Tíminn - 20.08.1966, Blaðsíða 13

13
LAUGARDAGUR 20. áffúst 1966 TIIM3NN
Rætt við kunnan bandarískan þjálfara um ísl. frjálsíþróttir og fleira
AUKA ÞARF ENN FREKAR AHUGA
SKOLAFÖLKS Á FRJALSÍÞRðTTUM
Fyrir nokkru var hér á ferS-
inni Bandaríkjamaður Thomas
Ecker aS nafni, sem er vel
kunnur í heimalandi sínu fyrir
ritstörf á vettvangi frjálsra
íþrótta og fyrir mjög góSan
árangur í þjálfun frjálsíþrótta-
manna. Þar sem slíkir gestir
ern sjaldséðir hér var gerður
út maður á vegum Tímans og
skyldi hann afla frétta. Hinn
bandaríski þjálfari tók tíðinda-
manninum vel og fer árangur
af spjalli þeirri hér á eftir.
Þar sem heldur er óvanalegt,
að útlendingur komi hér æ of-
an í æ, þá er von að manni
verði á að spyrja livernig á
komu þinni standi, en þetta er
þín þriðja koma hingað, Thom-
as?
—Já, rétt er það. Ég kom
hingað fyrst sumarið 1964 á veg
uim upplýsingarþjónustu Banda
ríkjanna en á vegum hennar
hafði ég ferðast um Norður-
lönd og kynnt og kennt frjáls-
ar íþróttir. Ég kom svo aftur
hingað í vetur sem leið og nú
aftur í þetta sinn. Ég get ekki
neitað því, að ég varð strax
við fyrstu komu hrifinn af
landi og fólki, og hér hef ég
eignazt marga góða vini og
kunningja. Ekki get ég alveg
gert mér grein fyrir hvers
vegna mér líður svo_ vel héma,
því að mér finnst ísland vera
svo frábrugðið heimastöðvum
mínum í Kentucky, en samt
sem áður finnst mér ég eiga
heima hér.
— Og nú ert þú á leið til
Svíþjóðar?
— Já, ég fer þangað til þess
að verða þar einn af þremur
landsþjálfurum Svía í frjálsum
íþróttum, en hinir tveir eru
Svíarnir Gunnar Carlson og
Gustaf Laurell.
Hvernig stendur á því, að
Svíar velja þig fyrstan útlend-
inga til þess að verða landsliðs-
þjálfara?
Ja, ég dvaldist í Svíþjóð í
nokkurn tíma á Norðurlanda-
ferð minni 1964, hélt þá fyrir-
lestra um íþróttir og sýndi kvik
myndir. Sænskir íþróttafrömuð-
ir spurðu mig þá ráða hvað
helzt skyldi gera til þess að
auka áhuga á frjálsum íþrótt-
um þar í landi. Ég gaf þeim
nokkur ráð og það er eiginlega
til þess að vinna úr þessum
ábendingum, sem ég fer til Sví-
þjóðar að þessu sinni.
Hvernig verður störfum þín-
um í Svíþjóð hagað?
Ég mun auðvitað annast að
einhverju leyti þjálfun íþrotta-
manna, en aðalverkefni mitt
verður þó í sambandi við skipu-
lagningu og uppbyggingarstarf
semi frjálsra íþrótta. Það, sem
ég mun leggja hvað mesta
áherzlu á, er að koma á fót
keppni í frjálsum íþróttum
milli skóla líkt og tíðkast í
Bandaríkjunum.
Og hvernig lízt þér á starf-
ið, sem framundan er?
Ég hlakka til að takast á við
þetta verkefni því að mín skoð-
un er, að Svíar standi á marg-
an hátt í fremstu röð frjáls-
íþróttalega séð, þ.e. þeir eiga
marga góða þjálfara, sem eru
kunnáttumenn í sínum grein-
um, en þá vantar bara fleiri
efni til þess að vinna úr. í Sví-
þjóð vilja menn helzt æfa knatt
spyrnu, og mitt starf mun að
mestu beinast að því, að vekja
áhuga á frjálsum íþróttum með-
al skólaæskunnar í landinu.
Hverjar myndir þú telja
meginástæður fyrir frábærum
árangri bandarískra frjáls-
íþróttamanna?
