Lesbók Morgunblaðsins - 11.04.1992, Side 12
HRAFN HARÐARSON
Fuglar
himins
Tónar úr hörpu skaparans
fjaðurvængjaðir
svífa skýjum ofar
neðar
liggja í loftinu
eins og loforð. . .
renna sér, smjúga
milli strengja fiðlunnar
Lisztflug. . .
vefa litþráðum
strekkja glitbönd í bogann
þjóta um hvel
sem örvadrífa .. .
bera vængi
ótt
berast vængjum, hljótt,
speglast í glæbirtu
sjáaldurs himins
þessi tónfygli
á flygli hafsins.
Höfundur er bókavörður í Kópavogi.
í Perlunni hefst hinn 15. apríl sýning á myndum, unnum í málm, eftir Grím Marinó Stein:
dórsson, myndhöggvara. Myndirnar eru við Ijóð eftir Hrafn Harðarson og verða ljóðin stækk-
uð og sýnd ásamt myndunum. Einnig verður leikin tónlist eftir Gunnar Reyni, tónskáld, sem
hann hann hefur samið við myndir Gríms Marinós. Við opnunina er vonast til að þar verði
lifandi flutningur, en síðan verður tónlistin flutt af bandi. Að ofan er ein af myndum Gríms
Marinós, sem verða á sýningunni, og Ijóðið, sem hann byggði á.
KRISTJÁN J. GUNNARSSON
Friðþæging
Nú skil ég, Krístur, loksins þjáningu þína,
þyngrí og óbærílegrí en helförín sjálf
sem fara varðstu á föstudeginum langa,
og ótal þúsundir annarra saklausra manna
urðu líka að ganga
í tilgangsleysi aftökustaðinn á
því ekki var hlutverk þeirra heiminn að frelsa
né heldur frelsaðist heimurinn fyrir þá.
Nú skil ég Kristur loksins þjáningu þína,
hið þjakandi ok sem er á frelsara lagt
heimsins syndir á herðum sér burtu að bera
og borga svo mannanna skuldir að hann fyrir alla
einn skuli ábyrgur vera.
Hver glötuð sál til syndagjaldanna fann.
Sektinni, viðurstyggð glæpsins, nístandi kvölinni
þú af henni léttir. Og sökin á sjálfum þér brann.
Syndarans guðsfirrtu útskúfun hlaustu að reyna.
Framundan dómurinn. Aftakan völin eina.
Aðeins þín friðþæging fellt gat skuldina niður.
Negling á krossinn. Síðusárið.
Síðasta andvarpið. Dauðans friður.
Helfró Ieggst yfir harmleikasviðið,
Hausaskeljastað. -
Syndin afplánuð. Upplýst gullna hliðið.
Allt er fullkomnað.
Höfundur er fyrrverandi skólastjóri og námsráögjafi.
ARNOLD EIDSLOTT
Bergmál eftir
útflytjendunum
Sigurjón Guðjónsson þýddi
Að þessari gráu strönd
beindist öll mín þrá
Nöktu stormbörðu augun
á þessu nægjusama útslitna fólki
með Guðsótta þetta hafland mitt og fólk
Haflandið þar í vesturátt
á alla ást mína
Ég gef brimgnýnum þrá mína
og bognum fiskimönnum við netfjötrana
sem veittu þeim daglegt brauð undir skýjum
Strönd bernsku minnar
strönd máfagargs og lág ský
yfir fiskibátunum sem taka dýfur í vindhviðunum
og snjófjúkinu ár eftir ár sama sviðsmynd
af stritinu fyrir afkomunni í strangrí og nakinni
náttúru
Þessari fátæku strönd
gef ég alla þrá mína
því hér lifði ég minn fyrsta dag
og liér vil ég helzt eiga minn síðasta
hér undir hafmistri yfir vígðri jörð feðra minna
Höfundur er skáld í Noregi.
12