Lesbók Morgunblaðsins - 28.09.1996, Blaðsíða 2

Ljósmynd/Anita & Steve Shevett
LOUISA Matthíasdóttir tekur við verðlaununum úr hendi Victors Borge. Á milli þeirra stendur hinn kunni bandaríski sjónvarps-
maður, Peter Jennings, sem stýrði athöfninni.
LOUISA MATTHÍASDÓTTIR HLÝTUR
MENNINGARVERÐLAUN THE AMERICAN-
SCANDINAVIAN FOUNDATION
LOUISU Matthíasdóttur myndlistarkonu
voru afhent menningarverðlaun The Amer-
ican-Scandinavian Foundation fyrir árið
1996 við hátíðlega athöfn í New York-borg
fyrir skömmu. Verðlaunin eru veitt lista-
mönnum og öðrum sem hafa skarað fram
úr í sinni grein og eflt samband og skiln-
ing á milli Bandaríkjanna og Norðurland-
anna. Verðlaunin voru að þessu sinni af-
hent af hinum kunna danska spéfugli Vict-
or Borge en hann hlaut verðlaunin sjálfur
árið 1988.
Louisa sagði í samtali við Morgunblaðið
að henni hefði komið það mjög á óvart að
hún skyldi hafa fengið verðlaunin. „Þetta
er mikil upphefð fyrir mig en mér þótti
það satt að segja dálítið einkennilegt að
þau skyldu gefa mér þessi verðlaun; mér
hafði aldrei dottið það í hug að ég ætti
eftir að fá svona verðlaun.“
Louisa er fædd í Reykjavík en nam list
sína í Kaupmannahöfn, París og New York
þar sem hún hefur verið búsett síðan árið
1943. Hún hefur þó ávallt verið í nánum
tengslum við Island en í verðlaunaskjalinu
er hún sögð vera „alþjóðlega þekktur list-
málari sem sækir myndefni sitt og inn-
blástur beggja vegna Atlandsála".
Louisa opnaði sýningu, sem fer um
Bandaríkin, fyrr á þessu ári í Miami. Sýn-
ingin verður í Washington í október en
síðan í Wilkes-Barre, Pennsylvaniu, New
York og Seattle. „Það eru bæði ný og eldri
verk á sýningunni. Hún er ekkert voðalega
stór en hún fer víða.“
Auk Louisu hlaut finnska skáld- og
myndlistarkonan, Tove Jansson, verðlaun
að þessu sinni en hún er kunnust fyrir
bækur sínar um Múmínálfana.
Sigurður Bragason
söngvari.
Hjálmur Sighvatsson
píanóleikari.
SIGURÐUR OG
HJÁLMUR MEÐ
TÓNLEIKA í
CARNEGIE HALL
SIGURÐUR Bragason söngvari og Hjálmur
Sighvatsson píanóleikari halda tónleika í
Carnegie Hall í New York annað kvöld,
sunnudagin 29. september kl. 20.30. Tónleik-
arnir verða í einleikssal hússins. Á efnis-
skránni verða verk eftir Jean Sibelius, Carl
Nielsen, Edvard Grieg, Pál ísólfsson, Sig-
valda Kaldalóns, Jón Leifs og fl.
Sigurður Bragason hefur haldið tónleika
á mörgum tónlistarhátíðum Evrópu og Amer-
íku. Hér heima hefur hann einnig sungið á
tónleikum og í uppfærslum á óperum og trú-
arlegum verkum.
Hjálmur hefur starfað sem píanóleikari í
Þýskalandi frá 1982. Hann hefur leikið á
tónieikum með fjölda söngvara víða í Evrópu
og Ameríku.
KVIKMYNDAHÁTÍÐ
REYKJAVÍKUR ENDURVAKIN
Dagana 24. október til 3. nóvember verður
Kvikmyndahátíð Reykjavíkur haldin en hún
var síðast haldin vorið 1993 í tengslum við
Listahátíð. Kvikmyndahátíðin, sem er sjálfs-
eignarstofnun, aðallega studd af ríki og borg,
hefur sett sér það markmið að um „árlega
hátíð verði að ræða og einn af merkari við-
burðum ársins," að sögn Guðrúnar Eddu
Þórhannesdóttur framkvæmdastjóra. í hátíð-
amefndinni eru Friðrik Þór Friðriksson, Böð-
var Bjarki Pétursson, Júlíus Kemp og Rand-
ver Þorláksson.
