Lesbók Morgunblaðsins - 18.04.1970, Page 7
Hrafnkell Guðjónsson, bíla-
sali hjá Kr. Kristjánssyni:
Volvo 164
Ég greiði Volvo 164 atkvæði mitt. Við fyrstu sýn
vekur þessi vagn mikla athygli hér. Hann gefur
strax til kynna, að hér er um traustan og þægi-
legan bíl að ræða. Hann minnir svo skemmtilega
á hina traustu, gömlu og góðu bíla. Þó skiptir lita-
valið miklu máli til að hið klassíska form njóti
sín sem bezt. Þegar inn er komið eru sætin leður-
klædd og allur frágangur og fyrirkomulag stjórn-
tækja með þeim hætti, að maður treystir því öllu.
Baltazar, listmálari:
Sá bíll, sem mér finnst fallegastur þeirra bíla,
sem ég hef séð, beitir Morgan +8. Það er enskur
sportbíll, tveggja manna, ýmist með harðtopp
eða blæju. Mér finnst hann sambærilegur við
gamalt whisky og viðráðanlegan gæðing. Hér
tala ég um anda hlutarins, en hver hlutur hef-
ur sinn anda og formið og andinn verða ekki
aðskilin. Hann er eins og góð höggmynd, þar
sem formið er í fullkomnu samræmi við til-
gang verksins. Þó er hér ekki um að ræða neins
konar kuldalegan „funktionalisma“. Og að lok-
um eitt, sem er mjög þýðingarmikið, þegar
bíll á í hlut: Morgan +8 er sígildur og fellur
aldrei úr tízku.
Morgan + 8
Hilmar Sigurðsson,
auglýsingateiknari:
Citroen
DS
Hvers vegna? — Vegna ein
faldrar og fágaðrar form-
mótunar hans.
Sigurgeir Sigurjónsson,
ljósmyndari hjá Vikunni: Saab 96
Ég gef atkvæði mitt Saab 96 og þá lít ég á málið ein-
göngu frá fagurfræðilegu sjónarmiði. Saab 96 er vel
hannaður, en aftur á móti ekki eins vel tæknilega upp-
byggð'ur og nýi Saabinn „99“. Hvað er það þá í útliti
Saab, sem mér finnst svona fallegt? Þegar ég lít á bílinn
á hlið, þá standast öll hlutföll fullkomlega hvert gagn-
vart öðru. Og það er sama hvort maður lítur á hann
framan frá eða aftan frá, alltaf stendur formið mjög vel,
eins og fullkominn arkitektúr á að' vera. Saab 99 hefur
margt tæknilegt fram yfir, er betur liannaður að inn-
an, en að vísu finnst mér framhlutinn of stuttur til að
það hlutfall standist á móti öðrum. Ég skal játa, að
ég var í vafa um, hvort ég ætti að greiða Saab atkvæði
mitt, Volvo 164 eða Citroén.
18. apríl 1970.
MORGUNBLAÐIÐ — BÍLAR 1970
7