Alþýðublaðið - 22.11.1975, Blaðsíða 11

Eiginmaðurinn sem
aldrei er heima !
Árið 1975 þurfa allir að vinna hörðum höndum til að lifa. Verðbólgan er
upp úr öllu valdi og sifellt fleiri konur fara að vinna, þó að það sé ekki nema
hluta úr degi til að hjálpa til við að borga húsaleiguna, skattana og matinn,
sem tekjur eiginmannsins nægðu yfirleitt fyrir.
Mennirnir sækjast eftir eftir-
vinnu og jafnvel aukavinnu og si-
fellt fjölgar þeim örþreyttu hjón-
um, sem rétt geta skriðið upp i
rúmið sitt á kvöldin.
Sumar eiginkonur eru að tryll-
ast af þvi að þær sjá mennina sina
svo sjaldan. Þeir fara eld-
snemma, koma ekki heim i há-
deginu og vinna eftirvinnu á
kvöldin. Þær sitja heima með
börn og buru og þeim leiðist.
Það er ekki endalaust hægt að
prjóna og sauma eða drekka kaffi
og kjafta. Konuna langar út á
kvöldin og þá er það oft, sem hinn
maðurinn kemur til sögunnar.
Maðurinn, sem er einhleypur og
þarf ekki að vinna eftirvinnu.
Maöurinn, sem má vera að þvi að
hugsa um einmana konu.
Það liggur við hjónaskilnaði.
Við verðum að viðurkenna,
bæði karlar og konur, að það er
hundleiðinlegt að hafa engan til
að tala við allan daginn og ekki á
kvöldin heldur. Allir þurfa að um-
gangast annað fólk.
Eiginmenn, sem eru mikið að
heiman vegna starfs sins eiga að
bæta konunum það upp, þegar
þeir eru heima.
Það er ranglátt af þeim að lita
inn til kunningjanna án þess að
taka konuna með. Þeir eiga ekki
að fara á völlinn þá fáu tima, sem
þeir hafa aflögu, jafnvel þó að þá
langi til að sjá fótboltaleikinn.
Konan á að sitja i fyrirrúmi. Það
er gott að gera eitthvað saman,
þó að það sé ekki annað en hlusta
á útvarpsleikritið eða horfa á
laugardagsmyndina sitjandi hlið
við hlið uppi i sófa.
Sumar konur geta leyst þetta
vandamál leiðindanna með þvi að
fá sér vinnu hluta úr degi og fá
þar með umgengnisþrá sinni
svalað, aðrar ekki.
En skellum ekki allri skuldinni
á blessaða eiginmennina, sem
vinna baki brotnu fyrir heimilinu.
Við vissum, þegar við giftumst
þeim, að þetta var þeirra vinna
og hún er sú sama fyrir og eftir
hjónabandið.
Vitur kona getur með lagni
fengið manninn sinn til að skipta
um vinnu sé hún honum ekki allt-
of hugstæð.
En hún getur lika fengið hann
til að vera meira heima, þegar
hann þarf ekki að vinna. Það get-
ur hún með þvi að haga sér þann-
ig, að heimilið sé svo skemmtilegt
að hann hugsi: „Hvers vegna er
ég nú annars ekki meira heima?”
Og það jafnvel þó að hann þurfi að
spara eitthvað við sig.
Laufcy.
Verðandi feð-
ur æla líka
á morgnana
Nýlega hefur farið fram könnun
iBretlandi á I50verðandi feðrum,
sem sýnir, að það getur verið
erfitt fyrir manninn að verða fað-
ir. Aðaleinkennin voru þau, að
lagnir og duglegir menn urðu
hreinustu klaufar. Þeir urðu
taugaóstyrkir, uppstökkir og
þreyttir, gerðu fleiri mistök en
venjulega, bæði heima og i vinn-
unni. Sumir fundu blátt áfram til,
þegar konan var barnshafandi.
Aðrir urðu afbrýðisamir eða vildu
helzt ekkert leyfa henni að gera,
en sumir fóru blátt áfram að hata
konuna sina. Margir menn hætta
öllu kynlifi strax og þeir vita, að
konan er barnshafandi, sumir
kvarta um þunglyndi og svefn-
leysi og margir menn borða mun
meira meðan þeir biða barnsins.
Þessar rannsóknir sýna og
sanna niðurstöður annarra rann-
sókna þar, sem 100 verðandi
mæður voru spurðar um hegðun
eiginmannanna á meðgöngu-
timanum. Rúmlega helmingur
sagði, að mennirnir væru þreytt-
ir, þjáðust af ógleði á morgnana
og væri illt i maganum. Prófessor
Trethowan og dr. Gerald
Dickens, sálfræðingarnir, sem
gerðu könnunina, sögðu að við-
brögð mannanna stöfuðu af
samúð þeirra með vanliðan kon-
unnar.
Greinilegast kom þetta í
Ijós meö breyttum matar-
venjum. Margir menn urðu
alveg ,,vitlausir'' í eitthvað
eins og kemur fyrir sumar
barnshafandi konur. Einn
varð skyndilega að fá
franskar kartöflur með
öllu. Fyrst var nú nóg að fá
þær með matnum, en undir
lok meðgöngutímans,
borðaði hann m.a.s.
franskar kartöflur með
rjómaís. Annar lifði blátt
áfram á súkkulaði ein-
tómu. En flestir borða
bara of mikið af öllu — ef
til vill vegna ómeðvitaðrar
óskar um að fá stóran
maga sjálfir.
Menn skyldu ætla, að konan
hefði nóg með sjálfa sig á með-
göngutimanum, en visindamenn-
irnir hafa komizt að þeirri niður-
stöðu, að það væri gott bæöi fyrir
konu og mann, ef hún sýndi hon-
um heldur meiri ást og umhyggju
en áður.
Ein mikilvægasta niðurstaða
visindamannanna var sú, að flest
hjón hætta samförum eða draga
mjög úr þeim. en það er rangt.
Visindamennirnir segja, að það
eigi að halda áfram að lifa kynlifi
til að báðir aðilar finni, að þeir
eru elskaðir, þrátt fyrir breyting-
una, sem hefur komið fyrir.
Félög með skipulagðar skíðaferðir til Evrópu
Á skíóum
i hlíóum Alpafjalla
Eins og síðastliðinn vetur bjóðum við nú viku og
tveggja vikna skíöaferöir til Kitzbuhel og St. Anton
í Austurriki á verði frá 41.700 og 50.600 krónum.
í Kitzbuhel og St. Anton eru jafnt brekkur fyrir
byrjendur, sem þá bestu. Þar er veriö á skíöum í
sól og góðu veðri allan daginn, og þegar heim er
komið, bíður gufubað og hvíld, góður kvöldmatur og
rólegt kvöld við arineld, - eða uþþlyfting á
skemmtistað ef fólk vill heldur.
Morguninn eftir, snemma, er stigið á skíðin og
haldið beint upp í brekkur - svona gengur þetta
dag eftir dag eftir dag, meðan á dvölinni stendur.
Sem sagt, dýröleg dvöl í alþjóðlegu andrúmslofti
með fullkomnu ”apré ski".
Þeir sem velja tveggja vikna ferðir, geta dvalið
viku á hvorum stað ef þeir kjósa heldur.
Skíðafólk leitið uþplýsinga hjá söluskrifstofum
okkar, ferðaskrifstofunum og umboðsmönnum.
^CFÉLAC loftleidir
/SLA/VDS
Alþýðublaðið
Laugardagur 22. nóvember 1975.