Alþýðublaðið - 17.09.1977, Side 7

7
jj'aófd* Laugardagur
17. september 1977
í fyrradag var hringt á
Alþýöublaðið og vakin
athygli á þvi, að aðbúnað-
ur á matstofu Eimskip
við Tryggvagötu væri
mjög óviðunandi, og voru
tilgreindar ýmsar ástæð-
ur. Blaðamaður og Ijós-
myndari AB litu því inn á
matstofuna í gær til að
kynnast af eigin raun
þessu ástandi. Þetta var í
kaffitimanum í gær-
morgun milli klukkan 9.40
og 10.00.
Það fyrsta sem vakti
athygli áður en gengið
var inn i matsalinn var
snyrtiaðstaðan, sem benti
strax til þess að lögð væri
áherzla á hreinlæti og
snyrtilega umgengni.
Matsalurinn er stór,
bjartur og rúmgóður.
Loftræsting er einnig
mjög góðog hreinlæti allt
til mestu fyrirmyndar.
Þarna sátu karlarnir,
ungir sem eldri, og
drukku kaffi og borðuðu
kringlur með, upp á
gamla móðinn. Einnig
voru á boðstólum snúðar
og kleinuhringir.
„Þetta er náttúrlega
ekkert# bakkelsi," sagði
einn náunginn og benti á
snúða á disknum há sér.
„En það þýðir ekkert að
taia um það, brytinn ræð-
ur þessu, og hann vill
hafa þetta svona."
Stúlkan við afgreiðsluna sagði
að i hádeginu væri þarna miklu
fleiri. Máltiðin kostar 300 krón-
ur, og það er sama hvort það er
kjötréttur eða fiskréttur. Þeir
sem spurðir voru um matinn
svona almennt voru þeirrar
skoðunar að hann væri yfirleitt
ágætur.
Við eitt borðið vék blaða-
maður að þeirri spurningu,
hvort ekki mætti búast við þvi,
að konur færu að gefa sig að
hafnarvinnu. Yfirleitt voru
menn á þvi, að vinnan væri ekki
við hæfi kvenna. Sérstaklega
vegna þess að oft væri kalt i
þessari vinnu, og einnig væri
margt i þessum störfum, sem
væri það erfitt, að konur gætu
varla sinnt þvi. Ýmsar aðrar
ástæður voru tilfærðar. Þó voru
menn sammála unrí, að tiltekin
störf við höfnina gætu vel hent-
að konum. „Þetta er framtiðin.
Er það ekki? að konur fara að
leggja undir sig allan vinnu-
markaðinn,” sagði einn eldri
hafnarverkamaður. ,,En við
höfum svo sem ekkert á móti
þvi,” sagði annar og brosti við.
Eftir að hafa heimsótt mat-
stofu hafnarverkamanna sem
vinna hjá Eimskip getur
Alþýðublaðið á engan hátt tekið
undir þá gagnrýni, sem upphaf-
lega var tilefni þess að blaða-
menn fóru þarna á vettvang.
Þvert á móti, er ástæða til að
hrósa þeirri ágætu aðsíöðu, sem
Eimskip hefur búið þeim mönn-
um, sem starfa hjá fyrirtækinu
við Reykjavikurhöfn. — BJ.
I kaffitíma með
haf narver kamön n u m
1 <
Texti: Bragi Jósepsson
Myndir: Axel T. Ammendrup