Vísbending


Vísbending - 29.01.1999, Blaðsíða 4

Vísbending - 29.01.1999, Blaðsíða 4
0 ISBENDING Framhald af síðu 1 verslunarvöru á höfuðborgarsvæðinu kann að vega þyngra í buddunni þegar horft er á öll útgjöld fjölskyldu. Þótt búið sé að greina þá þætti sem valda neikvæðri afstöðu til búsetu á lands- byggðinni (meðal þeirra sem þar búa) þá er ekki þar með sagt að sömu atriði eigi við um þá hópa sem gætu verið að velta fyrir sér að fiytja út á land. For- senda númer sjö um að ný byggðastefna muni leiða til flóðbylgju fólks út á landsbyggðina er álíka vafasöm og hinar forsendurnar og er þá ekki tekið djúpt í árinni. Eitthvaðfyriralla Það er lítt umdeilt að fólk eigi að geta valið sér búsetu eftir því sem það vill en spurningin er hversu miklu púðri eigi að eyða til að halda fólki á stöðum sem það vill ekki eiga heima á. Er ekki kominn tími til að styrkja lífvænlega staði en jafnframt að hætta að lappa sífellt upp á smástaði sem ekki eiga sér lífs- von? Það er sagt beint og óbeint á nokkr- um stöðum í skýrslunni að árangur af staðbundnum björgunaraðgerðum síð- ustu áratugi hafí enginn verið. Stundum erþörf á aflimun ef bjarga á lífi. Núver- andi stefna virðist ekki beinast að neinu sérstöku átaki, nema ef vera skyldi að því að reyna að bjarga með peninga- austri jaðarsvæðum á heljarþröm. Raunveruleg stefna Það er ljóst að sú byggðastefna sem boðuð er í þingsályktunartillögunni miðar að því að móðga engan en hún gerir samt engum til geðs. Æskilegt væri að flokka byggðarlög landsins með hlutlægum aðferðum og ákveða í fram- haldi af því hversu lífvænlegar þær eru. Síðan mætti hugsanlega styrkja þá sem vilja flytja úr dauðvona byggðum og veita fé til atvinnuþróunar í hinum sem eiga sér einhverja lífsvon. Byggða- kjarnahugmyndin er sennilega eina von landsbyggðarinnar. I sterkum byggða- kjörnum er grundvöllur fyrir uppbygg- ingu þjónustu og menningar sem höfðar til þeirra sem þar vilja búa. Það hefur sýnt sig á undanförnum áratugum að björgunaraðgerðir hafa sjaldnast náð markmiðisínuþegartillengritímaerlitið en kostnaðurinn hefur oft verið ótæpi- legur. Stjórnvöld eiga völina hvort þau vilja Ieiða þessa þróun og reyna að stýra því hver útkoman verður eða hvort þró- unin verður af sjálfri sér. Flótti af lands- byggðinni er löngu brostinn á, spurn- ingin er einungis hvort undanhaldið eigi að vera skipulagt eða hvort ringulreið muni ríkja. Byggðastefnan sem kynnt er í þingsályktunartillögunni virðist því miður hneigjast að síðari valkostinum. Aðgerðir í byggðamálum Nýsköpun i atvinnulífinu 1. Aukin fjölbreytni atvinnulífs á landsbyggð- inni. Þróunarstofur verði efldar og grund- völlur nýsköpunar og fjölbreytni treystur. 2. Lánastarfsemi Byggðastofnunar verði rek- in á arðsemisgrundvelli. 3. Komið verði á eignarhaldsfclögum með aðild Byggðastofnunar. Framlag til þessarar starfsemi verði allt að 300 milljónir króna á hverju ári. 4. Grípa má til sérstakra aðgeróa á afmörk- uðum svæðum þar sem veruleg röskun verður á atvinnuháttum og búsetu. 5. Fjárfestingar í samgöngum verð örvaðar. 6. Opinberum störfum fjölgi hlutfallslega jafnt á landsbyggð og á höfuðborgarsvæðinu. 7. Stóriðja verði staðsett utan atvinnusvæð- is höfuðborgarinnar. 8. Fram fari greining á möguleikum einstakra landshluta. Menntun, þekking, menning 9. Menntun á landsbyggðinni verði stórefld. 1 0. Auknu fé verði varið til hvers konar menn- ingarstarfsemi. 11. Ríkisfjölmiðlar efli starfsemi á landsbyggð. Jöfnun lifskjara - bœtt samkeppnisstaða 12. Unnið verði að lækkun kostnaðar viö hit- un íbúðarhúsnæðis. 1 3. Gert verði átak í uppbyggingu vega á jaðar- svæðum. 