Vísir - 09.10.1975, Síða 4
4
VÍSIR. Fimmtudagur 9. október 1975.
FLUGMAL
UMSJON EDDA ANDRESDOTTIR
„EKKI DÝRT MIÐAÐ VIÐ ÁNÆGJUNA"
„Þetta er ekkert dýrt miðað
við ánægjuna,” sögðu þrir
nemendur sem nú sitja nám-
skeið hjá Flugskóla Helga Jóns-
sonar. Nemendurnir eru Ásgeir
Önundarson, Einar Guðinunds-
son og Ragnheiður Kristiansen,
ein af þremur stúlkum sem nú
læra að fljúga i Flugskóla
Helga. Það er ekki nóg með að
Ragnheiður sé að læra, heldur
er eiginmaður hennar lika að
læra flug.
Þau þrjú hafa öll tekiö sóló-
próf og stefna nú að þvi að taka
einkaflugmannsprófið lika.
Að svo komnu stefna þau ekki
mikið lengra en að einkaflug-
mannsprófinu. „Sfðan sjáum
við til. Fyrst er að ná þessu
prófi,” sögðu þau. Hins vegar
leynir áhuginn sér ekki.
011 segjast þau hafa haft
áhugann á að læra að fljúga
lengi. ÞauRagnheiður og Ásgeir
vinna bæði með flugnáminu en
Einar er í skóla. Hann situr á
skólabekk á daginn og svo aftur
á kvöldin.
Þegar að peningamálunum
kemur, segja þau að flugnámið
gangi fyrir öllu öðru. „Við eyð-
um minna i annað á meðan.”
HEFUR KENNT
FLEIRUM AÐ
FLJÚGA EN
FLESTIR AÐRIR
Það stóð yfir kennslan f sigiingarfræði á hinu svokallaða A-námskeiði. Otto Tynes, flugmaður, kenn-
ir siglingarfræðina á námskeiði Flugskóla Helga Jónssonar. Hann er þarna fyrir miðju innan um
nemendur.
50-60 SITJA NÁMSKEH)
FYRIR EINKAFLUGMANNSPRÓF
Þórhallur Magnússon hefur 3300
kennslustundir að baki
Námskeið fyrir þá sem ætla
ser að taka A-próf eða einka-
úugpróf,eins og það heitir, eru
nú hafin.
Annað námskeiðið er á vegum
Flugskóla Helga Jónssonar en
hitt er á vegum Flugstöðvarinn-
ar. Samtals eru um 50-60 manns
á námskeiðunum eftir þvi sem
við komumst næst.
Margir þeirra sem setjast á
skólabekkinn eru ekkert nálægt
þvi að taka verklega prófið, en
vilja taka það bóklega samt
sem áður. Siðar geta þeir svo
tekið hitt. Sumir nemendanna
eru með sólópróf og ætla sér
áfram, og það kemur lika fyrir
að nemendur taka bóklega
námið án þess að hafa nokkuð
lært að fljúga. Hins vegar ætla
þeir sér það sjálfsagt.
Meðal bóklegs námsefnis
fyrir einkaflugprófið er
siglingafræði, veðurfræði, flug-
reglur og fleira.
Námskeiðin eru nýhafin og
mæta nemendur á hverju kvöldi
alla virka daga. Hjá Flugskóla
Helga fengum við þær
upplýsingar að próf yrðu þreytt
um miðjan desember.
— EA.
Það er oft erfitt að læra að
fljúga, þó það sé ánægjulegt.
Þeir fá heldur betur að svitna
nemendurnir þegar sumar
æfingarnar eru gerðar. En
skyldu kennararnir ekki svitna
líka. Verða þeir ekki hræddir
um llf sitt?
„Ekki get ég nú beinlinis sagt
að ég verði hræddur um lif
mitt,” sagði Þórhallur Magnús-
osn, flugkennari hjá Flugskóla
Helga Jónssonar. Þórhallur er
einn reyndasti flugkennari sem
völ er á hér á landi.
Hann hefur kennt i fimm og
hálft ár, og hefur hvorki meira
né minna en 3300 tima að baki i
flugkennslu eingöngu. Samtals
hefur hann 5000 tima i flugi.
Hann er áreiðanlega nálægt þvi
að slá öll met i kennslustunda-
fjölda hér.
Þórhallur viðurkennir að
kennslan geti oft verið erfið en
hann hefur kennt mjög mörgum
á þessum árum. Töluna hefur
hann ekki. En það sem merki-
legra er, er kannski það, að all-
an þennan tima hefur aldrei
hent hann nokkurt óhapp.
Það hefur aldrei komið fyrir
að vél hafi misst mótor i
kennsluflugi hjá honum, aldrei
hefur sprungið dekk eða nokkuð
annað. Þetta má áreiðanlega
kalla heppni. En það þarf þolin-
mæði til þess að vera flugkenn-
ari svona langan tima.
— EA.
Hvað kostar að
lœra að fljúga?
— lógmarkskostnaður er 850—70 þúsund
en gera mó ráð fyrir milljón með öllu
Hvað kostar að læra að
fljúga? Meðöllu má búastvið að
kostnaður verði um það bil
milljón.
Blöskrar þér? Sumir eiga
ómögulegt með að skilja
hvernig nokkur getur kastað öll-
um þessurn peningum i að læra
að fljúga. Væri ekki skynsam-
legra að nota þá til einhvers
annars sem meira vit væri i?
Það finnst þeim ekki sem eru
að læra. Þeim finnstekki mikið
að borga milljón fyrir alla þá
ánægju sem flugið veitir þeim.
Við tókum það lauslega sam-
an hvað hvert stig kostar, og
komumst að þvi að 850-70 þús-
und krónur eru algjört lágmark
fyrir þann sem lærir að fljúga,
og nær sér i þau réttindi sem
hann á kost á.
Ein kennslustund á Cessnu
150, sem aðallega er notuð til
kennslu, kostar 3300 krónur.
Viljirðu taka sóló-próf kostar
það 60-75 þúsund krónur. Um
leið færðu réttindi til þess að
fljúga einliðaður innan svokall-
aðs vallarsviðs. Ef flugnemi vill
fara eitthvað lengra, verður
kennari að vera með i vélinni.
Umsækjandi um skirteini
Hugnema má ekki vera yngri en
17 ára og vissar heilbrigðiskröf-
ur þarf m.a. að uppfylla.
Að taka einkaflugmannspróf
með bóklegu námskeiði kostar
um það bil 260 þúsund krónur.
Þegar að atvinnuflugmanns-
prófi kemur. má búast við að
kostnaður sé orðinn 690 þúsund,
þ.e. lágmarkskostnaður.
Atvinnuflugmannspróf ásamt
blindflugsréttindum gera svo
850-70 þúsund krónur. En þetta
er eins og fyrr segir lágmarks-
kostnaður fyrir öll réttindin.
Þórhailur er einn reyndasti flugkennari hér á landi. Hann hefur t.d.
kennt eina kven-atvinnuflugmanninum hér. Ljósm.: LÁ.