Um 40-50 kvikmyndir verða sýndar, allar
erlendar verðlaunamyndir. Nefna má Smoke,
Steeling Beauty, Dead Man, Small Faces og
Breaking Waves (hlaut Grand Prix í Cannes
1996). Norsk kvikmyndahátíð verður hluti
dagskrárinnar og kvikmyndaklúbbur starf-
ræktur. Ætlunin er að ná til sem flestra og
hafa kvikmyndahúsin öll lofað samvinnu í
því skyni.
Kaurismaki kemwr
Meðal þekktra gesta sem koma á hátíðina
eru finnski leikstjórinn Mika Kaurismaki,
annar hinna frægu bræðra, og bandaríski
leikstjórinn Hal Hartley. Tyrknesk kona, leik-
stjórinn Canan Gerede, mætir á hátíðina, en
hún er að fara að gera mynd um Sophiu
Hansen. Einnig er vonast til að fá sem fyrir-
lesara þekktasta kvikmyndagagnrýnanada
Breta, Derek Malcolm. Unnið er að því að
fá fleira þekkt fólk til Iiðs við Kvikmyndahá-
tíð Reykjavíkur.
NJÁLS SAGA Á FINNSKU
NJÁLS saga er nú í fyrsta sinn
komin út á finnsku í þýðingu Antti
Tuuri rithöfundar. Tuuri hefur áður
þýtt Egils sögu Skallagrímssonar
á finnsku. Meðal margra verka
hans er einnig ferðasaga frá fs-
landi - Suuri pieni maa (Stórt lítið
land). Frá því í byijun níunda ára-
tugarins hefur höfundurinn komið
til íslands ekki sjaldnar en einu
sinni á ári.
Þýðingu Njáls sögu á finnsku hefur verið
fagnað þar sem finnskum lesendum gefst nú
í fyrsta sinn kostur á að lesa eitt af stórvirkj-
um heimsbókmenntanna á eigin tungu.
„Þýðingin er mikið verk, afreks-
verk,“ segir gagnrýnandinn Aimo
Siltari sem skrifar í blaðið Savon
Sanomat sem út er gefið í Kuopio.
„Fyrir bragðið verður lesturinn
mikil og góð reynsla.
Sagan lýsir hringrás blóðhefnd-
arinnar sem engan enda tekur og
steypir heilum ættum, skyldmenn-
um og vinum í glötun.“ Að sögn
gagnrýnandans beinir bókin huga
lesandans að þeim ódæðisverkum sem unnin
hafa verið mitt á meðal okkar í Evrópu upp
á síðkastið. Formála finnsku Njálu-útgáfunn-
ar skrifar Njörður P. Njarðvík.
Antti Tuuri
MENNING/
LISTIR
í NÆSTU VIKU
MYNDLIST
Ásmundarsafn Mótunarárin í list Ásmundar
Sveinssonar.
Kjarvalsstaðir Sýn. á málverkum og skúlpt-
úrum eftir súrrealistann Matta frá Chile.
Sýn. á verkum Jóhannesar Sveinssonar
Kjarvals í austursal til 22. desember. Sýn. á
nýjum verkum eftir Guðrúnu Gunnarsdóttur
til 19. október.
Við Hamarinn Sigríður Ólafsdóttir sýnir til
13. október.
Gerðuberg Sjónþing Brynhildar Þorgeirs-
dóttur til 6. október.
Sjónarhóll Sýn. á verkum Brynhildar Þor-
geirsdóttir til 6. október.
Norræna húsið Ulla Fries sænskur grafík-
listamaður sýnir í anddyri Norræna hússins
til 29. september.
Gallerí Stöðlakot Maila María sýnir til 29.
september.
Ingólfsstræti 8 Hulda Hákon sýnir.
Listasafn Kópavogs Sýn. Síkvik veröld til
29. september.
Þjóðminjasafnið Sýning á silfri til septemb-
erloka.
Snegla Gluggasýn. á verkum Jónu Sigríðar
Jónsdóttur til 8. október.
Listakot Kynning á verkum þriggja lista-
kvenna; Dröfn Guðmundsdóttir, Jóhanna
Sveinsdóttir og Sveinbjörg Hallgrímsdóttir
til 28. september.