14. Heimilt verði að selja félagslegt íbúðarhús- næði þar sem offramboð er á því vegna fækkunar íbúa. 15. Stefnt verði að auknum hlut sveitarfélaga í opinberum rekstri. 16. Kostnaður samfélagsins vegna byggðar- þróunar verði metinn. Bœtt umgengni við lundið 17. Átak til að stöðva landeyðingu. 1 8. Sveitarfélög vcrði aðstoðuð við gerð fratn- kvæmdaráætlunar í umhverfismálum. 19. Atak til umhverfisbóta vegna aukinnar ferðamennsku. 20. Rannsökuð verði langtímaáhrif stofnvega á miðhálendinu. 21. Lögð verði áhersla á að hraða gerð staf- rænna korta fyrir landið. ATH. Aðgerðirnar eru umorðaðar og þvi ekki t samhljóma þingsályktunartillögunni { Vísbendingin Tölvu- og verkfræðiþjónustan hefur hafið útgáfu vikulegs tímarits um tölvumál og er það í sama broti og Vis- bending. Af fyrstu tölublöðum má ráða að ;' Tölvuvísi verði smáfréttir af hinum ýmsu vígstöðvum upplýsingabylting- arinnar, hvort sem er á sviði tölvubún- aðar, hugbúnaðar eða fjarskiptabúnað- ar. Að auki eru í blaðinu viðtöl við ýmsa sem starfa í þessum geira atvinnulífsins. Tímaritið er selt í áskrift og kostarþriggja mánaða áskrift 3.300 krónu. Aðrir sálmar Götígrunninum Kári Stefánsson læknir hefur að und- anförnu fjallað um andstöðu við gagnagrunn sinn í DV. Mánudaginn 25. janúar segir Kári: „Lewontin [sem skrif- aði gagnrýna grein í New York Times um gagnagrunnsmálið] er þekktur fyrir öfga og hann barðist gegn sameindalíffræði á sínum tíma og hélt hún væri til bölvunar. [..-.] Hann hefur barist gegn liftækniiðn- aðinum og hefur haldið því frarn að það leiddi til spillingar að búa til verðmæti úr þekkingu. [...] Hann hefur barist gegn því að erfðaefhi sé notað til þess að kom- ast að niðurstöðum i dómsmálum [...] Ég þekki ekkert til þessa manns ..." Miðvikudaginn 27. janúar segir Kári i D V: „Tómas Zoega [yfirlæknir á geðdeild Landspítalans] hefur gengið ansi hvasst fram i gagnrýni sinni á þennan gagna- grunn eins og gagnagrunnsfrumvarpið áður. Af hvaða ástæðum það er veit ég ekki. Það erraunarekki mittað tjámigum það þar sem ég hef ekki aðgang að innsm leyndarmálum í huga Tómasar." Nöfn er u ekki trygging Það er alþekkt í fyrirtækjum erlendis að keppst er við að fá þekkta menn til þess að sitja i stjórnum fyrirtækja. Til dæmis sat Gerald Ford, fyrrum Banda- ríkjaforseti, í stjórnum ýmissa fyrirtækja. Almennt bar mönnum saman um að hann hefði verið atkvæðalítill en engu að síður skreytti hann stjórnirnar og vakti eflaust virðingu og traust viðskiptavina. Það sama gildir um ýmsa aðra fræga menn, eftirþeim er sóst í góðgerðasamtök, félög og fyrirtæki, oftþannig að þeir þurfi aðeins að ljá nafn sitt. Hamborgarakeðjan Planet Hollywood hampar til dæmis frægum leikurum sem aðaleigendum, þóttþeir eigi aðeins lítinn hlut. Viðvera þeirra við ýmis tækifæri dregur að viðskiptavini. Þeir ljá því nafn sitt sem auglýsingu. Þeir sem skipta við fyrirtæki eða fjárfesta í þeim mega aldrei setja traust sitt um of á það að í stjórn sitji þekktir einstaklingar eða að stór fyrirtæki séu hluthafar. Það eitt er engin trygging fyrir því að stjórnarmenn geri eitthvað. Jafhframt verða menn að gæta þess vel hverjum þeir lána nafh sitt til skreytingar og ættu aldrei að gera það 'ynema þeir ætli að vera virkir.__________ fRitstjórn: Tómas Örn Kristinsson ritstjóri og ábyrgðarmaður., Benedikt Jóhannesson. Útgefandi: Talnakönnun hf., Borgartúni 23, 105 Reykjavík. Sími: 561-7575. Myndsendir: 561-8646. Netfang:visbending@talnakonnun.is. Málfarsráðgjöf: Málvísindastofnun Háskólans. Prentun: Gutenberg. Upplag: 700 eintök. Öll réttindi áskilin. © Ritið máekki afrita án leyfis Uitgefanda.

x

Vísbending

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vísbending
https://timarit.is/publication/281

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.