Lesbók Morgunblaðsins - 15.07.2000, Blaðsíða 5
ICELAN'DIC CUi-TURE SERHÍS
H( & SC 1t % !S
3rttF:co.\i\i
1
P§jr /. ; f t
WrSJ'
>1 & á
Kápumynd á Úrvali úr íslendingasögum í kínverskri þýðingu.
ISLENDINGA-
SÖGUR GEFN-
AR ÚT í KÍNA
Islendingasögurnar eru vafalaust merk-
asta framlag okkar til heimsbók-
menntanna og raunar framlag sem
óskiljanlegt er með öllu hvernig gat
komið frá því fámenna samfélagi sem
hér var á ritunartíma sagnanna. Hluta
af þessum menningararfi okkar hefur
nú verið komið á framfæri við fjölmenn-
ustu þjóð veraldar með því að nokkrar sagn-
anna hafa verið þýddar á kínversku og komið
út í Kína í tveimur bindum og hefur sýnilega
verið vandað til verka, meðal annars með því
að íslenzkir listamenn hafa myndlýst bækurn-
ar.
Hinn 16. maí sl. komu sjö Islendingasögur út
í Kína hjá forlagi Commmercial Press og alls
eru bindin tvö 1.140 blaðsíður og að sjálfsögu
með kínversku letri.
Fyrra bindið hefst með Vínlandssögunum,
Grænlendinga sögu og Eiríks sögu rauða og
stendur það val í tengslum við þúsund ára af-
mæli landafunda vestanhafs. Þýðandi þeirra er
Shi Qing’er. Aðrar sögur í þessu bindi eru
Vatnsdæla saga sem Jin Bing hefur þýtt og
Njála í þýðingu Zhou Jingxin.
í síðara bindinu eru Laxdæla i þýðingu Shi
Qing’er, Egils saga í þýðingu Lin Hua og
Gunnlaugs saga ormstungu í þýðingu Chen
Wenrong.
A minnisblaði frá íslenzka sendiráðinu í
Kína segir að ekki séu nema um þrjú misseri
síðan hafizt var handa við útgáfuna, en sam-
staríið við Commercial Press, eitt elzta og virt-
asta bókaforlag í Kína, hafi allt verið hið
Þorgerður Sigurðardóttir:
Mynd í Vatnsdælasögu.
ánægjulegasta. Umsjónarmaður með útgáf-
unni af hendi forlagsins var Bao Jingjing.
Við útkomu bókanna var hátíðleg athöfn
sem sendiráðið og Commercial Press stóðu
Valgerður Bergsdóttir: Mynd í Eiríks sögu.
Guðjón Ketilsson: Mynd í Egils sögu.
saman að á Beijing International Hotel í hjarta
borgarinnar. Þar voru um hundrað gestir, þar
á meðal Chen Haosu, varaforseti kínverska
vináttufélagsins við erlend ríki og háttsettir
embættismenn úr utanríkis- og menningar-
málaráðuneyti, fulltrúar norrænu sendiráð-
anna, bókmenntagagnrýnendur og fjölmiðla-
fólk.
Sendiherra íslands, Ólafur Egilsson, flutti
ávarp, en einnig Yang Deyan, framkvæmda-
stjóri Commercial Press, Vésteinn Ólason, for-
stöðumaður Árnastofnunar, og frú Shi Qing’er,
sem forlagið réð sem aðalritstjóra verksins.
Ræddu þau um sögurnar og skyld efni. Þótti
vera hátíðarblær yfir athöfninni og ríkti
ánægja með útkomu bókanna.
Á eftir var gestum boðið til kvöldverðar og
voru á veggjum salarins innrammaðar 28
teikningar, sem sex íslenzkir myndlistarmenn
unnu í sögurnar.
Upplag bókanna í byrjun er 5.000 eintök og
er þeim dreift í Kína, svo og í nokkrum öðrum
löndum þar sem margt er um kínverskumæl-
andi fólk.
Kápumyndin er þekkt lýsing úr íslenzku
handriti ásamt broti úr texta, og bókarheitið á
kínversku. Undir því stendur á ensku: Ice-
landic Sagas - A selection, eða: íslendingasög-
ur - úrval. Innan á kápu og saurblaði er teikn-
ing af flota víkingaskipa, en sú gerð
víkingaskipa er okkur ókunn, bæði fyrir gífur-
leg skjaldarmerki á seglunum og einkanlega
fyrir hús með kínversku pagóðuþaki, aftast á
skipinu. Formálsorð í útgáfuna rita ÓÍafur Eg-
ilsson sendiherra og aðalritstjórinn, frú Shi
Qing’er. Auk þess samdi Vésteinn Ólason ítar-
legan, almennan inngang ásamt kynningu á
hverri einstakri sögu.
