Lesbók Morgunblaðsins - 12.08.1989, Qupperneq 11
Úr skrifstofii á efri hæðinni.
Lesbók/Sverrir Vilhelmsson
Undir risgluggnnum, sem nær þvert yfir húsið og setur mestan svip á það.
isverð hús, sem kosta jafnvel minna en geng-
ur og gerist. Fleiri ný og nýlég hús má að
sjálfsögðu nefna, án þess að ég viti hvað
þau kostuðu: Landsbankahúsið á Akranesi,
sem Ormar Þór Guðmundsson teiknaði, Hús
Honda-umboðsins í Reykjavík, sem Manfreð
Vilhjálmsson teiknaði og Epal-húsið eftir
sama arkitekt, Seðlabankahúsið, teiknað af
Guðmundi Kr. Guðmundssyni og Ólafi Sig-
urðssyni, Kringlan, eftir Hrafnkel Thorlac-
ius, Borgarleikhúsið eftir Þorstein Gunnars-
son og fleiri, nýja Sambandshúsið eftir Orm-
ar Þór Guðmundsson, nýtt hús Kristjáns
Siggeirssonar eftir Helga Hjálmarsson og
Ráðhús Dalvíkur eftir Jón Haraldsson. Af
ófull£erðum, en sýnilega athyglisverðum
byggingum, má nefna Glerárkirkju í Lög-
mannshlíðarsókn eftir Svan Eiríksson, Þjóð-
arbókhlöðuna eftir Manfreð Vilhjálmsson,
og Ráðhús Reykjavíkur, sem nú er unnið
að eftir teikningum Margrétar Harðardóttur
og Steve Christer.
Flest eru þetta opinber hús af einhveiju
tagi, eða hús byggð utanum þjónustu. Þar
að auki eru fjölmörg íbúðarhús, einkum ein-
býlishús, sem vel hafa tekizt. Hvort þetta
getur talizt þokkaleg uppskerá miðað við
allt sem byggt hefur verið á undanförnum
áratugum, er vitaskuld umdeilanlegt. Ugg-
laust þykir einhveijum einnig umdeilanlegt,
að þessi fyrrnefndu hús séu í einhveijum
úrvalsfiokki og mundu þá fremur nefna ein-
hver önnur. Eins og fyrri daginn verður það
tíminn, sem sker úr um það, hvað kann að
verða tekið í úrvalsflokk íslenzkrar bygging-
arlistar.
Hér er kynnt með myndum eitt af þessum
húsum: Epal-húsið, nr. 7 við Faxafen í
Reykjavík. Eyjólfur Pálsson, húsgagnaarki-
tekt, hefur rekið þetta fyrirtæki í 12 ár og
fékk Manfreð Vilhjálmsson, arkitekt, til að
teikna húsið að Faxafeni 7. Það lætur ekki
beint mikið yfir sér til að sjá, en mesta at-
hygli vekur glugginn, sem nær þvert yfir
miðjuna, þakið einnig, og skagar uppúr
því. Flatarmál hússins er 470 fermetrar;
undir því er kjallari og sá hluti semi stendur
ofar jörðu, er að hluta til tveggja hæða.
Efri hæðin er í rauninni brú, sem stendur
á súlum og nær ekki út að hliðarveggjun-
um. Það var hugvitsamleg lausn til að veita
birtu niður auk þess sem það ljær húsinu
léttleika hið innra.
Utveggir eru úr trégrind, einangrað er
með steinull og klætt utaná með álplötum,
sem ekki þarf að mála og eiga að vera við-
haldsfríar. Hér er verzlað með gluggatjalda-
Verzlunarvörunni, einkum gluggaljaldaefhum, er svo haganlega fyrir komið, að þau verða líkt og hluti af byggingunni.
efni, húsgögn og ýmsan annan húsbúnað.
Innri léttleiki hússins verður ákjósanleg
umgjörð fyrir ýmisskonar efni, sem látið er
hanga niður. Sérkennilegt er það, að límtré,
sem venjulega er aðeins lakkað, er hér
hvítmálað, en svo þunnt að tréð kemur í
ljós. Risglugginn, sem nær eins og áður
segir þvert yfir húsið, veitir góðri birtu inn
og að sjálfsögðu verulegum hita. Vegna
þessa og vandaðs frágangs að öðru leyti
er upphitunarkostnaður innan við þriðjungur
af því sem eðlilegt má telja þegar miðað
er við rúmmetrafjölda. Hér hefur verið
teiknað og byggt hús, sem var fremur ódýrt
í byggingu, er létt í rekstri og umfram allt
svo fallega teiknað og útfært, einkum að
innan, að líklega yrði vandfundin ákjósan-
legri lausn til að hýsa þessa starfsemi.
GÍSLI SIGURÐSSON
Horft af palli milli hæðanna upp og niður stigann.
LESBÓK MORGUNBLAÐSINS 12. ÁGÚST 1989 1 1