Langflestir bandarískra frjáls
íþróttamanna eru skólamenn,
sem ekki þurfa að stunda lík-
amlega vinnu og fá margir
styrki til náms vegna sinna
íþrótta afreka. Þeir verða sámt
að stunda sitt nám og verða
að ná vissri lágmarkseinkunn
til þess að fá að keppa fyrir
skólans hönd. Sumum reynist
það er erfitt að æfa af kappi
tvisvar á dag og stunda námið
jöfnum höndum, og ég hef
nokkrum sinnum misst góða
íþróttamenn úr skólaliðinu
vegna slakrar námsframmi-
stöðu .Sem betur fer er það
þó ekki algengt, því mín reynsla
er sú, að beztu íþróttamennirn-
ir eru oft beztu námsmennirn-
ir. Skólarnir reyna eftir beztu
getu að búa sem bezt að sín-
um íþróttamönnum, því að það
er metnaður hvers skól'a fyrir
sig að skara fram úr í einu
sem öllu og íþróttir eru þar
meðtaldar. Þar með tel ég mig
hafa bent á aðalástæðuna fyrir
afrekum bandarískra íþrótta-
manna. í bandrísku þjóðlifi er
samkeppni svo sterkur þáttur,
að hver einstaklingur mótast af
henni. Þessi samkeppni ríkir
ekki hvað sízt í skólunum og
hver dagur er sem endalaus
keppni. Á íþróttavellinum gildir
hið sama. Að vísu eru frjálsar
íþróttir ekki vinsælasta íþrótta-
greinin í Bandaríkjunum, en
samt höfum við alltaf nokkra
menn í hverri grein, sem keppa
um tvö sæti í skólaliðinu i
þeirri grein, og það þykir alltaf
heiður að komast í skólalið oe
keppa fyrir skólans hönd.
— Ilverning er með aga?
Aginn á bandarískum íþrótta-
mönnum innan skólanna er yf-
irleitt mjög harður, því að þefss-
ir menn eru fulltrúar skólanna
og koma fram fyrir þeirra hönd.
íþróttamönnum er t.d. alis ekki
leyfð notkun áfengis eða tó-
baks og ef þeir eru staönir
að brotum á þeim reglum, sem
þeim er ætlað að fara eftir
þá eru þeir reknir úr keppnis-
liðinu á stundinni og þykir
það mikil skömm. Þetta tel ég
mjög heilbrigt því að það er
enginn maður ómissandi og
betra er að losa sig við lög-
brjótana enda þótt þeir séu
góðir í sinni grein en að iáta
þá eitra fyrir og koma illum
anda í liðið.
Þar sem þú hefur þegar nokk
uð kynnzt íslenzkum aðstæðum
þá langar mig til þess að spyrja
þig hvað þú teldir helzt vcra
að í íslenzku frjálsíþróttalífi og
hvað gera þyrfti til úrbóta.
Þessu er ekki auðvelt að
svara í fáum orðum, en helztu
vandamálin tel ég vera of
mikla vinnu og vöntun á góðu
skipulagi. Þegar ég var hér fyr-
ir tveimur árum var ég með
þó nokkrar bollaleggingar
hvernig hér mætti úr bæta
því að þá stóð til að ég kæmi
til íslands til ársdvalar. Hefði
þá hlutverk mitt líklega orðið
svipað og það verður í Svíþjóð
þ.e. að örfa skólafólk til iðkun-
ar frjálsra íþrótta með ýmsu
móti. Því miður varð ekkert
úr væntanlegri ársdvöl minni
hér, en kannski ég fái ein-
hvern tíma ’ tækifæri til þess
að'véra hér og sjá hvað unnt
er að gera. Ég myndi telja
að það sem helzt þyrfti að
vinna að hér, er að auka enn
frekar frjálsíþróttaáhugann í
skólunum. Koma þarf á milli-
skólakeppni og auka áhuga og
kunnáttu starfandi íþróttakenn
ara á íþróttinni. Ef ekki tekst
að koma upp áhuga á frjálsum
íþróttum í skólanum, tel ég
nærri útilokað, að íslendingar
nái að byggja upp gott lands-
lið á alþjóðamælikvarða. Hér
er mikið af efnilegu ungu fólki,
ég tel mig varla hafa séð til-
tölulega jafn mörg íþrótta-
mannsefni og hér, en það nægir
ekki ef ekki er hægt að virkja
þessa hæfileika. í skólunum er
auðveldast að koma auga á efni
í íþróttamenn og fá þau til
æfinga. Þetta er hlutverk
íþróttakennarans, en hann verð
ur að fá hjálp til þess að skapa
sæmilegar aðstæður til íþrótta-
iðkunar. Meðan áhugi er ekki
almennur er erfitt fyrir ein-
staka kennára að halda uppi
áróðri fyrir frjálsum íþróttum,
en þó er ótrúlegt hvað sumir
geta áorkað. /
Ummæli ísl. íþróttamanna um
Thomas Ecker:
Hallgrímur Jónsson methafi
í kringlukasti:
— Ég álít Thomas Ecker vera
mjög góðan þjálfara og tel mig
hafa margt af honum lært,
sem hjálpaði mér við að setja
núgildandi ísl. met í kringlu-
kasti.
