Alþýðublaðið - 03.08.1969, Blaðsíða 5
Einhver dularfyllsti atburður
19. aldar var sá, er ameríska
seglskipið „Marie Celeste“
fannst mannlaust úti á regin-
hafi í desembermánuði árið
1873. Allt var með kyrrum
kjörum um borð í skipinu,
nema hvað áhöfnin var með
öllu horfin og æ síðan hefur
það mátt heita óleyst gáta,
hvað af henni varð.
Æ síðan menn hrintu
sínum fyrsta farkosti á
flot, hafa öðru hverju
gerzt hinir undarlegustu
atburðir á hafi úti. Ein-
hver sá athyglisverðasti
og um leið sá undarleg-
asti mun þó vera hvarf
skipshafnarinnar á amer
íska seglskipinu „Marie
Celeste“.
Hinn 5. desember 1873 mætti brezka
barkskipið „Dei Gratia" seglskipi einu, er
stefndi inn í Njörvasund fyrir fullum segl-
um. Skipið virtist heilt á húfi, en af gangi
þess var auðsætt, að enginn var við
stjórnvöl. Rambaði skipið í sífellu til
beggja hliða og hjó óeðlilega mikið. Boyce
skipstjóri á „Dei Gratia“ hafði orð á þvi
við Adams, stýrimann sinn, að varla væri
allt með felldu um hið ókurrna skip. Þegar
skipið barst nær, virtu þeir það fyrir sér
í sjónaukanum og urðu þess vísari, að
engin lifandi sála var sjáanleg um borð.
„Dragið upp neyðarmerki!" skipaði
Boyce skipstjóri.
Hitt skipið svaraði engu, og þar sem
kyrrt var í sjó, ákvað Boyce skipstjóri að
fara um borð og ganga úr skugga um,
hvort eitthvað væri að. Báti var hrint á
flot og steig Boyce skipstjóri út í hann.
Adams stýrimaður og tveir hásetar reru
síðan í áttina til hins yfirgefna skips.
Þeir komust klakklaust um borð og
fundu þar enga lifandi hræðu, en gátu
þó ekki séð neinar sérstakar ástæður tii
þess, að skipshöfnin hafði yfirgefið skip.
ið. Farmurinn, sem aðallega var áfengi,
hafði ekkert skriðið til, og var óhreyfður,
og skipið sjálft alls staðar heilt og ólask-
að að sjá. Enginn vatnsdropi var í farrým-
inu, svo að auðsætt var, að ekki hafði
komið leki að því, og allar rár, reipi og
segl ofan þilja voru á sínum stað — ó-
skemmt að því er virtist. En það kynleg
asta var þó, að engan bátinn vantaði! Þeir
voru allir óhreyfðir, hver á sínum stað.
Við nánari rannsókn urðu þeir Boyce
skípstjóri og stýrimaður hans þó enn
frh. á bls. 6
Sönn furðusaga
HVAÐ KOM FYRIR „MARIE CELESTE"?
Alþýðublaðið — Helgarblað 5