verslar nauðug' með tóbak, og einungis eftir kröf-
um tóbaksmanna.
Kaupmennirnir hér í Húsavík hafa góðfúslega látið »Ó-
feigi« í té skýrslur um, fyrir hve mikið þeir eru búnir að
selja af tóbaki þá 9 mánuði sem af eru árinu, og er það sam-
tals kr. 21668.80. — Þegar þessi upphæð er lögð við upphæð
K. Þ. kemur í ljós, að þeir 9 hreppar Þingeyjarsýslu sem
sækja verslun til Húsavíkur, hafa, á 9 mánuðum, keypt tó-
bak fyrir kr. 45135.35, því nú má svo heita, að tóbakslaust
sé í öllum verslunum hér í Húsavík, aðeins lítið eitt til af
reyktóbaki, mest sígarettum.
Hið minsta sem gera má ráð fyrir, að keypt verði tóbak
fyrir þá þrjá mánuði sem eftir eru af árinu, eru 5 þús. kr.
svo að á árinu öllu verði tóbakssalan í Húsavík 50 þúsund
Þetta er svo gífurlegur skattur og fjárhagsleg bruðlun, að
hverjum hugsandi manni hlýtur að blöskra. Það mætti jafn-
vel efast um, að þeim mönnum sem fríviljuglega leggja á
sig slíkan skatt, sé sjálfrátt, eins og að orði er komist, því
það sýnist þurfa voldugt afl til þess, að knýja menn til slíkra
fjárframlaga, eða þá ótrúlegt athugaleysi.
Að þetta sé ekki ofmælt sést best þegar þessi fjárhæð er
borin saman við mannfjölda í þessum héraðshluta, og við
önnur útgjöld sem á þeim mannfjölda hvíla.
Samkvæmt opinberum skýrslum eru í þeim 9 hreppum sem
verslun sækja til Húsavíkur 3050 sálir. Þar af eru 700 verk-
færir karlmenn 20—60 ára.
Af tóbaksverðinu kemur þá á hvert mannsbam í þessum
hreppum kr. 16.40, en á hvern verkfæran mann 72 krónur,