Jóhannes Sæmundsson, þjálf-
ari ÍR og Ármanns.
Thomas Ecker er að mínum
dómi frábær þjálfari og hefur
hann komið fram með margar
nýjungar í sambandi við þjálf-
un, sem reynzt hafa vel. Úrvals
þjálfarar, sem hann eru ekki
Framihald á bls. 15.
Thomas Ecker
Tveir leik-
ir í 1. deild
Alf-Reykjavík. — Á morgun,
sunnudag, verða leiknir tveir leik-
ir í 1. deild íslandsmótsins í knatt-
spyrnu. Á Akranesi mæta heima-
menn KR og í Keflavík mæta
heimamenn Þrótti. Báðir leikim-
ir hefjast klukkan 16.
ÖIl liðin hafa ennþá möguleika
í mótinu, nema Þróttur, og staða
KR er mjög vonlítil. Eflaust munu
Keflvíkingar eiga léttan dag gegn
Þrótti á Njarðvíkur-vellinum, en
leikur KR og Akraness verður lík-
lega jafn og spennandi. Síðustu ár-
in hefur KR-ingum aldrei tekizt
að sigra Skagamenn á Akranesi,
spurningin er, hvort þeir bregða
út af vananum nú.
Fram og Víkingur
leika í 2. deild
Alf-Reykjavík. — Fram og Vík-
ingur mætast í 2. deild fslands-
mótsins í knattspyrnu á sunnudag.
Hefst leikurinn klukkan 19.30 á
Melavelli. Leikurinn er þýðingar-
mikill fyrir Fram, sem nægði jafn-
tefli á móti Vestmannaeyjum í síð-
ari leiknum, vinni það leikinn á
móti Víking á morgun.
Staðan í a-riðli 2. deildar er nú
þessi:
Vestm. 7 5 0 2 23:14 10
Fram 6 4 11 18: 3 9
Haukar 8 3 2 3 19:16 8
Víkingur 7 4 0 3 16:15 8
Suðurnes 8 0 17 6:35 1
Golf:
15 ára
sigurvegari
Fyrir nokkru var háð hin
árlega afmæliskeppni Guðmundar
Sigurðssonar. Tvö síðastliðin ár
hafa verið leiknar einungis 12 hol-
ur, og hefur það mælzt vel fyrir.
Svo er mælt fyrir í reglugerð gef-
anda, að bikar þessi sé farand-
gripur fyrir beztan árangur í högg-
leik með forgjöf. Til leiks mættu
24 kylfingar, þrátt fyrir mjög
slæm veður, ausandi stórrign-
ingu af suðaustri, sem næstum
hindraði allan golfleik. Var því
eigi sérstaks árangurs að vænt að
þessu sinni. Leikar fóru svo að ung
ur kylfingur, Markús Jóhannsson
bar sigur úr býtum. Markús er son
ur hins góðkunna kylfings, Jó-
hanns Eyjólfssonar, og er aðeins
15 ára gamall. Hann hefur verið
mjög áhugasamur við æfingar og
keppni í sumar, og má áreiðanlega
mikils af honum vænta í framtið
inni, ef hann leggur alúð við þjálf-
unina. Ásamt honum hafa nokkrir
aðrir unglingar æft allvel í sumar
og verður gaman að fylgjast með
Meistarakeppni unglinga, sem háð
verður í lok þessa mánaðar. Úrslit
urðu annars, sem hér segir:
1. Markú^ Jóhannsson 44 högc
2. Hilmar Pietsch 45 högg
3. Haukur Guðmundsson 46 högg
4. Erlendur Einarsson 47 högg
5. Jónatan Ólafsson 50 högg