Frjáls verslun - 01.02.1979, Page 8
Vilhjálmur Þ. Vilhjálmsson tók í lok nóvem-
bermánaðar á síðasta ári við starfi fram-
kvæmdastjóra SÁÁ, samtaka áhugafólks um
áfengisvandamálið, en það eru landssamtök
með um átta þúsund meðlimi.
Hefur Vilhjálmur yfirumsjón með öllum
rekstri samtakanna, þ. á m. skrifstofu í Reykja-
vík, sjúkrastöð SÁÁ í Reykjadal í Mosfellssveit
og endurhæfingar- og fræðsluheimili SÁÁ að
Sogni í Ölfusi. Einnig er rekin fræðslu- og leið-
beiningarstarfsemi í Reykjavík í samvinnu við
áfengisvarnardeild Reykjavíkurborgar, þarsem
haldin hafa veriö námskeið fyrir aðstandendur
áfengissjúklinga.
— SÁÁ hefur nú verið starfrækt í rúmlega
eitt ár, eöa frá því í október 1977. Tilgangur
félagsins er m.a. að útrýma vanþekkingu og
fordómum á áfengisvandamálinu og bjóða upp
á fræðslu, endurhæfingu og aðrar fyrirbyggj-
andi aðgerðir. Til þess að ná þessu markmiði
sameina samtökin fólk úr öllum áttum, ekki að-
eins áfengissjúklinga, enda er félagið ekki
bindindisfélag sem slíkt, sagði Vilhjálmur.
— Á síðasta ári fengu um 1200 áfengissjúk-
lingar meðferö hjá SÁÁ, en fyrst eru þeir til
meðferðar í viku til tíu daga í Reykjadal, en
dveljast síðan um fjögurra vikna skeið að
Sogni, bætti Vilhjálmur við.
SÁÁ hefur einnig verið að byggja upþ starf-
semi úti á landi með fræðslu í skólum og al-
mennum fræðslu- og leiöbeiningafundum.
Vilhjálmur Þ. Vilhjálmsson er fæddur 26. apríl
1946 í Reykjavík. Hann varö stúdent frá Verzl-
unarskóla Islands og lauk lögfræöiprófi frá
Háskóla íslands 1974. Hann starfaði um fjög-
urra ára skeiö sem framkvæmdastjóri Fulltrúa-
ráðs sjálfstæðisfélaganna í Reykjavík, þar til
hann varð framkvæmdastjóri SÁÁ.
áfangar
Hákon Björnsson hefur verið ráðinn við-
skiptalegur framkvæmdastjóri Kísiliðjunnar við
Mývatn, og tekur hann viö starfinu í byrjun
marz.
Hákon er fæddur í Neskaupstað 26. nóvem-
ber 1948. Stúdentsprófi lauk hann frá Mennta-
skólanum á Akureyri 1968 og prófi frá við-
skiptadeild Háskóla íslands árið 1973.
Að námi loknu starfaði Hákon hjá Fram-
kvæmdastofnun ríkisins í lánadeild, en réðist
síðan til Dósagerðarinnar í Kópavogi 1974, og
varð fjármálalegur framkvæmdastjóri þess
fyrirtækis í nóvemþer 1977.
Kísiliðjan við Mývatn, sem Hákon hefur nú
störf hjá hefur verið starfrækt frá því 1968, en
þar fer fram vinnsla og framleiösla kísilgúrs til
útflutnings.
Á síðasta ári var framleiðsla Kísiliðjunnar 21
þúsund tonn, sem er í meðallagi. Gert hafði
verið ráð fyrir 23 þúsund tonna framleiðslu, en
áætlanir um framleiðslu drógust aftur úr vegna
erfiðleika, sem fyrirtækið átti viö að etja af
völdum jarðhræringa, sem ollu skemmdum á
þróm. Byggð var ný þró á s.l. sumri og var
þyrjað að vinna úr henni í nóvember sl.
Útflutningur Kísiliðjunnar við Mývatn nam á
sl. ári 20.388 tonnum, sem eingöngu var flutt út
til ýmissa Evrópulanda.
Áætlaö er, að framleiðsla hjá Kísiliðjunni
nemi um 24 þúsund tonnum á þessu ári.