Til lítils er fyrir okkur flest að glugga í text-
ann, en annað mál er með myndlýsingarnar og
má segja um þær, að þar hafi afar misjafnlega
til tekizt. Þessir listamenn eru Ásta Ólafsdótt-
ir, sem hefur teiknað í Laxdælu, Guðjón Ket-
ilsson í Eglu, Helga Armanns í Gunnlaugs
Guójón Ketilsson: Mynd í Egils sögu.
Jón Axel Björnsson: Mynd í Njálu.
Ásta Ólafsdóttir: Mynd í Laxdælu.
Helga Ármanns: Mynd í Gunnlaugssögu
ormstungu.
sögu ormstungu, Jón Axel Björnsson í Njáls
sögu, Valgerður í Eiríks sögu og Grænlend-
inga sögu og Þorgerður Sigurðardóttir i
Vatnsdæla sögu.
GfSLI SIGURÐSSON
ÁGÚSTÍNA
JÓNSDÓTTIR
ARFUR
Milda barnshönd
gríptu fast um
fíngurminn
gæddu mig æsku þinni
innst í hjarta mínu
liggur erfðadjásn
úr glæstri framtíð
festi það um háls þér
Birtuna sækirðu
í nafn mitt
Ef á þigfellur
álagaskuggi
skaltu minnast mín
í sólskini
SNILLINGUR
Björt ljóðganga
á þungri vetrartíð
blærinn spinnur rökkrinu
sterkan feigðarvef
við sjötta ljóð
látinn tónsnillingur
úr ómerktri gröf
helgar sjöunda ljóðinu
sögu sína af kynlegri hlýju
leikur af fíngrum fram
í blindu ljóði
Höfundur er Ijóðskóld og kennari
í Reykjavík.
AÐALHEIÐUR
JÓNATANSDÓTTIR
SUMARSÓL-
STÖÐUR
Þú ert eins og fagur glitrandi
óskasteinn
sem flýtur á vatnsborðinu
á Jónsmessunótt
Sú sem nær að grípa þennan
stein
áður en dagar
og hann hverfur í djúpið
verður hamingjusöm
til eilífðarnóns.
í VEIÐIHUG
Éggóniáþig
gírugum freðsjónum
eins og veiðihundur
í viðbragðsstöðu
tilbúin að stökkva á bráðina
ef hún skyldi falla
þó ekki til að færa hana
eigandanum
heldur til að njóta hennar sjálf
Höfundur er húsmóðir í Reykjavík.
ÞÓRARINN
GUÐMUNDSSON
HORFTTIL
NJÁLU
I rökkur ónuminna djúpa
smýgur ljósþunguð hugsun -
syngjandi spjót slá örlagavef
þjáninga og þrekvirkja.
Draumi vafðir blossa logaryfír
vanamörk
- yfir efaslóð -
þar er myrkrið rautt ogglóðin
litverp.
Þungir eru hrynstafir hjartna.
Skærgeisli lyftir þrúgandi þögn
- blikar til lífgöngu -
nemur ókunnar strandir -
nemur fjarlendur.
Lífsstorka daganna byltist
og brotnar. -
Rofna skýjaklakkar við skært
ljós -
brennir það hugarrökkrið
og bindur geislalíni gráföl
móðutjöld.
Geysist bjartfætt valkyrja
djúpra þungra örlaga -
faðmar lönd - fangar hugsýnir
- lífgar - lifír.
SUÐ-
RÆNA
Svo ung milli fjalla
fer andheit suðræn nótt
- grið físki -
glampa blá lón
- grið fugli -
um sönghverfan skóg
- grið manni -
er himinn húmblár
og hugur frjór
falla í kyrrðarfang.
ILMUR
Þegar raddir víðáttunnar
eru eins ognýslegið gras
á sólskinsmorgni
nærilmurinn alla leið
til hjartans.
Það dillar sér eins og
bjöllukólfur
við morgunmessu.
Allir logar verða að báli
í reykelsi gróandans
oghiminn minn verður
fagurgrænn
af kynþokkahreifum
ilmi dagsins.
Höfundur býr ó Akureyri og hefur gefið út
sex Ijóðabækur. Sú síðasta, Myndir dag-
anna, kom út ó þessu óri.
4 LESBÓK MORGUNBLAÐSINS - MENNING/USTIR 15. JÚLÍ 2000
LESBÓK MORGUNBLAÐSINS - MENNING/LISTIR 15. JÚLÍ 2000 5