Gallerí Fold Tryggvi Ólafsson sýnir til 6.
október.
Gallerí Greip Karl Jóhann Jónsson sýnir til
6. október.
Gallerí Hornið Ólöf Oddgeirsdóttir sýnir til
9. október.
Nýlistasafnið Ólöf Nordal og Gunnar Karls-
son sýna tii 6. október.
Hafnarborg 26 félagsmenn sýna undir yf-
irskrftinni „Leir í lok aldar“ til 15. október.
Gallerí Sævars Karls Hólmfríður Sigvalda-
dóttir sýnir.
Sólon Islandus Guðjón Bjamason sýnir til
7. október.
Listhús 39 Yngvi Guðmundsson sýnir til 14.
október.
Önnur hæð Japanski listamaðurinn On Kaw-
ara sýnir.
Gallerí Úmbra Sýning á flókateppum; Ing-
unn Lára Brynjólfsdóttir, Sandra Laxdal og
Björg Pétursdóttir sýna.
Listasafn Siguijón Ólafssonar Yfirlitssýn-
ing á völdum verkum Siguijóns.
Galleríkeðjan - Sýnirými Sýnendur í sept-
ember: í sýniboxi: G.R. Lúðvfksson. í barmi:
Einar Garibaldi Eiríksson. Berandi er: Bruno
Muzzolini. í Hlust: Steingrímur E Krist-
mundsson.
Ljósmyndastöðin Myndás Björn Valdimars-
son sýnir til 18. október.
Listasetrið Kirkjuhvoli - Akranesi Ljós-
myndasýning Péturs Péturssonar til 6. októ-
ber.
Slunkaríki - ísafirði Ragnheiður Ragnars-
dóttir sýnir til 30. september.
Laugardagur 28. september
Fríður Sigurðardóttir sópran, Halla Soffía
Jónsdóttir sópran og Skúli Halldórsson tón-
skáld og píanóleikari verða með opna æfíngu
í Gerðubergi kl. 15.
Sunnudagur 29. september
Hátiðartónleikar í Hveragerðiskirkju á vegum
Tónlistarfélags Hveragerðis og Ölfuss og
KMjClkórs Hveragerðis og Kotstrandarsókna
LEIKLIST
Þjóðleikhúsið Nanna systir lau. 28. sept,
fim., lau.
í hvítu myrkri lau. 28. sept., fös., lau.
Kardimommubærinn sun. 29. sept.
Hamingjuránið fös. 4. okt.
Borgarleikhúsið Ef ég væri gullfiskur lau.
28. sept., fím.
Largo desolato lau. 28. sept.
BarPar á Leynibarnum fös.,-4.okt., lau.
Stone Free fös. 4. okt., lau.
Loftkastalinn Á sama tíina að ári sun. 29.
sept., fös.
Sirkus Skara Skrípó lau. 28. sept.
Sumar á Sýrlandi miðnætursýn. lau. 18. sept.
Skemmtihúsið Ormstunga sun. 29. sept.
Kaffileikhúsið Hinar kýrnar sun. 29. sept
kl. 16, fös. 4. okt.
Spænsk kvöld frums. lau. 5. okt.
Höfðaborgin „Gefin fyrir drama þessi
dama...“ eftir Megas lau. 28. sept., sun., fös.,
lau.
íslenska Ópcran Galdra-Loftur, ópera eftir
Jón Ásgeirsson lau. 28. sept.
Master Class fös. 4. okt.
Möguleikhúsið Furðuleikhúsið sýnir „Mjall-
hvíti og dvergana sjö“ sun. 29. sept. kl. 14.
KVIKMYNDIR
MÍR „Beitiskipið Potjomkin“ sun. 29. sept.
kl. 16.
Norræna húsið Sænsk teiknimynd fyrir börn
kl. 14: „Bambse och den lilia asnan".
Upplýsingar um listviðburði sem óskað er
eftir að birtar verði í þessum dálki verða að
hafa borist bréflega fyrir ki. 16 á miðviku-
dögum merktar: Morgunblaðið, Menning/list-
ir, Kringlunni 1, 103 Rvík. Myndsendir:
5691181.
2 LESBÓK MORGUNBLAÐSINS ~ MENNING/LISTIR 28. SEPTEMBER 1996