Lesbók Morgunblaðsins - 27.09.1959, Blaðsíða 4

412
LESBÓK MORG UNBLAÐSIN S
Á leiðarenda
Frá Utah er haldið inn í Nevada,
sem sýnist vera eyðimörk að mestu.
Þó eru þar ýmsar fallegar vinjar.
Kunnasta borgin í Nevada er Reno,
skammt frá vesturlandamærunum.
Þar eru alkunn spilavíti, og þang-
að fer fólk til að fá skilnað, því
að þar fylgja engar seremoníur því
að leysa upp hjónabönd. Þangað
leggja margir kvikmyndaleikarar
leið sína.
Skömmu eftir að farið er frá
Reno er komið til Kaliforníu og
farið yfir Sacramentodalinn. Þar
eru hrikafögur gljúfur og kamb-
arnir þar eru heldur ægilegri en
Kambar hér. Brattasta brekkan er
2700 metra há. Hér sést hvergi
snjór í fjöllum. En nú koma hinir
miklu furuskógar, sem Kalifornía
er fræg fyrir, og þó eru frægastar
risafururnar og rauðfururnar
(Sequoia), sem geta orðið rúmlega
100 metra háar og stofnarnir svo
digrir, að sums staðar eru bílvegir
í gegn um þá. Sacramentodalurinn
er einhver sú fegursta sveit, sem
eg hefi augum litið og frjóvsemin
takmarkalaus.
í Oakland hitti eg norskan mann
og urðum við samferða yfir brúna
til San Francisco. Þegar þangað
kom fórum við til samkomuhúss,
eða kirkju (Den norske sömans-
kirke, í Hyde Street 2454). Þarna
var dönsk stúlka, sem gaf okkur
Baðströnd
hjá San Francisco,
Selsker og
Cliff House.
kaffi og kökur. Hér voru líka
nokkrir Danir og Norðmenn. Héð-
an sér vítt yfir borgina og út á
fangaeyna Alcatras. Síðan var
haldið til Norway House í Vallejo
Street 2501, og þar fekk eg gistingu
og var þar í viku.
San Francisco
í þessari borg búa fleiri Kín-
verjar en á nokkrum öðrum stað
utan heimalands síns, og er hér
sérstakt borgarhverfi, sem byggt
er Kínverjum eingöngu. í Golden
Gate Park er kínverskur tegarður
og er þar selt kínverskt te og
kökur.
Einn daginn sem eg var þarna,
rakst eg á jarðsig mikið á aðal-
brautinni E1 Camino del Mar. Hef-
ir brautin sigið þar á kafla um
sex metra. Þetta gerðist í jarð-
skjálfta fyrir nokkru, en nú á að
fara að setja járnbrú yfir jarð-
fallið. Þetta er beint upp af Sel-
skeri og hinum nafkunna baðstað
Cliff House. Jarðskjálftar hafa
oft gert mikinn usla í þessari borg,
og 18. apríl 1906 varð svo mikill
jarðskjálfti, að borgin hrundi til
grunna og brann.
í Flsíschhacker Zoo, sem er
dýragarður, hefi eg séð stærst
tigrisdýr. Þau eru frá Indlandi
(Bengal). Þar sá eg einnig ljón
frá Indlandi, en þau eru ekki jafn
falleg á fax eins og Afríkuljónin,
sem hafa dökkt og gult fax. Þessi
ljón hafa aðeins einlitt gult fax.
Golden Gate brúin er talin
lengsta brú í heimi. Sagt er að
Joseph B. Strauss hafi byrjað að
smíða brúna 1870, en smíði hennar
var ekki lokið fyr en 1937. Hafði
hún þá kostað 35 miljónir dollara.
Vídd á milli stöpla er 1400 metrar
og strengirnir, sem halda brúnni
uppi, eru ekkert smásmíði. í þá
fóru 128.000 km. af vír og gild-
leikinn er 36 þumlungar í þvermál.
Hver burðarstrengur vegur 24.500
tonn.
Rétt fyrir innan brúna er ágæt-
ur baðstaður, sem nefnist Yacht
Harbour, og er þar altaf fullt af
fólki. Hér er líka húsið Fine Arts,
en þó er ekkert inni í því annað
en strætisvagnar. En sjálft húsið
er listaverk hið ytra. Úti á flóanum
eru skútur oft á kappsiglingu, og
má sjá þar margar enskar snekkj-
Búdda-líkneski
i San Francisco